sat - Albas

numri 7 i revistës “GRUPsat”, shtator 2011 

faqe 

Përmbajtja 

Revistë e përmuajshme për fëmijë 

200 lekë / 2 euro 

2 

4 

8 

13 

14 

16 

22 

26 

30 

34 

38 

44 

46 

49 

53 

62 

bla-bla-bla 

3... 2... 1... start 

Busulla na drejton për në ... 

Face painting 

Albumi veror i grupsave 

Filloi shkolla 

kavaleti 

... sa ne 

+ + ... sa mirë që kemi 

VITAMINA + DR. LUZIN 

Kur të rritem... 

Pyet Semin&Enin 

Inspektor Tini 

Loja filloi 

horoskopi 

i 

SOFIT 

Mirë se vini në xhungël ! 

Tercina 

Revistë e përmuajshme 

Botim i Albas Group 

Ideuan dhe realizuan rubrikat: 

Semela MERO 

Sofiana FILIPI 

Ines POSHNJARI 

Kryeredaktore: 

Rudina ÇUPI 

Redaktore: 

Sevi LAMI 

Bashkëpunëtorë: 

Mirela TËROVA 

Xhemazije RIZVANI 

Marsela BEBA 

Ares FILTO 

Grafika: 

Ledia KOSTANDINI 

Eva KUKALESHI 

Fotograf: 

Albert Cmeta 

Sport 

Mbreti i 

POP-it 

...edhe 

lojëra, 

kuriozitete 

Tenis me përmasa “Mini” 

1 vit shkollor 

fantastik 

e-mail: 

revistagrupsat.albas@gmail.com 

facebook: GRUPsat ALBAS 

nr.7 

Departamenti i marketingut 

Në Shqipëri: 

Semela MERO 

Edvina DEDE 

Në Maqedoni: 

Driton AJRULLAI 

Në Kosovë: 

Besir ZYBERI 

Shtator 

2011 

Anja takon stilsten 

Anila Zajmi 

Si 

Moda 

“Splash” 

A flenë 

delfinët 

© Albas, Tiranë 2011 

Albas Group 

Në Tiranë: Rr. Budi, Pall. 

“Classic Construction”, zyra nr. 2 

Tel/Fax: ++ 355 4 2379184 

e-mail: albas_tr@yahoo.com 

Në Tetovë: Rr.Ilindenit, nr.105 

Tel: 044 344047 

e-mail: albas_te@yahoo.com 

Në Prishtinë: Rr.Eqrem Çabej, nr.121 

Tel: 038 545139 

e-mail: albas_pr@yahoo.com 

Shtypur në shtypshkronjën: 

GRUP-sat • 1

Bla 

Bla 

Sa ngjyrë të bukur kam marrë ketë verë: çokollatë të zezë! Po, 

këto syzet e reja sa më shkojnë! Uaaa, regjia qenkemi në linjë 

direkt! Përshëndetje grupsa! Më falni, por u hutova duke parë 

formën e shkëlqyer të gazetares më të shkathët të të gjitha 

kohërave! Sot jam shumë energjike dhe e dini pse Sepse është 

dita ime e parë e punës pas pushimeve. Mos është edhe për 

ju dita e parë e shkollës Nga unë Urdi, suksese dhe një vit 

shkollor sa më të mbarë! Regjia po ma bën me shenjë të filloj 

pa humbur kohë me lajmet! 

Internet në orbitë 

E dëgjon regjia Internet në hapësirë! Tani kudo që 

shkojmë ka internet, madje dhe në hapësirë! Sa qejf kam të 

shkoj ndonjëherë e të bëj një emision lajmesh drejtpërdrejt 

nga hapësira. Me siguri do ta transmetoj në internet! 

Në hapësirë asnjë nuk mund të të dëgjojë kur bërtet. Prandaj 

shkencëtarët kanë menduar për një mënyrë të re komunikimi: 

internetin! Ky shërbim është duke u testuar dhe së shpejti 

do të bëhet i mundur për vizitorët e hapësirës. Megjithatë, 

është shumë e vështirë të mbahet lidhja në hapësirë, prandaj 

shpejtësia e internetit ndërplanetar nuk do të jetë e madhe. 

Super-ditëlindje për 

SUPERMARION! 

Personazhi i njohur i video-lojërave, Super Mario, më 13 shtator feston ditëlindjen e tij të 25-të. Shitjet tregojnë 

se Mario me prejardhje italiano-amerikane ka fituar më shumë sesa Harry Potter e Mickey Mouse, shkruan 

gazeta britanike “The Telegraph”. Kjo video-lojë e Nintendos është më e madhja. Mario është paraqitur në 

mbi 200 lojëra, siç janë “Mario Kart”, “Mario Tennis”, “Paper Mario” apo “Super Mario RPG”. Ai ka qenë edhe 

yll i emisioneve të shumta televizive, filmave, revistave e reklamave. Atë e ka dizajnuar në vitin 1985 japonezi 

Shigeru Miyamoto. Tani Mario është edhe më i madh se ne… 

Vajza e grimit, të lutem një shami, pasi lajmi i radhës më preku shumë dhe nuk dua të më prishet 

tualeti! Eh... sa kohë kanë kaluar që kur luaja “Super Mario” në kompjuter, isha grupse sa ju! 

2 • GRUP-sat

Shpiket pelerina “që të 

bën të padukshëm” 

Çfarë thonë këta, regjia 

Të padukshëm Kushedi 

sa qejf është! 

Më në fund u shpik edhe pelerina 

e padukshmërisë, një strukturë 

trepërmasore. Ajo është e përbëre nga 

materiale të reja në gjendje për të kontrolluar 

dritën. Pelerina ka ketë aftësi me të cilën mund 

të bëjë të padukshëm çdo lloj objekti. Meritat e 

këtij zbulimi i takojnë Institutit të Teknologjisë 

së Karlsruhes. Ky institut e ka përdorur 

pelerinën për të bërë të padukshëm një objekt 

mbi një sipërfaqe të artë. 

Sa do doja dhe unë të 

sfidoja fuqitë e mia dhe 

të kapja qiejt... ashtu 

siç ka bërë kompania e 

formueseve LEGO! A nuk 

do t’ju pëlqente edhe ju 

grupsa 

Bla 

Regjia, dua të bëj një 

përshëndetje, më 

lejohet Jo!! Epo unë 

do ta bëj përshëndetjen 

gjithsesi! Falënderoj 

Emili Shkëmbin që më 

ndihmoi të përgatis 

lajmet për rubrikën e këtij 

numri! Tani, le të kalojmë 

pa humbur kohë në 

parashikimin e motit! 

LEGO arrin qiejt 

Sa LEGO mendoni se duhet për të krijuar një kullë të 

lartë sa një qiellgërvishtës Mund të themi me përafërsi 

gati gjysmë milioni! 5 mijë fëmijë bashkë me punonjësit 

e LEGO-s (kompania më e njohur e lojërave formuese 

në të gjithë botën) kanë krijuar një kullë 30 metra të 

lartë në rrethinat e Oslos, në Norvegji. Me anë të disa 

shufrash hekuri të veçanta kjo strukturë nuk rrezikon 

të bjerë. Imagjinoni se sa fëmijë norvegjezë do të 

mblidhnin formuese sikur kulla të shembej 

Nëpërmjet pjesëve formuese të veçanta u krijuan tulla 

prej LEGO, të cilat u përdorën për krijimin e kullës. 

Parashikimi i motit 

Grupsa të dashur, edhe pse ju e keni mbushur çantën plot me libra dhe stina e 

verës i la vendin vjeshtës... kjo nuk do të thotë që Dielli ka filluar pushimet. Ai do 

të qëndrojë bashkë me ne edhe këtë muaj. Por, siç është traditë, ditën e parë 

të shkollës mund të na vizitoi Shiu, prandaj mos harroni çadrën dhe trikon me 

vete. Këtë muaj termometri nuk do të rrezikojë të plasë si muajt e kaluar, pasi 

temperaturat do të ulen ndjeshëm. Mos harroni se më 22 shtator dita dhe nata 

barazohen dhe, pas kësaj date, nata do të zgjatet më shumë... kjo përbën një lajm 

të mirë për të gjithë gjumashët... më shumë orë për të fjetur! 


Më në fund grupsa, u takuam! Si ndiheni tani që filloi shkolla dhe 

pushimet mbaruan Unë, të them të drejtën, doja të flija, por ç’ti 

bësh Stelës... erdhi poshtë shtëpisë sime dhe bërtiste “Andi, 

Andi. Bëjmë një garë kush shkon i pari në klasë”. Ju e dini si 

jam unë po dëgjova fjalën GARË… 

A e merrni me mend se kush e fitoi garën Stela Andi Jo, jo... asnjëri! Sepse sa 

arritëm te dera e shkollës vumë re se të gjithë ishin futur brenda. Nxituam për në klasë, 

kur sa hapim derën, mësuesja tha: “Mirë Andi, po ti Stela përse me kaq vonesë”. Të 

gjithë qeshën. Pastaj vazhdoi: “Unë i drejtova klasës një pyetje: “Si i kaluat pushimet e 

verës” dhe, meqë askush nuk kishte dëshirë të përgjigjej, si thoni sikur të na flasë Andi”. 

U ngrita në këmbë dhe fillova: “Mësuese Tasha, kjo verë ka qenë fantastike, kam shëtitur 

dhe kam luajtur aq shumë, sa ju nuk e merrni me mend. 3 muajt e verës ndenja tek 

kushërinjtë e mi në Vlorë. Ata kanë shtëpi private me një oborr të madh, ku çdo mbrëmje 

luanim futboll, basketboll apo dhe volejboll. Por, a e dini cila më tërhoqi më shumë 

Tavolina e pingpongut...”. 

Sot në botë numërohen 

rreth 300 milion lojtarë 

pingpongu. A e dini ju 

se pingpongu ndryshe 

quhet tenis-tavoline 

PINGPONG - sporti 

Tenis Tavoline 

Pingpongu u krijua para një shekulli si një alternativë për të luajtur edhe në dimër tenis, pasi ky i fundit luhet vetëm 

në mjedise të hapura. Topat e pingpongut ishin prej gome dhe raketat prej druri. A e imagjinoni dot se ku luhej Mbi 

tavolinën e bukës! Por ju mos e provoni: e para sepse do t’ju bërtasë mami dhe e dyta: sepse sot pingpongu luhet 

në tavolina që janë krijuar pikërisht për këtë lojë. Në vitet 1900 u realizuan shumë shpikje, njëra prej të cilave ishte 

zëvendësimi i topave të gomës me ato prej celuloidi, të cilët janë shumë herë me të lehtë, si dhe vendosja e një 

shtrese gome në raketat prej druri. 


3... 2... 1... 

start 

Sekreti i suksesit 

Është një sport që mund të luhet nga të gjithë dhe mjafton të keni 

vetëm disa topa, dy raketa dhe sigurisht tavolinën. Ky sport mund të 

luhet në mjedise të mbyllura, por dhe të hapura. Të gjithë mund të 

fitojnë, është një nga sportet që nuk njeh moshë. Dikush ka thënë 

që tenisi i tavolinës është sikur të luash shah... kërkon disiplinë, 

përqendrim dhe shpejtësi. Ashtu si shumë sporte të tjera për të cilat 

kemi folur, edhe pingpongu është pjesë e Lojërave Olimpike. 

që luhet nga të gjithë 


Jo thjesht lojtar pingpongu por 

KAMPIONË TË VEGJËL 

Pingpongu është i vetmi 

sport në botë, ku një vajzë 

e vogël mund të sfidojë një 

të rritur dhe të fitojë. 

Ka ndodhur në Japoni, vogëlushja 

9-vjeçare Miu Hirano ka marrë pjesë 

në një kampionat për të rritur dhe është 

ndeshur kundër një 44-vjeçar! Kur ishte 

8 vjeçe, u shfaq përherë të parë në një 

kampionat të tillë duke fituar. Ëndrra e saj 

më e madhe është të marrë pjesë në Lojërat 

Olimpike dhe të fitojë një medalje. Para saj 

një tjetër vajzë 10-vjeçare, ka marrë pjesë në 

këtë kampionat. Ajo quhej Ai Fukuhara. Po në 

Shqipëri 

Mbajtja e raketës 

Ky sport praktikohet dhe në 

vendin tonë, por jo aq shumë sa 

një vajzë e vogël të bëhet pjesë 

e një kampionati. Më tepër sesa 

një sport, pingpongu konsiderohet 

nga shqiptarët si mundësi për t’u 

argëtuar dhe për të kaluar disa orë të 

këndshme. 

Lojtarët e pingpongut kanë ndjeshmëri të madhe në prekje. Prandaj është e rëndësishme të zgjedhin 

mënyrën e mbajtjes së raketës. 

MËNYRA ORIENTALE 

Raketa mbahet si një laps, ndërmjet gishtit 

tregues dhe atij të madh. 

MËNYRA PERËNDIMORE 

Raketa mbahet si të ishte një raketë tenisi në 

pëllëmbën e dorës. 

6 •• GRUP-sat

Koha për rregulla 

Loja mund të luhet ose njëshe (një me një) ose dyshe (dy me dy). Fusha është një tavolinë e ndarë 

në dy pjesë të njëjta nga një rrjetë. Topi është i përbërë nga celuloidi, ka një diametër 40 mm dhe peshon 2,7 gramë. 

Raketat janë prej druri dhe janë të veshura me një shtresë gome. Ato kanë yje, ashtu siç kanë dhe 

hotelet: raketat me një yll janë për versionin bazë (që praktikohet nga të gjithë) dhe ato me shtatë yje janë për lojtarët 

profesionistë. Çdo lojtar mund të gjejë raketën më të përshtatshme për të. 

Qëllimi i lojës 

është ta kalosh topin në fushën 

kundërshtare në mënyrë që lojtari mos 

ta kapë. Në dispozicion çdo lojtar ka 

dy hedhje (shërbime), më pas radha 

i takon kundërshtarit. Që shërbimi të 

quhet i vlefshëm, topi duhet fillimisht të prekë fushën tonë pastaj të kalojë në fushën kundërshtare. Loja vazhdon 

me hedhje e pritje të topit nga lojtarët, por asnjëherë duke e gjuajtur dy herë radhazi atë. Mund të humben pikë në 

rastin kur gabohet shërbimi, kur nuk arrihet të dërgohet topi në fushën kundërshtare vetëm me një gjuajtje, kur për 

ta kapur atë mbështetesh në tavolinë, kur e hedh jashtë tavolinës apo kur mundohesh ta kapësh me duar apo me 

çdo gjë tjetër që nuk është raketa. Një set përfundon kur keni bërë 11 pikë, me një avantazh prej të paktën dypikësh 

nga kundërshtari. Fiton lojën ai që ka fituar të paktën 3 sete nga 5 të tilla. 

