SJS BibleSudy - Zulu FINAL - Diakonia Council of Churches
SJS BibleSudy - Zulu FINAL - Diakonia Council of Churches
SJS BibleSudy - Zulu FINAL - Diakonia Council of Churches
Create successful ePaper yourself
Turn your PDF publications into a flip-book with our unique Google optimized e-Paper software.
Kuyini ukufudumala komhlaba?<br />
Kunamagesi afana ne-‘carbon dioxide’ kanye ne-‘methane’, abuye<br />
aziwe ngokuthi yi-‘greenhouse’. Lamagesi akha untwentwesi emkhathini<br />
olube seluvalela ukushisa emhlabeni kungadluleli emkhathini.<br />
Lokhu kube sekwenza umhlaba ushise kakhulu – bese kudaleka<br />
lokhu esithi ukufudumala komhlaba. Ngenxa yalokhukushisa kuba<br />
sekushintsha nezikhathi zemvula kube nozamcolo ezindaweni eziningi.<br />
Igesi i-‘carbon dioxide’ yiyona enomthelela omkhulu ekufudumaleni<br />
komhlaba. Kanti ke legesi iqhamuka kakhulukazi ezimbonini<br />
nokushiswa kwemikhiqizo kawoyela. Ukubulawa kwamahlathi<br />
nakho kwakha lamagesi ayingozi. Lokhu kungenxa yokuthi izihlahla<br />
phela zinciphisa inani lalegesi ‘carbon dioxide’, ngokuyisebenzisa<br />
ekukhiqizeni umoya lona esiwuphefumulayo i-‘oxygen’, ukushatshalaliswa<br />
kwezihlahla eziningi kusho ukwanda kwalegesi.<br />
Kunobufakazi bokuthi izinto ezenziwa ngabantu nazo zinegalelo<br />
ekushintsheni kwesimo sezulu. Abantu bamazwe athuthukile bangu-<br />
20% nje kuphela wenani labantu emhlabeni, kepha basebenzisa u-<br />
80% wezimfanelo nezidingo zomhlaba jikelele. Ngenxa yalempilo<br />
yokunethezeka, lamazwe ayathinteka kakhulu ekungcoliseni indalo<br />
okudala ukufudumala komhlaba.<br />
Kwamanye amazwe asathuthukayo afana neNingizimu Afrika<br />
abantu balingisa imikhuba yaseNyakatho. INingizimu Afrika ingeyesithathu<br />
emazweni akhiqiza kakhulu amagesi ayingozi. Kulamazwe<br />
kanye nezwe lethu, umuntu ngamunye ukhiqiza amathani alishumi e-<br />
‘carbon dioxide’ ngonyaka. Lokhu kulenza izwe lethu likhiqize legesi<br />
ngokuphindiwe kunamanye asathuthukayo.<br />
Ukufudumala komhlaba kanye nezinguquko ezidalekayo kwisimo<br />
sezulu kuyinselelo ekhathaza kakhulu esibhekene nazo kulenkathi.<br />
UKUNGCOLISEKA KWEMVELO<br />
Ukungcoliseka kwemvelo kuwukungcola (kwamanzi, inhlabathi<br />
kanye nomoya) okudalwa udoti wabantu. Emhlabeni wonke sikhiqiza<br />
ukungcola ngesivinini esiphezulu uma kuqhathaniswa nemizamo<br />
yokukukhuculula. Siphila emhlabeni wokudla ukudla okusheshayo<br />
maqede kulahlwe udoti nanoma yikanjani. Kuliqiniso ukuthi amazwe<br />
athuthuke kakhulu yiwona angcolisa kakhulu imvelo kepha namanye<br />
asathuthukayo njengeNingizimu Afrika nawo awazibekile phansi.<br />
21