Ɗaukaka Ga Allah - Family Radio Worldwide

HAROLD CAMPING/FAMILY RADIO
Ɗaukaka
Ga Allah

Ɗaukaka Ga Allah
(Hausa: To God Be The Glory)
Harold Camping
Family Stations, Inc.
Oakland, California, 94621 U.S.A.
Internet: www.familyradio.com
06-22-09
ii

Ɗaukaka Ga Allah
Abinda Ke Ciki
GABATARWA.........................................................................................v
Sura Ta Ɗaya: Abin mamaki da ya shafi sanin gaskiya.......................... 1
Sura ta Biyu: Rashin sahihancin fahimtar Shirin Shari’a irin ta fuskar
al’ada ...................................................................................... 7
Ina jinƙan Allah? ..................................................................... 10
Ƙaunar mutum ga mutum....................................................... 13
Sura Ta Uku: Allah Alƙalin dukan duniya ........................................... 22
Tsarin shari’a Na Allah ........................................................... 25
Menene jahannama? ............................................................... 27
Ƙorama Ta Wuta..................................................................... 27
Mai Arziki da la"azaru............................................................. 31
Sura Ta Huɗu: Yaushe ne Kristi ya mutu? ........................................... 36
Ya ƙare................................................................................... 41
Gafara mai ban al"ajibi ........................................................... 43
Sura ta Biyar:Shirin Allah na hukunci ................................................. 44
Waɗanda ba zaɓɓaɓu ba da suka mutu kafin ranar shari’a...... 48
Zaɓɓaɓu waɗanda ba a cece su ba tukuna .............................. 49
Waɗanda aka ceta kuma yanzu haka suna nan Zaune a wannan
duniyar .................................................................................. 49
Waɗanda ba zaɓɓaɓu ba da suke da rai har ranar 21 ga watan
Mayu 2011............................................................................. 50
Tashin mattatun da ba su da ceto........................................... 50
Masu bi suna Shari’anta Marasa Ceto
Yaƙin Armageddon................................................................. 54
Takaitawa............................................................................... 57
Kowanne ido zai ganshi.......................................................... 61
Sura Ta Shida: Masarautar da aka ƙirƙiro domin nuna ɗaukaka
da hikimar Kristi ................................................................................ 65
iii

Zaɓɓaɓu: Mutane miliyan 200 .................................................70
Miliyoyin mutane da basu da ceto sun mutu ba tare da sanin
fushin Allah ba........................................................................72
Sura Ta Bakwai: Ceto........................................................................ 80
Jerin Ayoyi da shafi .......................................................................... 84
iv

GABATARWA
Wannan litafin ƙarin bayani ne kan littafin nan Mun Kusa Kai Ga
Ƙarshe. A cikin littafin nan Mun Kusa Kai Ga Ƙarshe, mun iya ƙoƙari,
tare da taimakon Allah, nuna cewa Littafi Mai-Tsarki ya koyar da
sahihancin cewa farkon ranar shari’a wanda ya zo daidai da ranar
fyaucewa wato ranar 21 ga Mayu 2011. Allah ya bayar da wannan
bayanin mai ban mamaki gare mu kamar yadda ya alkawarta Allah ya
faɗa a cikin Littafin Mai-Wa’azi sura 8:5-6 cewa:
‘‘...Zuciyar mai hikima kuwa ta kan gane kwanakin da shari’a
kuma a kowane dalili akwai lokaci da shari’a...”
Allah ya ɓoye wannan bayanin lokaci da shirin Allah na shari’a
daga dukan ’yan adam har da Ikklisiya dukan tsawon zamanin Ikklisiya.
Bugu da ƙari Allah ya bar bayani a cikin Littafi Mai-Tsarki wanda ya
koyar da cewa Kristi zai dawo kamar ɓarawo da dare. Wannan ya faru ne
domin Ikkilisiya ta maida hankali a kan kai bishara a cikin duniya. (duba
Ayyukan Manzanni 1:6-8).
Da yake bayani game da lokaci yana da alaƙa da shirin shari’ar
Allah. An yiwa shirin shari’ar Allah munmunar fahimta cikin shekaru
1,955 na zamanin Ikklisiya. Duk da haka nufin Allah ne cikin wannan
lokaci na ƙarshen duniya, masu bi na gaskiya zasu faɗakar da duniya
game da tsarin lokaci na Allah da kuma niyar sa ta hallaka duniya. Ya ba
masu bi na gaskiya cikakken bayani game da lokacin ƙarshen duniya
domin dangantakar da ke tsakanin jadawalin Allah da kuma abin
mamaki da zai faru da kuma shari’a,. Ya kuma ba masu bi na gaskiya
cikakken bayani saboda kamar yadda Nuhu da Yunana suka yi, za su
gargaɗi duniya game da hukunci mai zuwa.
Wannan wahayi na ƙarshen zamani da shari’a, shaida ce ta
ƙaunar Allah da jinƙansa da bashi misaltuwa. Mutane nawa ne a garin
Nineva suka yi kuka suka roƙi Allah domin jinƙai inda annabi Yunana
yace kawai wata rana Allah na Isra’ila zai hallaka su sabili da muguntar
su? Mutane nawa ne a cikin Ikklisiya suke kuka ga Allah domin jinƙansa
sabili da an koya masu cewa wata rana Kristi zai dawo kamar ɓarawo da
dare? A hakikanin gaskiya koyaswar cewa Kristi zai dawo kamar ɓarawo
da dare, koyaswa ce marar tada hankali. Zamanin Ikklisiya ya fara ne
shekaru 1,900 da suka wuce, kuma Kristi bai zo domin ya kawo ƙarshen
duniya ba. Saboda haka zamu yi tunani cewa ba lallai zai zo a
zamaninmu ba. Ko suna sane da shi ko babu, mutanen cikin Ikklisiyai
kimanin mutane biliyan biyu, sun shiga ƙaunar wannan duniyar. Sai dai
domin abubuwa kamar yaƙi da aloba, duniyar nan wurin zama ne mai
daɗi. A nan ne ’yan adam zasu sami abokai da farin ciki da aiki da jin
daɗi da abin dogaro ga kai, da dai sauran su. Duniyar nan ba cikakka ba
ce, amma babu shakka mutane zasu gwammace su zauna a cikin ta da
v

su mutu su rasa dukan abinda ke cikinta. Saboda ba za su so suyi
tunanin cewa wannan duniya zata ƙare ba.
Saboda haka, idan ba masu bi na gaskiya da Allah ya sanar da
ainihin lokacin da duniya zata ƙare ba, da kuma masu bi da suka
gaskanta da dukan zuciyarsu cewa gaskiya ne kuma daidai ne, sauran
mutanen duniya zasu dage a kan cewa ko dai Kristi zai zo kamar ɓarawo
da dare ko kuma duniya bazata ƙare ba mundin ɗan adam yana warware
wasu matsalolin ɗumamar yanayi da sauransu.
Waɗanda zasu karanta wannan littafi kuma su yaba kawai sune
waɗanda suka dogara ga Allah kuma suka yi la’akari da cewa babbar
albarka da jinƙan Allah ne da yake bada wannan bayani ga waɗanda suka
dogara Littafi Mai-Tsarki da gaskiya. Saboda haka muna kyakkyawan
bada shawara ga mai karanta wannan littafi da ya karanta Mun Kusa Kai
Ga Ƙarshe! Ana iya samun waɗannan littatafai duka kyauta daga FAMILY
RADIO mai bukata zai iya rubutowa zuwa ga FAMILY RADIO OAKLAND
CALIFONIA,94621,USA. ko kuma ya kira wannan lamba 1-9800-543-
1495 kyauta. Za a kuma iya samunsu a shafin yanan gizo a:
www.familyradio.com
vi

SURA TA ƊAYA
Abu Mai Sarƙaƙiya Game Da Gaskiya
Tunanin mutum da abinda ya yi imani a kai ya ta’alaƙa kan
abinda ya ɗauka a matsayin gaskiya da kuma madogara. Ya yiwu an
gabatar mashi da waɗannan ra’ayoyin a lokutan baya, ko kuma waɗansu
ra’ayoyi ne da aka gabatar da su ayau. Idan aka sami sababbin ra’ayoyi,
za a tankaɗe, a auna bisa ra’ayoyin da ya ɗauka a matsayin gaskiya ya
kuma amince da su.
Hakika, lamarin ke nan yayin da ake batun fahimta irin ta addini.
Da zaran mun koyi waɗansu ra’ayoyi na addini, muka kuma amince da
su, yakan zama da wuya a sake karɓar wani ra’ayi a matsayin gaskiya,
yana da wuya mu karɓi wani ra’ayi a matsayin gaskiya da ya saɓawa
ra’ayoyin da muka riga muka yi imani da su a matsayin gaskiya.
Ta haka wanda ya sami horaswa ta Katolika zai ci gaba da rayuwa
a matsayain ɗan ikilisiyar Kotolika, Baftis kuma Baftis, haka ma mai
addinin Buda, da dai sauransu. Dalili ke nan da ya sa yawancin waɗanda
suka yi zurfi a cikin ikilisiya ba zasu yarda da cewa Allah ya gama da
Ikkilisiyoyi ba, ya kuma umurci mutane su fita daga ikkilisiyai, kana an
ɗora shaiɗan ya yi mulki a can, kuma Ruhu Mai-Tsarki ya watsar da
ikilisiyoyi saboda haka babu wanda yake ƙarƙashin ikon ikkilisiya da zai
tsira.
An yita yiwa waɗannan mutanen koyaswa, kuma sun amince da
wannan a matsayin gaskiya da cewa, ikilisiyoyin su, na Allah ne kuma
Allah ne yake mulki a bisan ta. Saboda haka ƙofofin jahannama ba za su
rinjayeta ba. Wannan fahimta, ta sami wurin zama daram a cikin tunanin
su, a matsayin gaskiya ba ja. Saboda haka, duk wata fahimta da za a
gabatar masu daga Littafi Mai-Tsarki sai an auna ta bisa ga fahimtarsu
da kuma tauhidi, wanda suka yi imani da cewa ita ce sahihiyar gaskiya.
Idan ka gabatar masu da sababin ra’ayoyi daga Littafi Mai-Tsarki
da ke koyarwa cewa mun zo ƙarshen zamani ikklisiya, ba za su yi
nazarin batun da zuciya ɗaya ba. Komi zurfin fafatun da suke yi cewa a
shirye suke su karɓi gaskiyar Littafi Mai-Tsarki, amma a zahiri, basu iya
zuwa ga sanin wannan sabuwar gaskiyar ba. Dalili ke nan da ya sa a
zamaninmu, mutane ƙalilan ne suke barin ikilisiyoyi bisa ga biyayya da
umurni da Allah ya bayar da a guje masu.
Wannan lamarin ya kasance wani abu dake da sarƙaƙiyar gaske a
zamanin mu , domin waɗansu muhimman dalilai guda uku kamar haka:
1. Muna zama a cikin duniya da take dab da ƙarshe. Kuma a
ƙarshen zamani Allah ya shirya ya ɗauke hatimin da ya sanya
kan bayanai masu yawa game da ƙarshen zamani da ke cikin
Littafi Mai-Tsarki. Saboda haka mu sa rai cewa za a sake
1

nazarin muhimman bayanai daga Littafi Mai-Tsarki da muke
tsammani gaskiya ne .
2. Muna cikin zamani na ƙarshe da ake kira zamanin ƙunci mai-
tsanani, lokacin da Allah yake gwada waɗanda suke kitan
kansu masu bi na gaskiya. Halin mai-bi na gaskiya shine
yana son ya zama mai gaskiya da biyayya da kowane abu
dake cikin Littafi Mai-Ttsarki.
3. Ta wajen waɗannan jarrabawar, Allah zai raba Alkama wato
masu bi na gaskiya daga zawan, waɗanda suka amince da
cewa su masu bi na gaskiya ne, amma ba su sami ceto ba.
Lokacin jarrabawa ya ƙunshi, dukan kwanaki 8,400, (shekaru 23)
lokacin ƙunci mai-tsanani wanda zai fara daga 21 ga watan Mayu
shekata ta 1988, wanda ya ci gaba har zuwa 21 ga Mayu shekara ta
2011. A wannan ranar, ranar hukunci zata fara, ta kuma ci gaba har
21ga Octoba shekata ta 2011.
Littafi Mai-Tsarki, littafin ruhaniya ne, hanya ɗaya rak kuma da
mutum zai iya gane gaskiyar da ke cikin Littafi Mai-Tsarki ita ce idan
Allah ya buɗe idanunsa na ruhaniya. Saboda haka, da yake mun amince
da waɗansu karkatattun ra’ayoyi a matsayin gaskiya, waɗanda ba zamu
iya rabuwa da su ba ta ƙashin kanmu, tilas mu koma ga Allah, mu roƙi
jinƙan sa, muna addu’a ya buɗe zuciyar mu ya raba mu da tunani da
ra’ayoyin da suka saɓawa Maganarsa.
Matsalarmu ta rashin iya sallama ra’ayoyin da Littafi Mai-Tsarki
ya nuna mana da cewa ba gaskiya bane yana da girma zamanin nan
dangane da wata gaskiya mai muhimmanci, watau, lokacin bayani a
Littafi Mai-Tsarki. Gaskiyar ita ce, da dama a cikinmu, muna nazarin
matsalar lokaci ta wajen yin misali da bayanan Littafi-Mai-Tsarki.
Littafin nan mai shafi 70, “Mun Kusa Kai Ga Ƙarshe”, littafi ne da
aka rubuta bayan an shafe shekara 50 ana binciken Littafi Mai-Tsarki
dangane da tarihin zamani. Bugu da ƙari, an ɗauki dubban awoyi ana
tattaunawa akan abinda ke cikin littafin a shirin “Family Radio” Dandalin
Tattaunawa. A ƙarshen dukan wannan binciken, gaskiyar ita ce, Kristi ba
zai zo kamar barawo da dare ba, amma, zai zo a rana, da wata, da
shekaran da Allah ya bayyana wa masu bi na gaskiya a cikin Littafi Mai-
Tsarki.
Yanzu, da ace an bada wannan littafin “Mun Kusa Kai Ga Ƙarshe”
ga wani ɗan Ikklisiya mai- aminci wanda ya sami koyaswa a kan cewa
Kristi zai dawo kamar ɓarawo da dare. Ya yarda ya karanta wannan
littafi, ya yi adalci ya bada hukunci na gaskiya. Bayan ya karanta shafi
kaɗan, sai ya tarar bai koyar da cewa Kristi zai zo kamar ɓarawo da dare
ba. Nan da nan zai shiga kariya, zai yi tunani cewa, ‘‘Wannan littafi yana
saɓo. Na san ayoyi da yawa da suke koyar da cewa ba wanda ya san
ranar da Kristi zai dawo. Zai zama kuskure a gareni in karanta wannan
2

littafin saɓo’’ kuma a cikin zuciyarsa, yana ganin hukumcin da ya yanke
a kan littafin nan daidai ne.
Abinda bai fahimta ba kuma ba zai fahimta ba shine kwaɗon da
ya kulle zuciyarsa, shine, tun zamanin Ikkilisiya, abin da Allah ya yarda
duk mai bi na gaskiya ya sani shi ne cewa, Kristi zai dawo kamar ɓarawo
da dare. Tuni a cikin Ayukan Manzani sura ɗaya manzani sun yi
tambaya, kamar yadda zamu karanta a aya shidda.
Sufa, da suka taru, suka tambaye shi, suka ce, Ubangiji, a
wannan lokaci ne kake mayar wa Isra’ila da mulki?
Suna son su san lokacin da mulkin Allah zai cika. Yesu ya amsa
masu a cikin aya 7 da 8.
Ya ce masu, Ba naku bane da zaku san zamanai da lokatai
waɗanda Uba ya sanya a cikin nasa hukunci. Amma, za ku karɓi
iko lokacinda Ruhu Mai-Tsarki ya zo bisanku, zaku zama shaidu
kuma cikin Urushalima da cikin dukan Yahudiya da Samariya har
kuma iyakar duniya.
Watau, akwai aiki da za a yi, aikin kai bishara ga dukan duniya.
Aikin da aka ba Ikklisiya ke nan a zamanin Ikklisiya, bai kamata kuma su
dami kansu a kan ƙarshen zamani ba.
Saboda haka, Allah ya bayyana a fili cewa abinda za a sani kawai
a zamanin Ikklisiya shine zai dawo kamar barawo da dare. Ba wanda ya
san rana ko sa’a da zai dawo. An shafe shekaru 1,900 a zamanin
Ikklisiya ba tare da an san wani abu game da lokacin dawowarsa ba.
Amma ɗan Allah na gaskiya, zai ci gaba da karanta Littafi Mai-
Tsarki kuma a kowanne lokaci yana son ya san gaskiyar Maganar Allah.
Lokacin da ya tarar a cikin Ezekiel 3:17 da Ezekiel 33, da cewa shi mai-
tsaro ne wanda tilas ya faɗakar da duniya game da lokacin dawowar
Kristi. Daga nan kuma bayani lokacin zai fara bayyana, faro daga bayanin
game da halittan duniya a 11,013 BC. A hankali za a fara gane tarihin
duniya, zai fara fahimtar muhimmancin bayanin lokaci a cikin Littafi
Mai-Tsarki.
Babu shakka wannan hanya ce da Allah ya ke taimakawa mutane
da yawa su gwada kansu, su ga ko suna bauta wa Allahn Ikklisiyarsu, ko
fastonsu, ko koyarwarsu ko wani abu dabam da Allah na Littafi Mai-
Tsarki. Wannan ya jadada cewa dukan mu mun dogara ne da bisharar
Ruhu Mai-Tsarki domin sanin gaskiya. Zai zama da ban sha’awa idan
muka ƙasƙantar da kanmu muka yi addu’a, muka amince da cewa bisa
ga iyawarmu da hikimarmu, bamu san komai ba. Za mu iya roƙon
Ubangiji ya buɗe idanunmu zuwa ga sanin gaskiya.
Akwai shirin ƙarin gawaji mai-girma da Allah ya sa a cikin Littafi
Mai- Tsarki wanda yake faruwa cikin waɗannan shekaru 23 (kwanaki
3

8,400) na kunci mai-tsanani. Wannan yana da nasaba ne da hisabi na
Allah.
Gaba dayan lokacin ikkilishiya za a iya takaita fahimtar adalcin
Allah da kuma hukumcinsa kan masu mugunta a duk zamanin Ikklisiya,
da cewa, a rana ta ƙarshe Kristi zai zo ya zauna akan dakalin shari’a.
Duk miyagu da suka mutu, zasu zo tare da waɗanda suna raye, domin
Kristi ya shiryanta su, ɗaya bayan ɗaya. Za’a same su da laifin aikata
laifufuka da dama, a kuma yanke masu hukuncin zuwa wurin da ake kira
jahanama, inda za’a yi masu azaba har abada.
A gaskiya wannan shine tunani da ke zukatan mutane yawancin
mutane a duniya waɗanda suke da wata dogara ga Littafi Mai-Tsarki.
Gaskiya ne ko suna cikin Ikklisiya ko kuma sun fice daga Ikkilisya domin
sun gane cewa zamanin Ikklisiya ya ƙare. Abinda yawancin Ikkilisiyai
suka fahimta ke nan a dukan zamanin Ikkilisiya. Saboda haka waɗannan
ƙaunatattun mutanen sun yi imani da cewa zasu iya nazarin ayoyin Littafi
Mai-Tsarki, da yadda yake da nasaba da hukunci su kai ga sanin gaskiya
ba tare da son zuciya ba. Sai dai, idan ba tare da Ruhu Mai-Tsarki ya
kwance allon zuciyarsu ba, ba za su kai ga sanin gaskiya ba.
Amma a wannan lokaci muna dab da ƙarshen zamani, kuma Allah
ya ƙara yin muhimman bayanai game da gaskiyar zamanin Ikklisiya da
kuma jaddawalin ƙarshen zamani. Ya kuma bada waɗansu sababbin
bayanai game da tsarin hukunci. Hakika, za mu gane cewa al’adan nan
ta ganin Kristi a matsayin Alkali a ranar ƙarshe, da cewa zai aika da
miyagu zuwa gidan wuta inda fushin Allah zai dauwama a kansu har
abada, bai nuna ainihin gaskiyar koyaswar Littafi Mai-Tsarki game da
tsarin shari’ar Allah ba.
Ya kamata kuma a bayyana wata matsala guda ɗaya, yayin da
muke ƙoƙarin ganin gaskiyar Littafi Mai-Tsarki. Nufin Allah ne ya bari sai
dab da ƙarshen duniya kafin ya yi bayani mai-yawa game da jaddawalin
da shirin tsarin hukucin Allah. Saboda haka Allah ya rubuta Littafi Mai-
Tsarki ta hanyar da zai kasance da ayoyi masu wuyar ganewa.
Ɗaya daga cikin hanyoyin da Allah ya yi amfani da su domin ya
zama da wuya a gane gaskiya shine, ya rubuta ayoyin da kalaman da
suke da ma’ana biyu dabam dabam da suka saɓawa juna, ra’ayi da yake
daidai da kuma wanda ba daidai ba. Misali Allah ya rubuta a cikin
Timotawus ta daya 3:15 “... Ikklisiyar Allah mai rai ke nan, jigon gaskiya
da ƙarfinta”. Bisa ga kalaman wannan shaɗarar, daidai ne a fahimce
wannan aya da cewa Ikklisiya ita ce jigo da kuma tushen gaskiya. Yadda
Ikklisiyar katolika da sababbin Ikklisiyai suke koyar da wannan ayar ke
nan.
Duk da haka, daidai ne a fahimci cewa, wannan ayar tana koyar
da cewa, Allah mai-rai shine jigo da tushen gaskiya. Allah ya tsara
wannan ayar domin ta zama tarko. Zamu iya sanin kowanne daga cikin
biyun ne daidai ta wajen bin dokokin Allah da kuma binciken Littafin
Mai-Tsarki a hankali da gwada aya da aya. Idan Ikklisiya ce jigon da
4

kuma tushen gaskiya na Littafi Mai-Tsarki, kowacce majami’a tana da
damar ruhaniya ta koyarwa, idan ya yiwu kuma, su gyara duk abin da
wata aya a cikin Littafi Mai-Tsarki take koyarwa, domin Ikklisiya ce jigon
gaskiya. A ɓangare ɗaya kuma, idan Allah shine jigo da kuma tushen
gaskiya, hanya guda ɗaya da za mu gane abinda ake koyawa a cikin ayar
da take da wuya shine, ta wajen binciken Littafi Mai-Tsarki a hankali tare
da yin addu’a ga Allah domin ya bayyana gaskiyar ta wurin Maganar sa,
Littafi Mai-Tsarki. Babu shakka gaskiyar koyarwar wannan ayar ke nan.
Haka kuma, Allah ya ɓoye gaskiya da dama a cikin Littafi Mai-
Tsarki da ke da dangantaka da shirin hukuncin Allah. Ayoyi da dama
suna koyaswa a fili kuma daidai, abinda aka saba koyarwa bisa ga al’ada
cewa, a ƙarshen duniya, Allah zai tashi dukan waɗanda suka mutu ba
tare da zama zaɓaɓɓu ba, daga mattatu domin su bayyana a gaban
shari’ar Kristi. Za a same su da laifi a kuma yanke masu hukunci maitsanani,
su kuma sha azaba can gaba a wani wurin da ake kira
jahannama.
Za a kuma iya fahimtar waɗannan ayoyin da kyau a kan cewa
suna koyarwar da ta amince da koyaswar cewa za a shafe duniya baki
ɗaya tare da dukan waɗanda ba zaɓaɓɓu ba da basu da ceto a ranar 21
ga watan Octoba shekara ta 2011.
Misali, Litttafi Mai-Tsarki, ya yi Magana kan “Madauwamiyar hallaka” ko
‘‘ƙorama ta wuta marar mutuwa’’. Za a iya fahimtar waɗannan kalmomin
da cewa irin wannan hukumcin ko kuma wutar tana da tsanani da zata
shafe wanda aka yankewa irin wannan hukumcin, yadda ba zai sake
rayuwa ba.
Ta yaya zamu gane ko menene daidai? Zamu san abinda ke
daidai yayin da muka bincike Littafi Mai-Tsarki muka tarar cewa ba a yi
amfani da wannan kalmar ‘‘rai’’, ko ‘‘rayuwa’’ dangane da waɗanda suka
mutu ba tare da sun tuba ba, da kuma waɗanda aka ta da su daga
matattu (ka dubi: Tashin waɗanda basu da ceto daga matattu a shafi ...).
Tilas mu tuna cewa sai mutum yana da rai kafin ya daure azaba.
Bugu da ƙari, Allah a cikin yalwar alherinsa ya bamu misalin
wutar har abada. Lokacin da aka hallaka Sodom wutar ta ci gaba da ci na
’yan kwanaki ƙalilan kawai. Duk da haka, an yi magana a kan wutar da ta
hallaka Saduma da Gamuratu a matsayin ‘‘wuta ta har abada’’. Mun
karanta a cikin wasiƙa ta yahuda sura 7 cewa:
Kamar yadda Saduma da Gamurata, da birane na wajensu, da shi
ke tare da su suke, bada kansu ga fasikanci, suka biɗi kwaɗai ba
irin na tabi’a ba, an nuna su, kamar misalin wuta ta har abada,
cikin hukunci da suke har abada.
Saboda haka, zamu iya tabbatar da cewa bisa ga waɗannan
dalilai da waɗansu dalilai na Littafin Mai-Tsarki, zamu iya gane cewa
fahimta irin wadda aka saba bisa al’ada bata da madogara. Idan wanda
5

ashi da ceto ya mutu, ya mutu har abada, cikin jiki da kuma ruhu. Za a
faɗaɗa wannan gaskiyar idan muka shiga sura ta gaba.
6

Sura Ta Biyu
Rashin Sahihancin Fahimtar Shirin Shari’a Irin Ta Al’ada.
A cikin ’yan shekarun da suka wuce, mun koyi cewa kafin ranar
sharia akwai kwanaki 8,400 (shekara 23) na lokacin da ake kira babban
tsanani. A wannan lokaci, Allah yana gwada dukan mutanen, da ke cikin
Ikkilisiya, ko su masu bi na gaskiya ne ko kuma babu. Wato, ko sun
ƙwallafa tunaninsu a kan koyarwar Ikklisiyarsu, ko kuma suna a shirye
su ji su kuma yi biyayya da dukan abin da Littafi Mai-Tsarki ke koyarwa.
Ko da shike yanzu ne aka bayyana waɗansu koyaswa da dama.
A lokacin babban tsanani, wanda muke ciki yanzu, mun gane
cewa Allah yana amfani da gwaje gwaje da yawa da suke bambanta
alkama da zawan. An umurta irin wannan gwadawar a cikin Ruya ta
Yohanna 3:10 inda muka karanta cewa:
Tun da ka kiyaye maganar haƙurina, ni ma zan kiyaye ka daga
sa’ar jaraba, wannan da ke zuwa bisa ga dukan duniya, domin a
jarabci mazannan duniya.
A wannan aya, wannan kalmar “sa’ar Jaraba” ko jaraba ko
gwadawa, tana da alaƙa da babban tsanani na kwanaki 8,400. A wannan
lokacin za a yi gwaje gwaje ko jarabawa da dama, waɗansu misalai da
muka koya suna nan kamar haka:
1. Zamanin Ikkilisiya ya zo ga ƙarshe.
2. Haƙiƙannin ranar sharia.
3. Ainihin fahimtar shirin shari’ar Allah.
4. Ainihin fahimtar dukan abinda samun ceto ya ƙunsa.
5. Fahimtar cewa Allah ya ɓoye gaskiya mai muhimmanci a
cikin Littafi Mai-Tsarki da ba za a bayyana ba sai an kusa
da ƙarshe.
6. Zamu aika wa duniya sakon cewa har yanzu akwai damar
samun ceto, kuma yana yiwuwa a ci gaba da samun ceto
har zuwa rana ta ƙarshe ta babban tsanani ranar 21 ga
watan Mayu, 2011.
7. Dole mu faɗakar da duniya da cewa idan ranar shari’a ta
zo, ba bu sauran damar samun ceto, ko kuma wani jinƙan
Allah.
Littafi Mai-Tsarki yana nan yau kamar yadda yake lokacin da aka
kammala rubuta shi shakaru 1,900 da suka wuce. Duk da haka sai a
lokacinmu, babu wani, komi zurfin ilimisa ko amincinsu, ko irin bautar
Allah a matsayin Mai-Cetonsu da suke yi cikin tawali’u. Babu wanda ya
iya sanin ainihin shekarar da aka yi halitta daga Littafi Mai Tsarki, da
7

shekarar da aka yi ruwan Ɗufana ko ranar da aka haifi Yesu. Haka nan
kuma, babu wanda ya iya sanin ainihin cikakken shirin shari’ar Allah.
Saboda haka, kamar yadda muka ambata a baya, a duk faɗin
zamanin Ikkilisiya abin da aka fi yarda da shi a tsakanin masana tauhida
da ɗaliban Littafi Mai-Tsarki shine cewa mutum ba zai iya sanin ainihin
lokacin da Kristi zai dawo a ƙarshen duniya ba An yarda da cewa bayanin
da ke cikin Littafi Mai-Tsarki cewa Kristi zai zo kamar ɓarawo da dare
(ITassalunikawa 5:2, IIBitrus 3:10) ya amsa tambayar nan game da
lokacin da Kristi zai dawo.
Haka nan game da yanayin shari’ar Allah bisa marasa ceto, an
fahimci cewa a ƙarshen zamani, Kristi zai shari’anta dukan marasa ceto
na duniya a fili. Za a tashi waɗanda suka mutu su kuma san abinda ke
faruwa domin a yi masu shari’a. Daga nan kuma waɗanda suke da rai a
ƙarshen zamani, da kuma waɗanda aka tashe su daga mattatu, za’a
same su da laifi a kuma hukuntasu zuwa hukunci a wani wuri da ake kira
jahannama. Ayoyi kamar su II Korintiyawa 5:10, da Romawa 14:10-11 da
sauransu, suna koyar da haka a fili.
Amma Allah yayi alkawari a cikin Mai-Wa’azi 8:5-6 inda muka
karanta cewa:
Dukan wanda yake riƙe da dokan ba za ya kusanci wuta ba;
zuciyar mai-hikima kuwa ta kan gane kwanaki da shari’a kuma
gama ga kowane al’amari akwai lokaci da shari’a. Saboda haka
zuciyar mutum da nauyi ta ke a gare shi.
A cikin Daniel 12:9 kuma Allah ya ce:
Yace, yi tafiyarka ya Daniel, gama an kuble zantuttukan, an
hatimce su har kwanakin ƙarshe.
Tun da lokaci da shari’a suna da alaƙa da ƙarshen zamani, za mu
iya sa zuciya cewa da shike muna kusa da ƙarshen, a wannan lokaci za
mu ƙara sanin abubuwa da yawa game da lokacin tarihi da kuma
cikakken shirin shari’ar Allah.
Babu shakka mun rigaya mun koya daga Littafi Mai-Tsarki baki ɗaya,
ainihin rana, da wata da shekarar da za a yi fyaucewa, watau lokacin da
za a fyauce dukan masu bada gaskiya zuwa cikin sama. Mun kuma koya
game da ainihin lokacin za a hallaka duniya da ƙasa da dukan ayyukan ta
baki ɗaya da wuta*
Haka kuma, a wannan lokacin Allah ya bamu fahimi domin mu
iya sanin ƙarin shirin hukumcin Allah. Allah ya bayyana filla filla lokacin
da al’amuran ƙarshen duniya zasu faru, wannan kuma ya taimake mu
domin mu fahimci tsarin sa na shari’a.
8

