You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
22 VÍKURFRÉTTIR<br />
fimmtudagur 22. desember 2016<br />
Fjöldi á fundi um<br />
mengun frá kísilveri<br />
Fjölmenni var í Stapa á fundinum.<br />
●●Fulltrúi United Silicon baðst afsökunar á mengun<br />
●●Margir íbúar tóku til máls á fundinum<br />
Fjöldi íbúa Reykjanesbæjar mætti<br />
á íbúafund í Stapa á miðvikudagskvöld<br />
í síðustu viku þar sem rædd var<br />
ófyrirséð mengun frá kísilveri United<br />
Silicon í Helguvík. Verksmiðjan hóf<br />
framleiðslu í haust og upp úr miðjum<br />
nóvember fóru íbúar að finna fyrir<br />
lyktar- og reykmengun og hafa Umhverfisstofnun<br />
borist fjölmargar<br />
ábendingar vegna þess. Að loknum<br />
framsögum á fundinum frá fulltrúum<br />
Reykjanesbæjar, United Silicon, Umhverfisstofnun<br />
og Orkurannsóknum<br />
Keilis gafst fundargestum kostur á<br />
að bera fram spurningar. Ýmis mál<br />
tengd uppbyggingu stóriðju í Helguvík<br />
brunnu á fundargestum og stóð<br />
fundurinn í rúmlega þrjár klukkustundir<br />
en þá var mælendaskrá lokað.<br />
Óttast að íbúar flytji vegna mengunar<br />
Íbúi í næsta nágrenni við kísilverið<br />
lýsti því hvernig gasskynjari hafi farið<br />
gang þegar hann hafði útidyrahurð á<br />
heimili sínu opna um tíma. Hann lýsti<br />
yfir áhyggjum af því að önnur efni en<br />
þau sem verið er að mæla streymi frá<br />
verksmiðjunni. Íbúi við Heiðarholt<br />
benti á að leikskólinn Heiðarsel væri<br />
nálægt verksmiðjunni. Annar kvaðst<br />
upplifa stöðuna sem svo að hann væri<br />
staddur í skipulagslegu stórslysi þar<br />
sem hver vísi á annan. Þá lýsti íbúi í<br />
Reykjanesbæ yfir áhyggjum af því að<br />
ungt fólk myndi í framtíðinni flytja<br />
frá bæjarfélaginu vegna mengunar.<br />
„Við erum að ala upp kynslóð hér sem<br />
hefur staðið sig vel í Pisa-könnunum<br />
og við viljum hafa hana hér áfram, er<br />
það ekki?,“ sagði sá íbúi og uppskar<br />
lófaklapp fundargesta.<br />
Segjast vilja gott samstarf<br />
við nágranna<br />
Kristleifur Andrésson, stjórnandi öryggis-<br />
og umhverfismála hjá United<br />
Silicon, sagði í framsögu sinni að<br />
fulltrúum fyrirtækisins þætti miður<br />
að íbúar hafi orðið fyrir óþægindum<br />
vegna byrjunarörðugleika sem þeir<br />
hafi glímt við. Hann sagði þá leggja<br />
áherslu á að eiga gott samstarf við nágranna<br />
sína, íbúa og bæjaryfirvöld.<br />
11 frávik frá ákvæðum starfsleyfis<br />
Í framsögu Sigríðar Kristjánsdóttur,<br />
teymisstjóra eftirlitsteymis Umhverfisstofnunar,<br />
kom fram að skráð hafi<br />
verið 11 frávik frá ákvæðum starfsleyfis<br />
kísilvers United Silicon í Helguvík.<br />
Hún sagði skráningar United<br />
Silicon ekki hafa verið fullnægjandi<br />
og upplýsingar sem fulltrúar fyrirtækisins<br />
gáfu stofnuninni misvísandi.<br />
Þá lýsti hún því að sérfræðingar Umhverfisstofnunar<br />
hafi haft áhyggjur af<br />
samskiptum við fulltrúa fyrirtækisins.<br />
Hún minna fundargesti á að eftirlitsskýrslur<br />
um starfsemina væru aðgengilegar<br />
á vef stofnunarinnar.<br />
Umhverfisstofnun beitti þvingarúrræði<br />
í þar síðustu viku eftir að hafa<br />
skráð frávik en ekki fengið þau viðbrögð<br />
frá fyrirtækinu sem þau vonuðust<br />
til. Þvingunarúrræðið fólst í því<br />
að fyrirtækið skyldi ekki kveikja aftur<br />
á ofni eftir að slökkt var á honum í<br />
kjölfar vinnuslyss. Sigríður sagði að<br />
þá hafi fulltrúar United Silicon brugðist<br />
hratt við og sent gögn sem farið<br />
var yfir. Því var fyrirmælum aflétt og<br />
fyrirtækinu heimilt að kynda aftur<br />
upp í ofninum.<br />
Fulltrúar United Silicon við háborðið, Helgi forstjóri þriðji frá hægri. Þeim til hliðar<br />
eru Sigríður Kristjánsdóttir og Þorsteinn Jóhannsson frá Umhverfisstofnun.<br />
VF-myndir/pket.<br />
Háskólabrú í janúar Flugvirkjanám í janúar Tæknifræði í júní<br />
Háskólabrú í ágúst Íþróttaakademía í janúar Atvinnuflugnám í júní<br />
Til hamingju<br />
útskriftarnemendur!<br />
Atvinnuflugnám í janúar<br />
Háskólabrú í júní<br />
Árið 2016 útskrifaði Keilir 296<br />
nemendur úr öllum deildum skólans.<br />
Við óskum þeim til hamingju með<br />
þennan áfanga og þökkum þeim fyrir<br />
árið sem er að líða.<br />
Íþróttaakademía í júní<br />
Leiðsögunám í júní