You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
fimmtudagur 22. desember 2016<br />
VÍKURFRÉTTIR<br />
51<br />
JÓN<br />
STEINAR<br />
YFIRHEYRÐUR<br />
Rjúpa<br />
Þetta er ekki besta myndin sem að ég hef tekið, en í mínum huga er þetta magnaðasta „mómentið“ sem ég hef fangað. Ég fékk<br />
að fljóta með bróðir mínum sem er mikill veiðimaður á rjúpu og ég kom auga á þessa og byrjaði að mynda. Þar sem að ég var<br />
að mynda þá læddist bróðir minn til hliðar við mig án þess að ég yrði hans var og hleypti af<br />
og þarna er þetta rjúpugrey í miðju hagléli. Ég vill meina að þetta sé óheppnasta rjúpa í heimi, skotin tvisvar á sama augnablikinu<br />
með myndavél og haglara.<br />
Himbriminn<br />
Himbriminn er klárlega minn uppáhalds fugl og ljósmyndadellan er þeim kostum búin að hún dregur mann út í náttúruna og<br />
hvetur til hreyfingar sem hverjum manni er holl.<br />
Svo er auðvitað ekki leiðinlegt að fá svona bónusa eins og þennan, að komast í nálægð við Himbrimann sitjandi á óðali sínu.<br />
Hvaða tegund af<br />
tannkremi notar þú?<br />
Kolgata.<br />
Síðasta kvöldmáltíðin?<br />
Hverslags spurning er þetta? Ég er<br />
ekki dauður enn og hef þar af leiðandi<br />
ekki borðað síðustu kvöldmáltíðina<br />
enn.<br />
Brenndur eða grafinn?<br />
Pottþétt grafinn. Eftirlifendur skulu<br />
sko fá að hafa fyrir mér.<br />
Hvað setur þú á pylsuna?<br />
Allt nema þetta aukarugl sem að<br />
Akureyringar og nærsveitamenn<br />
tóku upp á að troða með í brauðið.<br />
Hvar lætur þú klippa þig?<br />
Þar sem maður er nú að mestu<br />
vaxinn upp úr gærunni, þá fer rúningurinn<br />
á því litla sem að eftir er<br />
bara fram heima fyrir.<br />
Borðar þú svið?<br />
Já. Ég svoleiðis gúffa þeim í mig eins<br />
og enginn sé morgundagurinn og<br />
þetta séu hreinlega síðustu sviðin<br />
í heiminum, en sé svo eftir öllu að<br />
loknum síðasta bitanum.<br />
Hvað gerir þú milli<br />
klukkan 5 og 7 á daginn?<br />
Oftast nær fer þessi tími í vinnu. En<br />
ef heppnin er með manni þá kemst<br />
maður fyrr út með myndavélina.<br />
Súrmaturinn eða pottrétturinn?<br />
Súrmaturinn. Pottrétturinn er bara<br />
ekki minn tebolli.<br />
Hvað ertu með í vinstri vasanum?<br />
Ekkert. Sit á vasalausri brókinni<br />
að skrifa svörin við þessum spurningum.<br />
Hver væri titill ævisögu þinnar?<br />
Þetta reddast.<br />
Hver er draumabíllinn?<br />
Ford F 450. Bara af því að Trump<br />
er mættur á svæðið og hafnar öllu<br />
loftslagsruglinu. Þá er um að gera<br />
að fá sér eitthvað sem að eyðir öllu<br />
sem að maður setur á hann og helst<br />
helling í viðbót.<br />
Ferðu í kirkju?<br />
Já. Brúðkaup og jarðarfarir. Algjör<br />
óþarfi að fara oftar.<br />
Innanlandsflug til<br />
Keflavíkurflugvallar?<br />
Hvernig dettur mönnum í hug að<br />
Grindvíking langi að fljúga til Keflavíkur?<br />
Fallegasti staður á landinu?<br />
Fyrir utan Nafla alheimsins (Grindavík),<br />
þá er skora gotstöðvarnar, Ísafjörður,<br />
hátt hjá mér.<br />
Kjöt eða fiskur?<br />
Jafn vígur á bæði, þó svo að góð steik<br />
toppi allt.<br />
Evrópuferð eða Ameríku?<br />
Evrópuferð fyrir allan peninginn.<br />
Hef engan áhuga að að skoða nagdýrið<br />
á hausnum á Trump.<br />
Gist í fangaklefa?<br />
Nei, til hvers?<br />
Sturta eða bað?<br />
Sturta, takk.<br />
Hver er besta ákvörðun<br />
sem þú hefur tekið?<br />
Ég er alveg örugglega ekki búinn að<br />
taka hana ! Eða.... er ég?<br />
Hvaða sögu hafa foreldrar<br />
þínir endurtekið sagt af þér?<br />
Hversu góður og stilltur ég var sem<br />
barn. Alveg satt!<br />
Furðulegasti matur<br />
sem þú hefur borðað?<br />
Surströmming. Þetta er rotin síld frá<br />
Svíþjóð og er algjör viðbjóður sem<br />
að hvorki er á borð bjóðandi eða á<br />
vetur setjandi.<br />
Hvað er það neyðarlegasta<br />
sem þú hefur lent í ?<br />
Það er án efa hláturkast í biðröð á<br />
leið í bíó fyrir all nokkrum árum<br />
með vini og til að bjarga andlitum<br />
okkar og forðast hneykslan annara<br />
í röðinni, þá stukkum við fyrir<br />
horn til að jafna okkur sem að tók<br />
þó nokkurn tíma. Þegar við höfðum<br />
tekið okkur saman í andlitinu og<br />
komum aftur fyrir hornið hafði<br />
röðin ekkert hreyfst.<br />
Hver er fyrsta endurminning þín?<br />
Sem lítill pjakkur á þríhjóli í Betra<br />
hverfinu (Þórkötlustaðahverfi).<br />
Sameinuð sveitarfélög á<br />
Suðurnesjum eða áfram eins og nú?<br />
Áfram eins og nú. Okkur Grindvíkingum<br />
þykir ekki leiðinlegt að<br />
skilja Keflvíkinga eftir í reyknum.<br />
Sólstafir<br />
Þetta er mynd sem að er tekin út yfir Járngerðarstaðasundið (innsiglingin til Grindavíkur). Eftir að ég tók upp þá reglu að hafa<br />
alltaf myndavélarnar með mér, brenndur af því svo oft að hafa ákveðið að nú væri veður og skyggni svo leiðinlegt og lélegt<br />
og örugglega ekkert að sjá, en lenda svo í því myndavélalaus að sjá eitthvað sniðugt. Þá er þetta einmitt dæmi mynd tekna<br />
á þannig degi. Ekkert nema dumbungur og drungi og svo allt í einu búmm, himininn opnast og þessir líka fallegu sólstafir<br />
stinga sér niður. Ljósmyndarinn fór glaður heim þarna í stað þess að vera bölvandi yfir því að hafa ekki tekið græjurnar með.<br />
„Þegar að þú ferð af fullum krafti í fuglana,<br />
þá getur þú kysst allt annað bless.“<br />
Hér eru græjurnar<br />
sem til eru á lagernum<br />
þessa stundina.