Za mu gane cewa shirin shari’ar Allah ya fara ne kafin zunubi ya
shigo duniya, kuma za a gama a lokacin aka ƙona duniya da dukan
ayyukanta. (II Bitrus 3:10).
Yayin da muke nazarin shirin shari’ar Allah, zamu yi nazarin
waɗansu muhimman kalmomi kamar, “mutuwa’’ da ‘‘hallaka”, da kuma
abubuwa kamar kunya, asarar gado, babban tsananin ciwo, daga ƙarshe
kuma da shafewa daga doron ƙasa. Amma, kafin mu yi wannan, bari mu
dubi waɗansu koyaswar ƙarya da waɗansu wahalhalun da ke cikin
fahimta irin ta al’ada game da shirin shari’ar Allah.
Kusan kowacce Ikklisiya a dukan zamanin Ikkilisiya ta gaskanta
da cewa aikinsu na farko shine koyawa mutanen yadda zasu sami ceto.
Saboda haka kowacce majami’a ta tsara shiri wanda ba ya bisa koyaswar
Littafi Mai-Tsarki, da suka gaskanta cewa yana daidai da koyarwar Littafi
Mai-Tsarki inda suke koyaswa da cewa waɗanda suke bin shirin su suna
da tabbacin ceto.
Babban abu mai muhimmanci na wannan shirinsu, shine
tsatsauran tuni cewa abinda zai maye gurbin ceto shine hallaka ta har
abada. Abinda suka fahimta game da hallaka ta har abada, shine marasa
ceto za su sha azaba a ƙalƙashin fushin Allah, na har abada abadin a
wani wurin da ake kira jahannama. Sun hakikanta cewa irin wannan
hukumcin mai tsanani kan zunubi, zai taimaki mutane su gane da irin
bukatar ceto da suke da ita.
An gaya wa mutane cewa zasu iya samun wannan ceto kuma su
sami tabbacin cewa ba za su taɓa shan azaba a jahannama ba, idan suka
bi koyarwar majamia ko ta mai-wa’azi da aminci. Ya yiwu ya ƙunshi
abubuwa kamar baftisma da ruwa, addu’ar mai-zunubi, shaidar
bangaskiya, zama memban Ikkilisiya, bada zakka, cin jibi karɓan
Almasihu, da dai sauransu. Da zarar sun sami tabbaci daga wurin fasto,
ko firis ko dattijo, ko dikon, cewa suna da ceto, kuma sun sami babbar
ta’aziyar cewa ba zasu taɓa shiga jahannama su zauna har abada ba.
Ba a daɗe ba sai wata matsala ta taso. Misali idan yaro ya mutu
ba tare da ya sami ceto ba. Da shike zunubi ɗaya zai iya sa mutun ya
zama mai laifi kamar ya ƙetare dukan dokoki (Yakub 2:10), to bisa ga
wannan koyaswar ƙaramin yaron da ya mutu ba tare da ya sami ceto ba,
zai sha wahala a jahannama har abada. Wannan yana nufin cewa za a
yiwa ƙaramin yaron hukumci sabili da zunuban da ya aikata na
yarantaka.
Shin gaskiya ne cewa Allah mai-jinƙai Allah mai-adalci zai sa
ƙaramin yaro haka ya sha baƙar wahala ta har abada domin shi ko ita
sun mutu ba tare da sun sami ceto ba? Babbar tambayar da masu ilimin
tauhidi a cikin majami’u suke fuskanta ke nan, kuma an yi ƙoƙarin
neman amsoshi da dama na waɗannan tambayoyi kuma ya zama
muhimmiyar koyaswar kowacce Ikkilisiya.
Misali Ɗarikar Roman Katolika suna da ra’ayin cewa idan an yi wa
jariri baftisma zai wanke dukan laifofinsa da suka sami tushe daga
9

zunubin Adamu. Wannan kuma zai sa yaron ya kasance ƙarƙashin
kulawa da kariyar Ikkilisiya, inda, idan ya bi dokokin Ikklisiyar a hankali
zai bada tabbacin cewa fushin Allah ba zai taɓa saukowa a bisa kan
wannan mutumin ba.
Ikkilisiyun da suka tashi a baya, suma sun biyo sahun irin
wannan shirin ko da shike sun fi kusa da gaskiya fiye da ɗarikar katolika.
Suma sun gaskanta suna kuma koyar da cewa jaririn da aka yi masa
baftisma a majami’a ya kan shiga cikin wata yarjejeniyar dangantaka ta
ruhaniya da Allah, ta yadda idan aka bi dokokin Ikklisiyar da aminci zai
sami tabbacin ceto.
Ikkilisiyan da suka bi koyaswa irin ta Arminiyawa na yanci, kamar
majami’ar baftis sun ƙirƙiro wata hanya ta daban. Sun tsaida shawara
cewa Littafi Mai-Tsarki ya koyar da cewa akwai lokacin da mutum zai
bada lissafin aikin da ya yi. Watau sai yaro ya kai waɗansu shekaru, kafin
a hukumta shi sabili da abinda ya aikata. Saboda haka idan yaro ya mutu
kafin ya kai waɗannan shekarun, Allah ba zai hukumta shi ba.
Dukan waɗannan koyaswar basu da makama a cikin Littafi Mai-
Tsarki ko da shike har wa yau ana koyas da su da hakikanin gaskiya a
cikin dukan Ikkilisiyai da ke faɗin duniya.
Ina Jinƙan Allah?
Wata matsala ta taso dangane da itifaƙin cewa hukuncin zunubi
shine a sha azaba a wani wurin da ake kira jahannama har abada.
Mutane da yawa waɗanda suka yiwa Littafi Mai-Tsarki ba’a sun yi wata
tambaya mai ma’ana cewa “Kun ce Allah na Littafi Mai-Tsarki, mai-jinƙai
ne da adalci saboda haka kun yi imani da cewa Allah mai- jinƙai da
adalci zai azabtar da mutumin da ke rayuwa mai kyau cikin mutumci ta
wurin jefa shi a wurin da ake kira jahannama wurin da shi ko ita zasu
sha matsananciyar wahala ta har abada? Wanne irin Allah ne, Allahn ku
na Littafi Mai-Tsarki? Kuma ta yaya wannan ra’ayin yayi daidai da
maganar da aka yi a cikin Littafi Mai Tsarki cewa Allah baya jin daɗin
mutuwar mugu?” (Ezekiel 18:23 da 32).
Ikkilisiyai da dama sun yi nazari a kan irin waɗannan tambayoyi,
domin haka suka ƙirƙiro da wata hanya da zata ƙarfafa mutane su
amince shirin ceton su na yi-da-kanka. Maimakon jaddada abu marar
kyau wato wahala ta har abada, sun canja yadda suke gabatar da batun
ceto zuwa bada ƙarfi kan abinda yake da kyau, suna cewa “Allah yana
ƙaunar ka kuma yana da kyakkyawan shiri domin rayuwar ka. Zaka iya
zama cikin wannan shirin ta wurin karɓar Yesu”. Watau ‘‘ka haɗa kai da
mu daga nan baka bukatar ka damu, kuma ba zaka ƙara damuwa da
fargaban da yake zuwa cikin tunanin ka da zuciyarka loto loto ba domin
ka sani cewa akwai Allah kuma wata rana dole zaka bada lissafi a
gabansa”. Waɗannan majami’un basu rabu da ra’ayin hukumci har
abada ba, amma a wurinsu wani abu ne da za a yi watsi da shi ba
abinda za a tada hankali akai bane.
10

Ya yiwu mu kuma ƙara lura cewa Littafi Mai-Tsarki ya koyar cewa:
‘‘Haƙƙin zunubi mutuwa ne...’’ (Romawa 6:23a). Koyarwa da aka saba da
ita ta al’ada tace “Hakkin zunubi.” yana nufin a rana ta ƙarshe dukan
wanda baya cikin zaɓɓaɓu na Allah, (waɗanda basu da ceto) za’a rayar
da su domin su tsaya a gaban Kristi alƙalinsu. A can za’a same su da
laifi saboda haka za a yanke masu hukumcin shan azaba a wani wuri da
ake kira jahannama.’’ Waɗanda suke da ra’ayi irin na al’ada ba zasu
yarda da wannan ba amma suna riƙe da fahimtarsu na hukunci kuma
yana nufin kuma da shike an yi cikinmu aka kuma haife mu cikin zunubi
(Zabura 51:5), Dukan jinjiri da aka zubar da cikinsa da dukan jaririn da
ya mutu wanda ba ya cikin zaɓaɓɓu, za a yanke masu wannan
matsanancin hukuncin.
Wannan mumunan ra’yin game da hukuncin Allah , wani
mummunar ra’ayin musun dokar Allah ne, an tsara wannan ra’ayin ba
tare da wani cikakken sani ba ko kuma cikin rashin sanin cewa, dukan
Littafi Mai-Tsarki dokar Allah ba ne. Saboda haka ana ganin maganar
kamar “Haƙƙin zunubi mutuwa ce” da “cikin ranar da kaci mutuwa zaka
yi lallai” kamar umurni ne daga bakin Allah maimakon ɗaukarta a
matsayin dokar Allah.
Yana da matuƙar muhimmanci mu gane cewa Maganar Allah
gaba ɗayanta tana da dangantaka da Kristi kansa. Allah ya ce Kalman
ya zama jiki, ya zamna a wurinmu (Yohanna 1:14a ). Maganar Allah tana
da cikakken iko kamar Kristi kansa. Ibraniyawa 4:12-13 ta ce:
Gama maganar Allah mai rai ce, mai aikatawa, ta fi kowanne
takobi mai kaifi biyu ci, tana kwa hudawa har zuwa rarraban rai
da ruhu da gaɓaɓuwa da ɓargo kuma, tana kwa da hanzari ga
ganewar tunanin zuciya da nufe-nufenta. Babu wani abu mai rai
kuma da ba’a bayyana a gabansa ba. Amma abubuwa duka a
tsiraice suke, buɗaɗɗu kuma, gaban idanun wannan wanda muke
gareshi.
Lokacin da Allah ya gaya wa Adamu cewa ran da ya ci daga itacen
mutuwa zai yi, Allah yana furta dokarsa ne ga Adamu. Wannan doka
tana da ikon Kristi kansa bisa kan Adamu, saboda haka lokacin da
Adamu yayi ƙetare dokar nan take aka hukunta Adamu bisa ga wannan
dokar zuwa hukuncin mutuwa.
Lokacin da Allah ya hallaka Sodoma da Gomorah da duniyar
zamanin, Nuhu, waɗannan mutanen ba su bukaci tsayawa a gaban Kristi
a matsayin alkali ba kafin a zartar da hukuncin mutuwa ba. Sun ƙetare
dokar Allah kuma duk lokacin da suka aikata zunubi dokar Allah zata
kashe su zuwa mutuwa.
A hakikanin gaskiya duk lokacin da wani wanda baya da ceto ya
mutu, ko da ta wacce hanya ya mutu, lokacin ne a ke hukunta shi a
matsayin biyan bashin zunuban sa. Domin koyaswar da aka saba da ita
11

dangane da shirin shari’ar Allah bai yi la’akari da cewa dukan Littafi Mai-
Tsarki dokar Allah ba ne, kuma kowacce kalma tana da iko kamar Kristi
kansa, shirin shari’a ne wanda mutum ya saƙa a zuciyarsa. Da shike
Allah ne ya ɓoye gaskiya mai yawa game da lokacin da kuma hukunci
domin kada a bayyana su ga ’yan adam sai kusan ƙarshen zamani, An
rubuta Littafi Mai-Tsarki a cikin harshe mai sarƙaƙiya. Nufin Allah cewa
kada kowa ya fahimci dukan abin da Littafi Mai-Tsarki yake koyarwa
game da lokaci da sharia sai a lokacin mu. Shirin Allah ne ba za a
fahimci wannan gaskiya mai muhimmanci ba sai lokacin da duniya ta zo
kusa da ƙarshe. Ta haka Allah ya bari aka ci gaba da yiwa tsarin shari’ar
Allah karkatacciyar fahimta ta alada da ake koyarwa a majami’u, yayinda
kuma ya bari Ikklisiyai suna koyar da shirin ceto irin na yi-da-kanka.
Saboda haka, har yau akwai ɗaliban Littafi Mai-Tsarki da basu da
wani mugun nufi, da suke ƙoƙarin bada hujjar fahimtar shirin Allah na
shari’a bisa ga al’ada ta wurin nazarin kalma a kan kalma, da ake samu a
Littafi Mai-Tsarki. Sai dai suna tace waɗannan kalmomi bisa ga tunanin
da suka saba da shi da gurguwar fahimtar shirin shari’ar Allah da suka
hakikanta cewa daidai ne. Wani aiki ne mawuyacin gaske domin shirin
shari’ar Allah irin na al’ada bai yarda da cikakken ikon kowace kalma a
cikin Littafi Mai-Tsarki a matsayin dokar Allah ba.
A takaice, zamu iya cewa, a duk zamanin Ikklisiya akwai waɗansu
matsalolin da ba’a warware ba dangane da gaskiyar fahimtar hukunci
kan zunubi. Za a iya gane wannan idan muka tuna cewa an rufe bayanai
masu yawa game da cikaken bayani da kuma abinda ya shafi ƙarshen
zamani a cikin Littafi Mai-Tsarki domin kada a fahimta. Allah ya sa
harshen Littafi Mai-Tsarki ya kasance da wuyar ganewa domin waɗannan
gaskiyar zata kasance a ɓoye sai kusan ƙarshen zamani.
Amma, yayin da muka doshi ƙarshen zamani, nufin Allah ne cewa
za a san bayanai masu yawa. Abin baƙin ciki shine Ikklisiyai suna
tsayayya yanzu da gaskiyar da ake bayyanawa, waɗanda suke dogara
gaba ɗaya kan shaidarsu , koyarwarsu da tauhidin da suka yi ittifaki a
kai. Haka wannan yake musamman domin zamu iya ganewa cewa
tunanin shan wuya har abada a jahannama a sakamakon zunubinsu ba
gaskiya ba ne. Saboda haka an kawar da wata babbar hanyar da ake
amfani da ita wajen ƙarfafa mutane su sami ceto.
Bugu da ƙari, majami’u sun gamsu da fahimtarsu yanzu ta Littafi
Mai-Tsarki. Basu gane ba ko kuma basu fatar gane shirin Allah cewa, a
cikin kwanakin nan na ƙarshe, za a sami ƙarin sanin gaskiya daga cikin
Littafi Mai-Tsarki. Misali mun koya daga farkon wannan bincike cewa,
duk tsawon zamanin Ikklisiya, majami’u sun yi ittifaki, bisa bincikensu
Littafi Mai-Tsarki da suka yi a hankali, cewa Kristi zai zo kamar ɓarawo
da dare. Amma yanzu da shike muna dab da ƙarshen zamani, Allah ya
ba ma masu bi na gaskiya cikakken bayani wanda ya fito daga Littafi
Mai-Tsarki kaɗai domin mu sani da cikakken tabbaci rana da wata da
shekarar da duniya zata ƙare.
12

Haka kuma, yanzu muna koya daga Littafi Mai-Tsarki bayanai
masu ɗinbin yawa game da shari’a. Ka tuna abinda muka koya daga Mai-
Wa’azi 8:5-6 inda Allah yace:
Dukan wanda ya ke riƙe da dokar ba za ya kusanci wuta ba,
zuciyar mai-hikima kwa ta kan gane kwanaki da shari’a kuma:
gama ga kowane al’amari akwai nasa lokaci da shari’a, domin
ɓacin zuciyar mutum da nauyi ya ke a gareshi.
Kada mu yi mamaki da cewa Ikkilisiyai suna gaba da ittifaki game
da lokaci, wanda muka koya daga Littafi Mai-Tsarki, kuma zasu ci gaba
da ƙin yarda da yanayin shari’a, wanda kuma ya kasance sakamakon
binciken Littafi Mai-Tsarki a hankali. Amma ya kamata muyi farin ciki
domin da yake muna kusa da ƙarshen zamani Allah yana ƙara nuna wa
masu bi na gaskiya gaskiyar Littafi Mai-Tsarki da take ɓoye a cikin Littafi
Mai-Tsarki tun shakaru 1,900 da suka wuce.
Ƙaunar Mutum Ga Mutum
Kafin mu bar binciken mu na yanzu, na fahimtar shirin shari’ar
Allah bisa ga al’ada, bari mu dubi wani abu wanda ya maida hankali a
kan wannan batu. Yana da dangantaka da umurnin Allah cewa mu
ƙaunace maƙwabtanmu.
Yesu ya yi tambaya a cikin Matta 22:36 cewa:
Malam, wacce ce babbar doka a cikin Attaaurat?
Mun karanta amsar Yesu cikin Aya 37 zuwa 40:
Yace masa, ka yi ƙaunar Ubangiji Allahnka da dukan zuciyarka da
dukan ranka da dukan azancinka wannan ce babbar doka, itace
kwa ta fari. Wata kuma ta biyu mai kamaninta ke nan, kayi
ƙaunar maƙwabcinka kamar ranka. Ga waɗannan doka biyu
dukan Attaurat da Annabawa suke ratayawa.
Bisa ga Yohanna 14:21 mun sani cewa mu ƙaunace Allah shine
mu kiyaye dokokinsa, kamar yadda muka karanta:
Wanda yake da dokoki na yana kwa kiyaye su shine yake ƙaunata:
wanda yana ƙaunata kuma za ya zama ƙaunatacen ubana, ni ma
zan ƙaunace shi in bayyana kaina gare shi kuma.
Mun kuma sani cewa dokokinsa sune dukan Littafi Mai-Tsarki.
Mutumin da yake da ceto, mai-bi na gaskiya yana da marmarin yin
biyyaya da dukan Littafi Mai-Tsarki.
13

Sai dai a wannan tsarin da Allah yace ka ƙaunaci Allah da dukan
zuciyarka da dukan ranka da dukan azancinka, ya bada umurni cewa ka
ƙaunaci maƙwabcinka kamar kanka. Ta haka Allah yake fito da wani
ɓangare guda na ƙaunar mu zuwa gareshi ta wurin jadada bukatar mu
ƙaunaci maƙwabcin mu. Ba kawai yana neman ya jawo hankalinmu kan
ƙaunar makwabcinmu ba, amma yana kafa mana ma’aunin da za mu
auna ƙaunar mu ga maƙwabcinmu. Wato ya kamata ƙaunar mu zuwa ga
maƙwabcinmu ta zama daidai da yadda muke ƙaunar kanmu.
Mu koya daga misalin Basamariye mai kirki (Luka 10:29-37) da
cewa maƙwabchinmu shine duk wanda yake da bukatar taimako.
Wannan ya tabbatar mana da cewa duk wanda ba shi da ceto yana
bukatar taimako na ruhaniya saboda haka maƙwabcinmu ne. Saboda a
hakikanin gaskiya maƙwabcinmu shine kowa a duniya. Shi ya sa mu ka
aika da bishara mai daraja cikin duniya. Duk wanda ba shi da ceto yana
bukatar taimakonmu, Kuma babu shakka Allah yayi amfani da Littafi
Mai-Tsarki ya ceci waɗanda aka zaɓa domin a cece su.
Da shike ya kamata mu ƙaunaci maƙwabtanmu kamar kanmu. Ya
kamata mu bukaci abu mafi kyau dominsu cikin gaskiya. Abu mafi kyau
shine ceto. Amma, mene ne zai faru idan mutum ya mutu ba tare da ya
sami ceto ba? Har yanzu zamu ƙaunace shi? Littafi Mai-Tsarki ya bada
amsar wannan tambayar a cikin Matta 5:44 inda muka karanta cewa:
Amma ina ce maku, kuyi ƙaunar magabtanku, kuma waɗanda su
kan tsananta maku, ku yi masu addu’a.
Zai zama da wuya a dama daga magabatan da zasu sami ceto.
Amma duk da haka zamu ƙaunace su. Dauda da kuma Yesu sun sun bar
mana gurbin nuna ƙauna ga waɗanda basu da ceto har ma bayan sun
mutu. A ƙalla cikin kusan shekaru 15 na rayuwar sarki Saul, ya yi ƙoƙari
ya kashe Dauda ko ta wacce hanya. Duk da haka, bayan da sarki Saul ya
mutu, Dauda ya nuna baƙin cikinsa da ƙauna a ayoyi kamar IISamaila
1:9 da 24 inda muka karanta cewa:
Ya Isra’ila an kashe darajarka a bisa maɗaukakan wuraren ka;
masu iko ƙaƙa za a kwatata faɗuwarsu...Ku ’yan matan Isra’ila,
ku yi kuka bisa Saul, shi wanda ya yafa maku mulufi mai
ƙayatarwa. Ya yi maku adon lu’u-lu’u da zinariya.
Kuma a cikin IISamaila 2:5 muka karanta cewa:
Dauda kuma ya aike manzanni zuwa wurin mazammnan Jabesh –
Gilead, ya ce masu, ma su albarka ne ku na Ubangiji da shike kun
nuna wannan alheri ga Ubangijinku wato Saul, kin bizne shi.
14

Dauda ya nuna ƙauna da girmamawa ga mattacen magabcinsa,
sarki Saul, amma ya nuna ƙauna mafi girma ga mugun ɗansa Absalom.
Lokacin da Absalom yana da shekara 25, ya fara shirin kashe mahaifinsa
Dauda. Sha’warsa ita ce ya ƙwace kujerar sarautar Isra’ila daga ubansa. A
gaskiya ma, tawayensa ya kawo rashin zaman lafiya a fili har ya tilasta
Dauda ya gudu daga Urushalima domin kada Absalom ya kashe shi.
Amma an bayyana zurfin ƙaunar Dauda zuwa ga mugun ɗansa
mai cin amana wanda daga ƙarshe shugaban mayaƙan Dauda ya kashe
shi a cikin IISamaila 18:33 inda muka karanta cewa:
Sai sarki yayi juyayi da yawa ya hau wajen benen da ke kan ƙofa, ya
yi ta kuka; yana tafiya yana cewa ya ɗana Absalom, ya ɗana, ɗana
Abasalom, da ma Allah ya yarda na mutu dominka, ya Absalom, ya
ɗana ɗana.
Ƙaunar Dauda domin Absalom ta nuna irin ƙaunar da zamu yi wa
makwabcinmu. Bai kamata mu yi farin ciki ba a kan mutuwar
magabcinmu, amma muyi baƙin ciki cewa sun fuskanci fushin Allah da
yake saukowa kan dukan waɗanda basu da ceto.
Har’ ila yau, mun ga irin ƙaunar da Kristi ya nuna ga waɗanda
zasu fuskanci fushin Allah. Mun karanta a Luka 19:41-44 cewa:
Sa’anda yayi kusa, ya hangi birni, yayi kuka a kanta, yace. Da ma
kin sani a cikin wannan rana, har ke ma, abin da ya tabbata ga
salama. Amma yanzu a ɓoye yake a idanunki. Gama kwanakin
zasu abko maki inda maƙiyanki zasu gina maki ganuwa, su sa ki
a tsaka, su tsare ki daga kowane sassa. Su fyaɗe ki a ƙasa da
’ya’yanki a cikinki, ba za su bar ko dutse ɗaya bisa wani a cikinki
ba, da shike ba ki lura da kwanakin ziyartonki ba.
A waɗannnan ayoyi mun karanta cewa Yesu yayi kuka domin
Urushalima, wadda a nan take wakiltar dukan waɗanda basu da ceto a
cikin ƙasar Isra’ila, da kuma dukan waɗanda suka rage a majami’u
waɗanda zasu fuskanci cikakken fushin Allah domin zunubansu. An
albarce su ta musamman domin sun koya daga Littafi Mai-Tsarki. Sun
koya da yawa game da ƙaunar Allah da jinƙansa. Amma sun juya
gaskiyar Littafi Mai-Tsarki zuwa koyaswar da ta gamshe su. Sun ci gaba
da tafiya cikin girman kansu. Za mu iya ganinsu a cikin ruhaniya kamar
marasa son zaman lafiya waɗanda suka cancanci fushin Allah.
Amma Yesu yayi kuka dominsu. Ka yi tunani kan cewa Allah da
kansa yana kuka domin dole ya hukunta waɗanda suka tayas masa. Ba
abin mamaki ba ne da muka karanta a cikin Ezekiel 33:11 cewa:
Sai ka ce masu, in ji Ubangiji Yahweh na rantse da raina, ba ni da
wani jin daɗin cikin mutuwar mugu...’’
15

