You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
20 VÍKURFRÉTTIR<br />
fimmtudagur 22. desember 2016<br />
Lífið eftir körfuboltann<br />
Þegar halla fór á síðari hluta ferils<br />
Brenton í körfuboltanum fór hann að<br />
hugsa um hvað tæki við. Hann ákvað<br />
að opna húsgagnaverslun við Hafnargötu<br />
í Reykjanesbæ árið 2006 og rak<br />
hana í tvö ár. Brenton og Berglind<br />
fóru að vera saman þegar Brenton var<br />
að fara að spila í Frakklandi en þar<br />
bjuggu þau saman. Þau eignuðust son<br />
saman 2004 en fyrir átti hún einn son.<br />
„Það var gaman í upphafi að reka búðina.<br />
Svo tekur raunveruleikinn við.<br />
Til þess að fyrirtækið virki þurftum<br />
við að njóta ákveðinnar velgengni.<br />
Svo kom kreppan og við þurftum að<br />
ákveða hvort við ættum að segja skilið<br />
við búðina,“ segir Brenton um húsgagnaævintýrið.<br />
Það stóð aldrei til að verða eftir á Íslandi<br />
þegar körfuboltanum lauk.<br />
„Berglind er ástæðan fyrir því að ég<br />
varð eftir á Íslandi. Eftir Frakkland þá<br />
varð Ísland heimahöfnin fyrir mér þar<br />
sem hún var hér. Það var ekki erfið<br />
ákvörðun að setjast að á Íslandi. Ef þú<br />
elskar einhvern þá skiptir staðsetningin<br />
engu máli. Ég sakna auðvitað<br />
fjölskyldu minnar í Bandaríkjunum<br />
mjög mikið en er að reyna að lifa<br />
mínu eigin lífi.“<br />
Fyrir tilviljun fékk Brenton spurnir<br />
af námi flugumferðastjóra. Það er<br />
starf þar sem enska er fyrirferðamikil<br />
og mikilvægt er að vera yfirvegaður<br />
undir álagi. „Ég elska þessa vinnu og<br />
hlakka til þess að mæta á hverja vakt,“<br />
segir Brenton sem hafði alltaf áhuga<br />
á flugi en var ekki áhugasamur um<br />
að vera flugmaður. „Ég er ekki flughræddur<br />
en kýs frekar að vera á jörðu<br />
niðri.“ Brenton skráði sig í námið hjá<br />
Keili árið 2009 og stóð sig mjög vel.<br />
Hann var ráðinn til Isavia í kjölfarið<br />
og kláraði réttindin ári síðar.<br />
„Þessu starfi fylgir ákveðin streita og<br />
þú þarft að vera mjög einbeittur. Við<br />
erum auðvitað ekki eins og Heathrow<br />
í London og umferðin er ekki mikil<br />
miðað við þessa stóru flugvelli. Eins<br />
undarlega og það hljómar þá er það<br />
stundum þannig að okkar umferð er<br />
erfiðari en á þessum stóru völlum. Hér<br />
eru námsvélar og oft hervélar í bland<br />
við almenna umferð.“<br />
„Við verðum að vera tilbúin að kveikja<br />
á okkur og takast á við verkefni á<br />
örskotsstundu. Það er ekki hægt að<br />
hita upp og teygja í þessum geira og<br />
hlutirnir gerast hratt.“ Þannig getur<br />
ýmislegt komið upp á og mistök geta<br />
haft alvarlegar afleiðingar. „Það gerist<br />
auðvitað ýmislegt þar sem mannlegi<br />
þátturinn er stór í starfinu. Góður<br />
flugumferðarstjóri getur séð eitthvað<br />
gerast fyrir og brugðist fljótt við án<br />
þess að frjósa eða fara á taugum.“<br />
Brenton segir að liðsvinnan sé mikil<br />
eins og í körfuboltanum. Allir hafi<br />
sömu markmið og mikil áhersla er<br />
á samskipti. Brenton sér fyrir sér að<br />
starfa á þessum vettvangi lengi enda<br />
mjög hamingjusamur í starfi.<br />
Fjórir strákar og fjörugt heimili<br />
Brenton er mikill fjölskyldumaður.<br />
Þau Berglind eiga saman þrjá stráka<br />
og Berglind átti soninn Rúnar fyrir<br />
sem Brenton hefur verið uppeldisfaðir.<br />
„Ég elska fjölskyldulífið og það<br />