GJATË KAMPIONATIT LOJTARËT MUND TË DËNOHEN KUR: 

SULMOJNË, HEDHIN RAKETËN, HUMBASIN KOHË, THONË 

FJALË TË PISTA DHE OFENDOJNË KUNDËRSHTARIN. 


Busulla 

na drejton 

për në plazh... 

Përshëndetje, grupsa! 

Më në fund u takuam sërish pas pushimeve të verës. 

Siç e dini tashmë mua më pëlqen të udhëtoj, të 

zbuloj vende dhe të takoj njerëz nga më të ndryshmit. 

Kjo është arsyeja pse këtë verë vendosa të shkoj 

jo në një... por në shumë plazhe të vendit tonë. Si 

eksplorues i mirë që jam, në valixhen time nuk mund 

të mungonte harta dhe, sigurisht, BUSULLA... që 

më drejtoi në këtë udhëtim përgjatë bregdetit. Ju 

me siguri e dini se Shqipëria laget nga dy dete: 

Adriatiku dhe Joni (siç quhem dhe unë), por, a e 

dini sa e gjatë është vija jonë bregdetare Jo 

Jua them unë, pasi kam e kam matur vetë: 

është 450 km. 

Ulqini 

Megjithëse tani është pjesë e Malit 

të Zi, qyteti i Ulqinit banohet më së 

shumti prej shqiptarëve, pasi dikur 

ishte pjesë e territorit shqiptar. Në 

verë ai vizitohet nga shumë turistë 

shqiptarë dhe të huaj, të cilët 

vlerësojnë bukurinë e këtij qyteti 

dhe plazhin e veçantë të tij. 

Velipo 

Ta-ra-ta-ta! Ju 

paraqes… plazhin e 

Velipojës! 

Velipoja është një qendër 

turistike mjaft e këndshme 

në Veri të Shqipërisë. Ajo 

është rreth 35 km larg qytetit 

të Shkodrës. Ka peizazh të 

larmishëm ku ndërthuren deti, 

plazhi, lumi, delta me ishujt, 

kodra, pylli, laguna, fusha 

etj. Velipoja është vendi më i 

përshtatshëm për të vrojtuar 

zogjtë e Adriatikut Lindor në 

dunat e rërës dhe pellgjet e 

cekëta të ujit. Ky plazh u ofron 

pushuesve mundësinë për 

të kaluar pushime në një vijë 

bregdetare me ujë të pastër 

dhe me rërë të imët, e cila prej 

banorëve quhet “rëra e dermanit”, 

pasi ka veti kurative. 

Liqeni i S 

E kush tha që nuk mund 

të bëjmë plazh edhe në 

liqen Në vendin tonë 

liqeni më i madh është ai 

i Shkodrës (madje është 

liqeni më i madh në të gjithë 

gadishullin e Ballkanit). 

Plazhet më të njohura 

shtrihen në rrugën nga 

Shkodra për në Shirokë e 

Zogaj, ku më i madhi është 

Zalli i bardhë. 


ja 

Sot Durrësi është një ndër plazhet më 

interesante dhe moderne, ku çdokush preferon të 

shkojë për të pushuar. Duket se kohët e fundit interesi 

ndaj Durrësit është rritur, sidomos nga shqiptarët jashtë 

kufirit, si kosovarët apo shqiptarët e Malit të Zi. Ajo çfarë të 

shtyn drejt Durrësit është edhe mundësia për t’u njohur historinë 

e këtij qyteti të lashtë, por për këtë do t’ju flas në një numër tjetër. 

Durrësi ofron një vijë të bollshme bregdetare me një numër të madh 

plazhesh, duke filluar me “Gjirin e Lalëzit”, “Currilat”, ”Plepat” e deri 

në Kavajë “Shkëmbi i Kavajës”, “Golem” e “Spille”. 

Tani busulla na drejton drejt e në ..... 

hkodrës 

Divjaka 

Durrës 

Shëngjini 

Shëngjini është qytezë turistike në qarkun e 

Lezhës në Veri-Perëndim të vendit tonë. Qyteti 

dallohet për portin e tij dhe për plazhin e gjerë që 

në verë mbushet me pushues. Shëngjini ndodhet 

rreth 7 km në perëndim të Lezhës dhe ka një 

popullsi prej 4000 banorë. 

Plazhi i Divjakës është një prej bukurive natyrore të ruajtura më mirë në Shqipëri. 

Deti është i cekët dhe është i shkëlqyer për motrën apo vëllanë e vogël që nuk di not. 

Plazhi i Divjakës ofron mundësi të shumta për sportet ujore dhe është i përshtatshëm 

për të gjithë që duan natyrën. Plazhi i Divjakës ka një shtrirje prej 15 km rëre të bardhë, 

e kufizuar nga pylli me pisha. Në pjesën veriore të tij ndodhen dunat e rërës. Një pjesë 

e sipërfaqes së pyllit me pisha është Park Kombëtar që prej vitit 1966. Ai kufizohet me 

toka bujqësore dhe nga laguna e Karavastasë, ku rritet Pelikani Kaçurrel, specia më e 

veçantë e zonës. Ekosistemi brenda pyllit është i shumëllojshëm. 


Shigjeta e busullës tregon JUG! 

Vlora, Radhima, Orikumi 

Bregdeti jugor i vendit tonë është ndër më të bukurit 

e Ballkanit. Qyteti i Vlorës laget nga deti Adriatik 

(deti Jon fillon fill pas gadishullit të Karaburunit) dhe 

ofron plazhe të mrekullueshme brenda qytetit dhe 

pranë tij: “Plazhi i ri e i vjetër”, “Uji i ftohtë”, “Kalaja”, 

“Radhima”, “Orikumi” e shumë të tjera. Sapo kalon 

qafën e Llogorasë, pamja që del përpara të lë pa 

fjalë. Mua kështu më ndodh sa herë që shkoj me 

pushime në Jug të vendit. Ju e dini që jam shumë i 

dhënë pas bukurive të vendit tonë. Këtu fillon edhe 

bregdeti jonian, shkëmbor me ujë më të kthjellët 

dhe më të ftohtë. 

Palasa 

Plazhi i Palasës ndodhet në 

faqen e Malit të Çikës. Është 

fshati i parë i bregut pasi 

kalon qafën e Llogarasë. 

Ka shtrirje mjaft të gjatë 

dhe shërben si vend pritjeje 

për sportistët që hidhen me 

parashutë që nga Qafa e 

Llogorasë. 


Dhërmiu 

Plazhi i Dhërmiut është nga më të bukurit e 

vendit tonë. Fshati ndodhet në shpat të malit, 

buzë rrugës automobilistike. Në Dhërmi gjendet 

”Shpella e Piratëve” që është bërë e famshme 

nga libri i Petro Markos dhe më pas nga filmi i 

Kinostudios “Shqipëria Sot” me të njëjtin titull. Ajo 

mund të arrihet nga deti dhe toka. Mendohet se 

në mesjetë piratët strehoheshin me anijet e tyre 

në këtë shpellë për t’u fshehur. 

Himara 

Mendohet se Himara ka një nga peizazhet më 

interesante, si dhe një port të vogël ku ankorohen 

varkat e peshkatarëve. Plazhet e Himarës janë me 

rërë, ndërsa ata përreth janë me gurë të vegjël. 

Jala 

Qeparoi 

Dallohet për ujin e ftohtë për shkak të burimeve 

që rrjedhin nga shkëmbinjtë aty pranë. Fshati i 

vjetër ndodhet lart në mal, ndërsa i riu në faqen 

e shkëmbinjve buzë detit. Për të arritur deri në 

plazh të duhet të zbrisni me qindra shkallë – me 

këtë rast bëni edhe pak fizkulturë! 

Borshi 

Fill mbas plazhit të Qeparoit vjen ai i Borshit, që 

dallohet për ujin e pastër dhe bukurinë e veçantë. 

Ky është plazhi më i gjatë i krahinës. Duke udhëtuar 

midis gjelbërimit mbërrijmë në shkallën e Stenoit, 

lagje e bukur e Borshit me shtëpi të shpërndara midis 

pemëve të portokajve dhe limonëve. Nuk duhet të lini 

pa parë ujëvarën e këtij fshati piktoresk. 


Saranda 

Pas rrugës së gjatë por me pamje të mahnitshme të 

bregdetit shqiptar, arrijmë më në fund në Sarandë. 

Qyteti i Sarandës më pëlqen shumë, sidomos shëtitorja 

kryesore buzë detit, për të cilën do t’ju flas më gjatë një 

herë tjetër. Një ndër plazhet më të bukura të këtij qyteti 

është “Ksamili”, me ujin e kulluar, plazhet me guriçka 

ose rërë të bardhë dhe me ishujt e tij që ndodhen fare 

pranë bregut, tek të cilët mund të shkoni me varkë ose 

not, gjithmonë të shoqëruar nga një i rritur. 

Ksamili 

MOS KUJTONI SE TANI MBARUAM. VËRTET! BREGDETI SHQIPTAR MBARON ME 

KAQ POOOOOR... NA KA MBETUR DHE NJË VEND TJETËR! 

Liqeni i Pogradecit 

Liqeni i Pogradecit ose ndryshe liqeni i Ohrit!! 

Mjaft shqiptarë e të huaj parapëlqejnë të kalojnë 

pushimet në brigjet e këtij liqeni, në qytetin e 

Pogradecit dhe fshatrat përreth tij (në anën 

shqiptare të liqenit) apo në Ohër e Strugë (në 

anën maqedonase të tij). 

Sa shumë vende 

vizituam këtë herë 

grupsa! Po pas këtij 

udhëtimi të gjatë, ku 

do të më drejtojë 

busulla Zbuloheni 

në numrin e tetorit. 


Face 

painting 

Materialet 

bojëra të posaçme 

për lëkurë 

sfungjer 

penela 

enë me ujë 

peceta 

Para se të filloni pikturën, kontrolloni fytyrën e fëmijës 

që të mos ketë puçrra, plagë apo vende të skuqura (të 

irrituara). 

Nuk ka nevojë për të vënë ndonjë krem para se të 

përdoren ngjyrat. 

Fytyra duhet të jetë e pastër dhe e thatë. Nëse flokët 

janë të gjatë, vendosni një rreth, që të mos ju pengojnë 

dhe të mos bëhen pis. 

Do të përpiqem të tregoj se si të pikturojmë hap pas 

hapi fytyrën. Duke e parë si veprohet, ti e ke të thjeshtë 

ta praktikosh edhe vetë te motra, vëllai, shoku apo 

shoqja jote apo edhe në fytyrën tënde. 

B si Buza..B si BLETA 

1. 

2. 

3. 

Të gjithë buzën e lyejmë me të verdhë. 

Pasi të jetë tharë boja e verdhë pikturojmë vija të 

zeza në buzën e poshtme dhe dy vija të zeza te 

buza e sipërme. 

Te buza e sipërme pikturojmë me te zezë edhe dy sytë e 

bletës dhe antenat. Në fund pikturojmë me krahët me të 

bardhë dhe të kaltër. 

1 

2. 

Arushi PANDA 

1. Për të bërë arushin Panda pikturojmë të gjithë buzën me 

të bardhë. 

Hapi tjetër është pikturimi me të zezë i syve, hundës e 

veshëve si në figurë. 

Kështu mund të veprohet edhe me pikturimin e kafshëve të tjera. 

Mos harroni, çdo herë që pikturoni buzët, fotografojini, që në fund 

të keni koleksionin tuaj të face painting-ut të buzëve!! 

Piktura hiqet me ujë edhe sapun. 


Albumi veror i 

Albumi 

grupsave 



Ju ndiheni shumë të gëzuar 

se gjëra të reja ju presin, por 

në të njëjtën kohë edhe pak të 

trishtuar, se pushimet mbaruan. 

Filloi 

shkolla 

pë 


Ka mjaft fëmijë që ditën e parë 

të shkollës janë nervozë ose të 

frikësuar për shkak të “gjërave të 

reja”: mësuese e re, shokët të rinj, 

shkollë e re. 

Por, fatmirësisht gjërat e reja janë 

edhe të bukura dhe gjithashtu 

e “reja” shumë shpejt bëhet 

e “vjetër”, tamam si xhinset 

që bleve vjet. Si thoni sikur të 

zbulojmë më shumë për fillimin e 

shkollës 

rsëri! 


Dita e parë 

Ra zilja! Të gjithë në klasë! Shumë mësuese e fillojnë orën e parë të mësimit duke bërë një prezantim 

të të gjitha lëndëve që do të bëni në këtë vit shkollor. Por ka edhe si mësuesja e Andit, e cila e fillon 

mësimin e ditës së parë me një bashkëbisedë, në të cilën nxënësit flasin apo tregojnë për pushimet e 

verës. 

Mësuesja gjithashtu flet për rregullat, detyrat dhe të drejtat që ka çdo nxënës. 

Bëni kujdes: rregullat janë rregulla (ashtu si dhe në lojëra), duhet t’i zbatoni! 

Nëse keni ndonjë pyetje, asnjëherë mos ngurroni të ngrini dorën dhe të 

pyesni… pasi vetëm kështu do të shpëtoni nga vërejtjet e mësues... Hahaha, 

bëj shaka! 

Ju mbase ditën e parë i njihni të gjithë shokët e klasës, sepse janë po ata që keni patur edhe vjet. 

Por për disa kjo ditë është një mundësi e veçantë për të njohur miq të rinj, prandaj një: “Ç’kemi!”, 

asnjëherë nuk prish punë. Bëjeni ju hapin e parë dhe do të shikoni se nga 100 miq do të bëhen 101! 

Nga fillorja, në 9 - vjeçare… 

Obobo!! 

Nuk ka asgjë për t’u shqetësuar: 

nëse po kaloni nga e klasa e 

pestë në të gjashtën “gjërat” 

s’do të ndryshojnë shumë. Klasa do 

të jetë po me banka, karrige, dërrasë, 

sërish pranë jush do të jetë një shok 

apo shoqe banke, pak grindavec, por 

me të cilin do të ndani shumë gjëra… 

Dhe, në fund, mësuesja, e cila nuk 

do të jetë më e njëjta nga ora e parë 

deri në të gjashtën, por do të keni 

mundësi ta ndërroni, tamam sikur keni 

telekomandën e televizorit dhe ndërroni 

programin. Sa bukuuuur! Mësuese sipas 

dëshirës! 


Ndihemi mirë ditën e parë 

Ndihemi mirë ditën e parë 

Ka disa fëmijë që ditën e parë të shkollës e kanë vërtet 

të parën. Ata në fillim janë pak të hutuar, pavarësisht 

përgatitjeve që kanë bërë në shtëpi. Ka të tjerë që 

ditën e parë të shkollës e kanë provuar çdo vit që 

nga hyrja e tyre në shkollë, por çdo herë ka të 

veçantat e saj, emocionet asnjëherë nuk janë të 

njëjta. Të gjithë fëmijët veprojnë me entuziazëm 

për të gjitha gjërat që bëhen në këtë ditë: duke 

nisur nga që nga veshja në mëngjes me rrobat 

e reja që i kanë blerë pikërisht për këtë ditë. 