Muna koyan cewa tilas ne Allah ya sauko da hukunci kan
ƙaunatattunmu da abokanmu da basu da ceto, wannan kuma yana cika
mu da baƙin ciki da ɓacin rai. Amma wannan ɓacin ran zai ragu ainun
domin mun san abokinmu ba zai sake wahala ba muddin ya mutu. Sai
dai idan fahimtar nan ta al’ada daidai ne, cewa marasa ceto zasu sha
azaba ta har abada a wurin da ake kira jahannama, babu shakka zamu yi
baƙin ciki ainun yayin da abokan mu marasa ceto suka mutu. Idan
abokinmu ya yi mummunar rayuwa a nan duniya, yana jin daɗi da
walwawa irin ta duniya, amma ya watsar da Littafi Mai-Tsarki, zamu ci
gaba da baƙin ciki bayan mutuwarsa idan muka yi tunani wahalar nan
marar matuƙa.
Amma yanzu, Littafi Mai-Tsarki ya yi mana gyara a fahimtar mu
ta shari’a. Ko da shike abokinmu ya mutu yana watsar Littafi Mai Tsarki,
ko da shike babu daɗi cewa an hana shi wannan kyakkyawan gado na
madauwammi, da kuma farin ciki da ɗaukaka na zama magada tare da
Kristi a sabuwar sama da sabuwar duniya, kuma ko da shike yana da
muni sanin cewa mutuwarsa hukumci ne abin kunya ƙarkashin la’anar
Allah, akwai labari mai daɗi. A ƙalla, zamu iya samun tabbacin cewa
mutuwar abokinmu, tana nufin ba zai ƙara zama ƙalƙashin tsanani da
wahala ba. Rayuwarsa ta ƙare
Abin baƙin ciki ne ganin cewa, mutane da yawa waɗanda suka
gaskanta cewa suna da ceto suna fushi mai tsanani da koyaswar da ke
cikin Littafi Mai-Tsarki kamar yadda aka bayyana a cikin wannan littafin.
Fushinsu yana bamu mamaki. Mun sani akwai mutane masu ɗunbin yawa
da suka hakikanta cewa suna da ceto amma a hakikannin gaskiya basu
da ceto. Sai dai kuma da yake sun gaskanta cewa suna da ceto, suna
ƙoƙari su yi rayuwa irin ta wanda yake da ceto. Amma domin basu da
ceto, yana nufin cewa suna ƙaunar duniyar nan da dukan abinda ke
cikinta da jikunansu da kuma zukatansu da dukan jin daɗin da duniya za
ta basu. Saboda haka, ƙoƙarin rayuwa irin ta masu ceto wani aiki ne
tuƙuru. A cikin zukatansu suna ƙaunar duniya, kuma domin sun gaskata
cewa suna da ceto, kuma sun san cewa bai kamata su ƙaunaci duniya ba,
rayuwa ta zamar masu da wahala da baƙin ciki. Tilas ne su yi rayuwa
kamar ba su son duniya, amma suna matuƙar son wannan duniya.
Matsala ta kan taso idan wani aboki ya mutu, abokin da bai damu
da Littafi Mai-Tsarki ba, wanda kuma ya ke cin duniyarsa da tsinke. Bisa
ga koyarwa irin ta al’ada dangane da shari’a, ya kamata ya sha azaba ta
har abada a wuri da ake kira jahannama. Ko Wannan da muke bayani
akansa wanda ya gaskanta yana da ceto, amma a hakikannin gaskiya ba
shi da ceto, yayi wannan mummunar tunani cewa idan shi da kansa ya
mutu, bashi da ceto bisa ga fahimta irin ta al’ada, dole a yi mashi
hukunci na har abada a wani wuri da ake kira jahannama? Abin zai yi
muni sosai.
Duk da haka, yanzu mun koya cewa wannan irin tunani irin na
al’ada na shirin hukuncin Allah kan masu zunubi bashi da makama. Yayi
16

musun jinƙai da tausayi da adalcin Allah baki ɗaya. An tsara shi ne baki
ɗaya bisa ga hikimar mutum. Ba bu gaskiya a ciki. Wannan fahimtar ta
al’ada ta nuna a fili mugunta da rashin jinƙai wanda hali ne na mutumin
da bashi da ceto. Zai yi daidai mu yi gargaɗi da cewa bai kamata mu
taɓa ƙoƙarin fassara jinƙai, da adalcin Allah bisa ga tunaninmu da
ra’ayinmu game da jinƙai da adalci ba. Allah ya bada wannan kyakyawan
alkawari a cikin Mai-Wa’azi 8:5-6.
Dukan wanda yake riƙe da dokar ba za ya kusanci wuta ba;
zuciyar mai hikima kwa ta kan gane kwanaki da shari’a kuma
gama ga kowane al’amari akwai nasa lokaci da shari’a domin
ɓacin zuciyar mutum da nauyi ya ke a gareshi.
Malaman tauhida da ɗaliban Littafi Mai-Tsarki sun shafe dubban
shekaru suna karanta waɗannan kalaman ba tare da sun fahimta ba.
Haka ta faru ne domin lokaci da shari’a suna da alaƙa da ƙarshen
zamani. Kuma nufin Allah ne ya rufe irin wannan bayani, sai ƙarshen
zamani (Daniel 12:4). Allah ya tabbatar mana da wannan, yayin da muke
shaidar yardar Allah, a wannan lokaci na tarihi, da muke kusa da ƙarshen
duniya ya bayyana da shaidu da yawa daidai rana da shekarar da duniyar
nan zata ƙare. Saboda haka yau, kowanne mutum mai -hikima wato
kowane mai-bi na gaskiya zai sani daga Littafi Mai-Tsarki shirin
jadawalin Allah na tarihi daga farko har zuwa rana ta ƙarshe (dubi Mun
Kusa Kai Ga Ƙarshe).
Amma wannan alkawali na Mai-Wa’azi 8:5-6 kuma yayi maganar
“Hukunci” wannan kalmar “Hukunci” wani lokaci ana amfani ita daidai da
kalmar “Sharia” da “dokoki da farillai. Ga misali mun karanta a cikin
Zabura 119:106 cewa, ‘‘...in yi biyayya da koyarwarka mai adalci.’’
Duk da haka, ana amfani da kalmar nan ‘‘shari’a’’ ko ‘‘shari’u’’
wajen nuna illar keta shari’ar Allah. Wannan shine hanyar da aka yi
amfani da ita a ayoyin Mai-Wa’azi da muke bincike yanzu, mun karanta
cewa, “Domin ga kowane abu, akwai lokaci da shari’a”. Wato ga kowane
abu akwai lokacin da za a kammala shi da kuma sakamakon cimma
wannan manufar. Sakamakon shine shari’a ko hukumci, idan abinda
muka aikata ya saɓawa dokar Allah.
Mun koyi cewa babbar koyaswa game da bayanin lokaci na Littafi
Mai-Tsarki ya maida hankali kan ƙarshen lokaci, yayin da za a kammala
dukan ayyukan shari’ar Allah. Saboda haka zamu iya gane dalilan da ya
sa aka haɗa lokacin da sharia a waɗannan ayoyin. Za a kammala dukan
hukumcin Allah a ƙarshen duniya.
Ba abin mamaki bane cewa Allah ya ƙara bayyana mana matsayin
al’ada da yawancin majami’u suka ɗauka da suka koyar a dukan
zamanin Ikklisiya (wato Kristi zai zo kamar ɓarawo da dare II Bitrus
3:10). Daga cikin Littafi Mai-Tsarki ne kaɗai zamu iya sanin ainihin rana
da wata da kuma shekarar da al’amuran ƙarshen zamani zasu faru. Duk
17

da haka, nufin Allah ne cewa a dukan zamanin Ikklisiya, majami’un
zasu koyar da cewa Almasihu zai zo kamar ɓarawo da dare. Mun san
wannan gaskiya ne domin mun karanta a cikin Ayukan Manzani 1:6
cewa:
Saboda haka da suka taru, suka tambaye shi suka ce, Ya
Ubangiji a wannan lokaci ne ka ke mayar ma Isra’ila da mulki?
Manzanin waɗanda suka jagoranci Ikklisiya ta farko, suna so su
san lokacin da Allah zai kammala dawo da mulkin Allah. A cikin
tunaninsu, suna sa rai zai kafa mulki irin na duniya. Kristi ya amsa masu
kamar yadda muka karanta a Ayyukan Manzani 1:7
Ya ce masu, ba naku bane da za ku san zamani da wokatai
waɗanda Uba ya sanya a cikin nasa hukumci
Sannan Yesu ya ƙara koyaswa game da halayen mulki Ayyukan
Manzani 1:8 na cewa:
Amma za ku karɓi iko lokacin da Ruhu Mai-Tsarki ya zo bisanku;
za ku zama shaiduna kuma cikin Urushalima, da cikin dukan
Yahudiya da Samariya har kuma iyakar duniya.
Waɗannan ayoyi uku, sun umurce mu da cewa a zamanin Ikklisiya
akwai babbar tambaya game da ƙarshen lokaci. Duk da haka majami’u a
zamanin Ikklisiya ba zasu yi sha’awar wannan batun ba, amma zasu
maida hankali ne a kan aikin da aka basu, wato su aika bishara cikin
dukan duniya. Saboda haka a cikin dukan shekarun nan 1,955, na
zamanin Ikklisiya, bisa ga fahimtarsu, babu wanda ya san lokacin da
zamani zai ƙare, amma Almasihu zai zo kamar ɓarawo da dare.
Duk da haka, kusan ƙarshen duniya, za a ƙara marmarin sanin
ainihin lokacin da duniya zata shuɗe. Saboda haka a kwanakin mu, Allah
ya buɗe idanun mu ga sanin cikakken lokacin da abubuwa na tarihi zasu
faru, yadda zamu iya sanin ainihin rana, da wata, da shekara da ƙarshen
zamani zai zo. Wannan ya ba masu bi na gaskiya damar gudanar da
hakin da ya rataya a bisansu na faɗakar da duniya. Kowanne mai-bi mai
tsaro ne. Mun karanta a cikin Ezekiel 33:2-7 cewa:
Ɗan mutum, ka yi Magana da ’ya’yan mutanenka, ka ce masu,
kaɗan an jawo ma wata ƙasa takobi, mutanen ƙasa kwa sun zaɓi
mutum guda daga cikin su, sun maishe shi mai-tsaro domin su,
shi ma, idan ya ga takobi ya faɗakar da mutane, dukan wanda ya
ji ƙarar ƙafo ya ƙyale, idan takobi ya zo, ya fizga shi, alhakin
jininsa yana bisa kansa. Ya ji busa, ya ƙyale; alhakin jinin sa yana
bisa kansa ne, gama da ya kula da faɗaka, da ya tsira da ransa.
Amma idan mai-tsaro ya ga takobi yana zuwa, ba ya yi busa ba,
18

jama’a kwa ba su sami faɗaka ba, takobi ya zo ya fizge wani
daga cikinsu; wannan mutum domin laifinsa an ɗauke shi amma
zan nemi jininsa ga hannun mai tsaro. Hakanan kai fa ɗan
mutum na sanya ka mai-tsaro ga gidan Isra’ila, domin wannan ka
ji Magana ga bakina ka yi masu faɗaka daga gareni.
A Tassalonikawa I 5:2-6 mun karanta game da juyawa daga koyaswar
cewa Kristi zai dawo kamar ɓarawo da dare zuwa koyaswar cewa mu
masu tsaro ne saboda haka shirin Allah yana kira zuwa ga sanin lokaci
da sharia.
Da yake lokaci da shari’a suna da dangantaka, wannan yana nufin
ke nan sabuwar koyarwa daga Littafi Mai-Tsarki zata maye gurbin
koyaswa irin ta ala’ada a kan shari’a?
Wannan shine ainihin gaskiyar da muka tarar. Gaskiyar ita ce
lokaci gaba ɗaya yana cikin tsarin shirin shari’ar Allah. Saboda haka,
samun sanin tsarin lokacin da al’amura na tarihin duniya ya tilasta sake
nazarin fahimta irin ta al’ada game da shirin shari’ar Allah.
Watau, bashi yiwuwa a fahimci koyarwar Littafi Mai-Tsarki game
da shari’ar sai dole mun fara koyo daga Littafi Mai-Tsarki game da
lokacin daidai. Tun da Allah ya nuna mana bayanai masu yawa sababbi,
bai kamata mu yi mamaki game da sabuwar gaskiya mai yawa da zamu
koya yanzu ba.
Yayin da daga ƙarshe Allah ya nuna mana tsarin abubuwan da
zasu faru na ƙarshen duniya, ba kawai mun gane daidai ƙarshen zamani
Ikklisiya kaɗai ba (21 Mayu, 1988) da kuma daidai tsawon lokacin
matsanancin ƙunci (kwanakin 8,400 ko kuma shekaru 23 cikakku) amma
kuma da lokacin ranar shari’a (Mayu 21, 2011 zuwa Octoba 21, 2011).
Da wannan ainihin bayanin lokacin, nan da nan zamu hanzarta ƙara koyo
sosai, game da illahirin shirin shari’ar Allah. Wannan ba abin mamaki
bane domin, kamar yadda muka bayyana, Littafi Mai-Tsarki ya danganta
lokaci da shari’a.
Kafin mu yi nazarin shirin shari’ar Allah da kyau, zai dace muyi
ɗan tsokaci game da lokacin tsanani da ke da alaƙa da ranar shari’a. Ka
tuna zamanin Ikklisiya ya ƙare ranar 21 ga watan Oktoba, 1988, wanda
kuma ita ce rana ta fari na kwanaki 8,400 da lokacin azaba. Yayinda
kuma matsanancin ƙunci zai zo ƙarshe a ranar 21 Mayu, 2011 wadda
ita ce rana ta fari ta kwanaki 153 na ranar shari’a. Akwai ayoyi guda biyu
a cikin Littafi Mai-Tsarki da suka alaƙanta ranar tsananin da ranar
shari’a. Ta farko ita ce Luka 21:22 in da muka karanta cewa:
Gama waɗannan kwanakin na ramawa ne, domin a cika dukan
abinda aka rubuta.
Ta biyun kuma ita ce IBitrus 4:17:
19

Gama lokaci yayi da shari’a zata faru a kan gidan Allah: Idan kwa
a wajenmu ta faru, ina matuƙar waɗanda basu bi bisharar Allah
ba?
“Gidan Allah” yana nufin dukan ’yan Ikklisiya da Ruhu Mai-Tsarki
ya bari, kuma ya barsu ƙarƙashin mulkin shaiɗan. Ana hukunta su ne
domin sun kauce ainun daga bishara ta gaskiya. Saboda haka suna
ƙarƙashin shari’a. Amma wannan ya banbanta nesa, da ranar shari’a,
watannin nan biyar daga 21 Mayu, 2011 zuwa Octoba 21, 2011. Lokacin
da kowane mutum a dukan faɗin duniya zai karɓi hukunci na ƙarshe
domin zunuban shi. Wannan hukumcin a gaskiya ma ba zai zo kan masu
bi na gaskiya ba, waɗanda za’a fyauce su sadu da Kristi a ranar 21 ga
Mayu, 2011.
Lokacin tsananin, lokaci ne na gwadawa, musamman a majami’u
amma kuma a cikin dukan duniya, lokacin da Allah zai ware alkama
(masu bi na gaskiya) daga ƙaya (waɗanda suke tsammani suna da ceto,
amma a hakikannin gaskiya basu da shi).
Ruya ta Yohanna 3:10 ta bayyana wannan lokacin a matsayin
‘‘Sa’ar jaraba’’, Za a kuma iya fassara kalmar a matsayin ‘‘jaraba’’ ko
“Jarabawa” mun koyi abubuwa da yawa game da gwaji, wanda Allah ya
sa domin ya zama shaida a shakaru na ƙarshe. Sun ƙunshi koyaswa mai
muhimmanci da tambayoyi kamar haka:
1. Ko Ikklisiya zata iya nuna wa wani yadda zai sami ceto?
2. Ko mun gane cewa a wannan lokaci Allah yana bayyana
waɗansu sababbin bayanai da yawa daga Littafi Mai-
Tsarki?
3. Ko mun fahimci cewa kowace kalma ta harshen Littafi
Mai-Tsarki ta ainihi ta fito ne daga bakin Allah?
4. Littafi Mai-Tsarki baki ɗaya dokar Allah ne zuwa ga ’yan
adam, kuma zai kawo hukunci idan ba a kiyayye shi ba.
5. Zamanin Ikkilisiya ya ƙare a 1988, saboda haka babu
wanda zai sami ceto muddin yana ƙarƙashin ikon
Ikkilisiya A hakikanin gaskiya ma, Allah ya sa shaiɗan a
Ikklisiyai yayi mulki a wurin. Saboda haka Allah ya umurci
waɗanda suke son yiwa Allah biyayya su fito daga
Ikklisiya.
6. Dukan zamanin Ikkilisiya, nufin Allah ne da cewa masu bi
na gaskiya zasu yi tunanin cewa Kristi zai dawo kamar
ɓarawo da dare. Amma yanzu ya kamata masu bi na
gaskiya su san ainihin rana, da wata, da shekarar
zuwansa. Wannan ya basu damar fadakar da duniya da
aminci, game da ƙarshen zamani. Idan mutane suka ci
gaba da cewa zai dawo kamar ɓarawo da dare, zai sa su ci
20

gaba da bin tafarkin da zai kaisu ga hallakar da zata abko
masu farat ɗaya. (Tassalunikawa I 5:1-4).
7. Dukan zamanin Ikkilisiya, Allah ya ƙyale aka ci gaba da
tunani irin na al’ada wanda a cikin kuskure dangane da
shirin shari’ar Allah. Amma yanzu Allah yana ƙara bamu
haske game da gaskiyar shirin shari’ar Allah. Filin gwajin
ne kuma, shin muna ƙaunar makiyanmu da gaskiya?
8. Ana gwada dukan duniya, da shike ana faɗakar da su
game da ƙarshen duniya mai zuwa, zasu ci gaba da musu
kamar yadda aka yi a duniya a zamanin Nuhu, ko kuma
waɗansu za su ji wannan faɗakarwar kamar yadda
mutanen Nineveh suka yi lokacin da Yunana ya gargaɗe
su game da halaka mai zuwa?
Allah ya faɗa a cikin Ruya ta Yohanna 3:10 cewa zai tsare masu
bi na gaskiya daga lokacin gwaji. Ga masu bi na gaskiya waɗanda suke
da sha’awar yin biyayya da dokokin Allah. Jarabawar da aka lissafta a
sama ba gwaji ba ne domin masu bin suna da niyyar yin biyayya. Amma
ga marasa bi dake cikin Ikklisiyai da kuma duniya, ya kamata kowanne
ɗaya daga cikin waɗannan jarabobi da gwaji su faɗakar da su cewa idan
sun ƙi yin biyayya suna cikin haɗarin gaske da matsala gaban Allah.
Abin alajibi, kwanaki 6,100 na ƙarshe daga cikin kwanaki 8,400
na tsanani lokaci ne da ake ceton ɗumbin mutane da babu wanda zai iya
ƙirgawa.
Duk da haka, ya kamata mu koma kan bincike domin fahimtar
ainihin tsarin shari’a na Allah. Zamu yi bincike mai zurfi a kan matsayin
Allah na Alkalin dukan duniya a Sura ta gaba.
21

Sura Ta Uku
Allah, Alƙalin Dukan Duniya
A cikin wannan binciken, muna ƙoƙarin sanin ainihin shirin
hukuncin Allah domin wannan duniyar. Tilas ne shirin hukuncin ya haɗa
da Alkali. Alƙalin Allah ne da kansa. Nan da nan a cikin zukatanmu zamu
iya ganin hoton alƙali da wanda ake tuhuma a gaban sa. Alkali yakan
saurara ya kuma yi nazari a kan shaida daga bakin shaidu da dama da
kuma wanda ake tuhuma domin sanin ko wanda ake tuhuma ya aikata
laifin ko babu, sannan ya yanke hukuncin da ya dace idan aka same shi
da laifin da ake tuhumarsa da aikatawa.
Haka ake ganin tsarin sharia yake a cikin Littafi Mai-Tsarki. A
wannan tunannin, Alkalin shine Kristi. Waɗanda ake tuhumar kuma sune
dukan waɗanda basu sami ceto ba. Lokacin shine ƙarshen duniya.
Hukuncin zai kasance zaunawa cikin matsananciyar azaba a wani wuri da
ake kira Jahannama.
Yanzu muna koyo cewa wannan ra’ayi na al’ada bashi da
makama. Yayinda aka amince da wannan ra’ayi dukan zamanin Ikklisiya,
an kafa shi ne a kan abinda mutum ya fahimta da hukunci maimakon
gaskiyar Littafi Mai-Tsarki.
Bisa adalci ga waɗanda ke riƙe da wannan ra’ayi, za mu iya gane
cewa sun fahimci haka ne bisa ga yadda Allah ya rubuta Littafi Mai-
Tsarki. Mun koyi cewa ba nufin Allah bane ya yi cikakken bayani game
da shirinsa na ƙarshen duniya, sai duniyar ta kusan ƙarshe. Saboda haka
da yake mun zo lokacin da duniya zata kawo ga ƙarshe, mun san ainihin
ƙarshin lokacin. Haka kuma yanzu ne Allah yake yin cikakken bayyani
game da shirin sa na sharia. Saboda haka a wannan lokaci da Allah yake
buɗe idanunmu, mu san gaskiyar Littafi Mai -Tsarki da ba a taɓa
bayyanawa ba a lokutan baya, Ya kamata mu koyi abin da Littafi Mai-
Tsarki ya ke koyarwa game da aikin Alkali.
A cikin littafin Alƙalawa dake Tsohon Alkawari, mun koya game
da ayyukan alƙalai kamar su Joshua, Gideon, Jephthan, Samson da
sauransu. Mun tarar cewa maƙasudin aikinsu shi ne hallaka maƙiyan
Isra’ila. Watau hakinsu ne tanadar wa al’umma, salama da zaman lafiya.
A cikin Sama’ila ta fari sura 8:20 mun karanta cewa Isra’ila ta roƙi
sarki.
Domin mu zama kamar dukan al’ummai; Sarkin mu shi hukunta
mana shari’a, shi wuce a gaban mu, shi ɗauke mana yaƙoƙinmu.
Daga kuma Alkalawa 2:16 Allah yace:
Sai Ubangiji ya tayas masu da mahukunta, waɗanda suka ce ce su
daga hannun masu washe su
22

Za mu iya ganin wannan a furuci kamar haka:
Zabura 7:8 Ya Ubangiji kai ne alƙalin dukan mutane. Ka
shari’anta mani bisa adalci na...
Zabura 7:11 Allah alƙali ne mai-adalci.
Zabura 9:19: Ka zo ya Ubangiji kada ka bari mutane su gagare
ka!
Zabura 26:1: Ka hurta rashin laifina, ya Ubangiji, Gama na yi abin
da suke daidai: Na dogara gare ka gaba ɗaya.
Zabura 72:1- 4 Ka koya wa sarki a yi shari’a da adalcinka, ya
Allah, ka kuma ba shi shari’arka, don ya yi mulkin jama’arka bisa
kan shari’a, ya kuma bi da mulki da adalci... ya yiwa talakawa
shari’ar gaskiya, ya taimaki waɗanda suke da bukata, ya kuma
hukumta azzalumai.
Zabura 103:6 Ubangiji yana gudanar da ayyuka masu adalci da
hukunci ga dukan waɗanda a ke zalumtarsu.
Romawa 14:10-11…gama dukan mu zamu tsaya a gaban
kursiyin sharia na Allah. Gama an rubuta bisa ga raina in ji
Ubangiji a gareni kowace gwiwa zata durƙusa. Kowane harshe
kuma za ya yabi Allah.
Korinthiyawa II 5:10: Gama dukan mu zamu bayyana a gaban
dakalin shari’a ta Kristi.
Ruya ta Yohanna 20:12: Na ga mattatu kuma, ƙanana da manya,
suna tsaye a gaban kursiyin; aka buɗe littatafai, aka buɗe wani
littafi kuma, littafin rai, ke nan aka yi ma mattatu shari’a kuma
bisa ga abin da aka rubuta cikin littatafai gwargwadon
ayyukansu.
Mun koya daga waɗannan ayoyin cewa alkalin yana da haƙƙin
mulki ko shugabancin, ya kuma ƙunshi tabbatar da laifi ko kuma rashin
laifi yayin shari’a. Muna koyon cewa Allah, a matsayin alkalin dukan
duniya, ya bada dokar Allah, Littafi Mai-Tsarki ɗungum, domin yin
wannan aiki na samun mutane da laifi da kuma yanke masu hukumcin
shiga jahannama. (Nan gaba zamu koyi cewa Jahannama ita ce mutuwa.)
Amma dai ya kamata a sani cewa yayinda Allah yake mulkin
duniya kowanne mai rai a duk tsawon rayuwar sa yana tsayawa a gaban
Allah a matsayin Alƙalin duniya. Allah ne yake kare matalauci, da
23

maraya, bisa ga ruhaniya, ta wurin kalmarsa kuma yana sauko da
hukumci duk lokacin da aka aikata zunubi. Yayin da Allah yake mulki a
matsayin alƙali bisan dukan duniya, Yana ɗaukar matakai da dama
domin cimma burinsa na sarauta. Ga waɗansu misalai kamar haka:
1. Allah ya hukunta zaɓɓabu kafin kafuwar duniya. Ya ɗora
hukumcin su a kan Kristi wanda yake ɗan ragon da aka
yanka tun kafawar duniya (Ruya ta Yohanna 13:8).
2. Allah ya rubuta dokar Allah (Littafi Mai-Tsarki), wanda ya
danganta da Allah kansa (Kalmar ta zama jiki (Yohanna
1:14) ta haka ya ba kalmar Allah iko daidai da Allah
domin kalmar Allah ta zartas da hukunci.
3. Ya kafa dokar da ta bayyana cewa Yesu Kristi shine
babban Firis wanda ya miƙa Dan Ragon, kuma shine Ɗan
Ragon da aka yi hadaya da shi.
4. Ya tabbatar da gaskiyar nan mai-ban mamaki cewa kunya
da la’ana da Yesu Ɗan Rago na Allah ya jimre, yayin da
ya biya bashin zunuban zaɓaɓɓu, za a ganta a fuskar
dukan mutanen duniya. Allah ya rubuta duk waɗannan
abubuwan a cikin littafi Mai-Tsarki domin dukan duniya
su karanta.
5. Ya umurta cewa sakamakon biyayyar masu bi na gaskiya
musamman kamar yadda aka nuna tashin mattatu,
hukumci ne kan marasa ceto, musamman waɗanda suke
da Littafi Mai-Tsarki.
6. Yana sauke sarakuna, ya kuma tada sarakuna.
7. Yana mulki a kan dukan al’amuran mutane.
8. Shi yake kafa lokaci na tarihi, ya kuma tabbatar da
cikaken tsarin shari’a.
9. Babu wani abu da yake faruwa, a ko’ina cikin duniya a
kowanne lokaci na tarihin duniya ba tare da sani ko
izininsa ba.
10. Za mu koyi cewa dukan ayyukan Kristi a matsayin alƙalin
dukan duniya a ranar shari’a shine ya kai dukan masu bi
na gaskiya zuwa cikin sama lafiya, ya kuma ƙarasa
hukuncinsa a bisa marasa bada gaskiya na duniya.
11. A matsayin alƙali da mai-mulkin duniya, ya ba shaiɗan
waɗansu ayyuka na mulki ya kuma bashi ikon shiga sama
lokacin shekaru 11,000 na tarihi. Kristi ya kuma kori
shaiɗan daga sama ya ƙwace ayyukansa na mulki da
dama, yayi nasara bisansa a kan giciye.
12. Allah ya kuma kafa shaiɗan a cikin Ikklisiyai domin yayi
mulki a kan kowacce Ikklisiya a cikin kwanakin nan 8,400
na babban tsanani da kuma kwanaki 153 na ranar shari’a.
24

Hakika, a matsayin Allah na alkali da mai-mulki, aikinsa ya wuce
kasancewa alƙalin mutane da aikinsa yake neman mai-laifi ko mai-
gaskiya.
Tsarin Shari’a Na Allah.
Yanzu da yake mun koya game da ayyukan da dama da aka sa
ƙarƙashin Allah a matsayin Sarki, a matsayin mai iko bisansu da kuma
alkalin dukan duniya, yanzu sai mu yi tunani a kan hukuncin da Allah ya
yanke a kan zunubi. Mun koya daga cikin Littafi Mai-Tsarki da cewa
akwai manyan fannoni guda biyar na wannan hukumcin Mai-tsanani.
Suna nan kamar haka:
1. Mutuwar “Rai a cikin Kristi”. An halicci ɗan adam da rai a cikin
Kristi wanda muke kira rai na ruhaniya. Da wannan rai na
ruhaniya ne aka hallice Adamu da duk ’yan adam. Sai dai an
ba ɗan adam sharaɗi. Idan suka yi zunubi, zasu rasa
wannan rai su kuma zama mattatu cikin ruhaniya. Irin
wannan ran ne muke da shi lokacin da Allah ya bamu sabon
rai rayayye, sai dai, a wannan lokacin ana kiransa rai na har
abada domin an shafe duk zunuban mu da jinin Kristi.
Amma lokacin da Adamu yayi rashin biyayya, ya zama
matacce cikin ruhu. Yanzu bashi da sauran rai a cikin Kristi.
Shi da sauran mutanen da suka fito daga zuriyarsa sun zama
mattatu cikin ruhaniya, mattatu cikin kura-kurai da zunubi.
2. Mutuwa ta jiki da ruhu, da muke kira mutuwa ta jiki.
3. Babban kunya.
4. Asarar gado na mulkin Allah, da zamu zauna tare da Kristi
har abada.
5. Hallaka da ta bada lamunci cewa wanda aka hukunta ba zai
sake rayuwa ba ko ta jiki ko ta ruhaniya.
A Ruyata Yohanna 20:11-13 karanta:
Na ga kuma babban farin kursiyi, da wanda ke zaune a bisansa
wanda duniya da sama suka guje ma fuskata: ba a kwa samu
masu wuri ba. Na ga mattatu kuma ƙanana da manya, suna tsaye
a gaban kursiyin, aka buɗe littatafai aka buɗe wani littafi kuma
littafin rai ke nan, aka yi wa mattatu shari’a kuma bisa ga abinda
aka rubuta cikin littatafai gwargwadon ayyukansu. Teku kuma ya
bada matattun da ke cikinsa, mutuwa da hades kuma suka bada
mattatun da ke cikinsu, aka yi masu shari’a kuma kowane mutum
gwargadon ayyukansa.
25

