DITURIA

More documents

Recommendations

Info

Bahtir Latifi U MBAJT KUVENDI THEMELUES I SHOQATËS SË SHKRIMTARËVE, KRIJUESËVE DHE ARTISTËVE SHQIPTARË NË SUEDI Në Förslöv të Suedisë sot më 26 nëntor për herë të parë hapet Shoqata e Shkrimtarëve, Krijuesve dhe Artistëve të Shqiptarëve në Suedi. Kjo iniciativë është marrë fal disa disa shkrimtarëve dhe krijueseve shqiptar që jetojnë dhe veprojnë në Suedi që një kohë të gjatë. Shtetet Skandinave njihen si të suksesshme në veprimtarin kulturore të Shkrimtarëve skandinav këtu, andaj qysh prej kohësh edhe shqiptarët u bënë pjesë e sukseseve të mëdha në këtë veprimtari kulturore.Andaj si zakonisht që shqiptarët dinë dhe munden të jenë pjesë e Evropës në shumë aspekte jetësore kësaj radhe një numër nga të tillët që merren me krijimtari kulturore shqiptare filluan edhe këtë iniciativë që do të jetë një veprim historik. Pra një ditë historike dhe me vlerë për të gjithë shqiptarët ku do që janë. Krijues të shumtë nga kultura shqiptare me vlera të mëdha shoqërore. Kjo tregon dhe dëshmon se ku do që jem, ku do që veprojmë dimë, mundemi dhe ja dalim me vullnet, dashamirësi mes njëri-tjetrit dhe punë të pa lodhshme.Kuvendi i parë i kësaj shoqate u mbajt në Förslöv në mesin e shumë bashkatdhetarëve krijues shqiptarë. Në këtë kuvend morën pjesë, shkrimtar, krijues, artist të ndryshëm nga kultura shqiptare. Të gjithëve u buzëqeshte fytyra për një bashkim të tillë mes veti dhe me shpresë të madhe duke i pritur sukseset në të ardhmen nga kjo shoqatë pra SHSHKASHS-së e para dhe historike ne këto treva. Po ashtu mos harrojmë ta përmendim se në këtë kuvendë morri pjesë edhe deputeti shqiptarë në Parlamentin e Suedez Adnan Dibrani i cili përshëndeti punën e këtij kuvendi. Pra ishte kuvendi i parë ku u mblodhën më shumë se kurrë ndonjëherë bashkatdhetarët krijues në Suedi me botime dhe shkrime nga më të ndryshmet që ata kishin krijuar.Fjalën përshëndetës në këtë kuvendë e bëri Rrahman Rrahmani, ndërkaq hapjen e kuvendit e bëri shkrimtari ynë i madh dhe i njohur për diasporën zotri Sadulla Zendeli (Daja), njëri nga aktivistët më të vjetër në këtë kuvend. Ai përshëndeti nismën e kësaj pasurie shqiptare duke i falënderuar të gjithë ata që dhanë idenë dhe ishin të vullnetshëm të fillojnë një iniciativë të tillë që i shërben të gjithë kombit shqiptarë ku do që janë ata. Më pas vazhduan fjalën përshëndetëse dhe falënderuese edhe shumë të tjerë që ishin të pranishëm në sallë. Kuvendi vazhdoj rrjedhën e tij sipas agjendës së përgatitur nga themeluesit për të bërë përzgjedhjen e kryesisë e më pas të kryetarit dhe anëtarëve të tjerë të shoqatës.Në këtë kuvend u zgjodhën anëtarë të kryesisë së kuvendit e më pas me pëlqimin e kuvendit duke u votuar me vota të hapura u zgjodh kryetar i ri dhe i parë I SHSHAKSHSsë Ibrahim Hyseni i cili ishte edhe koordinator i kësaj nisme. Kuvendi zgjodhi:Kryesin e kuvendit,Kryetarin,Nënkryetarët ,Komisionin mbikëqyrës,Komisionin për informim,Komisionin për redaktim,Komisionin për lektorim,Komisionin për ndarjen e çmimeve,Komisionin për promovimin e veprave Po ashtu edhe sekretarin dhe arkëtarin e shoqatës SHSHAKSHS-sëSipas kryetarit Hysen Ibrahimi kjo shoqatë me vetë faktin që janë tubuar të gjithë krijuesit shqiptarëështë e një rëndësie veçantë sepse u shpalosen shumë aktivitete të mira që ne kemi synim edhe botimin e disa librave ku do të jetë në formë enciklopedike për pasqyrimin e aktiviteteve të mërgimtarëve shqiptarë.Prandaj kjo shoqatë që u hapë sot, besoj se synimi i saj do të realizohet në përpikëri në kohën e ardhshme ku gjithmonë do të kemi një bashkëpunim