er fullkomið að ala upp börn á Íslandi.“<br />
Strákarnir eru í körfubolta og<br />
tekur Brenton þar mikinn þátt. Hann<br />
er eiginlega „all in“ þar eins og maður<br />
segir. Mætir á öll mót og ráðleggur<br />
stákunum. „Ég segi þeim að þeir þurfi<br />
ekki að spila körfubolta út af mér. En<br />
ef þeir vilja spila körfubolta þá finnst<br />
mér að þeir verði að leggja 120% á sig<br />
og þá er ég til í að hjálpa.“<br />
„Margir hafa ákveðnar hugmyndir<br />
um starfið. Einn spurði mig til dæmis<br />
um daginn hvort við værum byrjaðir<br />
að starfa innandyra, hann hélt að við<br />
værum gaurarnir með ljósin sem<br />
leiðbeina flugvélunum við rampinn,“<br />
segir hann og hlær. „Það eru mismunandi<br />
tegundir af flugumferðarstjórum.<br />
Þeir sem eru í turninum, en ég fæst við<br />
það núna. Svo eru það þeir sem stýra<br />
flugumferð á flugvöllum á Íslandi og<br />
í íslenska flugstjórnarsvæðinu sem er<br />
5,4 milljónir ferkílómetrar að stærð<br />
og eitt það stærsta í heiminum. Svo<br />
eru aðrir sem stjórna aðflugi og ratsjánum.<br />
Það er svo ótalmargt í þessu<br />
sem fólk gerir sér kannski ekki grein<br />
fyrir. Við verðum að vera með það<br />
á hreinu hvað fer fram á öllum flugbrautum<br />
þar sem umferð bíla og flugvéla<br />
er talsverð, svo er oft mikið um<br />
framkvæmdir á flugbrautunum og við<br />
fylgjumst vel með því.“<br />
Stoltur Íslendingur sem<br />
öskrar yfir fótbolta<br />
Brenton er eins og áður segir vel liðinn<br />
í samfélaginu en hann hefur þó fundið<br />
fyrir því að vera öðruvísi á stundum.<br />
„Að vera svartur maður á Íslandi, þá<br />
líður manni stundum eins og utanaðkomandi.<br />
Vegna þeirra sem eru mér<br />
nærri, fjölskyldu og vina sem mér<br />
þykir vænt um, þá gerist það mjög<br />
sjaldan.“<br />
Brenton var eins og allir Íslendingar<br />
með fótboltaæði í sumar þegar EM<br />
stóð yfir. Brenton sjálfur lék á sínum<br />
tíma 19 landsleiki fyrir Íslands hönd.<br />
„Þegar við spiluðum við England,<br />
hver var ekki hoppandi og öskrandi af<br />
gleði? Ég bý yfir miklu íslensku stolti.<br />
Ég hef verið hér í 18 ár, næstum hálfa<br />
ævina, auðvitað er ég stoltur Íslendingur.<br />
Nú til dags skilgreini ég mig<br />
sem Íslending með bandarískt vegabréf,“<br />
segir hinn geðþekki Brenton.<br />
Góður í Grindavík: „Ég er mikill Njarðvíkingur en ber líka tilfinningar<br />
til Grindavíkur. Mér var nokkurn veginn ýtt þangað<br />
á sínum tíma. Ég hefði líklega spilað allan minn feril hjá Njarðvík<br />
á Íslandi ef þetta hefði ekki farið svona. Þetta snýst líka um<br />
viðskipti og tryggðin nær aðeins visst langt á báða bóga.“<br />
Frægðarhöllin: Brenton átti frábæran feril í Manhattan skólanum.<br />
Brenton prófaði einu sinni að drekka í háskóla fyrir<br />
forvitnissakir. „Það var bara tilraun. Ég vissi strax að það yrði<br />
í eina skiptið.“<br />
Spilaði 19 landsleiki: „Jón Arnór er erfiðasti andstæðingurinn. Hann er besti leikmaður<br />
sem Ísland hefur átt. Hann er líka tíu árum yngri en ég og því var stundum<br />
erfitt að líta á hann sem andstæðing á sama stigi.“<br />
Sú eina rétta: „Berglind er ástæðan fyrir því að ég varð eftir á Íslandi. Eftir Frakkland<br />
þá varð Ísland heimahöfnin fyrir mér þar sem hún var hér.“<br />
Fingur-rúll: Eitt af einkennismerkjum Brenton, er hið svokallaða.<br />
„finger roll. Hann átti það nú líka til að troða boltanum<br />
hressilega.