Wannan shine hoton (hoto mai kusurwa uku), waɗanda ba
zaɓaɓɓu ba (waɗanda Allah bai yi niyar ceto ba), tsayawa a gaban Allah.
Akwai farin kursiyi wanda ya nuna Allah ne kaɗai mai-mulki, alƙalin
dukan duniya. Allah ne kaɗai wanda zai iya zaunawa (yana mulki) a kan
kursiyi, wanda a matsayin mai- mulki mafi ɗaukaka zai kawo ƙarshen
duniya, wanda daga sama da ƙasa zasu shuɗe daga fuskarsa.
Mattatu suna tsaye a wurin, a gaban Allah. Kowane bil’adama,
duk tsawon rayuwarsa, yana tsaye a gaban Allah. A wannan karon,
dukan waɗanda suke matattu cikin ruhaniya tun daga lokacin da suke
cikin Adamu (a cikin Adamu duka matattu ne, I Korintiyawa 15:22).
Wannan yana nufin ko da shike suna raye na ɗan ƙaramin lokaci, basu da
rai a cikin Kristi daga lokacin da aka haife su. Su mattatu ne cikin
ruhaniya. A wannan hoton muna ganin littatafai a buɗe waɗanda suke
ɗauke da bayanan zunubansu. Ana yankewa waɗannan mutanen
hukumci duk lokacin da suka yi zunubi, domin Allah yana amfani da
dokarsa da aka yi amfani da ita, wanda shine Littafi Mai-Tsarki wajen
zartar da hukumci. Ana yi masu shari’a da dokar Allah duk lokacin da
suke aikata zunuban da aka rubuta a cikin waɗannan littatafai.
Akwai kuma littafin rai. Sunayensu ba su cikin littafin rai. Saboda
haka ba nufin Allah bane ya cece su. Dukansu suna ƙarƙashin hukuncin
mutuwa, daga ƙarshe kuma zai bayyana a fili cewa ba zasu sake rayuwa
ba da yake za a jefa su cikin ƙorama ta wuta. A cikin Ruya ta Yohana 20:
a aya ta 12 da 13 wannan kalmar “An hukuntasu” tana koya mana cewa
ana ci gaba da hukumta su. Saboda haka wannan ayar ta 13 tana koya
cewa a wannan hoton, waɗanda basu da ceton da suka riga suka mutu
suna cikin kabari, suna ƙarƙashin hukumcin Allah da yake Maganar Allah
ta kashe su. A matsayin matakin ƙarshe na ci gaba da shari’a Allah a
ranar shari’a, za’a fitar da su daga kaburbura domin kumyatarwa ta
ƙarshe, za a kuma hallaka su har abada.
A cikin Ruya ta Yohanna 20:13, mun karanta game da waɗanda
suke cikin teku. Ya yiwu ana magana ne a kan waɗanda suka mutu cikin
ruhaniya da suke da rai ake kuma misaltawa da iskar teku. (Ishaya
57:20; Yahuda 13), ko kuma zai iya kasancewa waɗanda suka hallaka a
cikin teku, kamar waɗanda suka hallaka a ruwan tsufana a zamanin
Nuhu. Bugu da ƙari, waɗanda suka mutu suna jahannama ko kuma suka
mutu suna kabari (wato waɗanda har yanzu suke raye amma mattatu ne
a ruhaniya, tare da waɗanda suka rigaya suka mutu kuma an binne su),
za’a kawo su zuwa kunya ta ƙarshe a gaban Allah ranar shari’a.
Daga ƙarshe, za a jefa mutuwa da jahannama ko kuma mutuwa
da kabari a cikin ƙorama ta wuta. Mun karanta a cikin IKorintiyawa
15:16 cewa:
Mutuwa ce maƙiyi na ƙarshe da za a kawas.
26

Nan gaba za mu koyi cewa ana kiran mutuwa ta biyu ƙorama ta
wuta, kuma tana jaddada cewa marasa ceto ba zasu sake farfaɗowa ba
ko kuma su rayu. Sun daina rayuwa.
Mene ne Jahannama?
Kalmar da aka fi dangantakawa da shari’ar Allah kan masu
zunubi itace kalmar “Jahannama” mene ne zamu koya game da wannan
kalmar a Littafi Mai-Tsarki? Za a iya samunta fiye da sau 30 a cikin
Tsohon Alkawari kuma a ko da yaushe kalmar Ibraniyanci ce “Sheol” An
kuma fassara kalmar nan ‘‘sheol’’ fiye da sau 30 a matsayin kalmar nan
‘‘kabari’’, sau uku a matsayin kalmar nan ‘‘rami’’.
A cikin Sabon Alkawari, ana fassara kalmar nan “hades” ta
Helenanci a matsayin ‘‘Jahannama’’ wani lokaci kuma za a iya fassara ta
da ‘‘kabari’’, Banda haka kuma, waɗansu lokatai kalmar ‘‘jahannama’’
tana fitowa ne daga kalmar Helenanci ‘‘gehenna’’ wadda ta sami asali
daga kalmar Helenanci ‘‘tartaroo’’
Za a iya fassara kalmar Ibraniyanci “sheol” da kalmar Helenanci
“hades” a matsayin ‘‘jahannama’’ ko ‘‘kabari’’ bisa ga abinda ake
magana a kai. Waɗansu lokatai fassarar ta danganta kan abinda ake
magana akai, wanda yake nuna dangantakar kalmomin nan “kabari” da
‘‘jahannama’’. Dukan kalmomin biyu suna da dangantaka da mutuwa.
Za mu fi ganewa da haka inda muka karanta cewa “Hakkin zunubi
mutuwa ne” (Romawa 6:23) da kuma “wanda yayi zunubi shi za ya
mutu”. (Ezekiel 18:20). Ya goyi bayan abinda ke cikin I Korinthiyawa
15:26 “Maƙiyi na ƙarshe da za’a kawas mutuwa ne” ya kuma sa aka
fahimci Ruyata Yohanna 21:1 inda muka karanta cewa:
Na ga sabuwar sama da sabuwar duniya kuma: gama sama ta
fari da duniya ta fari sun shuɗe; teku kuma ba shi
Sau da dama ana amfani da wannan kalmar ‘‘teku’’, a cikin Littafi
Mai-Tsarki a matsayin hoto ko kuma a bayyana ‘‘jahannama’’. Misali,
Aladun nan 2,000 da miyagun ruhohin suka shiga cikin su sun hallaka a
cikin teku (Markus 5:13). Babu sauran mutuwa ko jahannama idan shirin
Allah na shari’a ya ƙare. Mutuwa da jahannama zasu shuɗe.
Ya kamata mu gane cewa jahannama da kabari abu guda ne. Da
yake kabari yana da alaƙa da mutuwa. Wannan ya kawo mu ga tambaya
ta gaba: Mene ne ƙorama ta wuta?
Ƙorama ta Wuta
An ambaci ƙorama ta wuta a cikin ayoyi biyar na Littafi Mai-
Tsarki. Ayoyin sune:
27

Ruya ta Yohanna 19:20 Aka kama bisan tare da shi kuma mai -
ƙaryar annabci wanda ya kan aika alamu a gabansa, irin da ya
kan ruɗi masu karɓan shaidar bisan, da waɗanda ke sujada ga
gumkinsa: ake jefa su biyu da rai cikin ƙorama ta wuta mai ci da
kibiritu.
Ruya ta Yohanna 20:10 Ibilis kuma da ya ruɗe su, aka jefas da shi
cikin ƙorama ta wuta da kibiritu, inda su bisan da mai ƙaryan
annabci suke kuma, za a wulakance su dare da rana har zuwa
zamanin zamunnai
Ruya ta Yohanna 20:14-15 kuma aka jefas da mutuwa da hades
cikin ƙorama ta wuta, mutuwa ta biyu ke nan, watau ƙorama ta
wuta. Kuma wanda aka iske ba a rubuta shi cikin littafin rai ba,
aka jefas da shi cikin ƙorama ta wuta.
Ruya ta Yohanna 21:8: Amma ga matsorata, da marasa
bangaskiya, da masu ƙazamta, da masu kisan kai, da fasikai da
masu sihiri da masu bautan gumaka, da dukan maƙaryata,
rabonsu yana cikin ƙorama mai ƙonewa da wuta da kibiritu,
mutuwa ta biyu ke nan.
Abu mai muhimmancin shine, Ruya ta Yohanna 20:4 ta nuna
cewa an jefas da mutuwa da hades (ko kuma mutuwa da kabari) cikin
ƙorama ta wuta. Zaka iya tunawa mun koya a I Korintiyawa 15:16 cewa
“Maƙiyi na ƙarshe da za a hallaka shine mutuwa. Amma mun koya a cikin
waɗannan ayoyin cewa an jefas da mutuwa cikin ƙorama ta wuta, wadda
ake kira mutuwa ta biyu (Ruyata Yohanna 20:14) Banda haka kuma mun
koya daga Ruya ta Yohanna 21:1 cewa idan aka kafa sabuwar sama da
sabuwar duniya, teku (hades da mutuwa) ba za su kasance ba. Saboda
haka ƙorama ta wuta tana nuna ƙarshe kwata kwata.
Nan gaba a cikin wannan bincike, zamu koyi cewa Ubangiji Yesu
Kristi ya mutu sau biyu dangane da aikin ceton. Ya mutu kafin kafuwar
duniya a matsayin Ɗan Rago da aka yanka (Ruyata Yohanna 13:8). Ya
kuma mutu lokacin da yake kan giciye, ya nuna mana da kuma duniya
yadda ya biya bashin zunuban mu. Ninka hukumcin sa ya yi daidai da
tsarin da ke shifiɗe a cikin farawa 41:31 watau abinda aka ninka sau
biyu tabbatacen abu ne daga Allah.
Haka kuma, Allah yayi Magana game da yin hukuncin sau biyu a
kan waɗanda basu da ceto a cikin Irimiya 17:18 da Ruya ta Yohanna 18:6
inda muka karanta:
Ku saka mata kamar yadda ta bayas, ku saka mata gwargwadon
ayyukanta, riɓi biyu: cikin ƙoƙo wanda ta dama, ku dama mata so
biyu.
28

Allah ya nuna a cikin Ruya ta Yohanna 18:8.
Domin wannan fa rana ɗaya alobanta za su zo, mutuwa, da kewa
da yunwa, za’a ƙone ta sarai da wuta; gama Ubangiji Allah maiƙarfi
ne wanda ya shari’anta mata.
Allah yana koya mana a cikin wannan aya cewa a rana ɗaya,
wadda zata kasance ranar shari’a, za a yi mutuwa da fari, za a ƙona ta
da wuta. Konawa da wuta yayi daidai da abinda ke cikin II Bitrus 3:10
inda muka karanta cewa:
Amma ranar Ubangiji kamar ɓarawo zata zo; a cikinta fa,
sammai zasu shuɗe tare da ƙara mai-girma, rundunan kuma
zasu narke da ƙuna mai zafi, duniya kuwa da ayukan da ke
cikinta zasu ƙone.
Ƙonawa da wuta wadda ta kasance mutuwa ta biyu, ta danganta
mutuwa ta biyu da ƙorama ta wuta. Wannan ne lokaci na ƙarshe da ta
tabbatar da cewa ba za a sake samun wata damar rayuwa ba. Ya
danganta da kalmar nan ta helenanci “gehenna” da ake samu jefi-jefi a
cikin Littafi Mai-Tsarki wanda aka fassara da kalmar “jahannama”. Misali,
mun karanta a cikin Markus 9:43-44 cewa:
Kuma idan hanunka ya sa ka kayi tuntuɓe, ka yanke shi, gwamma
a gareka ka shiga cikin rai ɗungum da ka tafi jahannama da
hannunka biyu, cikin wuta wadda bata bituwa. Wurin da tsutsar
su bata mutuwa ba, kuma wuta bata bituwa ba.
Wutar da bata bituwa ita ce ƙorama mai-ƙonewa. Ambaton wuta
a cikin Littafi Mai-Tsarki ya na daidai da abinda aka faɗa a cikin
Ibraniyawa 12:29 inda aka kira Allah “wuta mai cinyewa” idan wutar Allah
ta cinye mutum, wannan mutum ba zai sake rayuwa ba.
Nan gaba zamu koya cewa wannan kalmar “tsutsarsu bata
mutuwa” wannan kalmar tsutsa tana da dangantaka da kunya. Cewa ba
kawai tana nufin kumyatar da waɗanda basu da ceto ta wajen yanke
masu hukumcin mutuwa ba, kuma ba mawuyacin abu bane share
wannan kunya. Haka nan wannan kalmar “wutar bata bituwa” ya nuna
cewa ba zai sake rayuwa ba.
Tilas ne mu tuna cewa a cikin Adamu, an halicci ɗan adam duka
domin ya rayu har abada, ko da yake akwai sharaɗi. Duk da haka,
saboda zunubi, ‘yan adam suka zama masu mutuwa. Amma muddin an
halicce shi a kamanin Allah ya rayu har abada, zai yiwu wani lokaci nan
gaba bayan ya biya bashin zunuban sa zai iya rayuwa kuma? amsar ita
ce, a’a! Domin jadada wannan batun Allah yayi Magana game da wutan
jahannama wanda bata bituwa, da hallaka ta har abada, da tsutsa da
29

ata mutuwa, da kuma hayaƙi hayaƙin azabar su da yake hawa sama har
abada. Dukan waɗannan kalmomin suna nuna mutuwa ta biyu ce,
ƙorama mai ƙonewa. Wutar da hallakar da hayaƙin da tsutsar, suna nan
har abada inda babu sauran rai.
Waɗannan kalaman sun nuna cewa hakika babu sauran wata
rayuwa ga waɗanda basu da ceto. Gaskiyar ita ce an rigaya an ƙona su
gaba ɗaya, saboda haka babu wani tunanin cewa zasu sake wata rayuwa.
An jadada bayanin daina rayuwa ta marasa ceto a ayoyi da dama cikin
Littafi Mai-Tsarki. Misali a cikin waɗannan ayoyin.
Nahum 1:6,8 Wanene ya iya tsayawa a gaban haushinsa? Wake da
iko shi daure zafin fushinsa? Hasallarsa tana zuba kamar wuta,
yana fasa ruwa rana tsaka. Amma da rigyawa mai malalawa za ya
sa wurin ya ƙare, sarai za ya ci duddugen maƙiyansa har cikin
dufu.
Malachi 4:1: Gama ga shi rana tana zuwa tana ƙuna kamar
tanderu; dukan masu girman kai, da dukan waɗanda ke aikin
mugunta, zasu zama tattakai ranan dake zuwa kuma zata
ƙoƙƙone su, in ji Ubangiji mai runduna, har ba zata bar masu
tushe ko reshe ba.
Ishaya 10:23: Gama Ubangiji, Yahweh mai-runduna, za ya aika
cikakiyar ƙarewa ƙadararriya ce kuwa, a tsakiyar dukan duniya.
Kalmar Ibraniyanci da aka fassara da ‘‘cikakkiyar ƙarewa’’ an
kuma fassara ta a matsayin ‘‘cinyewa’’ ko ‘‘ƙarshe’’. Mun karanta a cikin
Irimiya 46:28 cewa:
Kada ka ji tsoro ya Yakub, bawana inji Ubangiji, gama ina tare da
kai, gama zan ƙarasa al’umman nan inda na kore ka, sarai
dukansu, amma ba zan ƙarasa ka ba; amma zan yi maka horo da
shari’a, ba kwa zan bar ka ba horo ba.
Har wa yau, an yi amfani da kalmar nan “lalacewa’’ kimanin sau
100 a cikin Tsohon Alkawari da kuma sau 30 a Sabon Alkawari. Kowace
aya tana jaddada ƙarshen rayuwa. Misali: Ayuba 4:20 ta ce:
A tsakanin safiya da yamma a kan farfashe su, sukan lalace har
abada, ba mai kulawa.
Har wa yau, an yi amfani da waɗannan kalmomin “halaka” da
“Hallakarwa” fiye da sau 500 a cikin Littafi Mai-Tsarki.
A wani ɓangaren kuma, ba bu kalmar nan ‘‘azaba’’ a cikin
Tsohon Alkawari, kuma sau 22 aka yi amfani da ita a cikin Sabon
30

Alkawari. Mun gane da cewa yanayin da aka yi amfani da kalmar ya
danganta daga waɗannan.
1. Azabar marasa bi yayin da suke jin bisharar gaskiya (Ruya ta
Yohanna 11:10).
2. Azaba irin ta rashin lafiya (Matta 8:6, Matta 4:24).
3. Azaba ta harbin kunama (Ruyata Yohanna 9:5).
4. Kalmar Helenanci da aka fassarata “Azaba” an kuma fassara
ta da ‘‘ɓacin zuciya’’ ko kuma ‘‘fushi’’, lokacin da Littafi Mai-
Tsarki yayi Magana game da ruhun Lutu mai-adalci da ya
‘‘fusata’’sabili da zunuban Saduma. (Bitrus II 2:8).
5. A helenanci wannan kalmar “azaba” an fassarata “Baƙin ciki”
(Luka 2:48, Ayyukan manzani 20:38).
6. Azaba da wuta (Ruya ta Yohanna 14:10, Luka 16:24).
Mun koyi cewa ƙarshen shari’ar Allah mutuwa ce. Littafi Mai-
Tsarki ya goyi bayan wannan bayanin ta wajen amfani da kalamai kamar
“lalacewa” “hallakarwa”. Za a kuma iya gane cewa an yi amfani da
kalamai kamar, ‘‘mutuwa’’, da ‘‘mutu’’, fiye da sau 1,300 a cikin Littafi
Mai-Tsarki. Ba abin mamaki bane da Littafi Mai-Tsarki ya bayyana da
cewa maƙiyi na ƙarshe da za a hallaka shine mutuwa. (Korintiyawa
15:26)
Mai Arziki Da La’azaru
Yanzu zamu sake nazarin misalin mai-arziki da La’azaru wanda
ke cikin Luka 16. Rashin fahimtar wannan misali ya kawo rashin
fahimtar tsarin shari’ar Allah.
Misalin yayi bayani a kan mutane biyu. Mai-arziki yana da duk
abin jin daɗi da wadata da wannan duniya zata iya kawowa, amma ba shi
da ceto. Matalauci La’azaru baya da waɗannan abubuwan jin daɗi na
wannan duniya amma yana da ceto. Daga ƙarshe dukansu suka mutu,
aka binne mai-arziki shi kuma La’azaru mala’iku suka ɗauke shi zuwa
ƙirjin Ibrahim (Luka 16:22). Kasancewa a ƙirjin Ibrahim hoto ne na
kasancewa a wuri mafi albarka a gaban Allah. A binne kuma shine a sa
mutum a kabari.
Misali kuma ya ci gaba da magana tsakanin mai- arzikin da ya
mutu da Ibrahim (Allah) wanda yake cikin sama. Ka tuna mun koya cewa
kabari da mutuwa daidai suke da jahannama. Saboda haka ba kuskure
bane a ce mai arziki yana jahannama (Luka 16:23). Amma tilas ne mu
gane cewa ɗaga idanunsa ya ga la’azaru a ƙirjin ibrahim, ya kuma yi
magana da Ibrahim duka misali ne. Watau, Allah ya shimfiɗa waɗansu
jadawalin tunani ko kuma hotuna masu kusurwai uku, domin ya koya
gaskiyar ruhaniya. Waɗannan gaskiyar sun ƙunshi koyaswa kamar haka:
31

1. Mai-arziki ya roƙi Ibrahim, ya aiki la’azarun da ɗikon ruwa
domin ya sanyaya harshen sa (Luka 16: 24) babu jinƙai ko
alheri ga waɗanda suka mutu ba tare da sun sami ceto ba.
2. Akwai babban rami tsakanin sama da jahannama, sama, rai
na har abada ne, jahannama, mutuwa ce ta har abada babu
yadda waɗanda suka mutu zasu sake rayuwa.
3. Mai-arzikin yana son Ibrahim ya aiki la’azaru zuwa wajen
’yan’uwansa guda biyar domin yana tsammani wannan
mu’ujiza zata sa su zama masu bi. Gaskiyar ita ce, suna da
Musa da sauran annabawa, da kuma Littafi Mai-Tsarki. Idan
ba za su gaskata da Littafi Mai-Tsarki ba ba za su gaskanta
ba ko sun ga manyan mu’ujizai.
4. Mai arzikin yana shan azaba a cikin wuta, An yi amfani da
kalmar Helenanci da aka fasara ta da ‘‘Azaba’’ a aya 24
kawai, a ya 25 (‘‘kana shan azaba’’), a cikin Luka 2:48, da
Ayyukan Manzanni 20;38. kalmar nan ‘‘harshen wuta’’ tana
jadada cewa Allah ne yake hukumta mai-arzikin, wanda shi
wuta ne mai-cinyewa (Ibraniyawa 12:29). Kalmar nan
‘‘azaba’’ wadda, aka bayyana ta wurin amfani da ita a cikin
Ayukan Manzani 20:28 da Luka 2:48, tana nuna yadda azaba
da yake sha ta ke. Saboda haka zamu duba a hankali wannan
kalmar yadda aka yi amfani da su a cikin ayoyin nan biyu.
Ayukan Manzani 20:38, Suna baƙin ciki tun ba ma saboda
maganarsa da ya faɗa ba, cewa ba za ku ƙara ganinsa ba. Daga
nan suka rako shi har bakin jirgi.
Luka 2:48 Sa’anda suka ganshi fa suka yi al’ajibi, uwa tasa kwa ta
ce masa, ɗana, don menene kayi mana haka? Ga ubanka da ni da
baƙin ciki muka neme ka.”
A cikin waɗannan ayoyin, kalmar da aka fasara a matsayin
‘‘azaba’’ a cikin luka 16 an fasara ta da ‘‘baƙin ciki’’. Wannan baƙin cikin
baya da nasaba da ciwon cikin jiki. Baƙin cikin rashin sake ganin
ƙaunatattace ne. Mai-arzikin yana cikin azaba domin yana baƙin ciki ba
zai sake samun murna da jin daɗin da ya samu lokacin da yake raye a
duniya ba; yayinda La’azaru kuma yake nan lafiya da albarku masu girma
har abada abadin.
Watau, wannan misali na mai-arziki da la’azaru bai koya mana
wani abu game da azaba ta har abada a wani wuri da a ke kira
Jahannama ba. Yana koya mana game da hukumcin rasa duk albarkun
wannan rayuwa da rasa duk albarkan rai na har abada. Misali ya taimaka
mana mu fahimci halin da Isuwa ya shiga. Shi ɗan fari ne. Saboda haka
yana da gadon haihuwa da ya ƙunshi ruɓi biyu na gado. Duk da haka ya
32

wulakanta gadonsa na haihuwa ya sayar da shi a bakin ƙwaryar abinci
(Farawa 25:29-34)
A cikin Adamu, duk ’yan Adam suna da ’yancin ɗan fari, gadon
ɗan fari wanda ya ƙumshi rabo biyu na ɗan fari Yesu yayi bayani a
misalin da ya bayar na ɓataccen ɗa. An faɗawa babban ɗan a cikin Luka
15:31 “ɗana tuntuni kana tare da ni, dukan nawa kwa naka ne”. Gadon
haihuwar ya ƙunshi rabo na ɗan fari (kubawar sharia 21:17) “Dukan abin
da nake da shi naka ne” ya ƙunshi rai na har abada kuma magada tare da
Kristi. (Romawa 8:17)
Saboda wannan zunubin da aka misalta da ƙwaryar abinci, mun
rasa gadon haihuwarmu. Mun rasa ’yancin rayuwa cikin Kristi, wadda
take rai na har abada ga cetattu. Mun rasa ’yancin zama magada tare da
Kristi na sabuwar sama da sabuwar duniya. Wannan shine babban
hukumcin da za mu biya sabili da zunuban mu.
Kalmomi ba zasu iya misalta babbar asarar da marar ceto ya yi ba
idan zunubi ya sa ya rasa rai madawwami tare da Kristi, ba kuma zai yi
mulki tare da Kristi har abada ba kuma zai yi gado tare da shi ba a
sabuwar sama da sabuwar duniya. Babu shakka wannan zai kasance
babban ɓangare na azaba da waɗanda suka shiga wata biyar na ƙarshen
duniya zasu fuskanta. Zasu kuma tarar cewa domin an barsu a baya
lokacin fyaucewa, ba za su taɓa samun komi ba na gadon haifuwarsu.
Za a kuma iya kiran baƙin ciki da azaba na mai-arziki a kabari,
Jahannana, ya ƙara mana haske kan babbar azaba (baƙinciki) da zai
kasance tsakanin miliyoyin ’yan Ikklisiya waɗanda suka hakikanta cewa
suna da ceto amma aka barsu a baya lokacin fyaucewa. Ba abin mamaki
bane kamar yadda muke koya yanzu, suna kuka suna cizon haƙora, suna
yiwa Allah saɓo. Mun koyar cewa, babban abinda waɗanda suka gane
cewa sun rasa shiga cikin mulkin Allah har abada, zasu yi shine baƙin
ciki mai tsanani. An kuma koya wannan daga abinda Isuwa ya yi wanda
ya wulakanta gadon haihuwarsa ya sayar wa Yakub domin ƙwaryar
abinci. Mun karanta a cikin Ibraniyawa 12:16-17 cewa:
Kada wani mai-fasikanci ya kasance, ko kuwa wani marar-ibada
kamar Isuwa, wanda saboda ƙwaryar abinci ɗaya kaɗai ya sayar
da gadonsa, na ɗan fari. Gama kun sani, ko da yana marmarin ya
gaji albarkar daga baya, aka ƙi shi, gama ba ya sami zarafin tuba
ba, duk da yake ya nema da naciya da hawaye.
Akwai kimanin mutane biliyan biyu a yau da suke kiran kansu
“Krista” kuma yawancinsu suna da alaƙa da Ikklisiya. Yayin da muke
duba Ikklisiyoyin da suke kewaye da mu, kusan dukan Ikklisiyan sun
kasa gaskatawa da gargaɗin da Littafi Mai-Tsarki yake yi masu game da
ficewa daga Ikklisiya domin Allah ya daina amfani da Ikkilisya wajen kai
Bishara. Har yanzu yawancin su sun gaskanta da cewa Kristi zai dawo
kamar ɓarawo da dare, kuma ba zamu san ainihin ranar ƙarshen zamani
33

a. Yawancin su sun dogara ne a kan bishara ta yi da kanka, kuma basu
gane da gaskiyar cewa Kristi ya yi duk abinda ake bukata domin
cetonmu ba. Yawancin su suna da ra’ayin nan na fahimtar tsarin shari’ar
Allah da ke karkatacciyar koyaswa cewa a rana ta ƙarshe za a yiwa
marasa ceto hukumci su kuma zauna a wani wuri da ake kira jahannama
har abada.
Kimanin ’yan Ikklisiya biliyan biyu zasu gane a ranar 21 ga watan
Mayu, 2011 cewa, an barsu a baya. Littafi Mai-Tsarki ya bayyana cewa
baƙin cikinsu zai kasance kamar baƙin cikin (azaba) na mai-arziki da
muka gani a cikin misalin da muka bincike. Mun karanta a cikin Luka
13:28 cewa:
Can za a yi kuka da cizon haƙora, lokacin da kun ga Ibrahim, da
Ishaku, da Yakub, da dukan annabawa cikin mulkin Allah, ku da
kanku kuwa an fitar da ku waje.
Idan ranar shari’a ta fara ranar 21 ga watan Mayu, 2011, a duk
faɗin duniya, za a canza jikunan miliyoyin masu bi na gaskiya zuwa
jikunan ruhaniya na har abada a kuma fyauce su zuwa sama, a gaban
idanun waɗanda aka bari a baya. Bugu da ƙari, za a buɗe kaburbura a
duk duniya zasu bubbuɗe, za a canza jikunan masu bi na gaskiya a
kuma fyauce su zuwa sama. Wannan ya ƙunshi, jikunan, Ibrahim, Ishaku
da Yakub. ’Yan Ikklisiyar da aka bari a baya za su yi mamakin ganin cewa
suna ƙarƙashin fushin Allah. A cikin tsananin baƙin ciki, zasu yi kuka,
suna kuma cizon haƙora, suna nuna tsananin fushinsu da Allah. Zai
zama wani lokacin baƙin ciki mai-tsanani ga dukan ’yan Ikklisiya.
Allah ya bayyana wannan a cikin ayoyi da dama, misali, Matta
8:11-12, Matta 13:49-50, Matta 13:41-42, Matta 25:30 waɗansu daga
cikin ayoyin nan sun jadada cewa ana kiran wurin inda za a yi kuka da
cizon haƙora. Su jefa su cikin buyar wuta, can za a yi kuka da cizon
haƙora. Wannan yayi dadai da ƙorafin mai-arziki a cikin Luka 16:24. ‘‘...
gama azaba na ke ji (baƙin ciki) a cikin wannan wuta. Ka tuna cewa Allah
wuta ne mai cinyewa (Ibraniyawa 12:29). Kasancewa a ƙarƙashin
fushinsa, kamar shiga cikin wuta mai ci ne.
Ta haka mun koya ta wurin wannan misalin inda aka nuna
mataccen yana Magana da Allah a sama (Ibrahim), an ba mu cikaken
bayani game da illar fushin Allah.
Hukumcin mafi muni mai kunyatarwa kuma da za a yanke a kan
duk wani laifi shine hukuncin kisa. Babu wani ciwo a jiki dake da nasaba
da hukuncin kisa, zai je, amma duk da haka ana ganinshi a matsayin
hukunci mafi tsanani, Mene ne ya sa ya zama haka?
Haka ta faru ne domin an ƙwace ’yancin rayuwa ga mutumin da
aka aiwatar da hukumcin kisa mai kunyatarwa. Zai iya kashe kansa. Zai
iya sadaukar da ransa a fagen yaƙi ko kuma ya hau tsauni. Zai iya biyan
laifin da ya aikata wajen zama a gidan kaso. Amma da zarar ’yan adam
34

sun zartar da hukunci irin na wulakanci a kansa, za a ɗauke ransa, ya
zama wanda ya fuskanci abinda ake bayyanawa a matsayin hukunci maitsanani.
Ba lallai mu iya sanin wannan ba, amma hukuncin kisan da aka
yanke mashi a duniya wani darasi wanda yake nuna yadda hukuncin
Allah zai kasance kan zunubi. A hakikanin gaskiya ma, Allah ya bayyana
a cikin Littafi Mai-Tsarki hukunci kisa mafi ƙanƙanci da aka taɓa tunani.
Wannan hukumcin kisan kuma yana da dangantaka da ceton mu. Babu
shakka muna magana ne a kan mutuwar Mai-albarka Ubangijin mu da
Mai-Ceton mu. Saboda haka ya kamata mu dubi mutuwar sa a hankali
domin ba kawai zamu koyi yadda kumyata ya yi daidai da tsarin
hukumcin Allah daga ciki ba, amma zamu ƙara koyo game da hukunci
da shari’ar Allah bisa zunubi.
35

