Shqip

Plani i Veprimit për negocimin e Marrëveshjes së Stabilizim-Asociimit
EULEX-in si dhe do të sigurohet pjesëmarrja aktive në hartimin/finalizimin e listës rajonale për
personat e zhdukur. Sa i përket adresimit të të drejtave sindikale dhe tregtare Qeveria do të
përqendrohet në ngritjen e kapaciteteve të inspektorëve të punës me hartimin e strategjisë për
zhvillimin e Inspektoratit të Punës duke përfshirë këtu edhe planin e trajnimeve. Rreth
përmirësimit të implementimit të ligjit kundër diskriminimit, do të hartohet plani i veprimit që
do të mbulojë periudhën kohore 2013-2015. Ministria e Drejtësisë do të kompletoj miratimin e
legjislacionit sekondar për implementimin e ligjit për ekzekutimin e sanksioneve penale. Rreth
shërbimit korrektues, Qeveria do të vazhdojë me përmirësimin e kushteve për të burgosurit
nëpër Qendrat Korrektuese dhe atyre të Paraburgimit si dhe do të hartojë plan të trajnimeve për
të vazhduar me ngritjen e kapaciteteve profesionale të stafit korrektues. Për më tepër, do të
bëhet monitorim statistikor për së afërmi dhe në mënyrë të rregullt, sa i përket ekzekutimit të
vendimeve gjyqësore dhe administrative që prekin të drejtat pronësore, ekzekutimin e
vendimeve gjyqësore që trajtojnë rastet të cilat involvojnë grupet e cenuara dhe u sigurojnë
qasje në drejtësi, si dhe rastet kundër dhunës në familje. Në këtë drejtim, parashihet reformimi i
sistemit përmbarues, gjë e cila do të realizohet me rastin e miratimit të Projektligjit për
Procedurë Përmbarimore. Ky Ligj do te reformoj sistemin përmbarues në përputhje me kërkesat
për nënshkrim të MSA. Me anë të këtij Ligji ne Kosovë do të arrihet zbatimi më efikas i
legjislacionit në fuqi dhe zbatimi i vendimeve gjyqësore të karakterit civil dhe administrativ.
1.2.2. Respektimi dhe Mbrojtja e Pakicave dhe të Drejtave Kulturore
Respektimi dhe mbrojtja e pakicave dhe të drejtave kulturore në Kosovë është e rregulluar jo
vetëm me Kushtetutën e Republikës së Kosovës (kapitulli III). Konventat ndërkombëtare të cilat
zbatohen drejtpërdrejt në Republikën e Kosovës në përputhshmëri me Kushtetutën janë
Konventa e Këshillit të Evropës për Mbrojtjen e Pakicave Kombëtare dhe Konventa
Ndërkombëtare mbi Eliminimin e të Gjitha Formave të Diskriminimit Racor. Përveç kësaj,
ekzistojnë edhe marrëveshje tjera ndërkombëtare të detyrueshme në Republikën e Kosovës, si
aneksi mbi të drejtat kushtetuese, të drejtat e komuniteteve, decentralizimin dhe aneksi mbi
trashëgiminë kulturore. Ekziston edhe legjislacion i avancuar primar dhe sekondar që lidhet
me këto të drejta. Ligjet themelore përfshijnë Ligjin mbi Mbrojtjen dhe Promovimin e të
Drejtave të Komuniteteve dhe Pjesëtarëve të tyre në Republikën e Kosovës, Ligji për Përdorimin
e Gjuhëve, Ligji për Trashëgiminë Kulturore, Ligjin për Mbrojtjen e Zonave të Veçanta, Ligji për
Qendrën Historike të Prizrenit, Ligji për Hoqën e Madhe, Ligji për Transmetuesin Publik, Ligji
për Liritë Fetare në Kosovë dhe Ligji Kundër Diskriminimit. Përveç tyre, këto të drejta janë të
rregulluara edhe me legjislacion sekondar, siç është Rregullorja mbi Zyrat Komunale për
Komunitete dhe Kthim dhe Rregullorja për Zyrën e Komisionarit të Gjuhëve. Po ashtu, është
miratuar Strategjia dhe Plani i Veprimit të komuniteteve RAE dhe Strategjia për Komunitete
dhe Kthim 2009-2013, objektivat e të cilës janë krijimi i një komuniteti të qëndrueshëm, kthimi i
qëndrueshëm dhe ri-integrimi i personave të zhvendosur brenda vendit, si dhe ri-integrimi
ekonomik i komuniteteve. Për monitorimin e Strategjisë dhe Planit Nacional i Veprimit për
komunitetet RAE janë themeluar Grupi Teknik Punues, i ngarkuar me monitorimin e kësaj
strategjie, i cili takohet katër herë në vit, dhe Komiteti Drejtues Ndërinstitucional, i cili takohet
dy herë në vit. Po ashtu, është themeluar një grup punues për reformimin e Zyrës së
Komisionarit për gjuhët, i cili mbanë një numër takimesh të kryesuara nga ZÇK-ja.
Institucionet kyçe përgjegjëse për zbatimin e legjislacionit, si ato në nivel qendror, ashtu edhe në
nivel lokal, janë të themeluara dhe funksionale. Ne nivel qendror është Ministria për
Komunitete dhe Kthim (MKK), Zyra për Çështje të Komuniteteve pranë Zyrës së Kryeministrit,
26