Shqip

Plani i Veprimit për negocimin e Marrëveshjes së Stabilizim-Asociimit
Megjithatë, në mënyrë që të fillojnë negociatat për MSA-në, Kosova duhet të vazhdojë
zbatimine të gjitha marrëveshjeve të arritura në mes të Beogradit dhe Prishtinës dhe të
angazhohet në mënyrë konstruktive në gamën e plotë të çështjeve në kuadër të dialogut të
lehtësuar nga BE-ja.
Në këtë drejtim, Komisioni do të propozojë direktiven negociuese për MSA, pasi që Kosova të
ketë përmbushur prioritetet afatshkurtra në fushën e sundimit të ligjit, administratës publike,
mbrojtjes së minoriteteve dhe të tregtisë.
Më 12 Dhjetor 2012, Këshilli i Çështjeve të Përgjithshme ka marr parasysh Studimin e
Fizibilitetit për Marrëveshjen e Stabilizim Asociimit (MSA) në mes të BE-së dhe Kosovës dhe
iniciativen e Komisionit për të propozuar direktiven negociuese për MSA-në, pasi që Kosova të
ketë përmbushur prioritetet afatshkurtra, të cilat janë identifikuar në Studimin e Fizibilitetit.
Këshilli arriti në përfundim që do të vendosë të hapë negociatat për një MSA me Kosovën, në
bazë të një raporti të paraqitur nga ana e Komisionit Evropian dhe Përfaqësueses së
Lartë/Zëvendës Presidentes në vjeshtë të vitit 2013. Këshilli do të vlerësojë raportin gjatë
presidencës së ardhshme të BE-së. Nese vlerësimi do të jetë pozitiv, Këshilli do të miratojë
direktiven negociuese.
Në Janar të vitit 2012, Komisioni Evropian ka lansuar dialogun për liberalizimin e vizave me
Kosovën. Më 14 Qershor 2012, KE ka dorëzuar udhërrëfyesin për liberalizimin e vizave. Në të
njejëten ditë është mbajtur edhe Takimi i parë i Zyrtarëve të Lartë. Më 1 Shtator 2012, Kosova ka
dorëzuar raportin e parë të gatishmërisë në KE. Pritet që KE-ja do të japë vlerësimin e parë të
zbatimit të udhërrëfyesit për liberalizimin e vizave në Janar të vitit 2013.
Duke pas parasysh përvojen e zgjerimeve të fundit të Bashkimit Evropian, BE-ja ka prezantuar
një qasje të re sa i përket çështjeve të gjyqësorit, të drejtat themelore, drejtësia, liria dhe siguria.
Njëkohësisht i është dhënë një rol më i veçantë çështjeve të sundimit të ligjit, duke përfshirë
luftën kundër krimit të organizuar dhe korrupsionit. Qasja e re siguron trajtimin e çështjeve të
përmendura më lartë në fazat e hershme të procesit të zgjerimit.
Në këtë kontekst, KE-ja dhe Kosova kanë nisur Dialogune Strukturuar për Sundimin e Ligjit më
30 Maj 2012. Dialogu i Strukturuar do të ofrojë një forum të nivelit të lartë me një objektiv të
dyfishtë: (1) vendosja e prioriteteve për reforma në fushën e sundimit të ligjit, dhe (2)
monitorimi dhe vlerësimi i rregullt i progresit të Kosovës drejt përmbushjes së prioriteteve.
Takimet e nën-komitetit të DPSA-së për Drejtësinë dhe Punët e Brendshme dhe takimet e
rregullta të Bordit të Përbashkët për Koordinim në fushën e Sundimit të Ligjit do të shërbejnë si
forumet përkrahëse për Dialogun e Strukturuar. Takimi i radhës Dialogut të Strukturuar do të
mbahet në Shkurt të vitit 2013.
Më 16 Dhjetor 2012, Bordi i Guvernatorëve të Bankës Evropiane për Rindërtim dhe Zhvillim
(BERZH) ka miratuar aplikimin e Kosovës për të qenë anëtare e BERZH-it. Ky nuk është vetëm
shembulli i fundit i përparimit të Kosovës drejt integrimit në komunitetin ndërkombëtar, por
kjo gjithashtu do të lejojë që Kosova të përfitojë nga një financim më i madh dhe do të
kontribuojë në promovimin e zhvillimit socio-ekonomik të Kosovës.
10