Sura Ta Huɗu
Yaushe Ne Kristi Ya Mutu?
Bayani na farko mai-ban mamaki da muka koya yayin da muke
bincika a hankali game da abin da Allah ya koya mana a cikin Littafi Mai-
Tsarki akan aikin ceto shine an gama baki ɗaya kafin Allah ya halicci
mutum. Mun karanta a cikin Ruya Ta Yohana 13:8 ‘‘...Ɗan Ragon da yake
yankakke tun kafawar duniya.’’ Mun karanta a cikin Ibraniyawa 4:3 cewa:
Gama mu da muke bada gaskiya muna shiga cikin wannan hutu,
kamar yadda ya ce, yadda na yi rantsuwa cikin fushina, ba za su
shiga cikin hutuna ba, ko da aka gama ayyukan tun kafuwar
duniya.
Mun kuma karanta a cikin matta 25:34 cewa:
Sa’annan shi sarki za ya ce ma waɗannan da ke hannun damansa,
ku zo, ku masu albarka na ubana ku gaji mulkin da an shirya
domin ku tun kafuwar duniya.
Waɗannan ayoyin sun koya mana a fili cewa an gama dukan
ayyukan da ake bukata domin ceton mu tun kafuwar duniya.
Yanzu za mu iya sanin iya fahimtar ayoyin da suka yi magana a
kan shi a matsayin ‘‘Haifaffe shi kaɗai” Haifa na da mafari. Sai dai Kristi
yana nan tun fil-azal(kolosiyawa 1:17) Saboda haka ba shi da farko.
Amma mun karanta a cikin Romawa 1:4 cewa:
Aka aiyana, shi Ɗan Allah da iko, ta wurin Ruhu Mai-Tsaki bisa
ga tashi daga mattattu shi Yesu Kristi Ubangijinmu.
A kolosiyawa 1:18 mun karanta cewa: shi... Haifar fari daga cikin
mattatu.” Bisa ga waɗannan ayoyi, an tashi Kristi daga mattatu.
Bisa ga waɗannan ayoyin, an tashi Kristi daga matattu. Kuma da
yake shine Ɗan Ragon da aka yanka (kashe) tun daga kafawar duniya,
dole ne ya kuma tashi daga matattu tun kafuwar duniya. Za a fahimci
‘‘Daga kafawar’’ a matsayin “kafin kafuwar’’ domin mun karanta a
Ibraniyawa 1:2 cewa:
A ƙarshen waɗannan kwanaki ya yi mana Magana cikin ɗansa
wanda ya sanya magajin abu duka wanda kuma ya yi duniya ta
wurinsa.
Tun da yake tashin Kristi daga mattatu shine aikin ceto na ƙarshe
mun sani yayinda muke karantawa cikin Ibraniwa 1:2, cewa tunda Kristi a
36

matsayin Ɗan ya sa aka aiwatar da aikin ceto kafin halitta. Aikin Allah ne
kammala wannan aikin duka, sai dai tilas ya kasance gaskiya gaba ɗaya
domin Littafi Mai-Tsarki gaskiya ne. Domin haka zamu fahimci ayoyi
kamar haka:
Timottawus 1: 9-10 ta ce: wanda ya cece mu, ya kiraye mu kuma
da kira mai-tsarki, ba gwargwadon ayyukan mu ba, amma bisa
ga nasa nufi, da Alheri, wanda aka bamu cikin Kristi Yesu tun
gaban madawaman zamani, amma yanzu ya bayyana ta wurin
bayyanuwar mai-ceton mu Kristi Yesu wanda ya kawas da
mutuwa, ya haskaka rai da dauwama ta wurin bishara.
Ibraniyawa 1:5 Gama ga wanene daga cikin mala’iku ya taɓa yin
magana ya ce masa, kai ɗana ne yau na haife ka? Da kuma ni
zama uba gareshi, shi kuma za ya zama ɗa a gareni?
Yohanana 1:18 Ba wanda ya taɓa ganin Allah daɗai, haifaffe shi
kaɗai wanda ke cikin ƙirjin uba, shine ya bada labarinsa.
Matta: 3: 17 Ga kwa murya daga cikin sammai ta ce, wannan
ɗana ne ƙamnatacce na, wanda raina, yaji daɗinsa sarai.
Kristi Ya Nuna Abinda Yayi Domin Ya cecemu
Amma, idan Kristi yayi dukan aikin domin ya ceci waɗanda ya
zaɓa ya cece su (zaɓaɓɓu) kafin ya halicci duniya, menene ya sa ya sake
mutuwa a kan giciye? Allah ya amsa wannan tambayar a cikin Luka 3:6
inda Allah yace:
Dukan mai rai kwa zaya ga ceton Allah’
A cikin Bitrus 1, 1:20 ya kara cewa:
wanda aka rigaya saninsa lallai gaban kafuwar duniya, amma a
ƙarshen zamani ya bayyanu sabili da ku.
Bayyana na nufin a gani, a nuna shi, a gwada. Allah yayi tanadi
domin cetonmu, a cikin wani aiki na ƙauna da ya fi ƙarfin fahimtar
mutum. Ya aiko da Yesu wannan duniyar a cikin jiki ya kuma nuna wa
duniya abinda ya riga yayi domin biyan bashin zunuban zaɓɓaɓu.
Kristi ya yi Magana da misalai. Waɗansu lokatai misalan suna
kama da hotuna masu kusurwa uku dake bayyana gaskiyar Littafi Mai-
Tsarki. Ka tuna da wannan hoton na mai-arziki a cikin kabari da ake
kira jahannama, da yake magana da Ibrahim, wanda yake wakiltan Allah.
Yana baƙin ciki domin yayi asarar komi da kuma kasancewa yana
37

fuskantar fushin Allah. Shi kuma La’azaru da yake ƙirjin Ibrahim yana da
komai, wato, rai na har abada. Yana da cikakken kariya kuma magajin
mulki da kristi.
Wannan hoton ƙarami ne idan aka kwatanta shi da hoton rayuwar
Ubangijinmu Yesu kristi inda ya wakilci kansa, A wannan hoton mun
ganshi ya ɗauke jiki irin namu da aka haife shi ta wajen budurwa
Maryamu. Allah ya bayyana wannan a cikin Ibraniyawa 10:4-7 inda muka
karanta cewa:
Gama bashi yiwuwa jinin bajimai da na awaki shi kawas da
zunubai. Domin wannan sa’anda yana shigowa cikin duniya yace,
da hadaya da baiko ba ka so ba, Amma, jiki ka shirya mani;
Hadayu tuli na ƙonawa da na zunubi baka ji daɗin su ba?
Sa’annan na ce gani na zo (cikin littafi an rubuta a kaina) garin in
aika nufinka ya Allah.
Idan ka yarda ka lura da juyawa da aka yi daga hadaya da
bayaswa zuwa kan Yesu da kansa, wanda ya kasance jikin da aka shirya
domin ya nuna abin da ya faru kafin kafuwar duniya.
Saboda haka, lokacin da Yesu ya tafi giciye, bai je wurin domin ya
biya bashin zunubanmu ba. An biya wannan bashin fiye da shekaru
11,000 da suka wuce. Amma a cikin ƙaunarsa mai girma yana shirye ya
sha wahalar fushin Allah a madadin waɗanda ya zo domin ya ceta domin
mu gani da idanun mu (ta wurin Littafi Mai-Tsarki), babban abinda ake
bukata a biya.
Yanzu za mu iya gane dalilin da yasa yace ‘‘Ya Ubana, idan zai
yiwu ka ɗauke min wanan ƙoƙo, ba nawa nufin ba amma bari na ka nufin
shi kasance”( matta 26:35), ya kuma yi tambaya cewa: ‘‘ya Allahna ya
Allahna don me ka yasheni?’’ (Matta 27:46). Shari’ar Allah bata bukatar
biyan bashin cettatu sau biyu. Wannan ƙari ne wanda bashi da anfani,
wani muhimmin aikin da Allah ya yi. Allah ya rigaya ya shirya haka. Musa
(dokar Allah) ya buga dutsen (Kristi) sau biyu, (Littafin Lissafi 20:11)
bayan bugu ɗaya kawai ake bukata ya kawo ruwa. (Fitowa 17:6) Ishaya
40:2 tana cewa:
Kuyi Magana mai kwantad da rai ga Urushalima, kuyi mata kira,
yaƙinta ya ƙare, an gafarta laifinta gama daga hannun Ubangiji ta
karɓi alhakin dukan zunubanta riɓi biyu.
Yanzu mun gama cewa Kristi ya sha wahala sau ɗaya domin
zunubanmu, kuma ya sha wahala ta biyu domin ya nuna mana yadda ya
biya bashin zunubanmu. Yanzu za mu iya gane dalilin da ya sa Bilatus,
mai mulki na Roma ya yi ta maimaitawa akai, akai cewa ‘‘ban same shi
da wani laifi ba ( Luka 23:4-22, Yohanna 19:4-6 da kuma Matta 27:4-
24). Kristi ya tsaya a gabansa marar laifi ko kaɗan. Amma duk da haka
38

tilas a hukumta shi kamar wanda har yanzu yake ɗauke da zunuban
waɗanda aka kiraye su zuwa ga ceto domin ya nuna yadda ya sha
wahala sabili da waɗannan zunuban. Abin mamaki shi ne babban firist
ɗin ne ya yankewa Yesu hukumci. Matta 20:18 ta ce:
Gashi zamu Urushalima, kuma za a ba da Ɗan Mutun ga hannun
manyan malamai da marubuta, zasu hukunta masa mutuwa.
Yahanna 11:50-51 ta ce:
Ba ku lura kuma yana da amfani a gare ku mutun da ya mutu
saboda jama’a kada al’umma duka ta lalace wannan batu fa ya
faɗa ba bisa kansa ba amma domin shi baban malami ne
shekaran nan yayi annabci Yesu zaya mutu saboda al’umman.
kuma a cikin Yohanna 19:17 mun karata cewa:
Yahudawa suka amsa suka ce masa muna da doka bisa ga
wannan doka kwa ya kamata shi mutu domin ya maida kansa
Ɗan Allah.
A ko ina cikin Littafi Mai-Tsarki babban Limami misalin Yesu ne
babban Limami. Hakin babban Limami ne ya yanka rago.
Saboda haka Bilatus gwamna ne, wanda yake da ikon yankewa
Yesu hukuncin kisa domin ya farantawa Yahudawa rai, ya bada umarni
cewa a kashe Yesu ta hanyar giciyewa. Giciyewa bisa ga dukan alamu, ita
ce hanyar kisa mafi kunyatarwa da mutum ya shirya. Mun koyi
muhimman darussa guda uku game da giciye Yesu. Da waɗannan:
1. Kunya, da la’ana da azaba da Kristi ya daure don zunuban
mu.
2. Kunya da la’ana da tilas za a ɗora bisa waɗanda ba a cece su
ba da kuma ƙarin azaba da za’a jimre ga waɗanda zasu shiga
da rai ranar sharia.
3. Abin mamaki na gafara na dab da ƙarshe.
Lokacin da aka giciye Kristi, ya zama abin nuni ga jama’a na
mutumin da yake ƙalƙashin la’anar Allah. Domin mu gane
muhimmancin la’ana, bari mu dubi itacen ɓauren nan da Yesu ya la’anta
(Markus 11:14). An la’anta itacen ɓauren da yake wakiltar al’umar Isra’ila
duk zamanin Tsohon Alkawari lokacin da Kristi ya ce “kada kowa ya ci
‘ya’ya daga wurinka, nan gaba har abada.’’ Saboda haka la’anar itacen
ɓauren yana koya mana cewa an hallaka al’umar Isra’ila har abada, ba
kuma za a sake amfani da ita ba a matsayin hanyar samun albarka ta
ruhaniya.
39

Kazalika, yayin da aka la’anta ’yan adam domin zunubansu ya
nuna cewa dole ne a yi masu cikakken hukunci yadda dokar Allah ta
tanada, hukuncin da ƙarshen sa shine hallaka ta har abada. Mun karanta
a cikin Kubawar shari’a 28:20 cewa:
Ubangiji za ya aiko maka da la’ana da damuwa da tsautawa, cikin
dukan abinda ka ke sa hannu gareshi, har ka hallaka, ka lalace da
sauri, saboda muguntar ayyukanka inda ka yashe ni.
Daɗin daɗawa, mun karanta a cikin Kubawar sharia 28:45 cewa:
Kuma dukan waɗannan la’anoni zasu aike maka har ka hallaka
domin ba ka lura da muryar Ubangiji Allahnka ba, da zaka kiyaye
dokokinsa da farillansa waɗanda ya umurce ka da su.
Wannan la’anar ce aka ɗorawa Yesu lokacin da aka biya bashin
zunuban mu kafin kafuwar duniya: daga baya ya nuna wannan la’anar
lokacin da aka rataye shi a kan giciye kamar yadda Galatiyawa 3:13 ta ce
Kristi ya fanshe mu daga la’anar shari’a da ya zama la’ana
maimakon mu gama an rubuta kowanne wanda an rataye shi ga
itace la’ananne ne.
Saboda haka, za mu iya sani yayin da muke duban Yesu a kan
giciye ƙarƙashin la’anar Allah, wannan yana nufin duk wanda ba shi da
ceto, zai ƙarasa da hallaka ta har abada.
Bari mu duba a hankali, munin kallon giciye Yesu. Kamar yadda
muka faɗa aiwatar da hukumcin kisa ta wurin giciye ita ce hanya mafi
tsanani da rashin imani, cike da ƙeta, marar kyaun gani wadda kuma ta
fi kunyatarwa da ake ƙwace ’yancin mutum na rayuwa daga gareshi.
Akwai zafin ƙusoshin da aka buga ta hannuwa da ƙafafunsa. Akwai
kunyar ƙwace wa mutum tufafi a giciye shi tsirara, Akwai batun zama
abin kallo ga jama’a, inda jama’a masu yawa ’yan kasar sa, da kowanne
mutum a duniya zasu ga kumyatarsa. Akwai kuma gaskiyar nan cewa
zai shafe sa’oi da yawa yana daure baƙaƙen maganganu da ba’a daga
waɗanda suke so su kashe shi. Alal hakika babu wani hukumcin kisa da
yafi na giciye kunyatarwa.
Idan muka dubi Golgotha inda aka giciye Yesu, mun ga giciye
guda uku. Guda biyu daga cikinsu mutane ne da suka aikata laifi
waɗanda aka aiwatarwa hukumcin kisa ta wannan hanyar kunyatarwa. A
tsakaninsu, a kan giciye na uku, aka giciye dukan wanda Yesu ya zo
domin ya ceta. A’a ba wai muna wurin da kanmu bane. Mai-Cetonmu,
Ubangiji Yesu Kristi ne yake rataye a wurin yana nuna mana cewa, shine
ya tsaya a madadinmu. Wannan ce mutuwar da dama zamu jimre sabili
40

da zunubanmu. Littafi Mai-Tsarki ya bayyana a fili cikin Galatiyawa 2:20
cewa “An giciye ni tare da Kristi”.
An lisafta Yesu tare da masu zunubi (Ishaya 53:12, Markus
15:28). Nufin Allah ne ya nuna mana a fili shirinsa na shari’a. Da farko,
ka tuna cewa a giciye yana nufin la’anar Allah. Duk abinda ya faru a
Golgota inda giciyen suke yana cike da la’anar Allah a kanmu inda za a
iya hallaka mu har abada. Muna gani a fili mutuwa mafi ban kunya da za
mu iya tsammani. Masu laifin guda biyu da suke wakiltar dukan
mutanen duniya, suna dab da ɗanɗana hukuncin da doka ta ayyana.
“Gama hakkin zunubi mutuwa ce” (Romawa 6:23) Suna ƙarƙashin la’anar
doka. Doka ta yanke masu hukumcin kisa mai kunyatarwa da mutuwar
la’ana. Dubban mutane suna mutuwa ta hanyoyi dabam dabam, amma
babu wadda ta fi kunyatarwa kamar mutuwar giciye. Idan sun mutu, ba
zasu sake rayuwa ba. Saboda haka zasu yi asarar gado na rai na har
abada da kuma gadon sabuwar sama da sabuwar duniya. Sun biya
babban bashin daɗin da suka ji, tun da suka aikata zunubi a wannan
rayuwar.
Mun koyi cewa babban hukuncin zunubi shine asarar farin ciki da
albarkun wannan rayuwa da kuma gadon mulkin Allah, wanda ya ƙunshi
rai madawami da gadon sabuwar sama da sabuwar duniya. Gaskiya ne
waɗanda suka mutu kafin tashin mattatu ba su san wannan ba. Amma
gaskiya ce kamar yadda misalin mai arziki da la’azaru yake koyarwa a
Luka 16. Lokacin da mai arzikin ya ga La’azaru a ƙirjin Ibrahim, wanda
yake jan idannunmu na ruhaniya zuwa ga madawamin gadon mai-bi,
ya kwatanta wannan da rayuwar azaba da yake ciki inda ba zai ƙara jin
daɗin rayuwar da ya yi a lokutan baya ba, ba kuma zai sami wannan
farin ciki da murna na gadon ruhaniya ba. Hakika yana baƙin cikin gaske
domin wannan fushin Allah.
Kamar yadda muka koya, sanin wannan babbar asarar gadon
shine abin da zai faru da biliyoyin mutanen da za su shiga ranar shari’a a
wata biyar na ƙarshen zamani. Yayin da suke raye, zasu ga masu bi na
gaskiya lokacin da ake fyauce su zuwa ɗaukaka, su kuma zasu ci gaba
da zama a duniya a cikin mummunan kwarin nan na mutuwa. Wannan ya
tabbatar da cewa zunubi ya ƙunshi asarar gado. Kasancewa waɗansu sun
mutu ba tare da sanin cewa zasu yi asarar gadonsu ba, bai sake gaskiyar
cewa sun rasa gadon nan nasu mai daraja sabili da zunubansu a
matsayin hukunci ba.
Ya Ƙare
Hoto mai kusurwa uku da ake da shi wanda ya nuna yadda Yesu
ya ɗauke fushin Allah sabili da zunubanmu ya ƙare lokacin da Yesu yace
“Ya Ƙare”. Babbar azaba ce Kristi ya sha karo na biyu. Sai dai a lokaci na
biyu ba wai ƙoƙari yake yi ya biya bashin zunubanmu ba.
41

Amma domin ya nuna mana da kuma masu mulki da ikoki yadda ya sha
wahala kafin kafawar duniya domin ya biya cikakken bashin.
Sa’oi uku da aka yi na duhu, kafin Kristi ya ce ‘‘Ya Allah na, Ya
Allahna don me ka yashe ni?” ya ƙunshi hakikanin gaskiyar cewa, a
farkon zamani, Kristi ya biya cikakkken bashin zunuban mu, ya mutu ya
kuma sake tashi. An bayyana wannan gaskiya a fili cikin Zabura 16:10.
‘‘Gama ba zaka bar raina ga lahira ba” Lahira mutuwa ce. Saboda haka
kafin a kammala biyan bashin zunuban mu, dole ne Kristi ya tashi daga
mattatu. Shi ya sa daga wancan lokacin Kristi zai zama za a kira shi Ɗan
Allah kamar yadda muka karanta a Romawa 1:4. lokacin da yayi kuka a
kan giciye yace: “Ya Kare” wannan yana nufin an cika wannan hoto mai
kusurwa uku, da ya bayyana azabar Kristi ya ƙare.
Amma, kuma kafin yace ya ƙare, akwai wata gwadawa. Ita ce abin
ban mamakin na sa’oin nan uku lokacin da Allah ya juyawa Kristi baya.
Sa’oin nan uku na baƙin duhu ya nuna mummunar azabar da Kristi ya
jimre.
Sai dai, Allah ya tanada wani hoto domin ya nuna a fili gaskiyar
cewa ya mutu kuma an tashe shi daga matattu, hoto ne mai kusurwa
biyu. Kashi na farko ya nuna kaburburan da aka bubbuɗe. Bayan tashin
Yesu daga mattatu ranar lahadi da safe, jikuna da dama sun fito daga
kabarbaru suka shiga birni mai-tsarki. (Matta 27:51-53) Wannan birnin
mai- tsarki zai zama sama ne domin lokacin da labulen haikali ya tsage,
lokacin da Kristi yake kan giciye haikalin ya daina kasancewa wuri maitsarki.
Saboda haka Urushalima ta daina kasancewa birni mai-tsarki
Sabuwar Urushalima ce birni mai-tsarki, ita ce birnin samaniya. Saboda
haka jikunan nan da aka tada daga matattu alama ce ta fyaucewa. Amma
kamar yadda Allah ya sha nanatawa a IKorintiyawa 15, da ba a tashi
Kristi daga mattatu ba, da ba za a tashi kowa daga mattatu ba. Saboda
haka tashin waɗannan jikuna daga matattu ranar lahadi da safe, ya nuna
cewa babu shakka Kristi ya tashi daga mattatu.
Amma akwai kuma wani ɓangaren hoton, da aka bayar domin a
tabbatar da cewa babu shakka Kristi ya tashi daga mattatu. A cikin
ruhunsa Kristi, ya tafi sama, jikinsa ba tare da ruhunsa ba aka sa a
kabari. Yayin da yake cikin kabari, jikinsa bai ga ruɓa ba. Ba zai ga ruɓa
ba domin idan ya ruɓe, zai nuna cewa aikin da Kristi yayi, domin biyan
bashin zunuban zaɓɓaɓu tun kafin kafuwar duniya, bai ƙare gaba ɗaya
ba. Saboda haka tashin Kristi daga mattatu zai zama misali kawai.
Gaskiyar ita ce, lokacin da aka sa jikinsa a cikin kabari, a cikin
rayuwar ruhunsa, yana sama. Saboda haka a wannan hoton, Allah ya
nuna misalin fyaucewa ta wurin tashin ainihin jikinsa daga kabari, da
kuma ainihin jikunan da suka tashi wanda aka buɗe lokacin da labulen
haikali ya tsage.
Amma kafin mu bar wannan hoton na wahalar da kunya da
la’anar masu laifi da Kristi ya sha, ya kamata mu dubi waɗansu
ɓangarorin gwadawar.
42

Gafara Mai Ban Al’ajibi
Idan za’a hukunta mai laifi sabili da laifinsa, za a iya zartar masa
da hukuncin wulakanci na kisa. Babu wani begen yafe hukuncin kisa sai
ko da cikakken umurnin shugaba. A ƙasashe da dama na duniya har da
Amurka, mai mulki mafi girma yana da ikon gafartawa mai-laifin da aka
zartarwa hukuncin kisa. Saboda haka, kafin aiwatar da hukumcin
‘yan’uwan mai-laifin za su yi duk ƙoƙarinsu domin ya sami wannan
gafaran don a ceto shi daga wannan mutuwar wulakanci da kunya da
aka shirya dominsa. Babu shakka, wani lokaci akan yafewa mai laifi ana
dab da lokacin da za’a aiwatar da hukuncin kisan.
Allah ya tanada irin wannan gafara ga duk waɗanda ya zo domin
ya ceta. An bayyana wannan da yau a cikin littafin Ishaya 54:7-8 inda
Allah yace:
Don lokaci ƙanƙani na yashe ki, amma da jinƙai mai-girma zan
dawo da ke. A cikin hasala mai-zafi na ɓoye maki fuskata ɗan
lokaci kaɗan amma da madauwamin alheri zan yi maki jinƙai in ji
Ubangiji mai-fansar ki.
Kuma a Ishaya 55:7-8
Mai mugunta shi sake hanya tasa, mara adalci kuma shi bar
tunaninsa, shi komo wurin Ubangiji shi kwa zaya ji ƙansa wurin
Allahnmu, gama zaya yi gafara a yalwace. Gama kamar yadda
sammai suna nisa da duniya, haka nan kuma al’amura na sun fi
naku tsawo, tunani na kuma ya fi naku, in ji Ubangiji.
A daidai kusan ƙarshen zamani, ɗaya daga cikin ɓarayin da aka
giciye su tare da Kristi, ya ji kalmar nan ta alheri daga leɓen Yesu “yau
kana tare da ni a firadais” (Luka 23:43). Ina misalin al’ajibin! Wannan
ranar da a wurinsa ta kasance ranar mutuwar ta ƙasƙanci na mai-laifin ta
ƙarasa da shiga gida cikin daraja na Ɗan Allah. Wannan gafarar ce
kowanne zaɓɓaɓe na Allah yake samu.
43

Sura Ta Biyar
Shirin Hukuncin Allah
Yanzu da shike jinƙan Allah ya sa muna iya ganewa a fili shirin
hukuncin Allah da kuma tsarin tarihi, za mu yi ƙoƙari mu bayyana ta
iyaka iyawa. Tilas ne mu tabbatar da cewa duk itifaƙin da zamu yi ya zo
ne daga Littafi Mai-Tsarki. Suna kuma muwafaka da duk abin da ake
koyarwa a Littafi Mai-Tsarki.
A cikin shekara ta 11,013 BC Yesu Kristi, a matsayinsa na Ɗan
Allah ya hallicci duniya, domin Littafi Mai-Tsarki ya gaya mana cewa Ɗan
mahalicci ne, za mu iya sani cewa mutuwar Yesu a matsayin Ɗan Rago,
tun daga kafuwar duniya ya faru ne kafin hallitta. Ya halicci iyayen mu na
farko Adamu da Hauwa’u a cikin kamanin Allah da surarsa su yi mulkin
halittu. Su cikakku ne ta kowane fanni. Su da zuriyar su a matsayin
’ya’yan Allah kuma za su zauna tare da Allah har abada a cikin ɗaukaka
mafi girma da farin ciki. An halicce su da jiki, da lumfashin rai, da kuma
ruhu.
Allah ya fara basu dokokin da zasu yi rayuwa a cikin farin cikin
mafi girma, ya kuma fara gwada amincin su ga Allah, doka ta fari da aka
basu ita ce idan suka yiwa Allah rashin biyaya zasu mutu (Farawa 2:17).
Allah mafi sanin abu duka ne, wanda ya san cikakken bayani
game da dukan abu. Allah ya sani cewa ba da daɗewa ba, bayan halittar
ɗan adam zai yi masa rashin biyayya saboda haka tun kafin lokacin Allah
yayi tanadi domin zuriyar ’yan adam da zasu fito daga iyayen mu na fari,
Adamu da Hauwa’u, domin a cece su daga mutuwa hakkin zunubi, da
dokar Allah ta tanada.
A yayin gudanar da wannan shirin na ceto, za a ɗaukaka Allah da
kansa yayin da za a bayyana a fili halayensa na Allahntaka wanda basu
misaltuwa. Za a bayyana su ba ga mutum kaɗai ba, amma ga dukan
mulki da ikoki da ba mu san komai akai ba, amma suna nan da rai sabili
da ƙoƙarin Allah duk zamanai (Afisawa 3:10-11). Mun karanta cikin
IITassalonikawa 1:10 cewa:
Sa’anda ya zo garin a ɗaukaka shi cikin tsarkakansa a yi al’ajibi
da shi cikin dukan masu bada gaskiya cikin waccan rana (da shi
ke aka gaskata shaidarmu gareku).
Jim kaɗan bayan an halicce su cikkaku mutane, iyayen mu na
farko, (wanda a tsasonsu dukan ’yan adam suka wanzu), suka yi wa Allah
rashin biyayya, saboda haka su da dukan ’yan adam, da zasu zo daga
garesu, da ya kamata a yankewa hukuncin kisa nan take a matsayin
biyan bashin zunubansu. Amma da yake Allah ya rigaya ya biya bashin
zunuban da dama daga cikin zuriyar Adamu da Hauwa’u, mutuwa ta jiki
ba zata faru nan take ba. Zasu kasance da rai har lokacin da suka haifi
44

