Shqip

Plani i Veprimit për negocimin e Marrëveshjes së Stabilizim-Asociimit
përpjekje të ofrimit të mundësive për kthim të personave të zhvendosur, do të vazhdohet me
ndërtimin dhe rindërtimin e shtëpive, si dhe do të monitorohet numri i të kthyerve dhe
projekteve të përkrahura në funksion të kthimit. Më tutje do të bëhet hetimi, përndjekja dhe
gjykimi i rasteve lidhur me sulmet fizike të motivuara në baza etnike dhe fetare.
2.KRITERET EKONOMIKE
2.1. Situata dhe stabiliteti ekonomik
2.1.1.Situata ekonomike
Politikat zhvillimore dhe ekonomike të viteve te fundit kanë pasur për bazë ruajtjen e stabilitetit
makroekonomik, financiar dhe konsolidimin fiskal. Kjo është reflektuar edhe në prioritetet e
Qeverisë të përfshira në Kornizën Afatmesme te Shpenzimeve 2013-2015. Këto prioritete
fokusohen ne rritjen dhe zhvillimin e qëndrueshëm ekonomik, fuqizimin e qeverisjes se mire
dhe sundimit të ligjit, zhvillimin e resurseve njerëzore e fizike, dhe rritjen e mirëqenies sociale
ne tërësi. Financimi i këtyre prioriteteve është i përfshirë edhe ne kornizën buxhetore.
Në funksion te konsolidimit fiskal, ka vazhduar të implementohet plotësisht Marrëveshja SBA
me FMN. Kosova është anëtarësuar në Bankën Ndërkombëtare për Rindërtim dhe Zhvillim
(BERZH) dhe është pranuar në programet e Bankës Investive Evropiane (EIB). Anëtarësimi në
këta mekanizma financiare ndërkombëtar do te këtë impakt pozitiv në zhvillimin ekonomik te
vendit duke mundësuar qasje ne kredi me kushte te favorshme për ekonominë e Kosovës.
Rritja ekonomike në tri vitet e fundit ka qenë mesatarisht rreth 5%. Rritja ekonomike për vitin
2012 pritet të ngadalësohet marrë parasysh edhe ndikimin e zhvillimeve ekonomike nga
eurozona. Për periudhën 2013-2015 parashikohet një rritje rreth 5% në mesatare. Konsumi i
përgjithshëm vazhdon të jetë komponenti kryesor i BPV, i cili ne tri vitet e ardhshme pritet te
rritet me normë reale vjetore rreth 4.0%. Një tjetër kontribuues i rëndësishëm ne BPV janë
investimet e përgjithshme, te ndikuara edhe nga rritja e pjesëmarrjes se investimeve publike ne
totalin e investimeve (rreth 14.2% më të larta ne vitin 2012 krahasuar me 2011). Pjesëmarrja e
investimeve totale në BPV pritet të arrijë në rreth 32.2% në fund të periudhës 2013-2015, nga
32.1% sa ishte në vitin 2011. Eksporti i mallrave dhe shërbimeve pritet të rritet me një normë
reale mesatare prej 8.6%. Edhe importi pritet te vazhdoje te rritet ne periudhën afatmesme.
Importit parashihet të kontribuoj negativisht në rritjen reale te BPV me mesatarisht 2.2% ne
planin afatmesëm.
Inflacioni ne vitin 2012 parashihet te jete mesatarisht rreth 2.2%, i ndikuar kryesisht nga lëvizja
e çmimeve ndërkombëtare të ushqimit dhe naftës. Bazuar në parashikimet e institucioneve
ndërkombëtare për rënien e cmimeve të ushqimit dhe naftës si dhe në parashikimet për ecurinë
e çmimeve për mallrat e jo të tregtueshme, niveli i çmimeve në Kosovë pritet te rritet me norme
me te ngadalësuar ne tri vitet e ardhshme krahasuar me periudhën e mëparshme.
Sektori financiar vazhdon të jetë stabil. Edhe pse i dominuar nga bankat ne pronësi te huaj,
sektori bankar ka qene likuid pasi që operacionet e bankave janë te financuara kryesisht nga
depozitat vendore. Banka Qendrore së bashku me Ministrinë e Financave kane krijuar fondin
për mbështetje emergjente për likuiditet, edhe pse që nga krijimi i këtij fondi nuk ka pasur
nevojë të shfrytëzimit te këtij mekanizmi shtese te likuiditetit. Ne shtator te 2012, asetet e
sektorit bankar kishin një rritje vjetore prej 5.1% (14.7% në shtator te 2011). Raporti kredidepozita
në shtator të 2012 ishte 79.7%, një përmirësim krahasuar me vitin e kaluar (78.9% ne
shtator të 2011).
28