Nuk mund t’i vishni dot, pasi keni uniformë 

Nuk ka problem! Kjo nuk do t’ju pengojë të 

shfaqeni ndryshe këtë ditë: vini orën tuaj të 

preferuar apo pritini flokët me një model të 

ri. Të takoheni me miqtë me të cilët keni 

gati tre muaj pa u parë, është një nga ato 

gjërat që e bëjnë edhe më të veçantë këtë 

ditë. Sa shumë gjëra keni për të dëgjuar prej 

tyre dhe për t’u treguar atyre! 

Të jesh i përgatitur në çdo situatë edhe kjo është një nga ato gjëra që të bën të ndihesh 

mirë. Kështu, për shembull, t’i kesh librat, fletoret, lapsat të gjitha në çantë që ditën e parë 

të ndihmon mos jesh në siklet kur mësuesja do të thotë: “Nxirrni librat dhe hapni faqen e parë”. 

Por krahas mjeteve të shkollës, mos harroni të merrni një pjesë të lekëve që ju ka dhënë gjyshja kur 

mori pensionin. Ato do t’ju nevojiten në rastin kur harroni të futni në çantë biskotat dhe frutat që ju dha 

mami për t’i ngrënë gjatë pushimit… apo më mirë akoma, për të blerë revistën tuaj të preferuar. 

Në çantën tuaj duhet të futni çdo gjë që ju nevojitet për pjesën e kohës që ju qëndroni e studioni në 

shkollë, kështu që është e rëndësishme ta bëni atë një ditë përpara. Në këtë mënyrë nuk do të harroni 

asgjë dhe do të niseni për në shkollë të qetë. Përgatiteni bashkë me mamin apo babin çantën e shkollës, 

por edhe kutinë ku keni futur bukën, frutat, biskotat edhe shishen e ujit që do të merrni me vete. 

Orientohu! 

Dita e parë e shkollës është një mundësi shumë e 

mirë për të parë se sa të aftë jeni për t’u orientuar me 

shkollën e re apo për të gjetur klasën e re në shkollën 

tuaj. Ka shumë gjëra për të mbajtur mend për një 

ditë. Ja pse një bllok shënimesh nuk do të ishte keq! 

Të mbani shënime do t’ju ndihmojë për të kujtuar 

gjërat e rëndësishme, si për shembull orarin e 

pushimit apo orën e fizkulturës. 


Fillim i keq 

Po nëse në fund të ditës e kuptoni që dita juaj e parë e 

shkollës nuk ju pëlqeu, si do të bëni Shumë mësues 

thonë se kjo është normale, por me kalimin e ditëve 

vajtja në shkollë kthehet në një rutinë (e zakonshme) 

dhe asgjë nuk duket më e re dhe ankthi largohet pak 

nga pak. Nëse ju vazhdoni të ndiheni keq edhe pse 

ka kaluar gati një muaj nga fillimi i shkollës, atëherë 

provoni të flisni me prindërit, mësuesen apo dhe një 

person tjetër që e doni shumë… ose, e fundit fare, 

dërgojini një letër Semit dhe Enit. 

Që viti 

shkollor 

të jetë 

fantastik: 

- Flini gjumë mirë, që të keni energji për ditën tjetër. 

- Hani ushqime të shëndetshme. 

- Përpiquni gjithmonë të jepni më të mirën. 

- Programoni orarin e mësimeve dhe atë të argëtimit 

dhe zbatojeni me përpikëri atë. 

- Nëse diçka nuk e kuptoni, atëherë bëni mirë të 

pyesni mësuesen. 

- Mos e harroni asnjëherë sensin e humorit “në 

shtëpi”, ai duhet edhe në shkollë. Pasi dhe në 

shkollë mund të bëni qejf. 


Koha për shopping 

JA DISA NGA MJETET SHKOLLORE QË NUK DUHET TË MUNGOJNË NË ÇANTAT 

APO TAVOLINAT E ÇDO NXËNËSI. 

1 Një fjalor shqip-shqip (ku tregohet kuptimi i fjalëve 

në gjuhën shqipe), por edhe në gjuhët e huaja që bëni në 

shkollë nuk do të ishte keq (mund t’i keni edhe elektronikë, 

d.m.th. programe qw instalohen nw kompjuter) 

4Një makinë llogaritëse (shumë prindër nuk dëshirojnë ta 

blejnë këtë, jo sepse kushton, por sepse duan që veprimet 

matematike t’i bëni me mend, në mënyrë që të shkathtësoheni. 

Ja pse ne do t’ju këshillonim ta përdornit makinën llogaritëse sa 

më pak të jetë e mundur! Sfidoni trurin tuaj dhe lëreni makinën 

llogaritëse për në 9-vjeçare!) 

Mendime të fëmijëve 

për shkollën: 

2Një enciklopedi (që t’ju ndihmojë për të mësuar apo 

dhe për të përforcuar njohuritë që keni marrë në shkollë). 

3Lapsa, fletore, bojëra, vizore (të gjitha mjetet 

kancelarike që do t’ju ndihmojnë për të realizuar detyrat). 

5Një kompjuter (sot kompjuteri është një mjet 

i rëndësishëm për të mësuar dhe për të kërkuar 

informacione; nëse prindërit tuaj kanë mundësi, mund 

t’i kërkoni t’ju blejnë një të tillë. Nëse jo, s’ka asgjë për 

t’u shqetësuar, pasi kompjuteri apo interneti janë mjetet 

zëvendësuese.. e dini se të kujt Të librit. Prandaj 

mjafton të kërkoni në bibliotekë dhe mund të gjeni me 

mijëra informacione që mund t’ju nevojiten në shkollë.) 

Të lexosh ato çfarë kanë shkruar të tjerët 

në bankë, të mëson shumë gjëra. 

Rezi,13 vjeçe 

Të gjithë gjërat e këqija që kam dëgjuar 

për algjebrën janë të vërteta. 

Erini, 14 vjeç 

Kur mësuesit arrijnë moshën 50 vjeç janë 

gjithmonë në humor të keq. 

Andia, 8 vjeçe 

Nëse do të rrish në shtëpi e mos të shkosh 

në shkollë, duhet të kalosh një kohë të 

gjatë në tualet. 

Kristi, 11 vjeç 

Tualeti i djemve vjen erë të keqe, ndërsa i 

vajzave jo. 

Devini, 10 vjeç 

Kur mësuesit janë të nxehur, nuk i mbyllin 

asnjëherë qepallat. 

Olsi, 12 vjeç 

Nëse nuk di se çfarë bën, pyet, para se ta 

prishësh punën fare. 

Marini, 14 vjeç 


Grupsa të dashur, shtatori erdhi dhe i nxehti po largohet ngadalë. Shkolla 

fillon dhe bashkë me të edhe detyrat e shtëpisë. Sidoqoftë, ju nuk duhet të mërziteni, pasi ky 

është momenti më i mirë për të krijuar diçka që t’ju argëtojë dhe ta kthejë shkollën në lojë. Unë 

jam menduar shumë dhe më në fund zgjodha: në këtë numër do të krijojmë “Lopën e gëzuar”. Ju 

do të thoni çfarë e lidh lopën me shkollën Mos u shqetësoni, lopa është 

mikesha, e cila do të jetë shumë e gëzuar të mbajë lapsat tuaj, pra ajo 

është një mbajtëse lapsash. 

kavaleti 

i S O F I T 

Para se të filloj me hapat që 

duhet të ndiqni për ta bërë atë, 

dua t’ju tregoj disa informacione 

interesante rreth lapsave të 

thjeshtë. 

- Më shumë se 14 bilion lapsa prodhohen 

në të gjithë botën çdo vit. Kjo sasi është 

e mjaftueshme për të rrethuar globin 62 

herë. 

- Një laps mund të vizatojë një vizë 113 km 

të gjatë. 

- Lapsat, në të vërtetë, nuk përbëhen nga 

plumbi. Ngjyra gri vjen si pasojë e grafitit 

dhe baltës. 

- Lapsi është shpikur 400 vjet më parë, më 

1565. 

- Shkrimtari i falshëm Ernest Heminguej 

i ka shkruar romanet e tij duke përdorur 

laps. 

- Lapsat me gomë janë krijuar vetëm 100 

vjet më parë, pasi mësuesit e ndjenin 

se duhet t’i inkurajonin fëmijët të bënin 

gabime. 

- Për të krijuar një laps 10 centimetra 

të gjatë, një personi do t’i duhej të 

shpenzonte 

5000 lekë të 

reja materiale dhe 

shumë punë. 

- Një laps mesatar mund të 

prehet 17 herë dhe të shkruajë 

45000 fjalë. 

- Një pemë e zakonshme mund të 

shërbejë për prodhimin e 300000 

lapsave. 


Pasi mësuat më 

shumë rreth 

lapsave, pse të 

mos krijojmë 

një vend të 

lezetshëm për 

ta 

Si fillim na nevojitet: 

1. një vaskë kartoni ku mbahen frutat (të jetë prej kartoni, sepse prej plastike nuk mund të lyhet) 

2. kartonë të ndryshëm me ngjyrë të bardhë, rozë, bojë qielli dhe të zi 

3. pastele: të bardhë, rozë, të kuq, bojëqielli dhe blu të errët 

4. bojë jeshile akrilike 

5. biadeziv (ngjitës shirit që ngjit në të dyja anët) të trashë 

Pasi i morëm të 

gjitha, mund të 

fillojmë punën. 

hapi 1 

Çdo gjë ka përfunduar. Ju tani keni një mikeshë 

të re, e cila do t’ju shoqërojë këtë vit shkollor 

të ri. Unë ju uroj shumë suksese! 

Kujdes: Mos harroni të mbushni kutinë plot 

me lapsa! 

Lyejeni vaskën e kartonit me bojën jeshile 

dhe lëreni të thahet. 

hapi 2 

Në një karton të bardhë, vizatoni me laps 

ose pastel formën e lopës, ashtu si në 

figurë. I thoni ndonjë të rrrituri t’ju ndihmojë 

për këtë dhe për ta prerë formën me kujdes 

me gërshërë. Në kartonin bojë qielli prisni 

“gushoren” e lopës dhe me kartonin rozë 

prisni në formë elipsi pjesën e përparme të 

fytyrës së lopës. 

hapi 3 

Është radha e pasteleve. Ngjyrosni me 

pastelin e zi konturet e veshëve, sytë, dy 

vrimat e hundës, gojën me një buzëqeshje të 

madhe, duke shtuar pak të kuqe për gjuhën 

dhe prapë me të ziun thundrat e lopës. Me 

pastelin bojëqielli dhe blu të errët bëni disa 

vija vertikale dhe horizontale gushoren, 

krahët dhe këmbët e lopës. Në fund, me 

pastelin rozë skuqni pak faqet e lopës në 

cepat e gojës. 

hapi 4 

Nuk ka mbaruar derisa të zbukuroni edhe 

kutinë së jashtmi. Tek kartoni bojë qielli dhe 

rozë prisni disa lule dhe ngjyrosini pak me 

pastele. Ato ngjitini me anë të biadezivit. 

Gjithashtu, mos harroni të ngjisni lopën e 

gëzuar tek kutia si në figurë. 


Andi Muka 

edhe unë 

bëj ART 

Darti 

Elira Muka 

Noel Nakuçi 


Dario Fazlli 

Ermal Ahmetaj 

edhe unë 

bëj ART 

Albion Kita 

Pier Martini 


Mbreti 

Grupsa, këtë numër do të lexoni për një 

person të veçantë, për një MBRET të 

veçantë. Keni dëgjuar ndonjëherë për 

mua, MBRETIN e POPit Emri im i plotë është 

Majkëll Xhozef Xhekson. Kam lindur më 29 gusht 

1958 në Indiana, SHBA dhe isha fëmija i shtatë i 

familjes (gjithsej ishim 9 fëmijë: Rebi, Xheki, Tito, 

Xhermein, La Toja, Marlon, Rendi, Xhenet – dhe 

sigurisht unë). Babai ynë ka qenë kitarist, ndaj më 

nxiti edhe mua dhe vëllezërit e mi të merreshim 

me muzikë. Në vitin 1964 unë dhe 4 vëllezërit e 

mi të mëdhenj kishim formuar grupin tonë të parë 

që quhej “5-shja Xhekson” (“Jackson 5”). Në vitet 

1970 grupi ynë ishte ndër grupet më të njohura 

të muzikës “së zezë” pop/soul dhe kënga jonë “I 

want you back” (si dhe disa të tjera) zuri vendin e 

parë në klasifikimin muzikor. 

26 26 • • GRUP-sat

i Pop-it 

... sa ne 

Në vitet 1980 Majkëlli filloi të këndonte “solo”, pra vetëm. Ndër 

këngët e tij më të famshme janë pa dyshim “Thriller”, “Beat it”, “Billie 

Jean”, “Remember the time”. Ai madje ka luajtur edhe disa filma. 

Ndoshta ju keni parë ose dëgjuar për “Ecjen hënore” (Moonwalk), 

një lloj kërcimi që realizohet duke ecur ngadalë mbrapsht. Majkëlli 

e huazoi atë nga Marcel Marceau (Marsel Merso – aktor i teatrit 

francez) dhe që prej viti 1983 ajo u bë elementi me të cilën e 

identifikonin mjaft njerëz. 

Majkëlli mbante gjithmonë veshur një dorezë me temina. Mendohet 

se ai vuante nga Vitiligo, një sëmundje lëkure, e cila ngjyrën e zezë 

të lëkurës së tij e kthente në të bardhë (si mungesë e pigmenteve të 

ngjyrës – Dr. Luzi mund t’ju flasë më shumë për këto!) dhe përdorte 

dorezën për ta fshehur. Por me kalimin e viteve ngjyra e lëkurës së 

tij nga e zezë, u bë e bardhë. 

GRUP-sat • • 27 27

Majkëlli ka fituar mjaft çmime muzikore, por jo vetëm. Ai njihet për pjesëmarrjen në fushatat e bamirësisë dhe temat e një pjese 

të këngëve të tij janë pikërisht vllazëria, harmonia, mirësia. Majkëlli ka dhënë për bamirësi shuma të mëdha parash, një pjesë 

e madhe e të cilave ka shkuar për spitalet, jetimoret dhe Fondin e Bashkuar të Kolegjeve Të Njerëzve të Zinj (mos harroni që 

Majkëll Xhekson ishte zezak dhe në vitet e hershme të fëmijërisë së tij zezakët nuk shiheshin me sy të mirë – tani kohët kanë 

ndryshuar!). 

Fakte për Majkëllin: 

1 Majkëlli mban 8 Rekorde Botërore Guinness, një prej 

të cilëve është numri i kopjeve të albumit të tij “Thriller” të 

shitur në gjithë botën - rreth 100 milionë kopje! 

