SHËNDETËSIA KRAH PËR KRAHË - Bkk-bv-gesundheit.de

Nëse jeni i pakënaqur me mjekun apo nuk i besoni atij, keni të drejtë në çdo kohë
që të shkoni tek një tjetër. Megjithatë këtë gjë nuk duhet ta bëni shpesh. Sepse çdo
mjek duhet t’ju njohë nga e para dhe gjithashtu ju atë. Përveç kësaj gjatë ndërrimeve
të shpeshta të mjekëve ndodhin shpesh kontrolle të dyfishta, të cilat mund të kenë
pasoja për shëndetin tuaj (p.sh tek radiografitë).
Përgatitja për vizitën mjekësore
Para se të shkoni tek mjeku, mund të përgatiteni për vizitën mjekësore. Mund të vëzhgoni
veten me saktësi dhe të shënoni shqetësimet tuaja. Shënoni se çfarë ilaç merrni
në këtë kohë dhe nëse së fundi keni qënë diku tjetër për mjekim. Ju mund të shënoni
edhe pyetjet që doni t’i bëni mjekut. Nëse nuk flisni aq mirë gjermanisht, ju ofrohet të
merrni dikë si përkthyes me vete. Arka për Sigurim Shëndetësor nuk mund të marrë
përsipër shpenzimet e përkthimit në një vizitë mjeksore. Ju keni sigurisht të drejtë
të shoqëroheni tek mjeku prej anëtarëve të familjes apo miqve, të cilët kuptojnë më
mirë gjermanisht. Në shumë qytete ka regjistra ku janë shënuar mjekët me njohuritë
e gjuhëve të huaja apo personeli me shumë gjuhë.
Më mirë është të lini përpara një orar me telefon tek mjeku juaj. Kështu do të shmangni
orët e gjata të pritjeve. Nëse ju nevojitet një orar, sepse tani jeni i sëmurë akut
dhe jeni keq, duhet ta thoni këtë gjë në telefon. Atëherë do të merrni më shpejt një
orar. Natyrisht mund të shkoni pa orar tek orët e konsultimit tek mjeku, por në këtë
rast duhet të llogaritni që duhet të prismi për një kohë të gjatë.
19