dhe do të jemi të hapur me të gjithë ata që janë të vullnetit të mirë, po ashtu edhe gazetarët që do të japin një kontribut të mirë në të gjitha sferat e jetës.Hyseni vazhdon duke thë- 4 në se deri sot ka qenë vetëm punë individuale e krijueseve, por punë ekipore asnjëherë nuk kemi pasur deri më tani .Andaj duke parë që puna ekipore, kolektive do të jetë ma rezultat dhënëse në këtë drejtim ne kemi marrë iniciativën bashkërisht bashkë me këshillin iniciues i cili ka bërë një punë të madhe në këtë drejtim.Në fund të bisedës kryetari Ibrahim Hyseni thotë:ejani të punojmë, të bashkëpunojmë,bashkëveprojmë pa ngjyrime, pa religjione të ndryshme sepse shqiptarët pasqyrojnë historinë e kombit shqiptar të mërgatës shqiptare në Suedi por pse jo edhe për skandinavi. Një tjetër krijues Shyqri Gjurkaj thotë se unë e përshëndes këtë iniciativë meqenëse jetoj afër njëzetë vjet në Suedi,kam qenë pjesëmarrës i shumë aktiviteteve kulturore që kanë ndodh këtu dhe për mua është kultura arma ma e madhe në një shoqëri dhe ku kultura vlerësohet. Gjurkaj vazhdon duke thënë se kjo iniciativë më gëzon për faktin se vetë krijuesit që kanë marr këtë iniciativë Kemi edhe shoqata të tjera por vlera e vërtet krijuese mundet të vlerësohet vetëm nga krijuesit, andaj për mua është themelore dhe kjo më ka shtyrë të jam këtu dhe ta mbështes këtë iniciativë me forcat e mija sa mundem shprehet ai . Edhe Rizah Shaqiri njëri nga krijuesit tonë më eminent thotë se kemi punuar shumë dhe jemi munduar të kemi takime me të gjithë shkrimtarët dhe krijuesit më herët por jo të organizuar në një shoqatë të këtij lloji. Andaj kjo është një nismë jashtëzakonisht e mirë, ku të gjithë kanë mundësi të mblidhen në një vend të koordinohen me punë të përbashkëta të arrin rezultate edhe më të mëdha .Shaqiri shton duke thënë se organizimi i kuvendit është i mirë dhe shpresoj se kjo shoqatë megjithatë do ta koordinoj zërin e përbashkët të krijueseve shqiptar dhe do të jetë një organ shumë ma i denjët në prezantimin e kulturës ,artit dhe të arriturave tona në këtë fushë.
ERDHI PËRSËRI FESTA E PAVARËSISË SONË KOMBËTARE!... Nga: Prof. Murat Gecaj publicist e studiues-Tiranë Në historinë mijëravjeçare të popujve, ngjarja më e shënuar e tyre është shpallja e pavarësisë ose data e formimit të shtetit të tyre. Secili vend, duke iu drejtuar historisë së vet, krenohet me të kaluarën dhe projekton të ardhmen e tij më të mirë. Një gjë të tillë e kemi bërë dhe e bëjmë edhe ne shqiptarët, pra vështrojmë në të kaluarën tonë, duke u përpjekur që e nesërmja e brezit të sotëm dhe brezave që vijnë pas të jetë plotësisht e lirë, sa më e begatë dhe më e lumtur. Siç dihet, jo vetëm nga të rriturit, por edhe nga nxënësit e shkollave tona, një pikë kulmore dhe kthesë e përjetshme në historinë tonë të re kombëtare, ishte data 28 Nëntor e vitit 1912, pra që u shënua 99 vjet më pare, në qytetin e Vlorës. Periudha e ndritur e Haroit tonë Kombëtar, Gjergj Kastriotit-Skenderbeut, u pasua me pushtimin e gjatë 500-vjeçar otoman. Por asnjëherë shqiptarët nuk e rreshtën kundërshtimin dhe as nuk e ndalën luftën e tyre për të qenë plotësisht të lirë e të pavarur. Kjo gjë u provua sidomos me kryengritjet e përgjithshme të viteve 1910-1912, që çuan në kurorëzimin e përpjekjeve të tyre, në Shpalljen e Pavërsësië sonë Kombëtare dhe formimin e shtetit të parë shqiptar. Ishin ndër bijtë më të mirë të popullit ata, që ai i dërgoi në Vlorë përfaqësues të vet dhe mbi supe u vuri barrën e rendë, por të lavdishme, pra të shpalljes së Shqipërisë, shtet i lirë dhe “i mosvarur”. Është shkruar e është folur shumë, në