You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
fimmtudagur 22. desember 2016<br />
VÍKURFRÉTTIR<br />
71<br />
Börðust við MMA<br />
kappa í Montreal<br />
■■Á dögunum héldu tveir þjálfarar Keflavíkur í bardagaíþróttum til Bandaríkjanna<br />
á námskeið í barna- og unglingaþjálfun. Hnefaleikaþjálfarinn<br />
Björn Björnsson og Tae Kwon Do/BJJ þjálfarinn Helgi Rafn Guðmundsson<br />
fóru í frægðarför þar sem þeir heimsóttu í leiðinni meðal annars frægasta<br />
MMA æfingasal í heimi (Tristar MMA gym í Montréal í Kanada) og tókust<br />
þar á við MMA kappa. Það voru þeir Alex Garcia og Joe Duffy, einn af fáum<br />
mönnum sem hefur sigrað Conor McGregor. Helgi og Björn stefna á að setja<br />
á fót MMA námskeið strax í janúar á Suðurnesjum. Þjálfararnir segja að á<br />
heildina litið hafi þessi reynsla verið þeim mjög góð og ferðin ánægjuleg.<br />
Þrír reynsluboltar<br />
yfirgefa Keflavík<br />
●●Haraldur og Magnús Sverrir hættir<br />
Þrír af reyndustu leikmönnum Keflvíkinga<br />
í karlafótboltanum munu ekki<br />
leika með liðinu á næsta tímabili. Eins<br />
og áður hefur verið greint frá þá hefur<br />
Haraldur Freyr Guðmundsson lagt<br />
skóna á hilluna en Magnús Sverrir<br />
Þorsteinsson mun einnig ganga frá<br />
skónum í skápinn góða. Þá mun<br />
Magnús Þórir Matthíasson ekki leika<br />
áfram með liðinu en ekki er ljóst hvort<br />
eða hvar hann mun leika á næsta<br />
tímabili. Frá þessu er greint á heimasíðu<br />
Keflavíkur.<br />
Samtals eiga þessir leikmenn að baki<br />
39 leiktímabil og tæplega 900 leiki<br />
með meistaraflokki Keflavíkur. Haraldur<br />
hefur leikið 200 deildarleiki með<br />
Keflavík og skorað í þeim átta mörk.<br />
Auk þess hefur hann leikið 27 bikarleiki<br />
og skorað fimm mörk og 78 leiki<br />
í deildarbikarnum og þar eru mörkin<br />
þrjú.<br />
Magnús Sverrir hefur alls leikið 17<br />
tímabil með liðinu en Magnús lék<br />
auk þess eitt tímabil með Grindavík.<br />
Hann hefur leikið 244 deildarleiki<br />
fyrir Keflavík og skorað í þeim 46<br />
mörk, 34 bikarleiki þar sem Magnús<br />
hefur skorað tólf mörk og sjö leiki í<br />
Evrópukeppnum þar sem eitt mark<br />
fylgir með. Leikirnir í deildarbikarnum<br />
eru 93 en þar er Magnús leikjahæsti<br />
leikmaður Keflavíkur og mörkin<br />
í keppninni eru 29. Hann hefur leikið<br />
213 leiki fyrir Keflavík í efstu deild og<br />
er þar þriðji leikjahæsti leikmaður félagsins<br />
frá upphafi.<br />
Magnús Þórir hefur leikið 129 deildarleiki<br />
fyrir Keflavík og skorað í þeim 18<br />
mörk. Hann hefur einnig leikið 13<br />
bikarleiki og skorað fjögur mörk auk<br />
eins leiks í Evrópukeppni og 33 leiki<br />
í deildarbikarnum þar sem mörkin<br />
eru 12.<br />
Náungakærleikur Njarðvíkinga<br />
●●Styrktu Fjölskylduhjálp ●<br />
og Unicef<br />
■■Stjórn körfuknattleiksdeildar<br />
Umfn ákvað að á síðasta heimaleik<br />
fyrir jól myndi allur aðgangseyrir<br />
fara til góðra málefna nú fyrir jólin.<br />
Njarðvíkingar léku þá gegn Þór Þorlákshöfn<br />
og var vel mætt. Allir sem<br />
lögðu leið sína í Ljónagryfjuna borguðu<br />
sig inn, þar á meðal leikmenn<br />
beggja liða og dómarar.<br />
Ákveðið var að styrkja Unicef sem<br />
aðstoðar nú börn í Sýrlandi sem eiga<br />
um sárt að binda og Fjölskylduhjálp í<br />
Reykjanesbæ. Logi Gunnarsson, fyrirliði<br />
Njarðvíkinga, mætti í Fjölskylduhjálp<br />
í vikunni og afhenti Önnu Jónsdóttur,<br />
verkefnastjóra hjá Fjölskylduhjálp,<br />
fjárhæð sem vafalaust kemur að<br />
góðum notum.<br />
Logi Gunnarsson kom færandi hendi í Fjölskylduhjálp í Reykjanesbæ.<br />
VF/mynd Eyþór Sæm.<br />
RAUÐIKROSSINN<br />
VERSLUN<br />
Við erum með lokað til<br />
11. janúar<br />
Þökkum stuðninginn á árinu og<br />
óskum viðskiptavinum gleðilegra jóla.