2 U përfshi në Sallën e Lavdisë të Rok ‘n Rollit në vitin 

2001 si artist solo (në vitin 1997 ishte përfshirë në këtë 

muze si pjesëtar i “5-shes Xhekson”) 

3 Kur ishte 11 vjeç u përhapën lajme se në të vërtetë 

Majkëlli ishte 9 vjeç – ky ishte një “mashtrim” për ta bërë 

këngëtarin të dukej më i ri dhe më tërheqës në sytë e 

publikut. 

4 U listua numri 35 në listën e artistëve më të mëdhenj 

të të gjithë kohërave nga revista Rolling Stone. 

5 U listua i 11-ti në listën e “100 Fëmijët-Yje më të 

Mëdhenj” së bashku me vëllezërit e “5sëshes Xhekson” 

Salla e Lavdisë dhe Muzeu i 

Rock ‘n Rollit 

ndodhet në Klivlend, Ohajo, ShBA. Ai ruan historitë e disa prej artistëve e producentëve 

më të mirë muzikorë si dhe shumë personave të tjerë, të cilët në njëfarë mënyre, kanë 

lënë gjurmë në industrinë muzikore, në zhanrin e muzikës rock. 


Të vishemi si Majkëll Xhekson! 

(një ide e përkryer për festa me maska :D) 

Çfarë ju duhet: 

1 Pantallona të ngushta, të ngjitura pas trupit, ngjyrë portokalli, të kuqe 

ose të zeza. Kujdes! Duhet të jenë pak të shkurtra – aq sa të tregojnë 

çorapet tuaja të bardha. 

2 Këpucë të sheshta, të zeza. 

3 Një dorezë të bardhë me temina për dorën e djathtë. 

4 Këmishë (nëse është e mundur, të ketë temina), ose një bluzë e bardhë 

e thjeshtë. 

5 Xhaketë e kuqe, portokalli ose e zezë (nëse ka zhinxhirë, aq më mirë!) 

6 Mos harroni të vini kapelën e zezë me një vizë të bardhë dhe të mbani 

mikrofonin në dorë. 

Tani mungon vetëm diçka.... 

Ecja hënore 

Hapi 1: Si fillim, këpucët tuaja duhet të kenë shumë të butë pjesën e poshtme të tyre – në mënyrë që ecja hënore të dalë 

perfekte. Duhet të duket sikur nuk ka aspak fërkim mes këmbëve tuaja dhe tokës, por sikur lëvizni në ajër, milimetra mbi tokë. 

Ushtrohuni në një dysheme të rrëshqitshme – jo mbi tapetin e ri të mamit! 

Hapi 2: Merrni pozicion duke qëndruar drejt. Këmba juaj e majtë duhet të qëndrojë pak përpara ndërsa e djathta paksa prapa. 

Maja e këmbës së djathtë duhet të prekë tokën ndërsa thembra duhet të jetë e ngritur. 

Hapi 3: Duke qëndruar në këtë pozicion, tërhiqni butësisht mbrapa këmbën e majtë. Këmba e djathtë nuk lëviz derisa e majta 

të jetë pas saj (thembra e këmbës së majtë ngrihet lart ndërsa thembra e këmbës së djathtë prek tokën). 

Hapi 4: Tani i vjen radha këmbës së djathtë të bëjë lëvizjen rrëshqitëse prapa, pastaj të majtës, pastaj sërisht të djathtës. 

Hapi 5: Ecja hënore është e vështirë për t’u mësuar dhe pak njerëz dinë ta bëjnë, prandaj mos u mërzisni nëse nuk e arrini që 

në provën e parë. 


Si jeni vogëlushë A u kënaqët me pushimet Shpresoj të mos jeni djegur, 

si inspektor Tini që erdhi në zyrën time duke bërtitur. E dini çfarë ndodhi 

dje Erdhi në zyrën time i shqetësuar dhe bënte vetëm: “Oleleeeeeeeee... 

oleleeee!”... E kishte zënë gjumi në plazh dhe, siç mund ta 

imagjinoni, kur ishte zgjuar ngjante me një domate. 

Ja pse sot kam vendosur t’ju flas për lëkurën dhe rëndësinë e saj. 

Kujdesemi pë 

Nga të gjithë organet 

e trupit tonë, lëkura 

është organi më i 

madh (mbulon të gjithë 

sipërfaqen e trupit 

tonë) dhe më i rëndi. 

Te një i rritur është 

afërsisht e barabartë 

me një të katërtën e 

peshës së tij. Nëse 

mund ta shtrinim si 

“tapet”, do të kishte 

një sipërfaqe prej 2 

metrash katrorë... e 

imagjinoni! 

Qukat 

Janë njolla të vogla kafe, që 

shkaktohen nga një sasia më e madhe 

se ç’duhet e qelizave që prodhojnë 

melaninën: pigmenti që i jep ngjyrë 

lëkurës, flokëve dhe qimeve. 

+ + 

+ 

VITAMINA 

... sa mirë që kemi 

DR. LUZIN ! 

Njollat nga dielli 

Janë njolla të vogla që dalin në 

trup gjatë qëndrimit në diell. Ka të 

bëjë me grumbullime mikroskopike 

të melaninës, që në disa njerëz, 

prodhohet me tepricë nga stimulimi i 

diellit. Tek ata me lëkurë të bardhë si 

bora, qelizat që prodhojnë melaninën 

janë në numër normal, por me përmasa 

më të mëdha dhe më aktive. 


Lëkurën 

Nishanet 

Janë grumbullimr të qelizave që 

ndodhen në sipërfaqe dhe prodhojnë 

(sintetizojnë) melaninën. 

Përgjithësisht janë 

të vegjël dhe të 

rrumbullakët, 

me konture të 

përcaktuara dhe me 

ngjyrë uniforme. 

Mund të jenë që 

në lindje ose mund 

të shfaqen gjatë 

kohës. Shtimi i numrit 

apo i përmasave të 

tyre është një dukuri 

natyrale. 

Lëkura jonë është 

si një “kondicioner” 

që na freskon dhe 

na mbron në ditët 

e nxehta të verës. 

Si e bën këtë, do të 

thoni ju Nëpërmjet 

lëshimit të djersës, 

e cila avullon dhe 

ul temperaturën e 

trupit. Sa më shumë 

djersitemi, aq më 

shumë freskohemi! 

2 

3 

1 

Shohim në mikroskop 

Shohim në mikroskop 

LËKURA PËRBËHET NGA 3 SHTRESA. 

Shtresa që ndodhet në sipërfaqe (të cilën ne e prekim dhe e 

shikojmë pa nevojën e mikroskopit) quhet 

1. EPIDERMË. 

Ajo përbëhet nga qeliza që janë të mbivendosura dhe 

që rigjenerohen vazhdimisht. 

Shtresa e dytë quhet 2. MEZODERMË, e cila 

përmban gjëndrat e djersës. 3. HIPODERMA 

(shtresa më e thellë) e cila përbëhet nga dhjami, 

shërben si izolant dhe ruajtës i energjisë. 


Ngjyra e lëkurës tonë varet nga sasia e melaninës në 

trup: sa më shumë të largohesh nga ekuadori, aq më 

pak e nevojshme është melanina. 

Çdo njeri ka një ngjyrë lëkure që ndryshon jo vetëm 

nga grupet etnike, por edhe nga njëri person në tjetrin, 

madje ndryshon edhe te vetë njeriu (pjesë të ndryshme 

të trupit kanë ngjyrë tjetër). 

NËSE INSPEKTOR TINI 

PËRCËLLOHET NË DIELL SE E 

ZË GJUMI, GAZETARJA JONË 

URDI, RRI ME ORË TË TËRA NË 

DIELL, VETËM E VETËM PËR T’U 

NXIRË. A E DINI JU FËMIJË SE 

ÇFARË ËSHTË NXIRRJA 

Nxirrja është mënyra se si trupi ynë 

mbrohet nga dielli. Kur ne shkojmë në plazh dhe bëjmë 

banjë dielli, qelizat tona nuk bëjnë pushim, por punojnë. Ato 

prodhojnë një pigment të ri (melaminën), që ka si detyrë 

të mbrojë trupin nga rrezet ultravjollcë (UV), dhe lëkura 

nxihet. Nxirja duket menjëherë, sepse në epidermë ka 

gjithmonë një rezervë melanine gati për të luftuar me rrezet 

e dëmshme! 

32 • GRUP-sat 

Të dashur fëmijë, edhe 

pse melanina ju mbron 

nga rrezet ultravjollcë, 

kjo nuk do të thotë 

që dhe ju, ashtu si 

Inspektor Tini apo Urdi, 

të ekspozoheni me orë 

të tëra pa ndalim në 

diell. Unë, si doktor që 

jam, edhe pse e dua 

shumë plazhin dhe 

diellin, do t’ju këshilloja 

të mbroheni prej tij. 

Pse kemi lëkurë të ndryshme

Pse bëhet trupi 

puçkuriza- puçkuriza 

Trupi bëhet puçkuriza-puçkuriza ose ndryshe 

rrëqethje përgjithësisht kur bën ftohtë. 

Muskujt bëjnë që të ngrihen qimet dhe enët 

e gjakut dhe gjëndrat e djersës ngushtohen 

për të ruajtur nxehtësinë. Sot ka mënyra 

nga më të ndryshmet për t’u ngrohur, por 

dikur lëkura ishte e veshur me peliçe për t’u 

mbrojtur nga i ftohti. 

Rrudhat 

Me kalim e viteve lëkura e humb elasticitetin 

dhe rrudhoset. Deri më tani mendohej se kjo 

vinte për shkak të trashjes së mezodermës, 

në thellësi. Por tashmë shkencëtarët kanë 

zbuluar që qelizat epiteliale, që ndodhen në 

sipërfaqe, ngurtësohen. Të jetë faji i tyre që 

jam rrudhur kaq shumë... 

Në të kaluarën tatuazhet kishin kuptime 

të rëndësishme fetare. Tatuazhet ishin të 

përhapura edhe në Egjiptin e vjetër. Edhe 

mumia Otzi (3000 p.e.s.) kishte tatuazhe! 

Sot janë në modë: sipas një studimi, një 

në tre të rinj amerikanë ka të paktën një 

të tillë. 

Edhe unë kam një spirancë. 

E kam bërë kur isha i ri! A ju 

pëlqen 

Tatuazhet 


“ 

Grupsa, besoj se jeni kënaqur shumë këtë verë. 

Me siguri keni bërë miq të rinj, ashtu si dhe unë. Miku im 

i ri është shumë i veçantë, lozonjar dhe i dashur. Shtëpia e 

tij ndodhet nëpër ujërat e deteve dhe oqeaneve. Si thoni 

sikur të bëjmë... 

SPLASH 

DELFINI ËSHTË KAFSHË 

SHUMË LOZONJARE, E 

ZGJUAR DHE MIQËSORE. 

A DONI TË DINI MË SHUMË 

RRETH TIJ 

Delfinët bëjnë pjesë në familjen e balenave dhe 

janë gjitarë. Ata janë të shpërndarë në të gjithë 

botën, normalisht në ujë. Trupi i tyre ka strukturë 

që i bën të mundur notimin sa më të shpejtë. Maja 

në kurriz dhe pendët në anë të trupit i ndihmojnë të 

ruajnë ekuilibrin, ndërsa bishti e ndihmon të ruajë 

kontrollin e shpejtësisë. Truri i tyre është shumë i 

ndërlikuar, ndryshe nga ai i kafshëve të tjera. 

“ 

DELFINËT 

ME 

ME DELFINËT 

Legjendë 

Një nga legjendat më të njohura për delfinët 

na vjen nga popullsia e çumashëve, që 

jetonin në ishullin Santa Krus në Kaliforni. 

Legjenda flet për Perëndeshën e Tokës, 

e cila mbolli disa fara duke krijuar kështu 

njerëzit. Bashkëshorti i saj, Gjarpri i Qiellit, 

si dhuratë për njerëzit e çumashit u hodhi 

atyre dritë. Në këtë mënyrë ata mund të 

shihnin njëri-tjetrin e të ngroheshin. Shumë 

shpejt njerëzit e çumashit u rritën në 

numër dhe filluan të bënin shumë zhurmë. 

Perëndesha e Tokës, e shqetësuar nga 

34 •• GRUP-sat

Dëgjojnë 10 herë më shumë se ne! 

Rreth shqisave të tyre mund të 

themi se kanë shikim të mprehtë 

dhe dëgjimi i tyre është 10 herë 

më i fortë se i një njeriu të rritur. 

Edhe pse kanë dy dalje në çdo anë 

të kokës, besohet se ata dëgjojnë 

nën ujë me anë të një veshi të 

mesëm. Mendohet se nuk e kanë 

shqisën e nuhatjes, por kanë të 

zhvilluar shqisën e të shijuarit, gjë 

që i ndihmon të hanë peshqit 

që pëlqejnë. Delfinët 

kanë receptorë që 

kryejnë funksionin 

e sensorëve… 

tamam si 

sensorët e 

makinës së 

babit. 

Mirë se vini në 

xhungël 

zhurma, mendoi që të krijonte një urë 

ylberi. Kjo urë do t’i lejonte njerëzit 

të kalonin në një tokë tjetër, por pa u 

penguar nga malet dhe detet. Njerëzit e 

çumashit u frikësuan, por Perëndesha u 

tha të besonin dhe të kalonin mbi këtë 

urë. Shumë e kaluan urën shëndoshë 

e mirë, ndërsa të tjerët u frikësuan nga 

lartësia dhe, duke iu marrë mendtë, 

ranë nga ura. Perëndesha i ktheu këta 

në delfinë dhe u tha njerëzve që t’i donin 

delfinët, pasi ata ishin vëllezërit e tyre. 

GRUP-sat •• 35

TË BUTË DHE MIQËSORË 

LUAJNË, 

LUAJNË 

DHE VETËM 

LUAJNË! 

Në këtë numër folëm 

për një mik të botës 

ujore. Nëse takoni një 

delfin mos kini frikë, 

pasi ata janë miqësorë, 

kështu që mund të luani 

pa frikë me ta. 

Delfinët janë kafshë shumë miqësore. Ata jetojnë në tufa 

të përbëra nga një numër i madh delfinësh, gati 20 në 

një tufë. Në vende ku ka shumë ushqim tufat mblidhen 

duke formuar një tufë edhe më të madhe, deri në 1000 

delfinë. Ata komunikojnë me anë të fishkëllimave apo 

tingujve të ndryshëm. Tingujt e tyre të cilët quhen 

valë ultrazanore funksionojnë si “navigatorë” për të 

gjetur rrugën dhe ushqimin. Ky lëshim valësh është i 

kuptueshëm vetëm për ta. Uji përhap valët me shpejtësi 

dhe kjo i ndihmon shumë ata. 

Delfinët janë shumë altruistë dhe krijojnë lidhje të 

forta. Nëse njëri nga ta është i sëmurë apo i dëmtuar, 

të tjerët e ndihmojnë dhe e nxjerrin në sipërfaqe për 

të marrë frymë, nëse është nevoja. 