’ya’ya. Waɗannan ’ya’yan su ma zasu yi tsawon rai har su kai ga lokacin
da zasu haifi ’ya’ya da sauransu. Har sai an haifi dukan waɗanda Allah ya
zaɓa ya kuma ceto daga hukuncin mutuwa sakamakon zunubi. Da shike
ba za a haifi da dama daga cikin waɗanda aka zaɓa domin a cece su
daga zunubai ba sai kusan ƙarshen shekaru 13,000 bayan hallitta,
duniya za ta ci gaba daga wancan lokacin.
Saboda haka gaskiya ne cewa iyayenmu na farko, da kuma dukan
bil’adama da suka fito daga jikunansu, sun mutu da shike ba mu da
sauran rai a cikin Kristi wanda muke kira rai na ruhaniya. Kuma mun
karɓi hukuncin mutuwa ta jiki lokacin da Adamu da Hauwa’u suka yi
zunubi. Amma Allah ya tanada cewa mutane zasu kasance a raye suna
da ruhu na wani lokaci daga lokacin ɗaukar ciki zuwa bayan shekaru 900
na rayuwa ta jiki. Amma a cikin ruhaniya dukan su matattu ne. Rai cikin
Kristi wanda ya zama rai na har abada yayin da aka ceci zaɓaɓɓen, baya
cikin rayuwar waɗanda ba a cece su ba. Illar zunubi da ya shiga cikin
’yan adam lokacin da Adamu da Hauwa’u suka yi zunubi ya bi kan duk
zuriyarsu. Zunubi yana mulki a cikin jikinsu da kuma ruhaniya.
Littafi Mai-Tsarki ya nace cewa ’yan adam sun mutu cikin
zunubi. Shaidar wannan mutuwa ta ruhaniya shine babu mutumin da bai
taɓa aikata zunubi ba sai Yesu kaɗai. (Romawa 5:12, II Korintiyawa 5:21,
I Bitrus 2:22). Kowanne zunubi yana sa hukumcin mutuwa ta jiki da aka
zartas a kan mai zunubi ya fita fili.
Muna amfani da kalmomin nan “mutuwa ta ruhaniya” yayin da
muke magana akan wanda basu da ceto; Littafi Mai-Tsarki ya ambace su
da cewa sun “mutu cikin zunubi” (Afisawa 2:5, Kolosiyawa 2:13) An raba
su da rai a cikin Allah ta jiki da kuma ruhaniya, wanda shine rai na
ruhaniya da suke da shi daga farko kafin Adamu yayi zunubi. Ka iya
tunawa duk ’yan adam daga tsatson Adamu suka fito, saboda haka
lokacin da yayi zunubi, dukan mu muka yi zunubi (Korintiyawa I 15:22).
Ko da shike an yanke su daga rai cikin Allah, zasu ci gaba da rayuwa ta
jiki (rayuwa da sanin abinda ke faruwa kewaye da su), a cikin jiki da
kuma ruhu. Rayuwa ta jiki ta kan zo ƙarshe lokacin da mutum ya mutu,
kuma idan ba ya da ceto, cikin jiki da kuma ruhaniya, zai yi mutuwa ta
har abada. Tilas ne a ba mutum sabon ruhu da sabon jiki kafin ya sami
rai cikin Kristi ko rai na har abada.
An bada wannan ran cikin Kristi ga kowane mutum da Allah ya
zaɓa domin ya sami ceto. Ana ba da shi ga mutumin da aka zaɓa yayin
da Allah ya yi amfani da Maganar Allah a rayuwar mutumin. A daidai
lokacin za a maye tsohon jiki da ruhun mutumin da sabon rayayyen
ruhu madauwami wanda ba zai so ya sake aikata zunubi ba (IYohanna
3:9). Zai ci gaba da rayuwa a cikin mattacen jikinsa na ruhaniya amma
yana da tabbacin cewa a lokacin fyaucewa, za a sake mattacen jikinsa na
ruhaniya nan da nan zuwa rai na har abada a cikin jikin Kristi
(Tassalonikawa I 4:13-17, Korintiyawa 15:51-52).
45

Zaɓaɓɓen mutum wanda ya ɗanɗana ko kuma bai riga ya
ɗanɗana albarkan tashin mattatu na ruhu ba, da waɗanda ba zaɓɓaɓu ba
da suke da rai da kuma ruhu dake aiki, an koyar da su ta wurin Littafi
Mai-Tsarki abubuwa da yawa game da halin zunubin da suke cikin da
kuma game da halayen Allah na ɗaukaka. Muna zaune a duniya mai kyau
wadda take cike da tsirai da dabbobi da dai sauransu. waɗanda Allah ya
halitta ya kuma nuna girman ikon halittarsa.
Bugu da ƙari, ta wurin Littafi Mai-Tsarki Allah ya ba ’yan adam
dukan cikakken bayanan shirin jinƙan sa na ceton waɗanda ya zaɓa
zuwa ceto. Yanzu Allah yana nuna abubuwa filla filla wanda ya bayyana
shirinsa shekarun ƙarshen da ranakun ƙarshe na tarihi, domin muna
rayuwa ne dab da ƙarshen zamani. A cikin littafi “Mun kusa Kai Ga
Ƙarshe” mun tsara bisa ga Littafi Mai-Tsarki, daidai tsarin kowane abin
da zai faru a ƙarshen zamani.
Mun koyi cewa taron Ikklisiya ne wakilan mulkin Allah a cikin
dukan duniya na tsawon shekaru 1, 955 (AD 33 zuwa 1988 AD) daga
nan kuma ranar 21 ga watan Mayu, 1988, Allah ya gama da shirin sa na
ceto ya kuma fara shirya Ikklisiyai da duniya domin abubuwan da zasu
faru a ƙarshen zamani.
A wannan rana Allah ya sa shaiɗan a cikin dukan majami’u kuma
ya yarda masa ya yi mulki a cikin majami’un dukan duniya. Har wa yau,
Allah ya yadda da majami’u game da batun ceto. Ya fara ba waɗanda
suka rage a cikin majami’u ɓatar basira domin su gaskanta ƙarya (II
Tassalonikawa 2:11). Bugu da ƙari, an rufewa masu bi na gaskiya baki a
cikin majami’u, da shike an kore su ko kuma sun yi biyayya da dokar
Allah da su fito daga cikin su.
Waɗannan sune waɗansu daga cikin hanyoyin da Allah ya fara
amfani da su a cikin majami’u yayin da yake shirya mutane a cikin
majami’u domin su karɓi hukumcin Allah. Littafi Mai-Tsarki yayi gargaɗi
a cikin IBitrus 4:17 cewa “za a fara shari’a ta kan jama’ar Allah.”
Haka kuma, fara daga ranar 21 ga watan Mayu, 1988 an ba
shaiɗan ’yanci mai -yawa domin ya taimaka wa zunubi ya yawaita ba a
majami’u ba kawai amma har da sauran duniya. Mun karanta a cikin
Ruya ta Yohanna 13:7 cewa:
Aka yarda masa kuma shi yi yaƙi da tsarkaka, shi yi nasara da
su, aka ba shi kuma hukunci bisa kowace kabila da al’umma da
kowane harshe da iri.
A gaskiya, ranar 21 ga watan Mayu, 1988 shine mafarin wani abu
mai muhimmancin da zai faru a ƙarshen zamani na tsowon shekaru 23
cur, (kwanaki 8,400) , wanda zai kai ga ƙarshe ranar 21 ga watan Mayu,
2011. Littafi Mai-Tsarki ya kira wannan kwanaki 8,400 lokacin “babban
tsanani (Dubi shafi ....na wannan bincike).
46

Waɗannan kwanaki 8,400 na babban tsanani wanda muke rayuwa a ciki,
lokaci ne da Allah ya ke shirya majami’u a duk faɗin duniya da kuma
duniya kanta domin ƙarshen zamani.
Cikin kwanaki 2,300 na farko, (21 ga watan Mayu, 1988 zuwa
Satumba 7, 1994), kusan babu wanda ya sami ceto. Amma da yake akwai
zaɓaɓɓu da dama da Allah bai cecesu ba tukuna, ranar 7 ga watan
Satumba, 1994, Allah ya fara wani babban shirin ceto inda zai ceci
dukan zaɓaɓɓun ɗaya-ɗaya (Matta 24:22). An kawo wannan girbin masu
bada gaskiyan ne gaba ɗaya daga wajen majami’u. Zai ci gaba na tsawon
kwanaki 6,100 sauran kwanakin 8,400, na lokacin ƙunci, A cikin
kwanakin nan 6,100 majami’u da duniya suna ƙara dulmaya cikin
zunubi yayinda Allah ya ke ci gaba da shirya waɗanda ba zaɓaɓɓu ba
zuwa ceto zuwa ƙarshen su.
Sa’annan ranar 21 ga watan Mayu, 2011 shirin ceton Allah ga
duniya zai kawo ga ƙarshe ba shiri. Dukan waɗanda suka zama masu bi
na gaskiya a cikin shekaru 13,000 da suka shige, da suka mutu za a tada
jikunan su daga matattu a matsayin jikuna masu ɗaukaka na ruhaniya.
Za a ɗauke su (fyaucewa) a gaban idon dukan waɗanda basu bada
gaskiya ba kuma suna duniya a lokacin. Za a kuma canza dukan masu bi
na gaskiya da suke da rai a lokacin a fyauce su zuwa sama su zauna
tare da Kristi har abada abadin. Suma za a fyauce su a fuskar waɗanda
ba su bada gaskiya ba. Haka kuma ƙasusuwa, ko kuma abinda ya rage a
kabarbaru, ko cikin teku, ko ina da aka binne marasa ceto, zasu tashi (za
a fid da su daga wuraren da aka binne su) za su kasance ko ina a cikin
duniya suna shiri domin hallaka gaba ɗaya a ranar 21 ga watan Octoba,
2011, lokacin da za a hallaka duniya baki ɗaya da wuta (|Dubi shafi na....
zuwa... na wannan bincike). Banda haka kuma, hallaka gawarsu shine
abin kunya na ƙarshe da zasu fuskanta a gaban Allah maɗaukaki da
kuma ikoki na sama.
Lamarin da duniya take ciki zai yi muni ainun fara daga ranar 21
ga watan Mayu, 2011 ya kuma ci gaba na tsawon kwanaki 153. Littafi
Mai-Tsarki yace za’a yi kuka da cizon haƙora (Matta 8:11-12; 13:42,
Luka 13:28). Babu sauran wata damar ceto. Saboda haka babu jinƙai.
Littafi Mai-Tsarki ya bayyana wannan lokacin filla filla (Kubawar Sharia
28:16-68, Ruya ta Yohanna 9:1-2), da ya ke bayyana illar nukiliya ko
kuma wani abu da ya yi daidai da abinda yake biyo bayan ɓarnar
nukiliya. Ko da mene ne, za a ga mace mace ko’ina.
Sa’annan rana ta ƙarshe ta duniya zata zo. Mun karanta a cikin
IIBitrus 3:10...
A cikinta fa sammai zasu shuɗe tare da ƙara mai girma da ƙuna
mai zafi, duniya kwa da ayyukan da ke cikin ta zasu ƙone.
Littafi Mai-Tsarki ya gaya mana cewa a ƙarshe za a jefa mutuwa
da jahannama cikin ƙorama ta wuta (Ruya Ta Yohanna 20:14). Daɗin
47

daɗawa, Allah ya bayyana yadda ƙarshen wannan duniya zai kasance, ya
kuma nunawa ’yan adam game da madauwamiyar ɗaukakar da ta ke
jiran waɗanda Allah ya ceta. A wannan lokacin kuma, ta wurin Littafi
Mai-Tsarki Allah ya bayyayana ƙarshen mutuwa da zata afkowa kowane
mutum da Allah bai yi shirin ceta ba daga mutuwar da dole zata sauko
kan su domin zunubi
Yayinda Allah yake koya mana a fili game da shirin ceto na Allah,
mun koya daga Littafi Mai-Tsarki cewa za a iya raba mutanen duniya
ƙungiya ƙungiya. Waɗannan ƙungiyoyin suna nan kamar haka:
1. Waɗanda ba zaɓaɓɓu ba, wato, waɗanda ba a zaɓe su domin
a cece su ba, ba kuma zasu taɓa samun ceto ba, suka mutu
kafin ranar sharia.
2. Waɗanda suke zaɓaɓɓu, waɗanda tilas Allah ya cece su
domin an zaɓe su domin a cecesu, waɗanda suke da rai,
amma har yanzu ba a cece su ba.
3. Waɗanda zaɓaɓɓu ne, kuma suna da ceto kuma a yanzu
haka suna da rai a duniya.
4. Waɗanda ba zaɓaɓɓu ba, kuma ba su mutu ba.
5. Waɗanda zaɓaɓɓu ne kuma sun mutu.
Waɗanda Ba Zaɓaɓɓu Bane Waɗanda Suka Mutu Kafin Ranar Shari’a
Allah bai zaɓi mutane masu ɗinbin yawa ba domin samun ceto,
kafin kafawar duniya. Allah ne kaɗai ya san ko su wanene. Su ka yi
rayuwa a duniyar nan na wani lokaci sa’annan suka mutu. Sun mutu ba
tare da sanin cewa mutuwar su aiwatar da hukumcin kisan ne abin
kunya a idon Allah da kuma mulki da ikoki ba. Duk lokacin da suka yi
zunubi suna kunyatar da Allah suna kuma ƙara cusa kansu ƙarƙashin
la’anar Allah.
Bugu da ƙari, lokacin da suka mutu, ya yiwu suna baƙin ciki cewa
ba za su iya sake cin moriyar abubuwan jin daɗi na wannan duniya ba.
Sai dai, idan suka mutu sakamakon wani haɗari ko kuma a cikin
barcinsu, ba su ma ɗanɗana asararsu ba. Ba su san cewa mutuwarsu
tana nufin cewa hakika bashi yiwuwa su taɓa samun gagarumin gadon
da zai zama na su domin an haliccesu su zama ’ya’yan Allah ba. Da yake
kowanne mutum yana cikin Adamu, iyayen mu na farko, lokacin da aka
halicce shi, an halicce mu da ’yancin gadonsa na ɗan fari. Wannan
’yancin haihuwar ya ƙunshi gadon rai madauwami. Amma yana da
sharaɗi. Yana daidai da halin da Isuwa ya shiga. Da Isuwa bai yi zunubi
ba ta wurin watsi da gadon haihuwarsa, wanda ya zama nasa kasancewa
shine ɗan fari da aka haifa da ya ci gaba da zama nasa. Da Adamu da
Hauwa’u ba su yi zunubi ba, da sun ci gaba da riƙe gadonsu na haihuwa
har abada. Wato da ba za a taɓa fitar da su daga mulkin Allah ba. Kamar
Isuwa waɗanda suka mutu ba tare da sun sami ceto ba, sun sayar da
48

gadon haihuwarsu domin ƙwaryar abinci. Za mu iya duban ƙwaryar
abincin nan a matsayin misalin tukwici na nan take da zunubi ke
kawowa. Ya rigaya ya fara da zunubin Adamu.
Saboda haka ko da shike waɗannan mutane sun mutu ba tare da
sanin gagarumin bashin da suka biya sabili da zunubansu ba, bai sake
gaskiyar cewa sun biya bashin ba. Wannan hukumcin shine asarar gadon
haihuwarsu, wato mulkin Allah. Wannan ya nuna a fili girman jinƙan
Allah.
Sai dai, ko da shike sun mutu, kuma ba zasu ƙara sanin abinda
ke faruwa ba, Allah bai gama da su ba tukuna. Za a tashi Ƙasusuwansu,
ko abinda ya rage na mattatun jikunansu daga wurin da aka binne su
ranar 21 ga watan Mayu, 2011, ranar fyaucewa, wadda ta kasance ranar
Shari’a ta farko. Za a watsa gawarsu kamar shara ko kuma taki a ƙasa,
yadda za su kumyata ta wajen ƙazabta su da Angulaye, da karnuka, da
tsutsa da sauransu zasu yi. Karon ƙarshe, za a kumyatar da su a idon
Allah da mulki da kuma ikoki.
Daga ƙarshe, a ranar 21 ga watan Oktoba, 2011, ranar Shari’a ta
ƙarshe, za a ƙone jikunansu tare da ƙasa, da dukan duniya da wuta a
hallaka su har abada.
Zaɓaɓɓu Waɗanda Ba A Cece Su Ba Tukuna
Akwai mutane da suke duniyar nan waɗanda aka zaɓa, amma har
yanzu basu sami ceto ba. An biya bashin wannan ruƙunin mutanen
domin su zaɓaɓɓu ne na Allah, Kristi shine kuma Ragon da aka yanka
tun kafuwar duniya, an biya bashin zunuban wannan ruƙunin mutanen,
tun kafin a haife su. Saboda haka Allah ba zai hallaka su ba. Har yanzu
su mattatu ne cikin ruhaniya, amma a jiki suna da rai da ruhu dake aiki,
kamar yanayin da waɗanda ba zaɓaɓɓu na Allah ba suke ciki waɗanda
kuma daga ƙarshe za’a hallakasu har abada.
Amma da yake an rufe zunuban dukan zaɓɓaɓu ta wurin
mutuwar Yesu, dole ne Allah ya cece su (dole ya gafarta masu), kafin su
mutu cikin jiki ko kuma kafin ranar fyaucewa da zata auku ranar 21 ga
watan Mayu, 2011. A daidai lokacin da suka sami ceto zasu shiga
ruƙunin mutanen da aka ceta, waɗanda za a fyauce zuwa wurin Allah a
ranar 21 ga watan Mayu, 2011.
Waɗanda Aka Ceta Kuma Yanzu Haka Suna Nan Zaune A Wannan
Duniyar
Wannan ruƙunin mutane ya ci gaba da girma domin Allah yana
ceton ɗumbin mutane da ba wanda zai iya ƙirgawa. An rigaya an ba su
sabon ruhu rayayye, madauwami. Idan suka mutu kafin 21 ga Mayu,
2011, a cikin madauwamin ransu rayayye, nan take kuma za su yi mulki
a sama tare da Kristi. Ranar 21 ga watan Mayu, 2011, mattatun
49

jikunansu zasu fito daga kaburbura a matsayin madauwamin jiki na
ruhaniya, za a kuma fyauce jikunansu su kasance tare da Kristi. Saboda
haka duk zasu zauna cikkakun mutane cikin jiki da ruhu da zai rayu ya
kuma yi mulki tare da Kristi har abada.
Idan har yanzu suna da rai a ranar 21 ga watan Mayu, 2011, nan
take za a basu sabon jiki madauwami mai rai. Za a kuma fyauce su su
zauna tare da Kristi har abada.
Waɗanda Ba Zaɓaɓɓu Ba Da Suke Da Rai Har Ranar 21 Ga Mayu, 2011
Wannan ruƙunin mutanen da ke da yawan gaske, yaji gargaɗi
cewa ƙarshen duniya ya kusa. Amma ba su maida hankali a kai ba. Basu
maida hankali a kai ba domin basu gaskanta cewa Littafi Mai-Tsarki
Maganar Allah ba ne. Ko kuma basu kasa kunne a kan gargaɗin ba
domin sun amince da koyaswar Ikklisiyarsu cewa Kristi zai zo kamar
ɓarawo da dare, saboda haka ba su bukatar kula da koyarwar da suka
hakikanta cewa karkatacciyar koyarwa ce game da dawowar Kristi. Ko
kuma sabili da ƙaunar wannan duniya da suke yi, ba su maida hankali ga
gargaɗin ba domin basu son duniyar su ta ƙare.
Fiye da shekaru 1,900, Littafi Mai-Tsarki ya koya cewa Kristi zai
zo kamar ɓarawo da dare, kuma bai zo ba. Saboda haka mutane da yawa
suna tunani cewa ba zai zo ya kawo ƙarshen duniyan nan ba, nan da
shekaru 100 ko fi. Saboda haka zasu iya tabbacin cewa za su ci gaba da
jin daɗin wannan duniya duk tsawon rayuwarsu. Amma idan aka bada
ainihin ranar, ranar da ta rage ’yan shekaru kaɗan kawai nan gaba,
wannan ba abu mai karɓuwa ba ne gare su. Saboda haka ba su son su ji
bayanin da muka samu daga Littafi Mai-Tsarki.
A matsayin ƙarin hukucin ga mutanen da suka ji gargaɗin amma
suka ƙi biyayya da shi, wannan ruƙunin mutanen, zasu shiga da ransu
watannin nan biyar matsananta da ake kira ranar sharia da zata fara da
fyaucewar masu bi na gaskiya a ranar 21 ga watan Mayu, 2011.
Za su ga ana fyauce mutane yayin da aka bar su a baya. Za su yi kuka da
cizon haƙoransu ga Allah a cikin fushi. Daɗin daɗawa, zasu sha azaba
mai-tsanani na tsawon watanni biyar, sabili da annobar da zata fara da
babbar girgizan ƙasa a rana ta farko. Idan suka mutu a cikin watannin
nan biyar, ya yiwu kuma da dama su mutu, jikunansu zasu bazu a ko’ina
a ƙasa. Daga ƙarshe, ranar 21 ga watan Octoba, 2011, za a ƙona dukan
duniya har da ƙasa da dukan ayyukan da ke cikinta, ba zasu sake rayuwa
ba.
Tashin Matattun Da Ba Su Da Ceto
Mun koyi cewa idan wanda ba zaɓaɓɓe ba ya mutu, ya mutu cikin
jiki da kuma ruhu. Kuma ba zai sake rayuwa ba. Babu wani wuri a cikin
Littafi Mai-Tsarki da aka bayyana cewa marasa ceto da suka mutu za su
50

sake rayuwa. Amma akwai ayoyi kima da suka nuna cewa za su sake
rayuwa domin su ƙara ɗanɗana fushin Allah. Mu dubi waɗannan ayoyin a
hankali, za mu koyi cewa waɗannan ayoyi sun nuna mana yadda kunyar
da take kan waɗanda basu da ceto zata ci gaba har zuwa rana ta ƙarshe
na wannan duniyar. Mu karanta a cikin Ayyukan Manzanni 24:15 cewa:
Ina da bege ga Allah, abin da waɗannan da kansu kuma suna
sauraronsa, za a yi tashin mattatu na masu adalci da na marasa
adalci.
Mun kuma karanta a cikin Yohanna 5:28-29 cewa:
Kada ku yi mamakin wannan; gama sa’a tana zuwa, inda dukan
waɗanda suna cikin kaburbura za su ji muryatasa, su fito kuma;
waɗanda sun yi nagarta, su fito zuwa tashi na rai, waɗanda sun
yi mugunta zuwa tashi na shari’a.
A Daniel 12:2 Allah yace:
Da yawa kuwa daga cikin waɗanda suke barci cikin turɓayar ƙasa
zasu falka, waɗansu zuwa rai, na har abada waɗansu kuma zuwa
kunya da reni marar matuƙa.
Waɗannan ayoyin suna magana akan mutanen da suka mutu
waɗanda zasu falka, suna jin muryar Allah. Ta yaya wannan zata yiwu?
Idan ba a fara rayar da ba ba yadda zai iya jin muryar Allah?
Za a iya samun amsar a cikin Ezekiel 37, inda misalan biyu da
harshen da aka saba magana da shi a duniya, Allah yayi Magana game
da wannan tambaya. A cikin aya 4 da 5 Allah yace:
Ya sake ce mani, kayi annabci a bisa waɗannan ƙasusuwa, ka ce
masu, ya ku ƙasusuwa busassu, ku ji maganar Ubangiji haka nan
Ubangiji Yahweh ya ce ga shi zan sa numfashi a cikinku za ku
rayu.
A waɗannan ayoyi Allah yana cewa kafin numfashin rai ya shiga
cikin waɗannan busassun ƙassusuwan zasu iya jin Maganar Ubangiji. A
cikin ruhaniya, Allah yana cewa waɗannan da ya yi shirin ceto suna kama
da busassun ƙasusuwa da basu da rai. Sun mutu cikin ruhaniya ko da
shike suna raye cikin jiki. Amma Allah zai iya ba waɗannan mutanen da
ke mattatu ga ruhu kunnuwan ji na ruhaniya, abinda kuma yake yi yayin
da ya tashe su daga matattu cikin ruhaniya zuwa rai na har abada.
Allah kuma ya yi magana filla filla cikin kalaman duniya inda ya
ƙara cewa a cikin Ezekiel 3:12-13:
51

Ka yi annabci fa, kace masu ga shi, zan buɗe kabarbarunku, ya
mutane inji Ubangiji Yahweh, zan kuma kawo ku cikin ƙasar
Isra’ila. Za ku sakankance kwa ni ne Ubangiji sa’anda na buɗe
kabarbarunku na tsamo ku kuma daga kabarbarunku, ya
mutane na.
Za a iya fahimtar waɗannan ayoyin ta fannin ruhaniya, amma
kuma suna koya mana a zahirin gaskiyar duniya. A lokacin fyaucewa,
jikunan zaɓaɓɓu zasu ji muryarsa, su kuma fito. Za a ba jikunansu rai na
har abada domin za a tada su da jiki na ruhaniya madawwami
(IKorintiyawa 15:44).
Amma ko da shike ɗaiɗaikun jikunan zaɓaɓɓun suna Maganar
Allah kafin a basu numfashi (Ezekiel 37:4-5), ƙasusuwa ko kuma gangan
jikin waɗanda basu da ceto, yayin da suke a mace. Za su iya jin Maganar
Allah. Abin da Allah ya faɗa a cikin Ezekiel 37, shine zai iya umurtar
komi ya yi biyayya da nufinsa yadda ya ga dama. Ka tuna misali Markus
4:39 da 41 inda muka karanta cewa:
Ya farkar ya tsauta ma, iska ya ce ma teku, ka natsu, kayi shiru,
iska ta kwanta, babbar natsuwa ta samu,... suka ji tsoro ƙwarai,
suka ce ma junansu, wanene wannan fa wanda har iska da teku
suna biyayya da shi?
In har iska da raƙuman ruwa zasu yi biyayya da umurnin Yesu,
dole ne su kasance a falke domin su ji muryar sa. Haka nan za a tada
mattatun ƙasusuwan da jikunan waɗanda basu da ceto, su ji muryar
Allah ba tare da suna raye zahiri ba. Abin da zai faru ke nan lokacin da
Allah zai fitar da jikunan waɗanda suka mutu ba tare da sun sami ceto
ba, daga kabari a lokacin da ranar shari’a ta fara.
Ya kamata su san yadda Allah ya rubuta waɗannan ayoyin guda
uku a hankali waɗanda suka yi magana game da tashin mattatu. A
Ayyukan mazanni 24:15 Allah ya ce akwai tashin mattatu na marasa
adalci. Sai ka ce tashin mattatu na marasa ceto yana kama da tashin
mattatu na masu bada gaskiya, sai dai a cikin Yohanna 5:29, Allah ya
bayyana cewa za a tashi marasa ceto zuwa hallaka. kalmar nan “Hallaka”
tana nuna wani ɓangare na hukucin da marasa ceto suke sha sabili da
zunubansu. Wanne fannin hukuncin ne Allah yake magana a kai?
Aya ta uku, Daniel 12:2, ta nuna mana abin da Allah ya ke da shi
a zuciya. Tashin mattatu ne zuwa kunya. Wannan zai faru ne lokacin da
aka tada jikunan su da ƙasussuwan su daga kabarbaru aka sake jefad da
su ko ina a ƙasa, domin a kunyatar da su a idon waɗanda suke raye a
farkon ranar shari’a, da kuma gaban Allah da gaban ikokin a sammai.
An bayyana wannan abin baƙin ciki a cikin Irmiya 7:33 zuwa 8:21 inda
muka karanta cewa:
52

“Gawayen mutanen nan za su zama naman tsuntsayen sama, da
bisashen ƙasa, ba kuwa wanda za ya kore su ba. Sa’annan zan sa
muryar wasa da dariya, da muryar farin ciki da muryar ango da
muryar amarya, kuma su ƙare a biranen Yahuda da hanyoyin
Urushalima kuma gama ƙasar za ta zama kango. A loton nan, in
ji Ubangiji za su ɗauko ƙasusuwan sarakunan Yahuda da na
hakimai da na firistoci da na annabawa da na manzannin
Urushalima daga cikin kabarburan su za a shinfiɗe su a rana da
farin wata, da dukan rundunar sama waɗanda suka ƙamnace su,
suka bauta masu kuma suka bi su, suka biɗe su, suka yi masu
sujada kuma: ba za a tattara su ba, ba kuwa za a bizne su ba, za
su zama taki a bisa fuskar ƙasa.
A Nahum 3:5-6 Allah yace:
“Ga shi ina gaba da ke inji Ubangiji mai runduna, zan kuwa buɗe
asirinki a gaban fuskar ki; zan nuna ma al’ummai tsiraicin ki
kunyarki, kuma zan bayyana ga mulkoki. Zan zuba maki ƙazanta
mai ban ƙyama in maishe ki abu mummuna, in kafa ki abin kallo.
Masu Bi Suna Shari’anta Marasa Ceto
A farkon ranar sharia, 21 ga watan Mayu, 2011, lokacin da za a
ga ana fyauce jikunan mattatu na Nineba a sararin sama (fyaucewa) zuwa
cikin gajimarai domin su kasance tare da Kristi, zai kasance shari’a da
hukumci ga waɗanda aka bari a baya. Mutanen Nineba sun gane da
muguntarsu, suka ƙasƙantar da kansu suka tuba, suka ta da muryar su
ga Allah domin yayi masu jinƙai, suna begen cewa wata kila Allah ba zai
hallaka su ba. Littafi Mai-Tsarki ya shaida mana cewa Allah a cikin
jinƙansa, ya cece su.
Gaskiyar cewa sababbin jikunan mutanen Nineba da aka fyauce,
ya jaddada zunuban waɗanda aka bari a baya. Wannan kashewar zata
faru ga waɗanda suka gaskanta an cece su, amma madogarar su tana
kan Ikklisiyarsu ko baftismar su, da dai sauransu. Ta haka zasu karɓi
hukunci mai tsanani fiye da waɗanda basu san Littafi Mai-Tsarki ba.
Fyaucewar mutanen Nineba wanda zai nuna a fili cewa an cece su,
babbar shaida ce cewa waɗanda aka bari a baya basu da ceto kuma babu
shakka, zasu kasance ƙarƙashin fushin Allah. Wannan ya bayyana ayoyi
kamar waɗannan:.
Matta 12:41 Nawiyawa zasu tashi tsaye a ranar shari’a tare da
wannan tsarai, za su kuwa kashe ta: gama su suka tuba da
wa’azin Yunana ga kuwa wanda ya fi Yunana girma a nan.
53

