You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Gentiana Zagoridha<br />
Ka disa njerëz në këtë jetë që u mungon guximi<br />
ose më mirë të them kanë vetëbesim të ulët dhe<br />
kështu nuk u mbetet gjë tjetër veçse të kënaqen<br />
me pak. Por në jetë vjen një ditë kur ti ke nevojë<br />
të vlerësohesh,të tregosh se ç’farë je në gjendje<br />
me të vërtetë të përcjellësh tek të tjerët.<br />
Dhe tenton.<br />
Mbyll sytë dhe nuk mendon asgjë.<br />
I bie një dere.<br />
Dhe kur ajo të hapet, ti e befasuar mendon: -Kaq<br />
e thjeshtë ishte!<br />
Jo!<br />
Nuk është kaq e thjeshtë.<br />
Por kaq të thjeshtë ta bëjnë njerëz me zemër<br />
të madhe, njerëz largpamës, njerëz që e dinë<br />
ç’është e bukura në shpirt dhe madje kanë aftësi<br />
të veçanta që të ndjejnë që larg magjinë që mund<br />
të dhurojë bashkëpunimi me njerëz të sinqertë,<br />
punëtor e korrekt.<br />
Ky njeri është Sokol Demaku, njeriu që vazhdimisht<br />
eksploron, asnjëherë nuk dorëzohet para<br />
çdo lloj vështirësie që i del përpara, por që me<br />
dinjitet përpiqet ta kapërcejë.<br />
Kjo pjesë e karakterit të tij shpaloset bindshëm<br />
tek vëllimi i tij i fundit me poezi “Lundra ime”.<br />
Tek lexon vargjet e tij të krijohet tek ty përfytyrimi<br />
i një njeriu sa ambicioz për jetën po aq<br />
dhe me shpirt të ndjeshëm poetik që nuk rresht<br />
Kopertina e librit<br />
së kërkuari dashurinë e vërtetë, atë dashuri që<br />
e lakmojnë të gjithë, dashurinë e pastër dhe të<br />
sinqertë. Në shumë prej poezive të tij duket<br />
sikur e ka gjetur atë që kërkon dhe i këndon<br />
me shumë pasion, i drejtpërdrejtë e mbi të<br />
gjitha me ndjenja të sinqerta. Mund të veçoj<br />
këtu poezitë:”Buzëqeshja”, “Lule vere”, “Do<br />
të takoj këtu”, “Një natë”, Ëndrra mahnitëse”,<br />
“E dashur”, “Lulja e dashurisë”, “Ti”, e sa e sa<br />
poezi të tjera të cilat ju ftoj ti zbuloni vetë. Ka<br />
momente që poeti duket i pasigurt në ndjenjat e<br />
tij, pasi nuk merr atë që kërkon nga dashuria e tij<br />
e sinqertë dhe nëpërmjet vargjeve të transmeton<br />
dhe ty si lexues, një ndjenjë gjithëpërfshirëse në<br />
botën e tij. Të bën ta respektosh, të bashkohesh<br />
me dhimbjen e vargut të tij e madje dhe të qash<br />
bashkë me të, se kështu e ka jeta. Ndjenjat e<br />
vërteta asnjëherë nuk triumfojnë. Është mirë që<br />
ndonjëherë ato të mos shprehen, të ruhen diku<br />
në fshehtësinë e detit siç shprehet autori, se po<br />
dolën në sipërfaqe ato humbin në detin e pafund<br />
dhe magjia e tyre fillon e zbehet gradualisht.<br />
Ka poezi të tjera që na shprehin pasigurinë e<br />
autorit,”frikën”e tij të vazhdueshme që të mos<br />
mbetet vetëm në këtë botë të mjerë. Frikë që<br />
ekziston tek çdo kush por që poeti me mjeshtëri<br />
“MËSUES, NJIHE NXËNËSIN TËND” UNË GJEJË RASTIN TË FALENDEROJ<br />
MËSUESIN TIM, TË MADHIN SOKOL DEMAKU<br />
Një herë e një kohë isha dhe unë “poete”, jo poete e mirëfilltë, pasi unë isha një e dashuruar si të gjithë adoleshentët,<br />
dhe nuk krijoja unë, por krijonte dashuria.<br />
Kalonin vitet dhe poezitë e mia mbetën të kyçura në kasafortën e kujtimeve. Aty ato ndiheshin të sigurta, të<br />
mbrojtura, a thua se kush do ti sulmonte.<br />
në e tij artistike ia personifikon vetes së tij. Atij<br />
i duhet patjetër një njeri fisnik pranë vetes, dhe<br />
këtij njeriu i bën thirrje të forta për të mos u<br />
larguar. Duket sikur ai e ka gjetur këtë njeri, por<br />
se nuk mundet dot ta mbajë pranë vetes, pasi ai<br />
nuk e kupton siç duhet, nuk ia kupton ndjenjat,<br />
sinqeritetin e dashurinë e tij dhe kjo gjë e bën<br />
poetin “të klithë”,”të rënkojë” për këtë realitet të<br />