Delfinët kanë disa mënyra për të kapur ushqimin e 

tyre. Një mënyrë përfshin të gjithë tufën, e cila rrethon 

peshqit dhe delfinët afrohen për t’i shtypur ata. Mënyra 

tjetër është duke e shtyrë tufën e peshqve në ujëra 

më të cekëta, pasi aty e kanë më të lehtë t’i kapin. 

Siç përmenda dhe më parë, delfinët janë shumë 

lozonjarë. Ata hidhen mbi ujë në lartësi të mëdha. 

Shkencëtarët nuk e kanë kuptuar ende arsyen përse 

e bëjnë, por besojnë se në këtë mënyrë ata arrijnë 

të shohin nga lart tufat e peshqve nën ujë. Loja, nga 

ana tjetër, hyn në kulturën e delfinëve. Ata hynë në 

lojë me tufat e tjera si dhe ndonjëherë ngacmojnë 

zogjtë apo breshkat e ujit. U pëlqen shumë të 

“kalërojnë” dallgët dhe shumë shpesh janë vënë re 

para anijeve, pasi aty formohen valë të shpejta. 

SI FLENË DELFINËT 

Sipas studimeve është zbuluar se delfinët flenë 

me anë të njërës prej hemisferave të trurit. Tjetra 

i ndihmon ata të marrin frymë dhe të jenë të 

kujdesshëm ndaj sulmeve të ndryshme. Ata mund 

të bien në gjumë të thellë kur kanë të dy sytë të 

mbyllur dhe nuk ndiejnë rreziqe. Frymëmarrja bëhet 

automatike dhe bishti lëviz si refleks për ta mbajtur 

në sipërfaqe kur është nevoja. Shumë rrallë ndodh 

që ata të bien në gjumë të thellë, pasi duhet të jenë 

të kujdesshëm nga rrymat e ujit. Delfinët që rriten 

në rezervuare kanë më shumë mundësi të bien në 

gjumë të thellë. 


Fakte INTERESANTE! 

Kafsha 

më e shpejtë në tokë 

Leopardët vrapojnë 

me shpejtësi 

115km/orë. 

Kafsha më e 

shpejtë në ujë 

Peshku me 

vela noton me 

shpejtësi 

110km/orë. 

Kafsha 

më e shpejtë në ajër 

Fajkonjtë peregrinë 

fluturojnë 

180km/orë. 

Kafsha me 

vdekjeprurëse 

Helmi i një kandilgrerëze 

deti mund të 

vrasë deri në 60 vetë. 

Nga pickimi i tij, një 

njeri vdes brenda pak 

minutash. 

Kafsha me 

jetëgjatë 

Breshka gjigante 

e ujit jeton deri 

në 180 vjet!! 

Kafsha më e madhe: 

Balena e kaltër arrin 

30 m gjatësi. 

Afërsisht gjatësia 

e një aeroplani 

BOEING 737. 

Kafsha më e 

ngadaltë në tokë 

Bradipusi me 3 

gishta lëviz me 

shpejtësi 

0,12km/orë. 

Kafsha më e vogël 

Grerëza e quajtur 

miza-fate është 

vetëm 0,0003 mm e 

gjatë. YYYYYY!! 

Kafsha më e fortë 

Brumbujt rinoqerontë 

mund të ngrenë pesha 

850 herë më të rënda 

sesa trupi i tyre. 

Sugjeruar nga shoqja ime ILIRIANA FASLLIA! 


dua të bëhem 

STILISTE 

STILISTE 

Përshëndetje! 

Unë që po ju shkruaj jam Anja, dhe jam 8 vjeçe. 

Sapo kam mbaruan klasën e parë me të gjitha notat 

“Shumë mirë” dhe në provime kam marrë notat më 

të larta, po unë kam shumë dëshira në kokën time. Më 

pëlqen shumë bota e televizionit edhe e artit. Unë dua 

të bëhem e gjithanshme: më pëlqen të bëhem modele. 

Këtë gjë unë e bëj që prej 3 vjetësh në pasarelat për 

fëmijë, por dua ta bëj edhe kur të jem më e madhe. 

Dua të bëhem stiliste, se dua të vishem sipas modës e 

dua veshjet e mia të shkojnë me njëra-tjetrën. Uuu, sa 

shumë dëshira që kam! Por të gjitha këto kanë lidhje 

me artin që unë e dua aq shumëëëëëëëë... Edhe ju 

grupsa ju dua shumë, se ju lexoj çdo muaj! 

Ju puth fort Anja, princesha e Shtëpisë së Ëndrrave... 

Faleminderit! Jeni shumë të mirë! 

Kur Kur të të rritem. rritem. .. .. 

Grupsa, sa herë kemi dashur që të vendosnim vetë se 

çfarë duam të veshim, pa na thënë gjë mamaja! Kemi parë 

nëpër dyqane shumë rroba me ngjyra dhe stilime nga më të 

çuditshmit. Po kush i bën këto rroba 

Stilisti është një artist i modës, i cili merret me krijimin e 

veshjeve. Ai merret me formën, ngjyrën dhe materialin me të 

cilin do të jetë veshja e krijuar prej tij. Stilistët e parë i qepnin 

vetë rrobat e tyre, pra, bënin edhe punën e rrobaqepësit. 

Veshja është 

shumë e rëndësishme 

për njeriun, por tashmë 

nuk përdoret vetëm për 

të mbajtur ngrohtë e për t’u 

mbuluar, por flet edhe për 

karakterin dhe shijen e secilit 

prej nesh dhe gjithashtu, 

për të rënë në sy. 


A ke dëshirë të mësosh 

disa hapa se si të bëhesh 

stilist apo stiliste 

1 

Krijo stilin tënd. Shkruaj në një letër idetë 

e tua ose vizato skica në letër, që të kesh 

një pamje më të mirë të asaj që kërkon 

të bësh. 

Mbaj me vete një bllok ku shënon idetë e tua me 

firmën tënde, me materialet që do të përdorësh, 

gjithçka që të shkon në mendje, pasi mund 

të të duhet për më vonë. Gjithashtu ler vend 

në bllokun tënd edhe për një “ekspozitë” me 

figura të prera ose vizatime të lloje të ndryshme 

rrobash apo të secilës pjesë të rrobave, p.sh. 

lloje fustanesh apo bluzash, lloje të ndryshme 

jakash, mëngësh... etj. 

2 

Mëso 

rreth modës! Lexo libra apo revista 

që të njihesh vazhdimisht me të rejat më 

të fundit. Shih nëse mund të marrësh 

mësime për prerjen, qepjen apo për vizatimin 

(stilimin) në kohën e lirë ose gjatë pushimeve 

verore. 

3 

Mëso 

si të përdorësh makinën qepëse, 

por kujdes: është punë e vështirë dhe 

këshillohet të kërkosh ndihmën e një të 

rrituri. Me kalimin e kohës mund të mësosh 

edhe vetë. Mos e provo asnjëherë pa një të 

rritur pranë! 

4 

Gjej 

materialet! Me ndihmën e një të rrituri 

vizito dyqane ku shiten copa dhe mundohu 

të mësosh si quhen dhe ç’karakteristika 

kanë. Nëse nuk ke mundësi... këtë mund ta 

bësh me rroba që nuk duhen më... shqepi ose 

priti ato, duke i shndëeruar në copa për prerje 

e qepje. 

5 

Bëj 

sa më shumë praktikë! Fillo me rrobat 

që nuk të bëjnë më. Ndrysho bluzat e 

kanotieret, priti mëngët, ndryshoji jakat, 

shkurto, ngushto. Kërkoji dikujt ndihmë që të 

presësh e të qepësh rrobat e tua dhe më vonë 

provo t’i bësh vetë. 

6 

Krijo 

një firmë. Me anë të fantazisë gjej 

një emër, i cili bie në sy dhe lidhet me 

karakteristikat e rrobave të tua. 

Reklamo! Vishi rrobat e krijuara çdo ditë në 

shkollë. Tregojua shoqeve dhe shokëve të tu, 

si dhe merr mendimet e tyre për t’u përmirësuar 

dhe për t’i pëlqyer të tjerëve. 

7 

Ki 

gjithmonë durim dhe vullnet: me këto 

të dyja do të arrish të bëhesh një stilist/e 

shumë i/e mirë! 


Sot arti i stilimit është përhapur shumë. Veshja 

është bërë shumë e rëndësishme dhe stilistët janë 

të shumtë. Ne do të sjellim 10 stilistët më të mirë. 

Nisemi nga vendi i dhjetë për të shkuar te mbreti i 

stilistëve të kohës, që gjendet në vendin e parë. 

10 

Stella McCartney 

(Stela Mekartnej). 

Ajo është vajza e një artisti dhe 

është shumë e talentuar. Veshjet 

e saj janë plot klas dhe shumë 

origjinale. Ka mundur të çajë në 

një biznes kaq të kërkuar si moda. 

9 

Marc Jacobs 

(Mark Xhejkobs) 

Një emër tjetër i talentuar: 

çdo njeri që vesh rrobat e 

tij ndihet sikur ka prekur 

majat e modës. Këtë vit 

ka sjellë veshje të stilit të 

viteve ‘60. 

7 

John Galliano 

(Xhon Galiano) 

Një stilist, i cili, pasi u diplomua, me 

ndihmën e miqve dhe njerëzve të 

afërm arriti të realizojë sfilatën e tij 

të parë. 


8 

Domenico Dolce & 

Stefano Gabbana 

(Domeniko Dolçe & Stefano Gabana) 

Çifti i stilistëve italianë me famë 

botërore sjell veshje që të bëjnë të 

ndihesh i sigurt. Një thënie për ta 

është: “i bën yjet të duken si Yje”. 

6 

Ralph Lauren 

(Rafl Lauren) 

Është mjeshtri i veshjeve praktike. Edhe pse 

ai nuk studioi për stilim, emri i tij është i njohur 

për të gjithë ata që e duan modën.

5 

Betsey Johnson 

(Betsi Xhonson) 

Veshjet e saj janë të shkëlqyera 

dhe të këndshme. Shumë prej tyre 

janë ekstravagante dhe vajzërore. 

2 

Tom Ford 

Një stilist shumë simpatik. Ai 

studioi dramaturgji, por nuk e 

vazhdoi rrugën e aktrimit. Sot 

ai është drejtor i krijimeve për 

1 

Gucci-n (Guçi) si dhe për Yves 

Saint Laurent (Iv Sen Lorent). 

Valentino Garavani 

Edhe ky një stilist italian. Konsiderohet 

mbreti i elegancës, pasi arrin ta bëjë një 

femër të duket si një perëndeshë. Veshjet 

e tij gjenden gjithmonë të shfaqura në 

tapetin e kuq. 

4 

Alexander McQueen 

(Aleksandër Mekuin) 

Njihet për idetë nga më të ndryshmet. Në shfaqjet e 

tij ndihet ndikimi teatral dhe veshjet janë plot ngjyra. 

3 

Donatella Versace 

(Donatela Versaçe) 

Ajo njihet si diva më e dashur në 

botën e modës. Ndoqi rrugën e të 

vëllait, Gianni, (Xhani) dhe e vazhdoi 

me po atë pasion. Veshjet e saj janë 

shumë elegante dhe femërore. 

VOGUE jo vetëm një revistë mode 

Me përhapjen e modës u rrit edhe mundësia 

për t’i reklamuar. Sot kemi televizione, si 

“Fashion TV” dhe shumë revista dhe shfaqje 

të përmuajshme mode. 

Duke mbetur te revistat përmendim: “Vogue”. 

Kjo revistë u botua për herë të parë si revistë 

e përjavshme në Shtetet e Bashkuara të 

Amerikës. Drejtori i dytë i saj u mor me rritjen 

dhe shpërndarjen e kopjeve të revistës. Pas 

SHBA-së ajo u shfaq në Angli, më pas Francë 

e kështu me radhë. Shpërndarja e saj u bë e 

mundur edhe gjatë Luftës së Dytë Botërore. 

Pra, mund të themi se i ka rezistuar më së miri 

kohës. Sot ajo njihet si revistë e përmuajshme 

mode, e botuar në 18 vende të botës. 


Pyetjet e stilistes së mirënjohur, 

Anila Zajmi 

nga grupsat 

- Si dhe kur të ka lindur ideja për t’u bërë 

stiliste 

Kam qenë e vogël, shumë e vogël, që në 

kopsht. Por atëherë ishte e ndaluar. Askush 

nuk fliste për një profesion të tillë. Në fillim 

pikturoja, pastaj fillova të stiloja fshehurazi. 

- Kur ishe e vogël, i zgjidhje vetë rrobat, 

apo të vishte mami 

Atëherë ka qenë kohë tjetër. Zakonisht më 

vishte mami. Por edhe unë e bëja ndonjë 

shpikje. 

- Mami im është poete (shkruan libra) 

dhe thotë gjithmonë që e frymëzoj 

unë dhe babi. Po ti, ke ndonjë që të 

frymëzon 

Në momente të ndryshme më frymëzojnë 

njerëz të ndryshëm. Në përgjithësi, ngjarje 

të ndryshme, gjërat që më rrethojnë 

ndikojnë tek unë në një formë a një tjetër. 


- Çfarë do me thënë “ekstravagante” 

Pse gjyshja ma thotë përherë këtë fjalë 

Ekstravagante do të thotë diçka që është 

jashtë normales, pra ndryshe. Sigurisht 

që ka lidhje me atë që është moderne, 

bashkëkohore. 

- Ti vesh rroba “firmato” apo rroba që i 

bën vetë 

Vishem dhe me rrobat që bëj vetë, dhe me 

rroba “firmato”. 

- Kur ishe e vogël, të pëlqente të luaje 

me kukulla A u ke qepur atyre fustane 

siç bën me modelet A do të na tregosh 

edhe ne si të bëjmë fustane për to 

Më kanë pëlqyer shumë kukullat. Në 

fëmijëri kam pasur shumë kukulla dhe një 

garderobë të veçantë për to. Tani po më 

kujtohet mirë që kisha një kukull të veçantë 

dhe për të sajoja një garderobë shumë të 

pasur dhe të veçantë. 

- A janë të bukura modelet (vajzat) që 

sfilojnë për ty 

Modelja nuk është e rëndësishme të jetë 

e bukur patjetër. E rëndësishme është të 

ketë një trup të rregullt. Në botën e sotme 

të modës ka një tendencë të caktuar për 

modelet. Kjo tendencë nuk është më për 

bukuritë klasike, siç ka qenë dikur Klaudia 

Shifer, Naomi Kembëll etj. Sot ka një 

koncept të ri për modelet: të ecësh bukur, të 

jesh interesante, e veçantë. 

