Shqip

Plani i Veprimit për negocimin e Marrëveshjes së Stabilizim-Asociimit
Kosova është në fazën e rishikimit të sektorit të sigurisë i cili pritet të vlerësoj mjedisin e sigurisë
në Kosovë dhe si rrjedhojë të prodhojë strukturën e ardhshme strategjike për sektorin e sigurisë.
Ky rishikim është i planifikuar të përfundoj në verë të viti 2013.
Sfidë në sektorin e sigurisë mbetet rritja e mbikëqyrjes së sektorit të sigurisë, si dhe ngritja e
kapaciteteve mbrojtëse.
Masat për përmbushjen e obligimeve në kuadër të MSA-së
Kosova do të ketë nevojë të forcoj edhe më tej kontrollin demokratik të sektorit të sigurisë.
Me qëllim të përmbushjes së kërkesave që dalin nga Marrëveshja e Stabilizim Asociimit, Kosova do
ndërmarr masa për rritje të mbikëqyrjes së sektorit të sigurisë. Institucionet e Kosovës do të
zhvillojnë rishikimin e sektorit të sigurisë sipas planit të parashikuar, si dhe do të miratojnë
Strategjinë Nacionale të Sigurisë.
1.1.5. Sistemi gjyqësor
Në sistemin gjyqësor të Kosovës gjatë viteve të fundit është evidentuar progres. Është miratuar
korniza reformuese ligjore, Ligji për Gjykatat, Ligji për Këshillin Gjyqësor, Ligji për
Prokurorinë e Shtetit dhe Këshillin Prokurorial duke arritur progres substancial në reformimin
dhe strukturimin e një sistemi të ri gjyqësor te pavarur, efikas dhe të paanshëm konform
legjislacionit,që përbën një reformë të madhe gjyqësore dhe prokuroriale.
Janë themeluar institucionet kyçe për hartimin, monitorimin dhe implementimin e legjislacionit
në fuçi, duke ri-funksionalizuar Këshillin Gjyqësor të Kosovës dhe themelimin dhe
funksionalizimin e Këshillit Prokurorial të Kosovës. Po ashtu është themeluar Gjykata
Kushtetuese si autoritet përfundimtar në interpretimin e Kushtetutës dhe e pavarur në
kryerjen e përgjegjësive të saj, duke lëshuar një numër të konsiderueshëm të vendimeve me
karakter politik të respektuara nga të gjitha autoritetet dhe liderët politik.
Nga viti 2011 me hyrjen në fuqi të ligjit për Gjykatat dhe Prokurorin e Shtetit ka pasur progres
në përmirësimin e pagës duke i ngritur ato në nivel të kënaqshëm me qëllim te ngritjes së
efikasitetit dhe performancës së gjyqtarëve dhe prokurorëve në punë. Po ashtu është evidentuar
progres në drejtim të reduktimit të lëndëve të vjetra, KGJK ka miratuar Strategjinë Shtetërore
për Reduktimin e Lëndëve të Vjetra, duke i trajtuar 55% të 160 000 rasteve të evidentuara nga
viti 2008, deri më sot.
Megjithë progresin në sistemin e gjyqësorit, sfiduese mbetet rishikimi i kornizës ligjore të
paketës se gjyqësorit e cila duhet të siguroj pajtueshmëri të plotë me rekomandimet e Venecias.
Rishikimi i Strategjisë për Reduktimin e Lëndëve të Vjetra, duhet të sigurojë mekanizma të
efektshëm në zvogëlimin e rasteve të grumbulluara dhe të pazgjidhura në drejtim të
përmirësimit të menaxhimit të lëndëve. Sfiduese mbetet zhvillimi i sistemit elektronik për
menaxhimin e lëndëve si dhe ngritja e kapaciteteve për menaxhimin me sistemin e të dhënave.
Në këtë aspekt sidë mbetet ndërlidhja dhe unifikimi i të dhënave të gjitha gjykatave të Kosovës
si dhe ndërlidhja e sistemit me KPK. Në aspektin institucional sfidë mbetet reformimi i sistemit
gjyqësor dhe forcimi i kapaciteteve të stafit administrativ. Po ashtu sfidë mbetet alokimi i
mjeteve buxhetore si dhe rritja e numrit të gjyqtarëve dhe prokurorëve duke përfshirë edhe
komunitetin pakicë për të cilat korniza ligjore rezervon një numër të konsiderueshëm të
20