SHËNDETËSIA KRAH PËR KRAHË - Bkk-bv-gesundheit.de

7. Çfarë bëhet në rast urgjence?
Një rast urgjence është çdo sëmundje apo plagosje, e cila është
aq e rëndë, sa ka nevojë menjëherë për një mjekim mjekësor.
Mund të jetë një temperaturë e lartë, thyerje këmbe, hemoragji
të forta, rast mungese frymëmarrjeje, një helmim apo edhe një
humbje e papritur ndjenjash.
Në situatat, të cilat i konsideroni si të domosdoshme për jetesën,
duhet të thërrisni menjëherë një ambulancë. Atëherë pacienti
dërgohet sa më shpejt të jetë e mundur në spital, e kur është
e nevojshme, mjekohet atje. Edhe me plagosjet e tjera, si p.sh
thyerje kockash apo plagosje koke, nuk duhet të bëhet shaka.
Edhe në këtë rast pacienti duhet të dërgohet në spital.
Numri telefonik i urgjencës për të
gjithë Gjermaninë është 112.
Më mirë ngjisni një letër me këtë numër në telefonin tuaj, sepse
në panik e harron atë ndoshta shumë shpejt. Në telefon duhet
të përpiqeni të qëndroni qetë. Nëse përhapni panik, nuk do të
ndihmonit askënd. Sqaroni me qetësi dhe qartësi, se ku ndodhet
pacienti, çfarë ka ndodhur dhe se si është gjendja e tij. Dëgjoni
vetë me vëmendje dhe përgjigjuni pyetjeve eventuale aq mirë
sa të mundeni.
Nëse ju apo fëmija juaj jeni sëmurë, mund të shkoni tek pediatri
apo tek mjeku i shtëpisë. Nëse nuk jeni në gjendje për këtë gjë,
lutuni atij për një vizitë në shtëpi.
41