mjerë. Por do të vijë dita që ky njeri ta kuptojë<br />
dhe ti qëndrojë pranë poetit, të paktën shpirtërisht<br />
ashtu siç ai e dëshiron. Çdo gjë e sinqertë<br />
ka shpërblimin e vet në këtë jetë. Ky mesazh<br />
shprehet qartë në vargjet:”E di se më adhuron,<br />
e ndjej këtë në zemër, sa shumë dashuron”, tek<br />
poezia “Lule vere”.<br />
Edhe në vëllimin me proza “Sa e këndshme<br />
është jeta” që vetë titulli të intrigon, të jep<br />
shpresë dhe optimizëm për jetën. Autori të fton<br />
që dhe ti, sado pesimist të jesh ta shohësh jetën<br />
jo vetëm në anët e errëta të saj, por të përpiqesh<br />
të zbulosh dhe të kapësh bukuritë e saj, të cilat<br />
në të vërtetë ekzistojnë por që ne shpesh nuk<br />
duam ti shikojmë, pasi ne shpeshherë nuk jemi<br />
vetvetja,pasi ne shpeshherë udhëhiqemi nga<br />
ndjenjat e të tjerëve që sundojnë mbi ne. Dhe kur<br />
6<br />
ti gjen forcën ti largosh ato nga vetvetja,vetëm<br />
atëherë, ti je në gjendje të shijosh bukuritë e<br />
vërteta që mbart jeta. Ai të fton të tentosh,të<br />
mos jesh skllav i tyre, që ato të mundin por<br />
ti mbizotërosh dhe kështu ti mund të kthesh<br />
optimizmin tek vetja. Bukur dhe plot ndjenjë e<br />
përshkruan autori dashurinë e vërtetë tek proza<br />
“O,sa gjallëri ka jeta”. Një përjetim i mbushur<br />
me plot figura letrare që përcjellin tek ty një<br />
përkëdhelje ndjenje që gjithkush do ta kishte zili.<br />
Lum sykaltra që autori ka pasur në mendje, dhe<br />
është frymëzuar nga ajo, duke arritur kështu të<br />
krijojë një prozë kaq të ndjerë. Por dhe prozat e<br />
tjera nuk qëndrojnë më pas sidomos ato që flasin<br />
për atdhetarizmin, bashkatdhetarët në mërgim,<br />
përjetimet e luftës etj. Gjëja më e spikatur dhe<br />
më me vlerë për mendimin tim në këtë libër<br />
dhe që nuk rri dot pa e përmendur është ideja<br />
shumë e mençur e autorit ajo e gërshetimit të<br />
fjalëve të urta popullore në fillim të çdo proze<br />
me mesazhin e vetë prozës. Kjo mendoj unë i ka<br />
dhënë autorit vlerën e një filozofi të ndritur duke<br />
përcjellë idenë se të dish do të thotë të rimendosh<br />
idetë e fshehura të cilat janë të pranishme edhe<br />
pse të pazbuluara. Autori ka zgjedhur si mënyrë<br />
komunikimi me lexuesin bashkëbisedimin, pasi<br />
atë e sheh si parakusht shumë të rëndësishëm<br />
për konceptimit të mendimit dhe të transferimit<br />
të tij nga vetja tek lexuesi. Personalisht do ta<br />
krahasoja autorin me Aristotelin filozofin e madh<br />
të realizmit, parimet e të cilit fillojnë me objektet<br />
konkrete dhe përfundojnë me koncepte abstrakte<br />
gjë që ia rrit edhe më shumë vlerat librit, e bën<br />
më tërheqës dhe madje dhe me plot filozofi<br />
brenda tij. Në këtë libër të jepet mundësia të<br />
njohësh Sokolin e vërtetë, karakterin e këtij njeriu<br />
sa të thjeshtë dhe të madh njëkohësisht. Në të<br />
përcillet mesazhi se: Në përputhje me zgjedhjet<br />
që ne i bëjmë njerëzve ne njëkohësisht<br />
përfaqësojmë identitetin tonë. Sipas zgjedhjeve<br />
më të rëndësishme ose jo të rëndësishme e cila<br />
është individuale, mendimet shprehin përkufizimin<br />
e vetvetes. Duke u nisur nga thënia e Zhan<br />
Zhak Rusos: ”Mësues, njihe nxënësin tënd” unë<br />
gjej rastin të falënderoj mësuesin tim,të madhin<br />
Sokol Demakun i cili zbuloi tek unë një pjesë<br />
të fshehur të vetëdijes sime. Ishte ai që zbuloi<br />
dhe besoi në aftësitë e mia. Më mësoi të ec me<br />
këmbët e mia në një botë, ku çdo kund të shkel<br />
këmba vetëm “mina” dhe në çdo sekondë je i rrezikuar,<br />
por që me guxim mund ti kapërcesh dhe<br />
të ecësh përpara pa frikë dhe të ndihesh i lirë.<br />
FALEMINERIT NGA ZEMRA!