Shqip

Plani i Veprimit për negocimin e Marrëveshjes së Stabilizim-Asociimit
2.3. Privatizimi, zhvillimi i sektorit privat dhe reforma financiare
2.3.1. Privatizimi dhe zhvillimi i sektorit privat
Korniza ligjore qe rregullon privatizimin është mjaft e përparuar dhe adekuate pas aprovimit te
pakos ligjore për privatizimin. Legjislacioni baze për këtë fushe përbëhet nga Ligji për
Agjencinë Kosovare te Privatizimit, Ligji për Dhomën e Posaçme te Gjykatës Supreme te
Kosovës për Çështjet qe lidhen me AKP-ne, Ligji për Riorganizimin e Ndërmarrjeve te Caktuara
dhe Pasurisë se Tyre dhe Ligji për Investimet e Huaja. Përmes këtyre ligjeve rregullohet procesi
i privatizimit te ndërmarrjeve shoqërore, likuidimi dhe përgjegjësitë e funksionet e Agjencisë se
Privatizimit.
Institucioni kyç ne procesin e privatizimit është Agjencia Kosovare e Privatizimit e cila si
institucion i pavarur publik ka kompetenca te plota juridike për te lidhur kontrata, për te
mbajtur dhe shitur pronën. Kompetencat e AKP-se i janë dhënë Bordit te Drejtoreve i cili është i
përberë nga 5 drejtore vendor dhe 3 drejtore ndërkombëtare. Ndërsa Dhoma e Veçante e
Gjykatës Supreme ka juridiksionin për te gjitha padite kundër agjencisë përfshirë këtu edhe
kërkesat e kreditoreve ne procesin e likuidimit.
Agjencia deri me tani ka privatizuar mbi 330 ndërmarrje shoqërore, me shitjen e tërësishme ose
pjesërishme te rreth 690 ndërmarrjeve te reja. Agjencia po ashtu ka përmbyllur procedurat e
brendshme te likuidimit për rreth 70 ndërmarrje, likuidimi i te cilave tani varet nga shqyrtimi i
kërkesave te kreditoreve ne Dhomën e Veçante te Gjykatës Supreme. Gjithashtu agjencia ka
shpërndarë mbi 50 milion euro tek punëtoret qe janë kualifikuar sipas kritereve për 20% nga te
hyrat e privatizimit.
Gjithashtu janë privatizuar disa ndërmarrje te mëdha publike. Aeroporti ndërkombëtar i
Prishtinës është dhënë me koncesion si dhe është duke u finalizuar privatizimi i Rrjetit të
Distribucionit dhe Furnizimit me energji elektrike (KEDS). Posta dhe Telekomi ne kuadër te
ristrukturimit është ndare ne dy entitete dhe aktualisht telekomi është ne proces te privatizimit.
Ngjashëm, edhe hekurudhat si pjese e ristrukturimit dhe derregullimit janë ndare ne dy
kompani:ne Trainkos qe përfshin operimet dhe Infrakos, qe menaxhon infrastrukturën
hekurudhore. Kohëve te fundit po ashtu është duke u shikuar mundësia e Partneritetet Publiko-
Privat ne kompani publike.
Sa i përket zhvillimit te sektorit privat, legjislacioni baze ne këtë fushe përbëhet nga ligji për
Shoqëritë Tregtare, Ligji për Tregti te Brendshme, dhe Ligji për Investime te Huaja. Me qellim te
identifikimit te sfidave dhe prioriteteve kryesore për zhvillim te sektorit privat, institucionet
kane aprovuar edhe Strategjinë për Zhvillim te NVM-ve 2012-2016 me vizion 2020 e cila
strategji merr parasysh edhe principet e Aktit Evropian te Bizneseve te Vogla. Për
implementimin e strategjisë dhe arritjen e objektivave te saj, Ministria e Tregtisë dhe Industrisë
ka hartuar edhe Planin e Veprimit për Strategjinë Zhvillimore te NVM-ve.
Institucionet kryesore për zhvillimin e politikave dhe krijimin e parakushteve dhe ambientit te
favorshëm rregullativ janë te themeluara. Ministria e Industrisë dhe Tregtisë, përkatësisht
Agjencia për NVM është institucioni kyç për këtë fushe. Rol te rëndësishëm ne këtë drejtim luan
edhe Këshilli Kombëtar për Zhvillim Ekonomik ku kontributin e tyre e japin edhe asociacionet e
biznesit. Po ashtu janë hapur edhe 25 qendra për regjistrim te biznesit neper komuna.
32