- Çfarë na këshillon të veshim në këtë 

stinë 

Do t’u sugjeroja fëmijëve të veshin rrobat 

dhe ngjyrat që kanë më për zemër, sepse 

kjo ndikon dhe në zhvillimin e personalitetit 

të tyre. 

- A ke menduar ndonjëherë të bësh një 

sfilatë për ne fëmijët 

Kjo është një ëndërr imja. Më pëlqejnë 

shumë fëmijët. Por e kam dhe detyrim që 

duhet të punoj për ta. Qep për fëmijë dhe 

kjo më pëlqen. 

- Çfarë këshille do t’u jepje fëmijëve që 

duan të bëhen stilistë 

Së pari, fëmijët duhet të formohen nga 

ana artistike, pra në një shkollë artistike 

dhe pastaj të vazhdojnë në një shkollë 

profesionale të mirëfilltë. Ka shumë 

shkolla të tilla këtu në Shqipëri dhe jashtë 

vendit. Mbase këtë këshillë po e jap nisur 

dhe nga formimi im, por jam e sigurt se 

vetëm kështu do të plotësohej më së miri 

figura e stilistes. 

- Harxhon më shumë lekë për rroba 

apo për këpucë 

Edhe për rroba duhet shpenzuar, por 

ngaqë shumicën e rrobave i bëj vetë 

ose i marr nga koleksioni im, nuk arrij të 

kuptoj se për cilat harxhoj më shumë. Blej 

kryesisht çanta dhe këpucë, sigurisht jo në 

sasi të mëdha. Pra, jam shumë praktike 

në blerjen e tyre. Mendoj se i kam të dyja, 

edhe anën praktike, edhe atë artistike. 

- Ti paraqitesh në publik me dy 

mbiemra. Pse 

Më pëlqen pyetja dhe e falënderoj atë 

fëmijë që bëri këtë pyetje. Mbiemri “Zajmi” 

është mjaft i njohur në Shqipëri. Ai ishte 

një titull që merrnin familjet në kohën e 

Turqisë. Ky ishte një titull ushtarak. Në 

Tiranë ka dy Anila Zajmi. Të dyja jemi 

piktore. Edhe baballarët tanë janë piktorë. 

Mbiemri i dytë, “Katanolli”, është mbiemri i 

vjetër i familjes sime, që unë dhe vëllai im 

e kemi ringjallur. 


Tercina 

Nënës 

Në prehrin tënd çdo dhimbje harroj, 

në gjoksin tënd si zog drithëroj, 

buzët e tua si magji e mishtë 

e bëjnë fortesë trupin tim të brishtë. 

Përkujdesja jote shuan çdo trishtim 

e shkruaj fjalën NËNË thellë shpirtit tim. 

NËNË e para fjalë, 

NËNË e para ndjenjë, 

NËNË që mbretëron çdo çast të trurit tim, 

NËNË - TI DIELL QË S’KE PERËNDIM. 

Nënë 

Xheanda Tafa 

Emri më i dashur në botë, 

krijesa më e bukur e krijuar nga një Zot, 

për të krenuar ty, unë po jetoj 

...që ty jetën ta lumturoj. 

Kur më qorton unë të kuptoj, 

Ndonjëherë edhe gaboj, 

Por ta dish Ti, o Nëna ime: 

TI JE KUPTIMI I JETËS SIME. 

Kei Hysi 

Kl. VIII, Berat 

Pema ime 

Kam një pemë që më bën hije 

në oborr të shtëpisë sime 

Lart në degë ka një fole 

zogu i vogël aty fle. 

Jon Haziri 

Klasa II1 “Rexhep Elmazi” 

Gjilan, Republika e Kosovës 

Pushime me 

“Grupsat” 

Sa lumturi që ndjej, 

për muajt që vijnë 

Si të gjithë fëmijët 

i pres me padurim. 

Qershorin e artë 

me festën e fëmijëve 

me lulet e çelura 

me mbarimin e mësimeve. 

Një shok të ri 

kam këtë vit 

me “Grupsat” 

argëtohem çdo ditë 

Në çdo muaj që vjen 

jam shumë i lumtur 

sepse me ju, Grupsa, 

ia kaloj shumë bukur ! 

Jonid Bregasi 


Udhëtimi i 

frikshëm 

Si të gjitha herët 

të flija shkova 

me mendimin që nesër 

shkollën do filloja. 

Rashë në gjumë të thellë 

e fillova të ëndërroja 

sikur në një udhëtim 

shumë larg do të shkoja... 

Rrobat bëra gati 

i futa në makinë 

dhe fillova të ecja 

me të gjithë shpejtësinë. 

Para makinës një gjigant më doli 

e me ton të lartë ai me foli: 

“Ndale makinën! Shko në shtëpi, 

se këtu pranë, përbindëshi rri!” 

Unë u tmerrova 

nga makina dola, 

por përpara 

më dolën ca gogola... 

Të gjithë njëzëri 

bërtisnin, ulërinin: 

“Zgjohu! Zgjohu, 

se do humbësh mësimin! 

Me shpejtësi u zgjova 

nga krevati rashë, 

frika më kishte hyrë 

gjer në palcë. 

Pastaj e kuptova 

që ëndërr po shikoja 

dhe u bëra gati 

në shkollë të shkoja. 

Natalia Dhimpali 

Vëllait tim 

Disa vargje mendoj 

për vëllanë tim, 

sepse për mua 

ai është frymëzim. 

Dhjetë vite kaluan 

si petale trëndafili 

të mbushura me aromë 

lumturie e gëzimi. 

Të bukura, 

plot ngjyra 

me tinguj 

me shumë dëshira... 

Në këtë 10-vjetor 

këtë poezi i dhuroj 

me fjalët e zemrës 

atij ia kushtoj. 

Së fundmi, edhe një urim: 

Gëzuar ditëlindjen, vëllai im 

se ti je 

gëzimi im! 

Eranda Bregasi 

Libri 

Motra 

Gjë më të mirë se motra s’ka 

me të mund të ndash gjithçka! 

Kur një gjë të mirë do ta fshehësh diku 

Vetëm motra e di se ku... 

Motra është si një shtëpi, 

hapet vetëm kur do ti 

se sekretet e tua janë aty brenda, 

se motra e mirë kurrë s’të ndan nga zemra. 

Libër, unë të adhuroj 

më jep dije, të kuptoj 

nga ti shumë gjëra mësoj 

si të shkruaj e të lexoj. 

Por ato që librin e grisin dhe e flakin 

zemrën kurrë atij s’ia hapin 

dhe kush zemrën dijes s’ia hap 

do mbetet një dështak. 

Po ai që me shpirt e do 

të gjitha ëndrrat i realizon 

i madh, i vogël të mbaj në duar 

e nga ti shumë kam mësuar. 

Ida Ndreu 

Klea Taipllari 

Klasa IV 


Eni- “Ej grupsa, si jeni Unë kam një problem: nuk po mësohem dot që filloi shtatori, ikën pushimet 

dhe për më tepër që çdo ditë duhet të shkoj në universitet. Ka ndonjëri nga ju një zgjidhje 

Jooo...Aha, tani e kuptova edhe ju paskeni të njëjtin problem me mua...” 

Semi- “Eni, ke filluar të flasësh me vete” 

Eni- “Jo, isha duke ndarë shqetësimet e mia me miqtë e mi të vegjël. Eh, sa të trishtuar jemi të 

gjithë! Na filloi shkolla!” 

Semi- “Ti Eni më bën gjithmonë për të qeshur me këto që thua. Si mund të jetë trishtim fillimi i 

shkollës Mbase për ty që je dembel edhe mundet, por për grupuat, jam e sigurt që jo! Sa qejf e 

kam ditën e parë të shkollës, takon shokët dhe shoqet e klasës, njeh shokë të rinj! Pastaj, bie zilja 

e parë dhe të gjithë ulen në pritje të mësueses. Ehh, sa bukur!” 

Eni - “Bukur do të ishte sikur mos kishim detyra dhe provime!!” 

Semi – “Më mirë të mos debatojmë dhe t’i përgjigjemi letrave të grupsave. 

Problemet e tyre janë vërtet probleme, ky i yti, jo.” 

Ata duan më shumë atë 

Edhe unë kam një problem: që kur ka lindur motra ime e vogël kanë 

filluar problemet. Më duket se prindërit duan vetëm atë dhe unë 

bëhem shumë xheloze. Sa herë që ajo gabon, duhet të qortohem 

unë. Kur ajo më bën ndonjë gjë dhe unë ia kthej, prindërit më 

dënojnë të shkoj në dhomë. Ajo më ka inat mua, librat dhe gjithë 

gjërat e mia! 

Megi 

Ardhja e një bebeje në familje pritet me gëzim nga të gjithë, 

sidomos nga të rriturit dhe shpesh shoqërohet me “xhelozi” 

nga motra apo vëllai i madh. Kjo ndodh pasi vëmendja e gjithë 

familjes përqendrohet te pjesëtari më i ri. E megjithatë Megi, kjo 

nuk do të thotë se dashuria për ty është pakësuar, përkundrazi 

ajo shtohet çdo ditë. Por motra jote është ende e vogël dhe ka 

nevojë për një përkujdesje më të madhe nga ana e prindërve, 

pasi shumë gjëra që ty sot të duken aq të lehta, si të qëndrosh në 

këmbë dhe të ecësh, të ushqehesh pa bërë pis gjithë shtëpinë 

apo të flasësh dhe të kuptohesh, për të janë të vështira... gatigati 

janë “mision i pamundur”. Ja, pse prindërit të qortojnë edhe 

kur ajo të ngacmon e para, pasi ty ata të trajtojnë si të rritur, ti je 

e aftë që kur ajo grindet, ti të shpikësh ndonjë lojë apo t’i thuash 

ndonjë gjë që ajo të qetësohet. E dimë që është e vështirë, por 

me pak përpjekje ti mund ta bësh... Ti duhet të përpiqesh t’i 

qëndrosh afër motrës dhe t’i tregosh asaj se sa e do. Merre dhe 

të kur luan me shoqet poshtë pallatit apo lexoji një nga librat e 

tu të preferuar; do ishte mënyra më e mirë që ajo të mësojë t’i 

“dojë” gjërat e tua dhe jo t’i ketë “inat” ato. Pastaj, pa mendo pak: 

ti je me fat që ke një motër e që mund të luash me të, ka fëmijë 

që ndihen të vetmuar pikërisht se nuk kanë motër apo vëlla, me 

të cilët të luajnë kur janë në shtëpi, apo jo! 

(Semi) 

Megi duro, sa të rritet motra e vogël dhe pastaj do kesh mundësi 

ta urdhërosh...Hahaha. bëj shaka! (Eni) 


Pyet 

Semin 

&Enin 

Unë kam një problem: më pëlqejnë shumë ëmbëlsirat, 

njësoj si Inspektor Tinit. Prindërit më thonë të ha pak 

se nuk më bëjnë mirë, por unë dua të ha. Ndërsa, kur 

shkoj te gjyshja, ajo më jep ç’të kem dëshirë. Më thoni, 

ç’duhet të bëj 

Luart Xheka 

Luart, prindërit e tu kanë të drejtë. Edhe pse trupi ka nevojë për 

sheqerna, ngrënia e tyre në sasi të mëdha nuk të bën mirë. Nëse 

të kujtohet, para disa kohësh Dr. Luzi ka folur në rubrikën e tij për 

piramidën e ushqimit dhe, e merr me mend se kush ishin në majë 

të saj Pikërisht, ëmbëlsirat! Ato duhet të hahen sa më rrallë dhe 

në sasi sa më të vogël. Prandaj përpiqu të mos ti eliminosh, por t’i 

reduktosh! (Semi) 

Nuk u 

rezistoj 

tëëmblave 

Eh... ç’po na hahen ca ëmbëlsira, ndonjë tortë me çokollatë dhe 

lajthi apo ndonjë akullore... mmm... Ç’na bëre me këtë letrën, 

o Luart, se jam edhe në dietë. Më shiko ça trupi jam bërë! Dr. 

Luzi ka gjithmonë të drejtë, prandaj, kur thotë që ëmbëlsirat nuk 

duhen ngrënë në sasi të mëdha, është e vërtetë. Për mendimin 

tim, mos ha ëmbëlsira në shtëpi, që prindërit mos të të thonë gjë 

dhe kur të shkosh te gjyshja ha për gjithë ditët që nuk ke ngrënë. 

Por pa e tepruar, se të dhemb barku dhe do të mërzitësh dhe 

gjyshen që të plotësoi dëshirën! (Eni) 


Më pëlqen 

ZOOLOGJIA 

Të dashur Semi dhe Eni, 

Unë quhem Klea dhe jam 11 vjeçe. Kam një problem, unë 

dua që kur të rritem të bëhem zoologe, sepse me pëlqejnë 

kafshët dhe natyra, por mami im thotë që duhet të bëhem 

mjeke! Por mua nuk më pëlqen ky profesion! Si t’ia bëj 

Me dashuri Klea ! :) 

Klea, më pëlqen shumë zgjedhja 

jote, profesioni i zoologes është 

mjaft i veçantë dhe t’i duash kafshët 

dhe natyrën është diçka shumë e 

bukur. Njerëzit sot po e harrojnë 

rëndësinë që kanë bimët dhe kafshët 

në ekosistem. Prandaj, nëse të 

pëlqen të studiosh kafshët dhe të 

mbrosh natyrën, nuk ke pse la lesh 

mbas dore këtë ëndërr, lexo për të 

hapur horizontet. Mos u shqetëso 

tani për zgjedhjen që do të bësh kur 

të rritesh...deri atëherë do të kesh 

ndërruar mendje shumë herë. (Semi) 

Unë kur isha i vogël kisha një qenush, i 

cili u sëmur dhe ngordhi shumë shpejt.. 

atëherë isha 5 vjeç dhe i premtova vetes 

që do bëhesha veteriner që t’i mbroja 

kafshët nga sëmundjet. Edhe pse nuk 

jam bërë veteriner, kjo nuk do të thotë se 

nuk e mbajta premtimin që bëra, sa herë 

që shikoj në rrugë ndonjë mace apo qen i 

ushqej dhe kujdesem për ta. Shpresoj nga 

kjo histori të kesh kuptuar diçka! (Eni) 


Dita 

14 

Sa i mërzitur isha në fillim të verës... të gjithë kishin ikur me pushime...madje edhe djali 

i brioshëve. Vetëm Pini dhe unë ishim në qytet, pa brioshë dhe pa asnjë lajm nga ajo 

çamarrokja Lea. Kisha frikë dhe të dilja nga shtëpia: ishte aq vapë, sa më dukej vetja si 

plak prej bore...do të shkrija nga nxehtësia. Por një ditë teksa vëzhgoja për të miliontën 

herë ato tre fotot: një kravatë, një qen dalmat dhe një stemë, ra telefoni dhe këtu filloi 

aventura jonë verore... e imja dhe e Pinit kuptohet. 

