SHËNDETËSIA KRAH PËR KRAHË - Bkk-bv-gesundheit.de

Gjatë operimit anestezoheni me një narkozë. Narkoza mund të anestezojë vetëm një
pjesë të trupit (narkozë lokale) apo t’ju vërë në një gjum të thellë. (narkozë e plotë).
Për narkozën përgjigjet anestezisti. Ai do të bisedojë më përpara me ju për narkozën.
Nëse keni frikë nga narkoza apo shqetësoheni, thuajani atij këtë gjë. Ai mund të zvogëlojë
shpresojmë ankthet tuaja, duke jua sqaruar gjithçka.
Nëse operoheni ambulantorisht dhe më pas lejoheni menjëherë të shkoni në shtëpi,
është e rëndësishme, që të dini me saktësi, si të përgatiteni për operacionin dhe se si
duhet të silleni më pas. Për suksesin e operimit dhe shërimin vijues është e nevojshme,
që t’i keni kuptuar të gjitha udhëzimet me saktësi dhe t’u përmbaheni atyre.
Kjo gjë vlen edhe për udhëzimet, të cilat ju i merrni para operimit stacionar. Vini re
afatin se që prej kur nuk duhet të hani më gjë apo nuk duhet të pini. Është tepër e
rëndësishme, që t’i përmbaheni kësaj, përndryshe mund të ketë komplikacione të
rënda.
Nëse pas operimit keni dhimbje të forta, duhet të informoni mejnjëherë personelin e
klinikës.
E përditshmja në spital.
Në spital mjekët dhe personeli ndihmës përpiqen për të dalluar sëmundjet, për t’i
shëruar, për të ruajtuar keqësimet e tyre, për të zvogëluar shqetësimet nga këto
sëmundje apo për t’i ndihmuar gjatë lindjeve. Përveç kësaj kujdeset për strehimin
dhe kujdesin ndaj tyre.
35