artikuj, studime e botime të ndryshme, gjatë këtyre 99 vjetëve, për misionin e lartë historik të 63 delegatëve të popullit shqiptar, pothuajse nga të gjitha trojet amtare e të mbledhur bashkërisht në Vlorë për të shpalosur të lirë Flamurin tonë Kombëtar. Të tubuar në atë Kuvend mbarëshqiptar, me plakun e mençur Ismail Qemali në krye, ata firmosën një akt të pashëmbullt historik, i cili e nisi vendin tonë drejt lirisë e pavarësisë. Vërtet edhe paskëtaj populli ynë përjetoi furtuna e dallgë të reja, shkaktuar nga shtete dashakeqe e shoviniste të Ballkanit e të Europës, por etja e shqiptarëve për lirinë dhe dinjitetin kombëtar nuk u shua asnjëherë. Nuk mund të përmenden këtu të gjitha ato vështirësi të panumërta, që janë kaluar historikisht, deri në ditët e sotme, por rëndësi ka që Shqipëria, më në fund, në fillimet e shekullit të ri XXI, po ecën e sigurtë në udhën e vendeve e shteteve të përparuara të Eurpoës, po synon të jetë një shtet e një vend sa më i lulëzuar dhe me përparim të gjithanshëm. Kështu, kjo festë e Pavarësisë dhe e Flamurit tonë kuqezi, që presim sivjet, e gjen vendin tonë pjesëtar të NATO-s dhe në prag të miratimit të ëndrrës sonë Përmenda më lart se janë botuar mjaft shkrime e libra, kushtuar shpalljes së Pavarësisë sonë Kombetare dhe firmëtarëve të nderuar e të paharruar të saj. Për saktësi, shënoj këtu se për lexuesin tonë, sidomos në vitet e shtetit monist, nuk ishin të njohur të gjithë emrat e delegatëve të popullit tonë, në Kuvendin e shpalljes së Pavarësisë sonë Kombëtare. Kjo ka ardhur nga politizimet e tejskajshme, në atë kohë, të mjaft figurave të ndritura të popullit tonë. Prandaj ishte e nevojshme që e vërteta historike, pra edhe delegatët në atë Kuvend, të bëheshin të njohur për brezat tanë. Një përpjekje serioze e të lavdërueshme, në këtë drejtim, bëri studiuesi vlonjat, që është dhe kolegu e miku im, Bardhosh Gaçe. Pas një pune të gjatë kërkimore e studimore, bazuar edhe në mjaft dokumente të kohës për të cilën flasim, ai publikoi librin “Ata, që shpallën Pavarësinë Kombëtare”(Tiranë, 1997). Është një botim me mbi 300 faqe, ku përveç jetëshkrimit të shkurtër të të gjithë delegatëve të Kuvendit të Vlorës, aty ka edhe disa shkrime për atë ngjarje të bujshme, nga autorë të ndryshëm e shtypi i kohës. Po kështu, janë dhe dokumente arkivore, me rëndësi për të kuptuar më mire, se si u zhvilluan ngjarjet, jo vetëm ato ditë në Vlorë, por dhe më pas, aty e në gjithë Shqipërinë. Në hyrjen e këtij libri, me vlera të shumta, autori shkruan edhe këto radhë: “Kuvendi Kombëtar i Vlorës, u mblodh më 28 nëntor 1912, në qytetin e Vlorës, nën kryesinë e Ismail Bej Qemalit, këtij personaliteti të shquar të politikës dhe diplomacisë shqiptare. Ai i zhvilloi punimet e veta deri më 7 dhjetor 1912. Në këtë Kuvend historic, morën pjesë përfaqësues nga shumë treva të vendit tonë, nga Shkdora, Rrafshi i Dukagjinit, Kosova, Dibra, Ohri e Struga, Çamëria, Janina dhe vise të tjera shqiptare, që kishin qenë vatra të rendësihme të Lëvizjes Kombëtare Shqiptare, në luftën e armatosur për liri e pavarësi”. Duke e shfletuar këtë libër, në faqet e para flitet për jetën dhe veprimtarinë e kryetarit të shtetit të parë shqiptar, “Heroit të Popullit” Ismail Qemali. Më pas, faqe pas faqeje, janë fotografitë e tyre dhe njihemi me të dhëna jetëshkrimore për delegatët e atij Kuvendi mbarëkombëtar. Këtu dëshiroj të ndalem vetëm në disa emra të atyre delegatëve athetarë, që nuk kursyen energjitë e tyre, mendore as fizike, që të çeleshin shkollat e para shqipe dhe arsimi, kultura, letërsisa e shkenca shqiptare të shënonin hapat