(San Francisco County School Services) MGA ESPESYAL NA ...

Mga Serbisyo sa Eskuwelahan ng San Francisco County
(San Francisco County School Services)
MGA ESPESYAL NA PROGRAMA AT SERBISYO
BUOD NG MGA KARAPATAN SA PAGTATASA NG MGA MAGULANG/TAGAPAG -ALAGA SA
ILALIM NG PAMPUBLIKONG BATAS (PUBLIC LAW) 94 -142
May karapatan ang mga magulang/tagapag -alaga na sumali sa pagbibigay ng impormasyon at sa
pagdedesisyon tungkol sa edukasyon ng kanilang mga anak. Binubuod ng mga sumusunod na
impormasyon ang mga karapatan ng mga magulang/tagapag -alaga tungkol sa proseso ng espesy al na
edukasyon para sa kanilang anak.
KARAPATANG MAKATANGGAP NG PABATID
Karapatang makatanggap ng nakasulat na
pabatid bago magsagawa o magrekomenda ang
sistema ng eskuwelahan ng anumang aksiyon na
maaaring magpabago sa programa ng
eskuwelahan ng inyong anak; karapatang
makatanggap ng nakasulat na pabatid kung
tumatanggi ang eskuwelahan na magsagawa ng
aksiyon upang baguhin ang programa ng inyong
anak; karapatang matanggap ang nakasulat na
pabatid sa tubong lengguwahe ng mga magulang
o pangunahing paraan ng komunikasyon;
karapatan na ilarawan ng pabatid nang buo at
ipaliwanag ang iminungkahing aksiyon, kabilang
ang paglalarawan sa mga opsiyon na isinaalang -
alang at isang pagpapaliwanag kung bakit ang
ibang mga opsiyon ay tinanggihan; karapatang
masabihan kung anong impormasyon ang
gagamitin bilang batayan ng mga iminungkahing
aksiyon.
MGA REKORD
Karapatang inspeksiyunin, repasuhin at gumawa
ng kopya ng mga rekord; karapatang masabihan
sa kinaroroonan ng mga rekord; karapatang
makatanggap ng paliwanag at a ng nilalaman ng
mga rekord; karapatang humingi ng
pagpapanibago ng anumang rekord na hindi
wasto o nakalilinlang; karapatan sa isang
pagdinig kung tumanggi ang distrito ng
eskuwelahan na gumawa ng pagpapanibago.
PAGKAKUMPIDENSYAL NG IMPORMASYON
Karapatang ipagkait ang pahintulot para sa
pagsisiwalat ng mga rekord; karapatang
masabihan bago sirain ang impormasyon na
personal na pagkakakilanlan sa mga file ng bata;
karapatang masabihan tungkol sa mga tao kung
kanino isiniwalat ang impormasyon.
PAGTATASA (ASSESSMENT) SA KALUSUGAN
NG PAG-IISIP SA ILALIM NG AB3632
May karapatan kayo sa isang indibidwal na
pagtatasa o assessment (ebalwasyon) sa inyong
anak upang malaman ang kanyang pagiging
karapat-dapat para sa mga serbisyo sa
kalusugan sa pag-iisip na kinakailangan para sa
kanyang edukasyon. Iniuutos ng mga batas
pederal at estado na ang pagtatasa
(assessment) at ang pagtitipon upang malaman
ang pagiging karapat-dapat ay maisagawa sa
loob ng 50 araw pagkatapos matanggap ang
nakasulat na pahintulot ng magulang u pang
tasahin (assess). May karapatan kayong matasa
(assess) ang inyong anak ng kwalipikadong
propesyunal sa kalusugan sa pag -iisip gamit ang
mga proseso ng pagtatasa (assessment) at mga
materyal na hindi nagdudulot ng diskriminasyon
pagdating sa lahi, kultura at kasarian, at upang
maisagawa ang pagtatasa (assessment) sa
unang lengguwahe ng bata o ibang paraan ng
komunikasyon, maliban kung malinaw na hindi
maaaring gawin ito. Walang iisang proseso o
eksaminasyon ang gagamitin bilang tanging
batayan sa pagpapasiya sa pagiging karapatdapat
o ang naaangkop na programa sa
kalusugan sa pag-iisip. May karapatan kayong
makatanggap ng kopya ng mga natuklasan ng
pagtatasa at ang karapatang makatanggap ng
ebalwasyon-muli (re -evaluation) tuwing tatlong
taon o mas madalas kung ipinapahintulot ng mga
kondisyon o kung ang magulang o guro ng bata
ang hihingi ng pagtatasa.