Ruya ta Yohanna 2:26: Wanda ya yi nasara kuma, wanda ya
kiyaye ayyuka na har matuƙa, a gare shi zani bada iko bisa
al’ummai.
Ruya ta Yohanna 3:9: Ga shi na bayas daga cikin majami’ar
shaitan, waɗanda suke ce da kansu Yahudawa, ba kuwa haka
suke ba, amma suna ƙarya; ga shi zan sa su su zo su yi sujada a
gaban sawayenka, su sani kuma na ƙamnace ka.
Korintiyawa I 6:2-3: Ko kuwa ba ku sani ba tsarkaka za su yi ma
duniya sharia? Idan fa kuke yi ma duniya shari’a ba ku isa ku
shari’anta ƙanƙananan al’amura ba? Ba ku sani ba mu za mu yi
ma mala’iku shari’a, balle fa al’amuran wannan zamani.
An sake mana tuni a IBitrus 2:12 inda muka karanta cewa:
Kuna al’amura na dacewa (hali) wurin al’ummai, domin yayin da
suke kushe ku kamar ma’aikatan mugunta, ta wurin nagargarun
ayyukan da suke dubawa su ɗaukaka Allah cikin ranar ziyara.
A cikin wannan bayanin, maganar nan ‘‘ɗaukaka Allah cikin ranar
ziyara’’ ya shafi waɗanda za a hukunta sabili da zunubansu, kamar
yadda aka gaya wa Acan ya ɗaukaka Allah, yayinda ake shirin kashe shi
domin zunubansa (Joshua 7:18-26).
Ta haka zamu fahimci cewa lokaci da waɗanda basu da ceto
suka gane cewa gaskiya ne mutum ya sami ceto, (kamar yadda
fyaucewar mutumin ta nuna) zai kawo shari’a da hukucin akan waɗanda
suke zaton cewa suna da ceto, amma yanzu suka sani cewa ba su da
ceto domin an barsu a baya a lokacin fyaucewa. Masu bi na gaskiya da
aka fyauce sun hukunta su.
Abinda zai faru ke nan a duk faɗin duniya ranar 21 ga watan
Mayu, 2011, lokacin da za a fyauce jikunan waɗanda suka mutu, tare da
duka masu bi na gaskiya da suke raye, su kasance tare da Kristi. Wannan
zata zama babban hukunci a kan duniya musamman a kan waɗanda
suke cikin majami’u a duk faɗin duniya, waɗanda kabilun nan 12 na
Isra’ila suka wakilta a zamanin Ikklisiya. (Ruya ta Yohanna 7:4-8, Matta
19:28). Zai zama shaida cewa dukan waɗanda aka bari a baya suna
ƙalƙashin shari’ar Allah.
Cikar (lamba 12) na dukan masu bi waɗanda suke mulki tare da
Kristi, zasu yi wa duniya da kuma Ikkilisiya sharia (kabilu 12, dubi Matta
19:28) da shike suna tare da Kristi har abada, kuma an hallaka duniya da
majami’u cikin ƙorama ta wuta har abada.
Yaƙin Armagaddon
54

Yaƙin Armagaddon da aka yi Magana a kai cikin Ruya ta Yohanna
shine yanzu muke bayani a kai. Mayaƙan masu bi na gaskiya da ke
zaune lafiya a lokacin tare da Kristi, ba ya shiga yaƙi na zahiri da
waɗanda basu da ceto. Sai dai za a ga gagarumar shaidar nan cewa
hakika sun sami ceto, a dukan duniya lokacin fyaucewa. Wannan zai
zama babbar shari’a, da hukunci a kan mayaƙan waɗanda ba su da ceto
da aka bari a baya a lokacin fyaucewa.
Maganar Allah kanta tana kawo hukunci a kan mai zunubi saboda
haka, kuma shaidar ceto a rayuwar waɗanda aka fyauce shine hukunci a
kan waɗanda basu da ceto. Mun karanta a cikin Ibraniyawa 11:7 cewa:.
Ta wurin bangaskiya Nuhu da aka faɗakad da shi a kan al’amuran
da ba a gani ba tukuna, domin tsoro mai ibada sai ya shirya jirgi
domin ceton gidansa ta wurin wannan fa ya kada duniya, ya
zama magajin adalci wanda ke bisa ga bangaskiya.
Da shike jirgin ya kare Nuhu daga hallaka lokacin da ruwan
Ɗufana ya sauko hukunci ne akan marasa ceto waɗanda suka hallaka a
cikin ruwa kamar yadda Maganar Allah da kanta ta kawo hukunci a kan
waɗanda suka saɓa mata.
Ta yaya mayaƙan marasa ceto zasu yi yaƙin Armageddon? Allah
ya ce a Joel 3:9-16:
Ku yi shelar wannan a wurin al’ummai ku yi shirin yaƙi ku kutta
jarumawa bari dukan mayaƙa su guso, su hau; ku bubbuga
garmunan ku a yi takubba da su lauzunan ku kuma ku yi masu
da su; bari rarrauna shi ce, ina da ƙarfi. Ku gaggauta, ku zo
dukan ku, al’ummai na kewaye ku tattaru; ya Ubangiji, ka sa
ƙarfafan ka su zo wurin. Bari al’umma su tashi tsaye, su hau
wurin kwarin Jehoshaphat gama can zan zamna garin yin shari’a
bisa dukan al’ummai na kewaye. Ku sa lauje, gama amfanin kaka
ya nuna ku zo ku taka, gama wurin matsewar ruwan anab ya
cika, randuna suna zuba gama muguntar su, tana da girma.
Babban taro, taron mai yawa cikin kwarin yankan shari’a gama
ranar Ubangiji ta kusa cikin kwari na yankan sharia. Rana da
wata sun dufunta, tamrari suna jan haskensu. Ubangiji za ya yi
ruri daga sihiyona, ya furtad da muryar sa daga sihiyona, ya
furtad da muryar sa daga Urushalima, Sammai da duniya zasu yi
rawa; amma Ubangiji za ya zama mataka ga mutanensa,
ƙaƙƙarfan wuri kuma ga yaƙin Isra’ila.
Kamar budurwai goma da aka yi maganarsu a Matta 25, waɗanda
suka falka lokacin da Angon (Kristi) ya zo, haka kuma a farkon ranar
shari’a, marasa ceto za su yi shiri su yi yaƙi da masu ceto. Yaƙinsu na
55

abban takaici ne matsanancin fushi yayin da suke yi wa Allah kuka da
cizon haƙoran su ga Allah domin barin su a baya.
Matta 7:22-23: A cikin wannan rana mutane da yawa za su ce
mani, Ubangiji, Ubangiji ba mu yi annabci da sunanka ba, da
sunanka kuma muna fitar da aljanu, da sunanka kuma muka yi
ayyuka da yawa masu iko sa’annan za su furta masu, ban taɓa
saninku ba daɗai, rabu da ni ku masu aikata mugunta.
Matta 8:11-12: kuma ina ce maku, mutane da yawa daga gabas
da yamma zasu zo, su zamna tare da Ibrahim, da Ishaku da
Yakub, cikin mulkin sammai amma za a fitar da ’ya’yan mulki
cikin baƙin duhu, can za a yi kuka da tamnar haƙora.
Matta 13:49-50: Hakanan kuma za ya zama cikin matuƙar
zamani malai’ku za su fito, su rarraba miyagu daga cikin masu
adalci, su jefa su cikin ɓuyar wuta, can za a yi kuka da cizon
haƙora.
Luka 13:26-28: Sa’annan za ku yi ta cewa, muka ci muka sha
wurinku, har ka yi koyaswa a cikin hanyoyinmu, shi ma za ya ce
ina faɗa maku dani ban san inda kuka fito ba, ku rabu da ni
dukan ku da ku ke masu aikata mugunta. Can za’a yi kuka da
cizon haƙora, lokacin da kun ga Ibrahim da Ishaku da Yakub da
dukan annabawa cikin mulkin Allah ku da kanku kuwa na fitar da
ku waje.
Ruya ta Yohanna 16:10-11: Na biyar kuma ya zubas da nasa
kasko bisa kursiyin bisani, mulkinsa kuwa ya duhunta, suka cije
harsunansu domin azaba. Kuma suka saɓa Allah na sama
saboda azabarsu da gyambunansu, ba su kwa tuba da ayyukansu
ba.
A ruya ta Yohanna 17:14 Allah ya yi Magana game da wannan
yaƙi, muka kuma karanta cewa:
Waɗannan kuma za su yi gaba da Ɗan Rago, Dan Rago kuma za
ya ci su gama shine Ubangijin iyayengiji, da Sarkin Sarakuna, su
kuma waɗanda ke tare da shi kirayayyu, zaɓaɓɓu, masu aminci
za su yi nasara.
An yi bayanin ƙarshen yaƙi, alal misali cikin Ruya ta Yohanna
19:19-21
56

Na ga bisan kuma da sarakuna na duniya, da rundunan yaƙinsu,
a tattare domin su yi yaƙi da wanda yake zamne bisa dokin, da
rundunansa kuma, aka kama bisan, tare da shi kuma mai ƙaryan
annabci, wanda ya kan aikata alamu a gabansa, irin da ya kan
ruɗe masu karɓan shaidar bisan da waɗanda ke sujada ga
gunkinsa aka jefa su biyu da rai cikin ƙorama ta wuta mai-ci da
kibiritu aka kashe sauran da takobi na wanda ya ke fitowa daga
bakinsa ke nan. Dukan tsuntsaye fa suka ƙoshi da namansu.
Mun koya da cewa ƙarshen yaƙin zai zama lokacin da Allah zai
hallaka dukan duniya.
Takaitawa
Yanzu za mu takaita abinda muka koya game da shirin shari’a na Allah
da yadda yake da dangataka da abubuwan da zasu faru na ƙarshen
zamani na wannan duniyar
1. Ra’ayin nan irin na al’ada da ke koyar da cewa ko wani marar
ceto zai tsaya a zahiri gaban Kristi a matsayin mai-shari’a, a
zartar da cewa shi mai laifi ne, a kuma yanke mashi
hukumcin shan baƙar azaba har abada a wani wurin da ake
kira jahanama, yana da rauni.
2. Zamanin Ikklisiya ya ƙare ranar 21 ga Mayu,1988. Lokaci na
gaba wanda yake kwanaki 8,400 daidai zai ƙare ranar 21 ga
Mayu, 2011. Ana kiransa lokacin tsanani.
3. An raba wannan lokaci na babban tsanani kashi biyu. Kashi
na farko ya fara ne daga 21 ga Mayu, 1988 zuwa 7 ga
Satumba, 1994. A wannan lokaci kusan babu wanda ya sami
ceto a duniya. Kashi na biyu kwanaki 6,100 ne kuma zai fara
daga 7 ga Satumba, 1994 zuwa 21 Mayu, 2011. A wannan
lokacin babu wanda zai sami ceto a cikin majami’u amma a
waje, ɗumbin jama’a mai girma suna samun ceto. Littafi Mai-
Tsarki ya jaddada cewa akwai da yawa da zasu sami ceto,
waɗanda suke da alaƙa da Isma’il, ɗan Ibrahim. Bugu da ƙari,
ya jadada cewa da dama daga cikin waɗanda daga ƙarshe ne
suka sami fahimtar Littafi Mai-Tsarki, za su riƙa zuwa cikin
mulkin Allah.
4. Duk kwanaki 8,400 na wannan lokaci na babban tsanani,
lokaci ne da Allah zai raba masu bi na gaskiya (zaɓaɓaɓu)
daga waɗanda suke cewa su masu bi ne, amma ba haka ba.
Allah yana rarrabewa ne ta wurin shirya waɗansu gwaje
gwaje, kamar yadda suke a cikin wannan tsarin.
a) Kowacce kalma daga ƙarshen da aka rubuta Littafi Mai-
Tsarki daga bakin Allah ne.
57

) Kowacce kalma a cikin Littafi Mai-Tsarki shari’ar Allah ce,
kuma yana da iko daidai da Allah kansa.
c) Ba da gaskiya aiki ne da muke yi, saboda haka ba wanda
zai bada gaskiya ta wannan hanya da cewa zai sami ceto.
Kristi ya kammala dukan aikin da mutum yake bukata
domin ya sami ceto da daɗewa kafin a haifi mutumin..
d) Ko da shike an kai kimanin shekaru 1,900 da rubuta
Littafi Mai-Tsarki, gama shi ba a ƙara waɗansu kalmomi a
kai. Ruhu Mai-Tsarki yana ƙara bayyana waɗansu
sababbin gaskiya masu girma a zamaninmu da muke
kusa da ƙarshen zamani.
e) Zamanin Ikklisiya ya shuɗe, Allah kuma ya umurci mutane
su bar majami’u. Shaiɗan yana mulki a can, kuma Allah
baya ceton mutane a cikin majami’u.
F) Yanzu Kristi ya bayyana cewa zai zo kamar ɓarawo da
dare.
g) Allah ya ba masu bi na gaskiya ainihin rana, da wata da
shekara da zai dawo domin faɗakar da duniya.
h) Allah ya ba masu bi na gaskiya sababbin bayanai daga
Littafi Mai-Tsarki game da shirin shari’ar Allah.
i) Allah yana ba duniya baki ɗaya ainihin lokacin ƙarshen
duniya domin su sami damar tuba su yi kuka ga Allah
domin neman jinƙai kamar yadda mutanen Nineveh suka
yi lokacin da Yunana ya faɗakar da su game da hukunci
mai zuwa. Waɗanda suke masu bi na gaskiya suna
damuwa da abin da Littafi Mai-Tsarki ya ke koyarwa. Suna
kuma ɗaukar shi a matsayin iyakacin ikon su. Za su duba
waɗannan koyaswar a hankali su kuma gaskanta da su.
Waɗanda kuma suka dogara ga majami’un su ko kuma
shaidar bangaskiyar majami’unsu, ko kuma tunanin
kansu, waɗannan koyaswar babban gwaji ne. Waɗanda
ba zaɓaɓɓu bane zuwa ga ceto za su sami babbar matsala
da su.
5. Babban tsananin zai kawo ga ƙarshe ranar 21 ga watan
Mayu, 2011 wanda kuma shine ranar da hukuncin da ake
kira “Ranar Ubangiji” zai faru. Ranar Hukunci zata ci gaba na
tsawon kwanaki 153, har zuwa 21 ga watan Octoba, 2011
lokacin da duniya zata ƙare.
6. Shirin ceto na Allah zai kawo ga ƙarshe ranar 21 ga watan
Mayu, 2011. A wannan ranar ne ɗauka zuwa sama
(fyaucewa) na dukan zaɓaɓɓu (cetattu na gaskiya) zata faru.
Za a tada jikunan waɗanda aka ceta zuwa jiki na ruhaniya
mai daraja. Nan da nan masu bi kuma da suke da rai a ranar
za su karɓi sabon jikin na ruhaniya, nan take, za a kuma
fyauce su zuwa sama su zauna tare da Kristi har abada.
58

7. Kusan mutane biliyan bakwai ne zasu kasance a duniya a
lokacin zasu kuma shaida fyaucewar masu bi na gaskiya. Za
a raba waɗanda aka bari a baya ruƙuni biyu. Kimanin kashi
ɗaya bisa ukunsu ko kuma biliyan biyu daga cikinsu, zasu
kasance ’yan Ikkilisiya ne. Suna da ɗan sanin gaskiyar Littafi
Mai-Tsarki sun gaskanta cewa su masu bi ne. Sauran kashin
zai ƙunshi sauran mutanen duniya da aka bari a baya.
8. Bayan wannan ranar 21 ga watan Mayu, 2011 ranar nan maiban
tsoro, ranakun da zasu biyo baya zasu kasance ne kamar
sauran ranaku a duk faɗin duniya za a ci gaba da harkokin
yau da kullum kamar yadda aka saba.
9. Sai dai a wannan ranar, za a yi babbar girgizar ƙasa yadda a
duk faɗin duniya, kabarbura da dukan maƙabartu zasu
buɗe. Jikunan mutanen da aka binne a wurin kuma za su
warwatsu a ƙasa. (sai dai jikuna masu bi na gaskiya domin,
za a sake jikunansu zuwa jiki mai daraja da za a fyauce).
10. Wannan girgizar ƙasar zata yi ɓarnar gaske a dukan duniya
wanda zai haddasa mahaukaciyar guguwa mai tafe da ruwa
ta tsunami, da zai lalata hanyoyin ruwa da na makamashi da
sauransu. Don haka za a yi alobai masu tsanani.
11. Wannan lokacin zai zama lokacin baƙin cikin gaske ga ’yan
Ikkilisiya. Sun yi tsammani cewa sune za a fyauce. Sai
kwatsam, suka gane cewa a bar su a baya suna kuma
ƙarƙashin cikakken fushin Allah. Daga nan zasu gane cewa
ba za su ji daɗin ci gaba da zama a duniyar nan ba. Abu mafi
muni kuma shine zasu sani cewa basu da rai madawami tare
da kiristi da kuma zama magadan sabuwar sama da sabuwar
duniya. Banda haka kuma, zasu kasance a cikin kunya mai
girma a idon wanɗanda ba su san komi ba game da
Littafi Mai-Tsarki, amma yanzu suka ga cewa addininsu na
kirista ƙarya ne da na riya. Fiye da haka, zasu sha babbar
kunya a gaban Allah da mulkoki da ikokin na sama. A gaban
Allah mutuwarsu zata kasance hukumcin kisa mai ban kunya
domin suna ƙalƙashin la’anar Allah. Zasu kuma sha tsanani
na jiki sakamakon annobar da zata faru a dukan duniya.
Dukansu zasu mutu (za a yi masu kisan wulakanci a
gaban Allah). Suma zasu mutu a ranar ko kuma kafin rana ta
ƙarshe 21 ga watan Octoba, 2011.
12. Sauran ruƙunin mutanen kuma waɗanda basu taɓa cewa su
masu bi bane, waɗanda kuma aka barsu a baya lokacin da
aka fyauce masu bi na gaskiya, zasu yi baƙin cikin sanin
cewa an katse masu hanzari a irin rayuwar farin ciki da begen
irin rayuwar da suke yi a nan duniya. Suma zasu jimre
babbar azaba ta jiki wanda zata faru ta dalilin annobar da
suke jimrewa. Suma zasu kunyata a gaban Allah da
59

mulkoki da ikoki na samaniya. Suma zasu mutu, ranar ko
kuma kafin ranar ƙarshe, 21 ga watan Octoba, 2011.
Mutuwar su ma zata zama hukumcin kisa na wulakanci da
kunya a idon Allah da mulkoki da ikokin samaniya.
13. A wannan lokaci na fyaucewa, dukan kaburbura zasu buɗe
dukan gawawaki da ƙasusuwa da toka da ƙura da dukan
abinda ya rage na mutanen dake cikinsu, waɗanda kuma ba
a fyauce ba, za a warwatsa kamar taki a duniya. Angulaye, da
karnuka da tsutsotsi za su ci jikunansu. Waɗannan mutanen
a lokacin mutuwar su, basu san nauyin bashin da suka biya a
kan zunubansu ba. An binne da dama daga cikinsu cikin
karamci da girmamawa, amma a gaban Allah mutuwar su
abin kunya ce. Yawancinsu sun gane cewa mutuwarsu zata
hana su murna da bege na wannan rayuwa, amma babu
wanda ya san girman hukunci da zasu biya domin rasa gadon
haihuwarsu na ɗan fari da gadon rai na har abada da sabuwar
sama da sabuwar duniya.
14. Ta wurin ya da jikunansu daga kaburbura, wata kunya ce
kuma da dole waɗannan mutanen zasu jimre, ko da shike da
dama daga cikinsu sun mutu da daɗewa ba tare da sun sani
ba, Allah ya jaddada kunyar zunubi ta wurin buɗe kaburbura
na waɗannan mutanen domin a ƙazanta gawarsu. An
kumyatar da gawawakinsu an kunyatar da su a gaban Allah
da gaban mulki da ikoki na sammai da gaban waɗanda aka
bari a baya waɗanda zasu ɗanɗana ranar shari’a. Kumyar da
zasu sha a gaban Allah da gaban halittun sammai zata
danganta ga irin sanin da suke da shi na dokar Allah.
15. A ƙarshen kwanaki 153 na baƙar azabar da ake kira ranar
shari’a (21 ga watan Mayu, 2011 zuwa 21 ga Octoba, 2011)
ƙarshen duniyan zai zo. Duniya da dukan ayyukan ta zasu
ƙone, za a hallaka duniya ma baki ɗaya. Ba za a sake tunawa
da shekaru 13,023 na tarihin duniya da dukan abinda ya faru
a cikinta ba.
16. Masu bi na gaskiya, da za’a fyauce su zasu rayu har abada a
cikin farin ciki da murna mai girma a matsayin amaryar Kristi
wanda zasu yi mulki tare da shi na har abada.
17. Hanyar da Allah ya saba sauko da hukunci ya kuma sa maizunubi
ya jimre hukuncin zunubi kamar yadda aka bayyana a
Littafi Mai-Tsarki, ita ce dokar Allah. Amma Allah ya yi amfani
da rayuwar masu bi na gaskiya ya zama hukunci ga masu
zunubi. Wannan zai zama gaskiya a ranar fyaucewa. Duk
masu bi da aka fyauce a idon ’yan Ikklisiya waɗanda aka bari
zai zama babbar shaida cewa Maganar Allah kamar yadda
waɗanda aka fyauce suke bi, gaskiya ce kuma abin amincewa.
60

Zata zama abin nuni a fili da kuma shaida cewa ’yan Ikkilisiya
da sauran da aka bari a baya, basu yi biyayya da Maganar
Allah ba.
Irin fahimtar shirin shari’ar Allah kamar yadda aka saba bisa
al’ada, wanda yake koyas da cewa masu zunubi zasu kasance a wani
wuri da ake kira, jahannama, suna wahala mai tsanani ya saɓawa
koyarwar Littafi Mai-Tsarki.
Kowanne Ido Zai Ganshi
Kimanin shekaru 2,000 da suka wuce Ubangijinmu Yesu Kristi da kansa
ya zo duniyar nan. Ya zo a cikin jiki a matsayin Ɗan Allah da kuma Ɗan
Mutum. Dubban mutane a ƙasar Isra’ila sun sami damar ganinsa a cikin
shekarun nan kusan 40. Daga nan ya koma sama amma yayi alkawari zai
sake dawowa. A wannan lokacin ya koma sama, mala’iku biyu suka gaya
wa manzani kamar yadda muka karanta a cikin Ayyukan Manzani 1:11:
...Ku mazajen Galili don me kuke tsaye kuna duba zuwa sama,
wannan Yesu wanda aka ɗauke shi daga wurinku aka karɓe shi
sama, kamar yadda kuka ga tafiyatasa zuwa cikin sama, haka nan
zashi dawo.
Dawowa “Haka nan” magana ce mai faɗi. Zai iya nufin zai sake
dawowa kamar yadda ya tafi sama. Lokacin da ya zo da farko. Ya zo a
matsayin Ɗan Allah, da kuma Ɗan mutum. “Haka nan kuma” na iya
zama, misali, cewa zai sake dawowa a matsayin ɗan Allah amma cikin
babbar ɗaukaka. Tilas ne mu bincike Littafi Mai-Tsarki mu ƙara koya
game da ranar nan mai- ban tsoro. Dadowar Ubangiji Yesu Kristi ta
biyu.
Mun rigaya mun koya cewa tilas ne lokacin dawowar Yesu Kristi
ta biyu, ya zo daidai da lokacin fyaucewa, wadda ta zo daidai da rana ta
fari na kwanaki 153 na ranar shari’ar. Ranar ita ce 21 ga watan Mayu,
2011. A wannan ranar, kabarbura za su buɗe, za a kuma tashi dukan
gawawakin waɗanda cikin jikunan ruhaniya na ɗaukaka. Banda haka
kuma za a watsar da gawarwakin da ƙasusuwa da sauransu na dukan
waɗanda basu da ceto a ƙasa a matsayin juji. Za a canza jikunan
waɗanda har yanzu suke da rai, kuma masu bi ne na gaskiya nan da nan
zuwa jikuna na samaniya a kuma fyauce su a sararin samaniya a fuskar
waɗanda aka barsu a baya. Hakika kusan mutane biliyan 61/2 waɗanda
aka bari a baya, zasu san cewa Yesu ya zo, kuma zamu iya tabbatar da
cewa lokacin fyaucewar kowa zai ga Yesu a lokacin dawowarshi ta biyu.
Ta haka, zamu tabbatar da cewa zuwa dawowar Kristi, lokacin da
kowanne ido zai gan shi, yayi daidai da fyaucewar. Dalili ke nan da ya sa
zai zo tare da “gajimare” (Ruya ta Yohanna 1:7) tare da gajimare yana
61

nuna cewa ya zo ne domin ya yi hukunci. Ka tuna, ranar fyaucewar ita ce
kuma rana ta fari ta kwanaki 153 na ranar shari’a.
Sai dai, babu wani wuri a cikin Littafi Mai-Tsarki da ya koyar da
cewa a ranar fyaucewa, marasa ceto a duniya zasu ga Yesu ido da ido
zahiri. Duk da haka Ruya ta Yohanna 1:7 ya ce “Kowane ido kuma za ya
gan shi”.
An warware wannan matalar misali a Yohanna 1:51 inda muka
karanta cewa Yesu gaya wa:
Yace masa kuma, hakika, hakika ina ce maku zaku ga sama a
buɗe mala’ikun Allah kuma suna hawa suna sabka bisa Ɗan
Mutum.
Mun karanta a cikin Littafi Mai-Tsarki cewa Natanayilu ya ga
sama ta buɗe mala’iku kuma suna hawa suna sauka daga sama zuwa
wurin Yesu da ido ƙuru ƙuru? Hakika Littafi Mai-Tsarki bai faɗi wani abu
kamar haka ba. Amma idan muka tuna cewa za a iya fassara kalmar nan
“mala’ika” da “manzo” kuma duk mai bi na gaskiya manzo ne na
“Bishara”, da haka mun san abinda ya kamata Natanayilu ya gani.
Yayinda mutane suka sami ceto, an sa su hau cikin samaniya ta fuskar
ruhaniya cikin Kristi Yesu (Afisawa 2:6). Watau a lokacin da muka sami
ceto, mu na sama tare da Kristi cikin ruhaniya domin an bamu sababbin
jikuna na fyaucewa. Nan take zamu shiga sama domin abinda Yesu yayi
domin mu. Saboda haka tilas ne mu shiga aiki a duniyar nan mu zama
wakilan Kristi a nan duniya.
Watau, Yesu yana gaya wa Natanayilu cewa za ya ga mutane suna
samun ceto, kuma Kristi zai yi amfani da su domin shaida Bishara. Mun
ga wannan ra’ayin na ganin Kiristi nan gaba ta wajen zama shaidun
abinda Kristi yake yi yanzu, a cikin abinda Almasihu ya gaya wa mugun
babban Limamin nan, Kefas a Matta 26:63-64, inda muka karanta cewa:
Amma Yesu yayi shiru, babban malami fa ya ce masa, na gama ka
da Allah mai rai, ka faɗa mana, ko kai Kristi ne, Ɗan Allah. Yesu
ya ce masa ka faɗi, amma ina ce maku gaban nan za ku ga Ɗan
Mutum a zamne a hannun daman mulki yana zuwa kuma bisa
giza-gizan sama.
Kefas ya mutu shekaru 2,000 da suka wuce ba kuma zai ƙara
rayuwa ba, Kefas ya ga Yesu a kan giciye kuma ya kuma sani cewa Yesu
ya tashi daga mattatu. Yana da kyakkyawan sanin Littafi Mai-Tsarki na
zamaninsa (Tsohon Alkawari), ya san cewa Yesu ya cika dukan kai’dojin
zama Mai-Ceto. A matsayinsa na babban Limami ya kamata Kefas ya san
Zabura 16:10 inda muka karanta cewa:
62