e parë dhe të zhvillohehsin sa më shpejt, duke sfiduar dhe vështirësitë e kohës. Kryearsimdashësi ynë ishte “Heroi i Popullit” e “Mësuesi i Popullit” Luigj Gurakuqi, i cili u ngarkua me detyrën e lartë të Ministrit të Arsimit, në Qeverinë e dalë nga ai Kuvend. Pastaj, përmendim me radhë, Vehbi Dibrën, i cili në Kongresin e Manastirit i mbështeti Dervish Himën e Nikollë Kaçorrin dhe alfabetin e gjuhë shqipe me shkronja latine. Një tjetër delegat në Vlorë ishte Dhimitër Berati, i cili në vitin 1907 u kthye nga Rumania, ku ishte emigrant dhe në Korçë dha mësimin e gjuhës shqipe e ishte drejtor i shkollës së mbrëmjes. Një ndihmesë të 5 madhe për shkollën shqipe në Elbasan dëshmuan edhe Dervish bej Biçaku e Hajdar Blloshmi. Ndërsa delegati tjetër, mësuesi Elmaz Boce ishte ndër nismëtarët e krijimit të klubit atdhetar e kluturor “Drita”, në Gjirokastër. Për përhapjen e arsimit shqip dhe të ndjenjave kombëtare punuan pa u lodhur edhe Shefqet Daiu e Rexhep Demi, ky i fundit sidomos në shkollën shqipe të Filatit. Në vitet 1909-1910, bashkë me Babë Dudë Karbumarën, Sulo Resulin e Aleksandër Xhuvanin, një ndihmesë të çmuar për përhapjen e arsimit shqip në Berat, dha Qemal Elbasani, gjithashtu delegat në Kuvendin e Vlorës. Pasi shërbeu, më 1909, drejtor i shkollës shqipe “Dituria” në Korçë, Thanas Floqi hapi një shkollë në gjuhën amtare në Cakran të Fierit. I njohur për veprimtaritë e tij atdhetare e arsimore ishte edhe Mit’hat Frashëri, i cili mori pjesë e u dallua me veprimtarinë e tij në Kongresin e Manastirit, në Kongresin e Elbasanit etj. Përkrah dashamirësve të shquar të arsimit në gjuhën amtare, ishin edhe “Mësuesi i Popullit” Sali Gjukë Dukagjini e atdhetari i njohur Bedri Pejani, të cilët i mësuan me alfanetin shqip nxënësit e Normales e Gjimnazit të Shkupit. I pari, ishte ndihmës i L.Gurakuqit në Qeverinë e Vlorës dhe më pas u caktua drejtor i arsimit për qarkun e Beratit. Aty, ra në sy puna e madhe e tij për hapjen e Normales e të disa shkollave shqipe, në atë krahinë. Por nuk mund të lemë pa përmendur këtu për ndihmesën e dhënë në fushën e arsimit tonë kombëtar as “Mësuesit e Popullit” Jani Minga e Babë Dudë Karbunara, Hasan Prishtinën, Rexhep Mitrovicën e disa të tjerë. Gjithashtu, ata e bashkuan zërin e tyre të fuqishëm me delegatët e tjerë në atë Kuvend, për shpalljen e Pavarësisë dhe futjen e arsimit shqip në udhë të mbarë. I kërkoj të falura lexuesit të këtyre radhëve, që në këtë shkrim nuk mund t’i përmend me emër të gjithë delegatët e Vlorës, sidomos ata që iu përkushtuan me punën, dijet e djersën e tyre arsimit kombëtar shqiptar, por dhe shtypit, letërsisë e shkencës sonë. Prandaj, në këtë përvjetor të shënuar të 99-të të Kuvendit historik të Vlorës, të Ditës së Flamurit tonë Kombëtar, ne përulemi me respekt të thellë para kujtimet, veprës e sakrificave të panumërta të delegatëve, që i çoi aty populli përfaqësues të vet e me dëshirën e tij, si dhe të gjithë atdhetarëve, të penës e të pushkës, të cilët u sakrifikuan që Shqipëria jonë e dashur të lulëzonte e të përparonte. Tiranë, 23 nëntor 2011
Page 1 and 2: QKSH “Migjeni” Revistë mujore
Page 3: ndryshme muzikore. diçka Ju jeni n
Page 7 and 8: Nga Arsim Halili Intervistë me poe
Page 9 and 10: FAQJA E POEZISË Josiba Osamni TY T
Page 11 and 12: Anjeza Sakaj Hasime Hoti Gentiana Z
Page 13 and 14: Kadrije Menqi Shfletoj ditarin...
Page 15 and 16: F A Q J A E P O E Z I S Ë P Ë R F
Page 17 and 18: T R E G I M I P Ë R M Ë TË VEGJ
Page 19 and 20: ANEKDOTAT SHQIPTARE Anekdotat, kët

DITURIA

Create successful ePaper yourself

Delete template?

Save as template?