SJS BibleSudy - Zulu FINAL - Diakonia Council of Churches

AMAZWI ABHEKISWE KUBAHOLI BAMAQEMBU
Uma uhola iqembu elisha, kubalulekile ukuthi uchithe isikhashana
emhlanganweni wokuqala usiza amalungu eqembu ukuthi azane.
Lapho umema abantu eqenjini, ubacele baphathe amabhukwana
abo okubhala amaphuzu abalulekile, amapeni kanye namabhayibheli.
Ukufunda indima yebhayibheli noma isahluko esithathwe ezincwadini
ezahlukene kuvame ukunikeza ulwazi olusha.
Isahluko ngasinye sihlelelwe ukuthatha amahora amabili. Izikhathi
ezibekiwe zengxenye ngayinye yezahluko, zizoya ngokuthi
iqembu lingakanani nokuthi lidinga isikhathi esingakanani.
Izigaba zesahluko ngasinye zimiselwe ukusetshenziswa njengezibonelo
zezingxoxo. Amaqembu awalindelekile ukuthi azenze zonke
izigaba ngobunjalo bazo. Ibhukwana leli lizosetshenziswa njengesisekelo
sokwelekelela amabandla ukuveza eyawo imibono.
Indlela yokukhuthaza ukuthi wonke umuntu abambe iqhaza ezingxoxweni,
kungaba ukuthi amaqembu angabi nabantu abangaphezu
kwesikhombisa. Uma iqembu lakho linabantu abangu 13, kungabangcono
ulehlukanise amaqenjana amancane.
Khuthaza wonke umuntu ukuthi akhulume ngokuthi ubajwayeze
ukuthi baxoxisane emaqenjini amancane, babe ngababili noma ngabathathu.
Azikho izimpendulo okuthiwa “ezifanele”. Njengoba umuntu
ngamunye ebaluleke ngendlela yakhe yedwa, futhi ngamunye enolwazi
olwehlukile, ngokunjalo nendlela aqonda ngayo ukholo lwakhe
yehlukile. Ngakho ke:
• Lalelisisa ngenhlonipho umuntu ngamunye.
• Vumela bonke abantu ukuthi bakhulume ngalokho abafuna
ukukusho, noma ngabe akukuphathi kahle noma ungavumelani
nakho.
• Amanye amaphuzu nemibono ingashuba kakhulu ize ithikameze
imimoya yabanye abantu, zama ukwehlisa umoya,
ukhuthaze iqembu ukubhekana nomsebenzi ophambi kwalo.
• Yamukela imibono yabanye, uNkulunkulu angakumangaza
ngemibono emisha.
7