SHËNDETËSIA KRAH PËR KRAHË - Bkk-bv-gesundheit.de

Një rast tjetër i veçantë mund të jetë trajtimi i sëmundjeve tek të punësuarit. Nëse
është e rrezikuar një veprimtari profesionale në vazhdimësi, mund të merren masat e
nevojshme edhe prej zyrave të tjera.
Në siguracionin shëndetësor shtetëror vlen si parim bazë solidariteti. Kuotat varen
nga shuma e të ardhurave në punë dhe përcaktohen sipas asaj nëse dikush ka
familje, është femër apo mashkull, i moshuar apo ndoshta shpesh i sëmurë. Pra
paguan ai, i cili fiton më shumë tek siguracioni shëndetësor sesa ai që fiton më pak.
Në këtë sistem angazhohen të rinjtë për të moshuarit, ata që rrisin vetëm një fëmijë
për familjet, dhe ata që janë të shëndetshëm, për të sëmurët. Megjithatë të gjithë
pretendojnë për shërbime të njëjta.
Kush është i siguruar me ligj për shëndetin?
Këtu bëhet dallimi midis atyre që janë të detyruar për t’u siguruar dhe atyre që
sigurohen vullnetarisht. Ata që janë të detyruar për t’u siguruar, janë normalisht
punëmarrësit, ata që po mësojnë një zanat, të papunët, studentët, pensionistët,
artistët dhe publicistët. Pjesëtarët e familjeve të tyre mund të bashkësigurohen falas,
nëse nuk keni apo keni vetëm të ardhura vetjake shumë të vogla (350 apo me një
punë të pakët 400 euro në muaj, gjendja e 2006-s). Fëmijët janë të siguruar deri në
një moshë të caktuar të bashkësiguruar. Kufiri i moshës varet edhe nga ajo nëse
ata janë ende në shkollë. Fëmijët me një të metë janë të bashkësiguruar pa kufizim
moshe, në rastin kur ata nuk mund të mbajnë veten për shkak të gjymtimit të tyre.
Punëmarrësit, të cilët fitojnë bruto më shumë se 47.250 euro në vit (gjendja 2006) dhe
ata që jetojnë të pavarur, mund të sigurohen vullnetarisht në siguracionet shtetërore
apo private. Se çfarë është një siguracion shëndetësor privat, do të sqarohet në
kapitullin “Siguracioni shëndetësor privat”.
9