TRING TRING 

Inspektor 

Tini 

Pas disa ditësh 

Pini, i ke futur të gjitha në 

valixhe Mos harro rrobat 

e banjës! Kroacia po na 

pret! Falë mikeshës time, 

Dea Bardhoshit, arritëm 

të gjenim vendndodhjen e 

Leas... luante në një breg të 

Kroacisë me arushin Evi. 

“Alo, inspektor 

Tini Ke rënë ndonjë 

çikë nga pesha, se do 

dalësh edhe në plazh. 

Unë me arushin Evi jemi 

shumë pranë Shqipërisë 

dhe po vizitojmë një 

nga ishujt e shumtë 

të ....” - pi pi 

piiiiiiiiiiiiiiiii! 

Alo 

Lea, aloooooo.... 

ra sinjali, 

Pini! Por unë jam 

inspektor i madh, 

gjithashtu dhe ti. 

Këtë herë, falë 

teknologjisë, do e 

gjejmë se nga mori 

Lea. Do t’i bëjmë 

një telefonatë një 

mikeshës time. Ajo do 

të na ndihmojë për të 

zbuluar se nga erdhi 

telefonata. 

“Pa shiko, Pini, gjete një shok! Si qenka ky... si akullore me straçatelë!” 

Ngjan me qenin e fotos... atëherë u kujtova dhe pyeta portierin e hotelit 

nëse fotot që më kishte lënë Lea në Zvicër kishin ndonjë lidhje me 

Kroacinë. Vërtet, ashtu ishte. Ai më tregoi shumë gjëra interesante. 

1Emblema e Kroacisë 

i ngjan fushës së shahut 

– përbëhet nga katrorë të vegjël 

të bardhë e të kuq dhe quhet 

šahovnica, nga vjen dhe fjala 

“shah” në shqip. 


2 Qeni dalmat 

Siç e tregon dhe vetë emri, qentë dalmatë vijnë nga 

Dalmacia, rajoni ku shtrihet Kroacia e ditëve të sotme. 

Shumë kohë më parë në këtë vend banonte fisi ilir i 

dalmatëve (dalmat, në shqipen e sotme, do të thotë 

“dele”) 

3 Kravatat 

Kanë qenë 

pikërisht 

kroatët, ata që 

kanë shpikur 

kravatën që më 

1618-ën. 

Bëhet fjalë për 1000 ishujt dalmatë që gjenden në 

detin Adriatik, jo larg nga kontinenti. Ishujt dalmatë 

janë ndër më të bukurit në të gjithë botën dhe vizitohen 

çdo vit nga mijëra turistë. 

1000 

Pse nuk thua, Pini, u dashkan 

1000 inspektorë për ta kapur 

Lean! Bo-boooo! 


SI QENKA KOHA SOT, PINI, SI PËR PLAZH! Të kam 

thënë ndonjëherë që Kroacia ka plazhet më të 

bukura në gjithë bregdetin e Adriatikut, si dhe 

katedralet më të bukura! 

4 Shteti i njëmijë ishujve. 

ishuuuuuuuuuj.... 

Kroacia

5 Pallati i Dioklecianit 

Pallati i Dioklecianit u ndërtua nga perandori 

Dioklecian në fillim të shekullit të katërt të erës 

sonë në qytetin Split në Kroaci. Është pika 

turistike dhe historike më e njohur e këtij qyteti. 

6 Monedha kroate 

Monedha kroate 

është kuna (shqip: 

kunadhe). Më parë si 

monedhë përdorej lëkura e 

kunadhes, ndaj monedha 

quhet kuna. 

Dubrovniku 

7 

Qyteti i Dubrovnikut është i 

famshëm për urën moderne 

dhe qytetin e vjetër që 

ndodhet në buzë të detit, i 

rrethuar nga mure të larta. 

Sot kërkuam gjithandej nëpër qytetet 

bregdetare dhe nëpër ishuj, pamë 

Dubrovnikun, Splitin dhe pallatin e 

Dioklecianit, por nuk gjetëm asnjë gjurmë të 

Leas. Sot u lodha shumë dhe tani jam shumë 

i uritur. Si thua të shkojmë në restorant Pini! Kam 

dëgjuar se këtu e bëjnë shumë të mirë eskallopin dhe rosën 

e egër me salcë. Dhe jo vetëm... por pas darkës do të porositim 

nga një strudel me mollë, sepse është ëmbëlsira karakteristike kroate! 


8 PULA 

Pula është qytet në pjesën kroate 

të Istrës. Qyteti ka traditë të lashtë 

turistike, të kultivimit të vreshtave, 

peshkatari dhe ndërtimin e anijeve. 

Njihet për amfiteatrin romak, që 

ngjason me “Koloseun” e Romës. 

Dita 

18 

Nga qyteti i mrekullueshëm i Pulas u 

nisëm për në kryeqytet. E dini cili është 

kryeqyteti i Kroacisë apo jo Unë për 

vete e zbulova gjatë aventurës sonë: 

është Zagrebi. Shpresoja që ta gjeja atje 

Lean ose të paktën një shenjë të saj. 

Zagrebi, kryeqyteti i Kroacisë 

dhe qyteti më i madh i saj. 

Shtrihet në buzë të lumit Sava. 

9 ZAGREBI 

11 Muzeu arkeologjik i Zagrebit 

10 Iris croatia 

Lulja zyrtare kroate është lloj Irisi 

(Iris Croatica). Në gjuhën tonë 

popullore njihet si lule gojë-ujku. 

Muzeu arkeologjik 

i Zagrebit ka një 

koleksion prej 450 000 

monumentesh nga e 

gjithë bota ku më të 

njohurit janë: koleksioni 

egjiptian, mumia e 

Zagrebit, mbishkrimi më 

i lashtë etrusk, si dhe 

koleksioni numizmatik (i 

monedhave). 

Sa i madh ishte Zagrebi! Është qyteti më i madh i Kroacisë dhe gati sa s’humba edhe Pinin. Edhe kjo do 

më duhej! Në fund shkuam të vizitonim Muzeun Arkeologjik, më thanë që aty ruanin një mumie të vërtetë. 

Megjithëse mua këto gjëra më futin frikën, vendosa të bëhesha guximtar dhe në fakt bëra mirë, pasi aty 

gjetëm gjurmën e radhës: tri foto nga një vend që unë nuk e njoh. Mund të më ndihmoni, grupsa 


GAzmore 

Olimpiada 

Gjatë ceremonisë së hapjes së Olimpiadës, një arbitër gagaç hipën në tribunë për një diskutim 

zyrtar. Përpara të gjithëve fillon fjalinë me: “O-o-o-o...” 

Një asistenti i tij e ndërpret me një ton përqeshës. 

- Më falni, por nuk është nevoja të lexoni edhe simbolin e Lojërave Olimpike! 

Nota e keqe 

- Nuk është faji im që shkolla shkon keq, – justifikohet Miri që kthehet në shtëpi me notë të keqe. 

– Jam ulur në fund të klasës, kështu që kur më takon të marr notën, kanë ngelur vetëm ato të këqijat. 

Pula 

E dini pse pula nuk ha çokollatë 

Ka frikë se mos bën vezë “Kinder 

Surprise”. 

Piktori 

Çfarë teknike përdorni për pikturat tuaja 

Në vend të ngjyrave përdor domate, vaj ulliri dhe uthull... 

kështu që, në rast se nuk shiten, i ha vetë! 

Nga dritarja 

Në klasë. Mësuesja shënon titullin e 

temës që do të zhvillohet në shtëpi: 

“Çfarë sheh jashtë nga dritarja” 

Ditën tjetër Luisi dorëzon fletën e 

bardhë. 

- Përse nuk ke shkruar asgjë – 

pyet mësuesja. 

- Sepse grilat e dritares ishin të 

ulura! – përgjigjet fëmija. 

Një fëmijë i vogël pyet mamin.. 

- O mami, po ajo teta pse e ka barkun aq të madh 

- Sepse pret një bebe të vogël, të keqen mamushi. 

Pasi ecin të dy mama e bir, shkojnë pranë stacionit të autobusit. 

Djali i habitur sheh një burrë me barkun deri te goja dhe shkon e pyet tërë 

kuriozitet: 

Djaloshi - O Xhaxhi, o xhaxhi! 

Xhaxhi - Po, xhan i xhaxhit! 

Djaloshi - Po ti çfarë po pret! 

Xhaxhi - Unë! Autobusin të keqen xhaxhi. 

Djaloshi - Uuuuuu sa qejfffffffffff..PO DOLI BIÇIKLETË DO MA JAPËSH 

MUAAAAA 


Gjëegjëza 

Një mollë për një shok 

Ti ke një shportë me 10 mollë. Gjithashtu ti ke 10 shokë dhe secili prej tyre 

dëshiron të ketë një mollë. Ti i jep se cilit shok një mollë. Pas disa minutash, 

çdo shok ka një mollë, megjithatë ka mbetur dhe një mollë në shportë. Si është 

e mundur 

Ingranazhet 

1. Kemi 5 ingranazhe të lidhura në një rresht, i pari është i 

lidhur me të dytin, i dyti me të tretin e kështu me radhë. Nëse 

ingranazhi i parë rrotullohet në drejtim të akrepave të orës, në 

çfarë drejtimi do të rrotullohet ingranazhi i fundit 

2. Kemi 5 ingranazhe të lidhura në një rresht, 

i pari është i lidhur me të dytin, i dyti me të tretin e 

kështu me radhë. Me çfarë shpejtësie do të rrotullohej 

ingranazhi i fundit, nëse ingranazhi i dytë do të ishte 

dy herë më i madh se ingranazhi i parë, dhe gjithë 

ingranazhet e tjerë do të kishin madhësi të njëjtë më 

ingranazhin e parë 

Një palë çorape 

Jurgeni do të niset me pushime, por ka harruar të fusë në çantë çorape! Ai shkon 

me vrap në dhomën e tij, por të gjitha dritat janë të fikura dhe ai nuk mund ta shohë 

dot ngjyrën e çorapeve. S’ka rëndësi, pasi ai e di që në sirtar e tij ka 10 palë çorape 

të bardha, 10 palë të zeza dhe njëmbëdhjetë palë çorape ngjyrë blu, por ato janë 

ngatërruar me njëra-tjetrën. Sa çorape duhet të nxjerrë ai nga sirtari, që të sigurohet 

se ka marrë të paktën dy çorape me ngjyrë të njëjtë 

Lojëra matematikore 

Me një ndërrim vendesh 

Shkruani numrat 1, 2, 3, 4, 5, 6, 7, 8, 9, 10, 11 në rrathë kartoni dhe vendosini si në figurë. Shuma e çdo tre 

numrave në vijë të drejtë sipas diametrave është 18. Gjeni dy shifra që po të ndërrohen vendet midis tre, 

shuma e çdo tre numrave në vijë të drejtë sipas diametrave të jetë 21. 

Kërmilli 

Një kërmill ditën ngjitet 6 m në një pemë, ndërsa natën zbret 4 m. Për sa ditë arrin ai në majë të pemës 

nëse ajo është 10 m e lartë 

6 yje me 25 fije shkrepëse 

Me 5 fije shkrepëse ndërtohet një yll. Po me 35 fije, si mund të ndërtohen 6 yje 

Kujdes! Nuk është e thënë që yjet të jenë të njëjtë. 


Ti dhe shokët e tu 

Si silleni kur zini 

shokë dhe shoqe 

të reja në shkollë 

Zbulojeni me anë 

të këtij testi. Në 

fund të tij numëroni 

shkronjën që ka 

dalë më tepër. Ato 

që thuhen aty do 

t’i korrespondojë 

karakterit tënd. 

Test 

1SHOKËT E TU TË KLASËS JANË: 

a. 3-6 

b. më shumë se 6 

c. më pak se 3 

2 NË GRUPIN TËND MENDON SE JE MË 

a. altruisti 

b. humoristi 

c. simpatiku/simpatikja 

3 SHOKËT E TU TË FTOJNË NË FESTË 

a. shkon 

b. nuk shkon 

c. do të dish në fillim se kush është ftuar tjetër 

4 ZGJIDH LOJËN E PREFERUAR MES 

KËTYRE 

a. me top 

b. me letra 

c. mos u nxeh 

5 TË NDODH SHPESH TË ZIHESH ME 

SHOKËT 

a. po 

b. asnjëherë 

c. vetëm ndonjëherë 

6 ZGJIDH NJË NGA KËTO KAFSHË 

a. qeni 

b. lepuri 

c. macja 

7 CILËS PREJ KËTYRE GJËRAVE I KUSHTON 

MË SHUMË KOHË 

a. të luash me shokët dhe shoqet 

b. të përsërisësh mësimet me shokun e bankës 

c. të luash me celular 

8 SHKOLLA TË PËLQEN SEPSE: 

a. mëson gjëra të reja 

b. ke shumë miq 

c. në dyqanin e shkollës bëjnë sandviç shumë të mirë 

Më shumë A 

I shoqërueshëm 

Në shkollë e kalon pjesën më të madhe të kohës me 

shokët dhe shoqet, por ndonjëherë ke qejf të rrish 

vetëm duke përsëritur apo duke dëgjuar muzikë nga 

celulari. Megjithatë, në shoqëri je një shok ose një 

shoqe shumë e mirë. 

Më shumë B 

Simpatik 

Rri gjatë gjithë ditës me shokët e tu. Mësuesja 

ndonjëherë të qorton, pasi më shumë flet, sesa dëgjon 

orën e mësimit. Shokët dhe shoqet të vlerësojnë si një 

njeri plot me energji, qendra e vërtetë e tyre. 

Më shumë C 

I vetmuar 

Shkolla për ty është një vend ku mund të mësosh 

shumë gjëra dhe të tregosh aftësitë e tua. Të pëlqen të 

rrish me shokët, derisa të mos fillojnë të të mërzisin. 


Mmmm... sa shumë akullore që ka në 

figurën 34!! A i gjen dot të gjitha 

Bashko pikat për të parë figurën që 

formohet. 

Gjej 10 ndryshimet. 

Ndihmo fëmijët të gjejnë rrugën për të 

shkuar te babai, i cili fle nën dunën e rërës. 


Loja SHEF 

Pasi të plotësosh të gjitha fjalët, të 

cilat janë të paraqitura me figura, 

mbeten disa shkronja. Shkronjat 

që mbeten krijojnë një fjalë të re, e 

cila është zgjidhja e lojës. 

Kujdes! Fjalët mund të fillojnë dhe mbrapsht. 

M I U T I N E C A M 

U G N A R U T O K A 

L U A R U P E L M C 

L I Z A P Z S L A N 

I P A P A G A L L I 

A T O G R P I C A P 


Sudoku i grupsave 

Niveli i lehtë 

Niveli mesatar 

Urdi 

Urdi 

Joni 

Andi 

Joni 

Andi 

Joni 

Stela 

Joni 

Joni 

Andi 

Stela 

Tini 

Urdi 

Sudoku është një lojë e famshme 

japoneze, me të cilën njerëzit kalojnë 

kohën dhe ushtrojnë mendjen. 