INDEPENDIYENTENG PAGTATASA
(ASSESSMENT)
Karapatan sa independiyenteng pagtatasa sa
edukasyon; karapatang masabihan kung saan at
paano makakakuha ng indep endiyenteng
pagtatasa; karapatang pabayaran sa distrito ng
eskuwelahan ang mga pagtatasa kung hindi
naaangkop ang direktang pagtatasa ng distrito;
karapatang maisaalang-alang ang impormasyong
ito sa pagbuo ng IEP.
PINAKAMALUWAG NA KAPALIGIRAN
Karapatang makisali sa pagbuo ng isang
Individual Education Program na tumutugon sa
mga pangangailangan ng bata; karapatang
mabigyan ng edukasyon ang mga batang may -
kapansanan kasama ang mga batang walang -
kapansanang nang abot sa hangganang
naaangkop; karapatan matang gal ang mga maykapansanang
mga bata mula sa regular na
kapaligiran ng edukasyon kapag lamang ang
mga karagdagang mga tulong at serbisyo ay
nasubukan na at natuklasang hindi sapat;
karapatan sa ilang alternatibo ng paglalagak

(continuum of alternative plac ements); karapatan
sa mga paglalagak (placements) sa regular na
paaralang pinapasukan ng bata maliban kung
kinakailangan ng Individualized Education Plan
ang ibang pagkakaayos; karapatan ng batang
may-kapansanan na makilahok sa mga batang
walang-kapansanan sa di-akademik at mga
serbisyong ekstra-kurikular at mga gawain kapag
naangkop.
PAGDINIG
Karapatang humiling ng walang -kinikilingang
makatarungang pagdinig, kuwestiyunin ang
anumang desisyon kaugnay ng pagkilala,
pagtatasa, paglalagak (placement), o pagb ibigay
ng libre at naaangkop na pampublikong
edukasyon ng inyong anak; karapatang
masabihan tungkol sa anumang libre o murang
legal at iba pang nakahandang mga serbisyo;
karapatang isagawa ang pagdinig ng taong
itinalaga ng Opisina ng mga Administratibong
Pagdinig ng Estado (State Office of
Administrative Hearings); karapatang
masamahan at mapayuhan ng tagapayo
(counsel) at mga indibidwal na may espesyal na
kaalaman o pagsasanay pagdating sa mga
problema ng mga batang may -kapansanan;
karapatang naroon ang b ata; karapatang
maghayag ng ebidensiya at harapin, usisain
(cross-examine), at pilitin ang pagpunta ng mga
testigo; karapatang pagbawalan ang
introduksiyon ng anumang ebidensiya na hindi pa
naisisiwalat nang hindi bababa sa limang araw
bago ang pagdinig; karatapang makakuha ng
mga nakasulat na natuklasang mga katotohanan
at mga desisyon sa loob ng 45 araw pagkatapos
matanggap ng distrito ng eskuwelahan ang
unang hiling para sa pagdinig; karapatang
humingi ng makatarungang pagdinig ng
Departamento ng Edukasyon sa Estado (State
Department of Education) kung di -sumasangayon
sa mga resulta ng lokal na pagdinig;
karapatan sa pagdinig at apela na
nagpapahintulot sa pasalita o pasulat na
pangangatwiran sa oras na maluwag at lugar na
madaling puntahan ng magulang; karapatang
manatili ang bata sa kasalukuyang pang -
edukasyong pagkakalagak (educational
placement) habang isinasagawa ang mga
administratibong paglilitis, maliban kung may
ibang mapagkasunduan ang magulang at
eskuwelahan.