SJS BibleSudy - Zulu FINAL - Diakonia Council of Churches

akhumbule lesisivumelwano, okusho ukuthi impahla kumele inakekelwe
hhayi nje kuphela ukwanelisa umnikazi kepha nokusiza abanye.
Ngakho ke singeze sazibandakanya nanoma yiziphi izinhlelo ezisebenzisa
noma ziphathe indalo njengento yokuhwebelana. Singezibandakanye futhi
nezinhlelo ezingahambisani neqiniso lokuthi wonke umuntu unelungelo
elifanayo ekuhlumuleni ezintweni zemvelo lokhu okubuye kubizwe ngokuthi
yi-‘global commons’ izinto zomhlaba wonke.
“Lona ngumhlaba kaNkulunkulu”
(Isitatimende se SACC mayelana ne WSSD 2002)
Buyelani emaqenjini enu nixoxe ngalokhu okulandelayo:
• Yimuphi umyalezo owutholile kulezizitatimende?
• Bala izinto ezimbalwa ocabanga ukuthi zifanelwe ukuba zibe ngezomhlaba
wonke (global commons)?
Emasikweni amaningi amanzi athathwa njengento enobungcwele.
Amanzi anikeza impilo, ayisidingo nakwezempilo. Ayisiqalo sayo yonke
imisebenzi yomuntu ophilayo.
“Amanzi kufanele aphathwe njengesidingo esimqoka ngokwezenhlalakahle
ngokunjalo nangokwamasiko, hhayi njengento yokwenza
inzuzo.” Uma sibheka iNtshumayelo yaseNtabeni siyakhumbula
ukuthi uJesu wabakhuthaza kanjani abantu ukuba baphakele abanye
ngokuba babelane ngalokho abanakho (Mark 6:35). Ngobudlelwane
nje nokwabelana ngezinto eziyidingo, singaqiniseka ukuthi zonke
izidingo zempilo ziyatholakala ngoba izidingo zanele ukuba wonke
umuntu ahlomule. Ukusetshenziswa kwamanzi emindenini kuyilungelo
lawo wonke umuntu okungafanele lithengiswe. Sizokhumbula
ukuthi imiphakathi yamaKrestu asendulo ayephila ngokwabelana
nobudlelwane kanti kwakungekho muntu onegunya lobunikazi ezintweni
njengoba zonke izinto abanazo kwakungezomuntu wonke
(Izenzo 4:32).
IZITSHALO ZOKWENZIWA
“Kungakuhle bakhumbule labo abangeke bakwazi ukuzithiba ekuhungekeni
okuyingozi kwezitshalo zokwenziwa, ukuthi isisho esidala saseZambia sithi:
‘uma ufuna ukuhlola ukujula kwamanzi, ungafaki imilenze yakho emanzini.’ ”
(Chinsembo and Kanbikambi 2001)
54