Ajo përbëhet nga disa katrorë dhe numra, 

të cilët duhen vendosur sipas një rregulle 

brenda katrorëve. Ne e kemi marrë këtë 

lojë dhe e kemi ndryshuar paksa: në vend 

të numrave kemi vendosur personazhet e 

grupsave. 

Rregulla është e thjeshtë: 

vendosni në çdo kuti një personazh të 

grupsave (që mund ta prisni nga fleta), duke 

bërë kujdes që ky personazh të vendoset 

vetëm një herë brenda secilit katror të vogël, 

secilit rresht dhe secilës shtyllë. Nëse i 

njëjti personazh vendoset më shumë se një 

herë brenda katrorëve të vegjël, rreshtave 

dhe shtyllave, zgjidhja juaj është e gabuar. 

Sudoku i grupsave ka dy nivele: i lehtë dhe 

mesatar. Niveli i lehtë luhet me 4 

personazhet e caktuara në anë të katrorit 

të madh (që përbëhet nga 4 katrorë më 

të vegjël, secili katror përmban 4 kuti), 

në nivelin mesatar katrori i madh 

përmban 6 katrorë më të vegjël dhe luhet me 

6 personazhet e caktuara pranë tij. Grupsat 

ju urojnë zgjidhje të këndshme të lojërave! 

Stela 

Tini Stela Lea Urdi 

Niveli i përparuar 

2 1 5 8 7 

6 3 9 7 1 4 

4 9 6 8 

7 1 2 

1 4 8 3 6 7 5 9 

7 4 5 3 

1 7 5 9 

2 4 1 5 8 

7 5 6 2 1 


Zbulo figurën e pikturuar. 

Gjej figurën e saktë. 

Duken identike Por nuk janë... 

Gjej 10 ndryshime. 



Quizi 

1. CILI ËSHTË PLANETI MË I MADH 

(E LEHTË KJO!) 

a. Marsi 

b. Afërdita 

c. Jupiteri 

d. Toka 

e. Mërkuri 

2 KUR U ZHVILLUA LUFTA E PARË 

BOTËRORE 

a. 1947 - 1957 

b. 1914 - 1918 

c. 1900 - 1910 

d. 2000 - 2002 

e. 1960 – 1964 

3 KUSH E SHPIKU LLAMBËN 

ELEKTRIKE 

a. Edisoni 

b. Ajnshtajni 

c. Faradej 

d. Frenklin 

e. Graham Bell 

4 MACET MË TË MËDHA JANË... 

a. Luanët 

b. Çitat 

c. Xhaguarët 

d. Leopardët 

e. Tigrat 

5 SA PËRQIND E SIPËRFAQES SË 

TOKËS MBULOHET NGA UJI 

a. 90% 

b. 60% 

c. 70% 

d. 50% 

e. 30% 

6 SA KOCKA KA NË TRUPIN E NJERIUT 

a. 263 

b. 192 

c. 301 

d. 206 

e. 422 

i njohurive të përgjithshme 

Shih rezultatin tënd, e më pas sfido një mik 

7 CILI NGA KËTA ËSHTË ORGANI I 

BRENDSHËM MË I MADH NË TRUPIN E 

NJERIUT 

a. Mëlçia 

b. Zemra 

c. Pankreasi 

d. Stomaku 

e. Veshka 

8 SI E DALLOJMË NJË ALIGATOR NGA NJË 

KROKODIL 

a. nga sytë 

b. nga bishti 

c. nga këmbët 

d. nga dhëmbët 

e. nga mënyra sesi ecën 

9 CILËT INSEKTE ISHIN MBAJTËS TË 

MURTAJËS 

a. Buburrecat 

b. Pleshtat 

c. Milingonat 

d. Mushkonjat 

e. Fluturat 

10 A JANË MERIMANGAT INSEKTE 

a. Po 

b. Jo 

c. Ndoshta 

d. Nuk e di 

e. Janë 50% insekte 

Zgjidhjet 

1. c. Jupiteri 

2. b. 1914 - 1918 

3. a. Edisoni 

4. e. Tigrat 

5. c. 70% 

6. d. 206 

7. a. Mëlçia 

8. d. nga dhëmbët 

9. b. Pleshtat 

10. b. Jo

Më pak se 4 përgjigje të sakta 

Provo përsëri kur të jesh më i 

përgatitur! Duhet t’i kushtosh më 

shumë vëmendje mësimeve gjatë vitit 

shkollor, që të bëhesh edhe ti më i 

dituri mes shokëve. 

Marios i kanë dërguar miqtë e tij kartolina. 

Gjej se në cilat vende kanë shkuar ata 

4-7 përgjigje të sakta 

Je në rrugën e duhur! Ti di shumë 

gjëra, megjithatë duhet të lexosh më 

shumë për të arritur rezultate më të 

mira. 

Mbi 7 përgjigje të sakta 

Ti je një gjeni i vërtetë! Mëson në 

shkollë dhe sheh dokumentarët 

shkencorë me gjyshin përditë. Vazhdo 

kështu dhe ndonjë ditë do të bësh 

ndonjë zbulim të rëndësishëm. 

Gjej se e cilave pjesë të figurës i përkasin hijet 

Gjej pesë zogjtë që fshihen në figurë. 


Horoskopi i shkollës 

A ju ka shkuar ndonjëherë në mendje arsyeja pse shoqja juaj Megi e pëlqen aq shumë ditën e 

parë të shkollës dhe shoku juaj Geri nuk e pëlqen fare Për ta zbuluar këtë, mjafton t’i pyesni 

për shenjën e tyre të horoskopit. Disa nga shenjat e pëlqejnë më shumë dhe disa të tjera gati e 

kanë inat këtë ditë, një prej tyre është dhe Demi, të cilit i pëlqen më shumë të pushojë se sa të 

mësojë. Por, si thoni sikur t’i hidhni një sy yjeve përpara se të niseni për në shkollë 

Dashi 

(21 mars -19 prill) 

Ju të shenjës së Dashit e shikon fillimin e vit 

të ri shkollor si një mundësi për t’i filluar gjërat 

nga e para; kjo është arsyeja pse ndieni kaq 

të emocionuar. Por nuk është vetëm kjo… A nuk do ishte mirë 

që ditën e parë të shkollës, përveç librave, fletoreve, lapsave 

mami dhe babi t’ju blinin ato atletet e bukura që jua kanë bërë 

me sy nga vitrina e dyqanit. Ju pëlqen ideja Sigurisht, pasi 

ju keni kënaqësi kur visheni bukur. Një këshillë: kur të futeni 

në kancelari, mos harroni të blini një ditar për të qenë, më të 

organizuar. 

Binjakët 

(21 maj – 20 qershor) 

Binjakët mezi presin të futen në klasë. Nuk ka asnjë 

shenjë tjetër që e pëlqen më shumë shkollën sesa ju. 

Të rrini në shoqëri dhe të mësoni gjëra të reja është 

hobi juaj, ja pse numëroni me padurim ditët që duhen 

për të filluar shkolla. Shpeshherë shokët e klasës 

ju konsiderojnë si tipa “studiozë”, kjo nuk duhet në 

asnjë mënyrë t’ju shqetësojë, përkundrazi, ja pse ajo 

enciklopedia që keni parë në librari nuk do të ishte 

keq si dhuratë për fillimin e shkollës. 

Demi 

(20 prill – 20 maj) 

Grupsat e shenjës së Demit nuk duan asnjëherë 

t’i thonë “Mirupafshim!” ditëve të bukura të verës. 

Ju pëlqen më shumë të rrini tërë ditën në krevat 

se sa të shkojnë në shkollë. Por, nëse e nisni me 

përtaci që ditën e parë, muajt e shkollës do t’ju 

duken shumë... po shumë të gjatë. Ja pse këtë 

vit yjet ju këshillojnë të ndryshoni. Si fillim, shkoni 

zgjidhni kuletën tuaj të re me lapsa, bojëra, pasi 

shenjës suaj i pëlqejnë shumë ngjyrat. Vendosini 

bateri orës tuaj me zile, se aq gjumashë sa jeni, 

do të vonoheni që ditën e parë. 

Gaforrja 

(21 qershor – 22 korrik) 

Gaforret e kanë të vështirë t’i kthehen shkollës, pasi 

janë mësuar tre muaj në shtëpi. Rehatinë e shtëpisë 

vështirë ta ndërrojnë me gjë tjetër. Prandaj, si thoni 

sikur të merrni me vete dhe atë statujën e vogël që 

keni mbi tavolinën e dhomës, për ta bërë bankën dhe 

ambientin e klasës më familjar Kjo gjithashtu është 

arsyeja pse shumë “gaforre” pëlqejnë të studiojnë në 

shkolla private, ku mund të hanë dhe drekë … Mos 

donit vallë dhe një krevat për gjumin e drekës 

Luani 

(23 korrik – 22 gusht) 

Ideja që të ktheheni sërish në shkollë ju 

pëlqen, por akoma më shumë modeli i 

ri i flokëve dhe syzet si të Urdit, që do i 

lënë pafjalë shokët dhe shoqet e klasës. 

Ju gjithmonë ju pëlqen të jeni në qendër 

të vëmendjes, prandaj edhe fletoret e 

librat i mbështillni në një mënyrë krejt të 

ndryshme nga të tjerët. 

Virgjëresha 

(23 gusht – 22 shtator) 

Shenja juaj është super e organizuar. Kjo do të thotë që ju i 

vendosni të gjitha gjërat në rregull…Nuk ju pëlqen rrëmuja, 

prandaj mos harroni t’u blini krahas mbështjellëseve e 

fletoreve edhe dosje, për të futur shënimet e ndryshme. Jo 

vetëm të organizuar, por edhe super të kujdesshëm. Fletorja 

juaj është model për gjithë klasën: shumë e rregullt dhe pa 

asnjë gabim. Ja pse në kuletën tuaj nuk mungon asnjëherë 

goma dhe korrektori. Përfundimisht, shkolla bën për ju! 


Peshorja 

(23 shtator – 22 tetor) 

Të gjithë grupsat që kanë lindur në këtë shenjë e 

shohin shkollën si një mundësi shumë e mirë për të 

krijuar miqësi. Kapakët tuaja të fletoreve janë shumë 

të çuditshëm, gjithashtu dhe stilolapsi me më shumë 

se tre ngjyra është një mundësi për të biseduar me 

shokun apo shoqen e re të bankës. Dita e parë e 

shkollës do të jetë shumë më interesante se ç’e keni 

parashikuar. Bëni kujdes t’i kushtoni vëmendje edhe 

mësimeve, jo vetëm miqve! 

Shigjetari 

(22 nëntor – 21 dhjetor) 

Sa ju pëlqejnë të luani në natyrë! Si do të 

bëni tani që s’do keni aq shumë kohë për t’u 

argëtuar Ditët e para të shkollës do të jenë të 

vështira për t’u mësuar me idenë se duhet të 

rrini ulur në bankë dhe të dëgjoni mësimin, por 

më vonë gjithçka do ndryshojë. Shigjetarët janë 

tipa aventurierë. Ja pse në çantën e tyre ka 

gjithmonë një atlas gjeografik. 

Ujori 

(20 janar – 18 shkurt) 

Përgatitjet për ditën e parë të shkollës 

ju pëlqejnë më shumë se vetë shkolla. 

Të dilni me prindërit nëpër dyqane është 

kënaqësia juaj. Këtë muaj do t’i kërkoni 

prindërve t’ju blejnë jo vetëm rroba të reja, 

por edhe ato pajisjet teknologjike që ju 

i pëlqeni aq shumë. Vetëm kujdes, mos 

e teproni! Një shok i ri do të shfaqet në 

rrugën tuaj. 

Akrepi 

(23 tetor- 21 nëntor) 

Mësimi për ju nuk përbën aspak një problem. Ju 

lexoni me shumë vëmendje dhe përherë mbani 

shënime. Për këtë yjet ju këshillojnë të blini një 

bllok shënimesh me shumë faqe. Edhe pse ju e 

pëlqeni shkollën, kjo nuk do të thotë që të mos 

keni emocione ditën e parë të shkollës. Akrepat 

janë të heshtur dhe shpesh nuk u pëlqen të flasin 

për gjërat e tyre. Bëni kujdes, kjo sjellje mund t’i 

bezdisë miqtë tuaj. 

Bricjapi 

(22 dhjetor – 19 janar) 

Grupsat e shenjës së Bricjapit janë shumë ambiciozë 

dhe e shikojnë shkollën si mundësi për të treguar 

aftësitë e tyre. Ju keni një stil mjaft të veçantë, që i 

bënë të gjithë t’ju shikojnë me admirim shpesh edhe 

me zili. Ditën e parë të shkollës të gjithë do të flasin 

për iphone-in tuaj të ri apo për laptopin e vogël që e 

keni marrë në shkollë për t’ia treguar shokëve. Mos 

u nxitoni për të qenë i pari, sepse mund të bëni dhe 

gabime! 

Peshqit 

(19 shkurt – 20 mars) 

Grupsat e shenjës së Peshqve janë gjithmonë 

nëpër re. Pëlqejnë të ëndërrojnë me sy hapur, 

ndonjëherë e bëjnë edhe gjatë orës së mësimit, 

derisa mësuesja i tërheq vëmendjen, duke e 

ngritur në tabelë…dhe aty nisin problemet. Këtë 

vit të ri yjet ju këshillojnë t’i lini ëndrrat jashtë 

dritares së klasës dhe të përqendroheni më 

shumë. 

GRUP-sat 

GRUP-sat • 

• 63 63

Bëj zgjedhje me MEND! 

ABONOHU!!! 

K a r t o l i n ë a b o n i m i 

Emri: 

Mbiemri: 

Qyteti/komuna: 

Adresa: 

Tel.: 

E-mail:* 

* 

Po, dua të abonohem ose ta dhuroj abonimin me 12 numra të Grupsave. 

Do të paguaj vetëm 2000 lekë në vend të 2400 lekë, sipas uljes prej 15%. 

Po, dua të abonohem ose ta dhuroj abonimin me 12 numra të Grupsave 

plus librin “Sfida për trurin”. 

Do të paguaj vetëm 2800 lekë në vend të 3300 lekë, sipas uljes prej 15%. 

Të dhënat e mia: (në çdo rast të plotësohet nga një i rritur) 

Duke na dhënë adresën e email-it do kemi mundësinë t’ju informojmë për kohën kur do të arrijë numri i parë. 

Dërgojani * revistën: (të plotësohet me të dhënat e fëmijës, të cilit i dhuroni abonimin) 

Emri: 

Mbiemri: 

Qyteti/komuna: 

Adresa: 

Tel.: 

Datëlindja: 

“Grupsat” mbërrijnë në shtëpi, duke filluar nga 15 Janari 2012.

sat - Albas

You also want an ePaper? Increase the reach of your titles

Delete template?

Save as template?