Gama ba zaka bar raina ga lahira ba, ba kuwa zaka bar mai
tsarkinka shi ga ruɓa ba.
Ka duba Matta 27:62-66, Matta 28:11-15 da Daniel 7:13-14.
Abubuwa da yawa na allahntaka suna faruwa a lokacin giciye.
Abubuwan da suka yi daidai da annabcin Littafi Mai-Tsarki. Babu shakka
Kayafa, babban Firist yana sane da annabce annabce da ke cikin Tsohon
Alkawari dangane da zuwan Mai-Ceto, saboda haka ya kamata ya san
cewa Yesu Kristi ne wanda yake zuwa a matsayin babban mai-mulki na
duniya wanda kuma zai kammala shirin shari’a duka.
Bari mu koma kan annabcin nan cewa kowanne ido zai ga Yesu,
za mu san wannan manyan abubuwan da zasu faru a lokacin fyaucewa,
da kuma abubuwan da suka sa kaburbura suka buɗe zasu sa kowanne
mutum ya san cewa Kristi ya zo. Ya yiwu ya zo domin ya kamalla ceton
masu bi, ya yiwu kuma ya zo domin ya kammala hukuncin a kan
waɗanda basu da ceto.
Domin muhimancin ranar fyaucewa, yanzu za mu bincike
waɗansu wurare da suka yi magana da cewa kowa zai ga zuwan Yesu. Za
mu bincike Matta. 24:27-31 inda muka karanta cewa:
Gama kamar yadda walƙiya ta kan fito daga gabas ana kuwa
ganinta har yamma; hakanan bayanuwar ɗan mutum zata zama
inda gawa ta ke duka can angulai zasu taru. Amma nan da nan
bayan ƙuncin waɗannan kwanaki, rana zata yi dufu, wata ba
zaya bada hasken sa ba, tamraru za su faɗo daga sama, ikokin
sammai za su raurawa; sa’anan dama ta ɗan mutum zata
bayanna a sama. Sa’anan kuma dukan kabilun duniya za su yi
baƙin ciki, za su kuwa ga Ɗan Mutum yana zuwa a bisa gizagizai
na sama tare da iko da ɗaukaka mai girma. Zai kuma aika da
mala’ikunsa su kuma za su tattara zaɓaɓɓunsu daga kusurwoyi
huɗu, daga wannan iyakar sama zuwa waccan.
Waɗannan ayoyin sun koya a fili cewa zuwan Kristi zai kasance a
dukan duniya. Watau, za a ga shaidar cewa za a ganshi a ko’ina cikin
duniya. Gaskiyar cewa kabilun duniya suna makoki (aya 30) yayi daidai
da magana kamar, ‘‘kuka da cizon haƙora” da muka samu a waɗansu a
cikin Litafi Mai-Tsarki. Babu shakka dukan abinda ayoyin nan ke faɗa
sun yi daidai da abinda muka koya game da ranar fyaucewa.
Amma mene ne ya sa aka sa aya 28 a cikin wannan nassin? Yana
koyas da cewa akwai gawawaki da zai tara gaggafa. Bisa ga dukan alamu
waɗannan gaggafa sun zo ne domin su ci naman gawawakin da aka
fidda daga kuburbura. Kasancewa gawawakin yana koya mana a fili cewa
lokacin da Littafi Mai-Tsarki yayi Magana game da tashin mattatu na
masu adalci da marasa adalci, babu shakka ba wai yana nufin cewa za a
tada marasa ceto zuwa rai da zasu san ainihin abinda ke faruwa bane. A
63

maimakon haka, yana koya cewa za a tada marasa ceto (jefad da su daga
kaburbura) domin a wulankanta su. Za a kuma kumyatar da su a gaban
Allah da dukan halittun sama.
Kumyar da mutum zai sha a gaban Allah ta danganta ga zurfin
sanin Maganar Allah da mutumin yake da shi. Wannan yana daga cikin
hukuncin da za a yi masa. Dalili ke nan da yasa Yesu yace Kafarnahun
birnin da Yesu yayi aikin al’ajibi na lokaci mai tsawo, amma babu wanda
ya sami ceto, zai fuskanci hukuncin fiye da Sodom. Sodom Maganar
Allah kaɗan ne kawai ta sani. Mun karanta a Matta. 11:23-24. cewa:
Ya Kafarnahum, kuma ɗaukakar ki har sama za a yi? Hades za ki
gama da cikin saduma aka yi ayyukan masu iko waɗanda aka yi
cikinki, da ta wanzu har yau. Amma in ace maki a cikin ranar
shari’a ƙasar saduma tana da rangwami bisa gareki.
Hakanan, mai wa’azi da bashi da ceto, ko malamin Litafi Mai-
Tsarki yana kuma da rai a ranar shari’a gwargwadon sannin Litafi Mai-
Tsarki da yake da shi, haka kumyar da zai sha zata kasance a gaban
Allah da duniya, da kuma gawa lokacin da ya mutu a matsayin hukuncin
da za a yi mashi.
Wani nassi kuma da ya kamata mu duba shine Luka 17:36-37
inda muka karanta cewa:
Mutum biyu zasu kasance a gona, za a ɗauki ɗayan a bar ɗayan:
suka amsa suka ce masa, a wanne wuri Ubangiji? Ya ce masu,
inda gawa ta ke nan angulai kuma za su tattaru.
Mutum biyu suna gona. An ɗauke ɗayan. Shi ne mai bi na
gaskiya, an kuma fyauce shi zuwa sama ya zauna tare da Kristi. Mutumi
ɗayan ba shi da ceto, saboda haka aka barshi. Tambayar kuma ita ce, a
ina aka barshi? Amsa ita ce an barshi inda jikin ya ke, gaggafa kuma
suka taru. Idan Liffai Mai-Tsarki yayi Magana a kan
gaggafa”(ɗaya/mufuraɗi), yana Magana ne a kan hukuncin Allah mai
zuwa ko kuma ƙaunar Allah ta tausayi ga mutanensa. (Kubarwa Shari’a
33:11). Amma idan kalmar nan “gaggafa” jam’i ce, ana amfani da ita ne
domin nuna cewa suna ci kamar angulai ko buzuzu a kan gawa (Matta
24:28). Saboda haka, za mu gane cewa waɗanda aka bari a baya a
lokacin fyaucewa ma’abutan gawayen ne da aka fitar daga kabarbaru.
64

Sura Ta Shida
Masarautar Da Aka Ƙirƙiro Domin Nuna Ɗaukaka
Da Hikimar Kristi.
Muna binciken Litafi Mai-Tsarki da himma domin mu san ainihin
shirin Allah na sharia. Amma akwai tambaya mai muhimanci da bamu yi
ƙoƙarin amsawa ba. Amma kuwa tambaya ce mai muhimmanci da ya
zama tilas mu bincike Litafi Mai-Tsarki mu ga yadda ta bada amsa.
Tambayar itace mene ne NUFIN ALLAH NA HALLITAR DUNIYA KUMA
BAYAN SHEKARU 13, 023 YA HALLAKATA? Kafin mu fara neman amsar
wannan tambaya mai muhimmanci, ya kamata mu koyi abin da Allah ya
ce game da mulkoki da ikkokin da ya hallita a sama, saboda, zamu duba
waɗannan ayoyin.
Kolossiyawa 1:16 Gama a cikinsa aka hallita dukan abu cikin
sammai da bisa duniya kuma, abubuwa masu ganuwa da
abubuwa marasa ganuwa, ko kursiyai ko sarauta ko mulkoki ko
ikoki dukan abu ta wurinsa aka hallita su dominsa kuma.
Afisawa 3:10 Domin yanzu ta wurin Ikklisiya hikima iri iri ta
Allah ta samu ga sarautai da ikoki cikin sammai.
Litafi Mai-Tsarki ya sake Magana game da sarautai da ikoki
masu zuwa a Afisawa 1:21.
Gaba nesa da dukan sarauta, da hukuncin da iko, da mulki, da
kowane suna wanda a ke ambatonsa, ba cikin wannan zamani
kaɗai ba, amma cikin zamani mai zuwa kuma.
Har ila yau akwai ayoyi kima da suka yi magana game da sarauta
da suke da dangantaka da mulkin mutum a duniya da mulki shaiɗan a
duniya.
Romawa 8:38 Gama na kawas da shakka, ba mutuwa, ba rai, ba
mala’iku, ba sarautai, ba al’amuran yanzu, ba al’amuran na zuwa,
ba ikoki.
Afisawa 6:12 Gama kokuwarmu ba da nama da jini take ba,
amma da mulkokin da ikoki da mahukuntan wannan zamani mai
duhu, da rundunai masu ruhaniya na mugunta cikin sammai.
Kolosiyawa 2:15 Bayanda ya tuɓe ma kansa mulkoki da ikoki, ya
nuna su a sarari, yana kirari a bisansu cikin wannan.
65

Titus 3:1 Ka tuna masu su yi biyayya ga mahukunta, ga masu
iko, su ji Magana su zama shiryayyu ga kowane kyakkyawan aiki.
Afisawa 6:12 ya yi amfani da kalmar nan ‘‘cikin sammai’’ domin
yana nufin membobin Ikklisiya suna ƙoƙarin bauta wa Allah, dukan
zamanin Ikklisiya, yayin da suke ƙalƙashin ikon shaiɗan. Lokacin da
muke sake duba waɗannan ayoyi ya bayyana a fili cewa, Allah ya kafa
mulki da ikoki na sammai waɗanda suke cikin cikar mulkin Allah na
sama. Ba haka yake ba a da, amma zai ci gaba a nan gaba (Afisawa
1:21).
Idan muna binciken Litafi Mai-Tsarki domin mu san abin da
waɗannan mulkoki da suka taru suka zama mulkin Allah gaba ɗaya zasu
yi, zamu sa ran ganin waɗannan:
1. Allah ne, kaɗai maɗaukakin sarkin kowanne mulkoki da suka
shafi mulkin Allah. (Afisawa 1:19-23).
2. Manufar kowanne ɗan mulkin Allah shine ya ɗaukaka Allah.
3. Zunubi bai shafi mulkin Allah ba saboda haka bashi da wuri
a cikin waɗannan mulkoki.
4. ‘Ya’yan mulkin Allah ba sa aure basu auraswa (matta 22:30)
5. Mulkin Allah mulki ne na har abada kuma ba za a taɓa
hallaka shi ba (Daniel 6:26).
Bayan mun koyi waɗansu daga cikin muhimman abubuwa da aka
gina mulkin Allah a kai, mu kan dubi mulkin Allah da mamaki kamar
yadda a ke samu a duniya. Ya yi kamar ya saɓawa yadda ya kamata
ikokin da Allah zai yi mulki a kai su kasance.
Idan muka duba wannan mulkin a hankali, da yake da nasaba da
duniya, mun ga cewa da farko, muna ganin waɗansu abubuwan na ba
saban ba da suka saɓawa tunanin da muke da shi game da mulkin
Allah. Na farko, lokacin da Allah ya halicci wannan duniyar mai kyau, ya
sa a cikinta gonar Adnin. Mene ne ya sa Allah zai yi haka? Gona (Gonar
Adnin) a cikin duniyar da ke nuna lokacin da mulkin Allah (wanda gonar
adnin ke wakilta), zai kasance a duniya mai-zunubi.
Na biyu mene ne ya sa Allah da ya halicci wannan duniyar yake
bukatar a yi Aure da auraswa? Wannan zai kawo ƙaruwar ’yan adam,
yadda za a sami biliyoyin mutane da za su harbu da zunubi domin
dukansu suna cikin jikin Adamu.
Na uku, da shike Allah ya san tunanin zuciya kafin marmarin
aikata zunubi ya haɓaka (Ibraniyawa 4:12). Zai san burin mala’ikan nan
Lucifer na zama sarki (Ishaya 14:13-14). Mene ne ya sa ya ba Lucifer
damar shiga gonar Adnin?
Daga ƙarshe, mene ne ya sa Allah, a cikin wannan sabuwar
duniya marar aibi, ya ba bishiyar suna mai rikitarwa “Itace na sanin
nagarta da mugunta”, ya kuma bari Adamu da Hawa’u suka san da shi ta
66

wurin umurtar su kada su ci daga gare shi, ya kuma sa Lucifer ya san da
shi, da kuma umurnin nan? Amsar tana samuwa a abinda Allah ya faɗi
cikin Afisawa 3:10.
Domin yanzu ta wurin Ikkilisiya hikima iri iri ta Allah ta samu ga
sarautai da ikoki cikin sammai.
A cikin wannan aya Allah ya nuna mana cewa a dukan zamanai da
suka wuce, Allah ya halicci tsare tsare daban daban na sammai. Wannan
tsarin zai yi aiki na tsawon shekaru 13,023 zai zama abin kallo wanda
zai nuna hikima da ɗaukakar Ubangiji Yesu Kristi.
Domin cimma wannan, Allah ya halicci wata cibiyar samaniya
shekaru 13,000 da suka wuce, ita ce duniyar mu. Wata cibiya ce ta
dabam domin zata kasance da mutane a cikinta da suke aure da kuma
haifar ’ya’ya. Duk da haka, nufin Allah ne cewa wannan cibiyar da ta fara
da mutane biyu, Adamu da Hauwa’u, zasu girma su zama biliyoyin
mutane. Dabam take domin ta faɗa ƙarƙashin la’anar Allah domin
zunubi yana mulki a ko ina. Ya banbanta domin an nuna shi a fili ga
sauran tsari na sammai da Allah ya halitta tun zamanin zamanai. Ya
banbanta domin Allah ya bayyana rana, da wata, da shekarar da zata
shuɗe. Ya banbanta domin karshensa, za a ɗauki mazaunan cikinta
miliyan 200, zuwa sama a matsayin amaryar Kristi su yi mulki da Kristi
na har abada abadin.
Ya banbanta kuma domin yawancin tsawon shekarunsa yana
ƙarƙashin mulkin wani mugun mala’ika da ya faɗi mai suna Lucifer ko
shaiɗan. Bisa ga dokan mallaka, Lucifer yayi nasara bisa ’yan adam ta
wurin samun Hauwa’u da farko, da kuma Adamu su yi wa Allah rashin
biyayya. Bisa ga namu hukuncin, ya kamata da Allah ya hallaka shaiɗan
nan take domin wannan mummunan abin da ya aikata. Amma Allah ya
barshi ya zama mai mulkin duniya da abinda ke cikinta na tsawon
shekaru 11,000 na kasancewarta. A cikin irin wannan duniyar ne Allah
ya fara gina mulkin Allah a duniya.
Dukan waɗannan tambayoyin da bayanan suna da mana’a domin
Kristi shine Ɗan Ragon da aka yanka kafin kafawar duniya. Wannan ya
tabbatar mana da cewa Allah ya zaiyana mulkokin wannan duniya da
sanin cewa zata zama mulkoki na zunubi. Zata zama kuma an tsarata ta
zama mulki wanda yayi dabam da waɗanda Allah ya halitta tun zamanin
zamanai.
Amma mene ne ya sa? Mene ne ya sa aka halicce shi dabam da
sauran mulkokin, da ikoki na cikin sammai?
Abu mai-muhimmanci shine, mala’iku da dama sun haɗa baki da
Lucifer lokacin da yake ƙulla maƙarƙashiyar zama sarki. Ta haka
ƙarƙashin la’anar Allah, suka zama aljanu, ko kuma shaiɗan ko kuma
muggan ruhohi (Yahuda 6). Sai dai babu wani bayani a Littafi Mai Tsarki
game da yiwa Allah tayaswa, sai wannan kaɗai, domin haka yana nuna
67

cewa Allah ya bari wannan ya faru domin ya yaɗa nufin Allah ga wannan
duniyar.
Kasancewar Allah ya sa Lucifer a cikin Gonar Adnin, tun kafin
shaiɗan da kansa ya san yana da burin zama sarki zuciyarsa. Ishaya
14:13-14 da Ibraniyawa 4:13), irin hanyar da Allah yake amfani da
miyagu waɗansu lokatai wajen cimma manufarsa. Misalai guda biyu sune
na Nebuchanezzar sarki Babila da ’yan’uwan goma da suka sayar da
Yusufu zuwa bauta (Farawa 50:15, 20).
Allah ya sani sarai cewa biliyoyin mutane tsatson Adamu ne
(Ibraniyawa 7:9-10, Korintiyawa I 15:22). Za a yankewa dukan waɗannan
biliyoyin mutanen hukumcin mutuwa lokacin da Adamu ya yi wa Allah
tawaye, amma Allah ya riga ya yi tanadin ceton mutane miliyan 200.
Domin cimma wannan manufa, da farko Allah ya shirya littattafai biyu.
Littafi na farko ya ambaci dukan wanda zai fito daga zuriyar Adamu.
Littafi na biyu da ake kira littafin rai na Ɗan Ragon, yana da sunaye
miliyan 200 a ciki. Allah ne da kansa zai ceci waɗannan mutanen a
matsayin Mai-Cetonsu. An ɗorawa Allah da kansa, a matsayin na
Ubangiji Yesu Kristi dukan zunuban waɗannan mutanen miliyan 200.
Kuma kasancewa an same shi da laifin waɗannan zunubai, an yanke
mashi hukumcin mutuwar wulakanci a madadin waɗannan mutanen.
Shine Ɗan Ragon da aka yanka tun kafuwar duniya. Alal hakika wannan
mummunar hukunci ya sauko a kan Kristi kafin a halicci wannan duniya.
Mun karanta a cikin IBitrus 1:20 cewa:
Wanda aka rigaya saninsa lallai gaban kafuwar duniya, amma a
ƙarshen zamani ya bayyana sabili da ku.
Mun kuma karanta a Matta 25:34 cewa:
Sa’annan shi Sarkin za ya ce ma waɗannan da ke hannun
damansa, ku zo ku masu albarka na ubana ku gaji mulkin da an
shirya dominku tun kafuwar duniya.
A Timothawus II 1:9-10 kuma, mun karanta cewa:
Wanda ya cecemu, ya kiraye mu kuma da kira mai-tsarki ba
gwargwadon ayyukan mu ba, amma bisa ga nasa nufin da alheri
wanda aka bamu cikin Kristi Yesu tun gaban madawaman
zamani, amma yanzu ya bayyana ta wurin bayanuwar Mai-Ceton
mu Kristi Yesu, wanda ya kawas da mutuwa ya haskaka rai da
dauwama ta wurin bishara.
Ka duba Ibraniyawa 4:3.
Jahannama tana nufin a mutu. A mutu kuma yana nufin rai ya
tafi har abada. Misali a cikin Zabura 16:10, Yesu yace:
68

Gama ba zaka bar raina ga lahira ba ba kwa zaka bar maitsarkinka
shi ga ruba ba.
Domin ya yi nasara bisa jahannama ransa ya tashi daga mattatu.
An tabbatar da wannan a Romawa 1:4 inda muka karanta cewa:
Aka aiyana shi Ɗan Allah da Iko ta wurin Ruhu Mai-Tsarki bisa
ga tashi daga mattatu shi Yesu Kristi Ubangijinmu.
Wannan aya tana kuma koya mana cewa za a kira Kristi Ɗan
Allah ne kawai domin ya tashi daga kabari (Jahannama). Kristi ba shi da
farko, shi Allah madawammi ne tun fil azal. An jadada wannan game da
Allah bisa ga abinda Allah ya ce a cikin Yohanna 3:16 ‘‘... ya bada dansa
haifaffe shi kaɗai”. Haifaffe yana nufin yana da farko ta yaya Allah zai yi
magana cewa Kristi yana da farko?. Yana da farko da shike ya mutu ya
kuma rayu. Ta haka, tunda ya tashi daga mattatu, za a kira shi Ɗan
Allah. Ko da shi Kristi, Allah Madawammi ne, kafin ya halicci wannan
duniyar, tilas ne ya tashi daga matattu. An tabbatar da wannan a
Ibraniyawa 1:2.
Ƙarshen waɗannan kwanaki ya yi mana magana cikin Ɗansa
wanda ya sanya magajin abu duka, wanda kuma ya yi duniya ta
wurinsa.
Wannan kuma ya tabbatar da cewa an biya cikakken bashin
zunuban zaɓɓaɓu kafin a halicci duniya.
Saboda haka, ya yiwu a yi tambaya cewa: ‘‘Dole ne Kristi ya mutu
sau biyu domin ya biya cikakken bashin zunubanmu? Ka tuna da misalin
nan na tarihi a Fitowa 17:6:
Ga shi zan tsaya a gabanka can bisa Pa cikin Horeb, za ka bugi
Pa, ruwa kwa za ya fito daga cikinsa domin mutane su sha. Musa
kwa yayi haka nan a idanun dattiɓai na Isra’ila.
Pa ɗin yana wakiltan Kristi. Musa yana wakiltar dokar Allah. Ruwa
yana wakiltar bisharar ceto wadda take samuwa domin an hukunta Kristi
sabili da a cika ka’idar shari’a. A wannan karatun mun ga cewa Musa ya
buga Kristi Dutse, sau ɗaya, shari’a, da kuma ruwan (ceto) suka ɓulɓulo
daga dutsen.
Sai dai, a cikin Littafin Lissafi 20:10-11, Musa ya buga dutse sau
biyu ruwa kuma ya fito. Amma ta haka, Musa ya yi fiye da abin da Allah
ya umurce shi yayi, saboda haka aka hana Musa damar jagorancin
’ya’yan Isra’ila su ƙetare kogin Urdun zuwa ƙasar alkawari.
Watau, an buga dutsen sau biyu yayinda abinda ake bukata kawai
shine a buga sau ɗaya. An hukunta Yesu sau biyu, ko da shike abinda
69

ake bukata kawai domin cikakken biyan bashin zunubanmu shi ne
hukumci sau ɗaya kawai.
Saboda haka, muna da tabbacin cewa lokaci na biyu da aka hukunta shi
sa’adda yake kan giciye ba domin biyan bashin zunubi ba ne. Kamar
yadda muke koyo, manuni ne na yadda ya biya bashin zunubanmu kafin
halittar wannan duniya.
Zaɓaɓɓu: Mutane Miliyan 200
Abin mamaki, Allah cikin hikimarsa ya bamu yawan mutanen da
ya zaɓa domin su sami ceto.
Zamu hakikance da cewa adadin mutanen da Allah ya yi shirin
ceto, miliyan 200 ne. Wannan ya haɗa da waɗanda za’a fyauce ranar 12
ga watan Mayu, 2011. A wannan ranar za a tashi jikin kowane mai-bi na
gaskiya wanda ya rayu kuma daga baya ya mutu, zuwa sama ya zauna
tare da Kristi. Haka kuma a wannan lokacin za a ba kowanne mai bi na
gaskiya da yake da rai madawammin jiki rayayye a kuma fyauce shi
ɗungum zuwa sama.
A cikin Ruya ta Yohanna 9:14 an ambce su (masu bi na gaskiya) a
matsayin mala’iku huɗu da aka ɗaure a bakin babban kogin Affaratis.
Yayin da kogin Affaratis yake gudana ta Babila, a cikin Littafi Mai-Tsarki,
Allah yakan kamanta shi da ƙasar Alkawari, kasar Isra’ila (Farawa 15:18;
Kubawar Shari’a 1:7, 11, 24; Joshua 1:4 da sauransu). Kogin ne ya nuna
nisan girman mulkin Allah wanda aka kamanta da ƙasar Isra’ila.
Ana kwatanta dukan zaɓaɓɓu wato, waɗanda za’a fyauce, da
mulkin Allah amma an ɗaure su a gefen (kogin Affaratis) na mulkin Allah
amma gaɓar (kogin affaratis) na mulkin Allah ya yi masu iyaka. Haka ta
faru ne domin ana danganta su da mulkin Allah lokacin da ceton su ya
zama cikakke a lokacin da suka karɓi rayayyun jikunansu. Ana kiran su
mala’iku huɗu ko kuma manzanni huɗu, domin lambar nan huɗu tana
nuna cika. Lambar nan huɗu tana jaddada cewa za’a same su a cikin
dukan duniya kuma ya haɗa har da mutun na ƙarshe da ya sami ceto.
Tilas ne mu koya mu kuma fahimci cewa wannan babban gwaji
na ɗaukaka da hikimar Allah zai kasance har abada, saboda ba zai sake
faruwa ba. Mun karanta a cikin Ruya ta Yohanna 1:18.
Ni ne mai rai, na mutu ga shi kuwa ina da rai har abada, ina
kuwa da maɓulɓulai na mutuwa da na kabari.
Kalmar nan “Ina da rai har abada” ya bada tabbacin cewa wannan
abin ba zai sake faruwa ba.
An bada lambar nan miliyan 200 sau biyu. Lambar da aka bayar
a cikin Ruya ta Yohanna 9:16 ita ce ‘‘zambar miliyan dubu maitan’’
(miliyan 200). Daga baya kuma Littafi Mai-Tsarki yace... kuma na ji
70

“lissafin su”. Wannan maganar tana tabbatar mana da cewa Allah ne ya
kafa shi kuma zai cika ba da daɗewa ba Farawa 41:32.
Sun hau kan dawakai, ta haka aka danganta su da rundunan
sama da aka misalta a Ruya ta Yohanna 19:11-16 inda muka karanta
cewa:
Sai na ga sama a buɗe ga kuma wani farin doki da mahayansa
ana ce da shi mai aminci da mai-gaskiya, cikin adalci kuwa yake
yin shari’a da yaƙi kuma. Idanunsa harshen wuta ne, bisa kansa
kuma da kambin sarauta masu-yawa, yana kuwa da suna a
rubuce wanda ba mai saninsa sai shi da kansa. Yana yafe da
kuma riga yayyafafiya da jini, sunansa kuma kalmar |Allah ne.
Rudunan yaƙi kuwa waɗanda ke cikin sama suka bi shi bisa
fararen dawakai, suna yafe da linin mai labshi, fari fat, maitsabta
kuwa. Daga cikin bakin sa kuma takobi mai- kaifi yana
fitowa, domin shi bubbuga al’ummai da shi, za ya mallake su
kuma da sanda ta ƙarfe. Yana kuwa taka wurin matsewar ruwan
anab na zafin hasalar Allah mai-iko duka. A bisa riga tasa da
bisa cinya tasa kuma yana da suna a rubuce SARKIN SARAKUNA,
DA UBANGIJIN IYAYENGIJI.”
Allah ya bayyana cewa suna maida hankali kan sulusin ’yan
Adam, kamar yadda muka karanta a cikin Ruya Ta Yohanna 9;15:
Sai aka saki mala’ikun nan huɗu, waɗanda aka tanada saboda
wannan shekara, su kashe sulusin ’yan adam.
A cikin Littafi Mai-Tsarki sulusin ’yan adam yana magana ne a
kan masu bi na gaskiya, waɗanda ake samu musamman a cikin Ikkilisiya
duk faɗin duniya Mun karanta a kansu cikin Zakariya 13: 9:
Zan kuma ratsad da kashin nan na uku cikin wuta, in tsarkake
azurfa, in nuna su kamar yadda ake auna zinariya. Za su kira
sunana, ni kwa zan ji su, zan ce mutane na ne su kuma za su ce
Ubangiji Allah ne.
Amma da shike nan da nan majami’u suka ridda Allah yayi
magana a kansu musamman a cikin littafin Ruya ta Yohanna a matsayin
sulusin da Allah zai hallaka.
Allah yana sa mutane ƙarƙashin fushin Allah, a lokacin da suka
karya dokarsa. Karya dokar Allah tana yankewa mutane hukuncin
mutuwa. Amma kuma akwai hukunci ga dukan waɗanda suke cewa suna
biyayya ga Littafi Mai-Tsarki. Zai tabbatar da cewa basu yin biyayya da
shike ba a fyauce su ba. Sune sulusin na ’yan adam. Ta haka aka
71

ayyana waɗanda ba a fyauce su ba, kamar yadda muka karanta a cikin
Ruya ta Yohanna 9:17-18:
Ga kuwa yadda na ga dawakan a wahayin da aka yi mani,
mahayansu suna saye da sulkuna, launinsu ja kamar wuta, da
shuɗi, da kuma rawaya kamar farar wuta, kawunan dawakan
kuma kamar na zaki, wuta kuma da hayaƙi da farar wuta suna
fita daga bakinsu.
Za a sake kashe waɗanda suke cewa su masu bi na gaskiya ne,
amma aka barsu a baya a lokacin fyaucewa kasancewan suna jimre
fushin Allah kamar yadda yake saukowa a ranar shari’a. Ga abinda Allah
ya ke koyarwa a cikin waɗannan ayoyin.
Matta 12:41-42 Nawiyawa za su tashi tsaye a ranar shari’a tare
da wannan tsara zasu kwa kashe ta; gama su suka tuba da
wa’azin Yunana ga kwa wanda ya fi Yunana girma a nan;
sarauniyar kudu za ta tashi tsaye a ranar shari’a tare da wannan
tsara za ta kwa kashe ta; gama daga nisan duniya ta zo garin ta
ji hikimar Solomon; ga kwa wanda ya fi Solomon girma a nan.
Luka 22:30 domin ku ci ku sha tare da ni cikin mulki na, kuma
zaku zamna bisa kursiyai kuna yin shari’a bisa kabilun Isra’ila
goma sha biyu.
Waɗannan duka suna cikin abinda masu ilimin tauhidi suke
magana akai yayinda suke batun Armaggeddon. A lokacin an rigaya an
fyauce mayaƙan masu adalci, mutanen majami’u zasu yi ta kuka da
cizon haƙora (Matta 8:11-12; 13:42, 50; 22: 13; 24:51; 25:30, Luka
13:28) domin an barsu a baya.
Miliyoyin Waɗanda Basu Da Ceto, Sun Mutu Basu Da Masaniya A Kan
Fushin Allah
Abin da ya bamu mamaki shine, mun koya cewa yawancin
mutanen da basu da ceto waɗanda suka mutu ko kuma zasu mutu kafin
ranar 21 ga watan Mayu, 2011, basu ji ko kuma sanin cewa fushin
Allah yana bisa kansu domin zunubansu ba. Ta yaya wannan zai
kasance? Mun koya cewa fushin Allah yana nan ta fannoni da dama. Ya
kuma ƙunshi waɗannan:
1. Babbar kunya.
2. Kisa (Mutuwa, Jahannama)
3. Rasa ’yancin wannan rayuwa.
72

4. Asarar gadon rai na har abada, tare da asarar gadon sabuwar
sama da sabuwar duniya.
5. Mutuwa ta har abada inda ba za’a ƙara rayuwa ba.
Yayin da dukan waɗannan hukuncin zasu sauko kan wanda bashi
da ceto, mutumin yakan mutu ba tare da ya san cewa mutuwarsa
sakamakon zunubi ne a rayuwarsa ba. Idan shi ɗan Ikkilisiya ne ya yiwu,
ya gaskanta da koyarwar nan irin ta al’ada cewa, masu zunubi za su
shiga jahannama inda zasu sha azaba ta har abada. Amma wannan ba
abin damuwa ba ne a gare shi domin ya hakikance da cewa an maye
haihuwarsa, kuma shi cikakken ɗan Ikkilisiyar ne.
A hakikanni gaskiya rayuwar yawancin ’yan Ikkilisiya yawancin
lokaci kuma a rayuwar waɗanda basu cikin Ikkilisiya sun gaskanta da
cewa mutuwa wani lokaci ne mai daraja na zuwa ƙasa mafi kyau. Ta haka
ake kallon mutuwa a matsayin nasara ko da shike ta haɗu da baƙin ciki
domin rabuwa da ƙaunatattu da kuma abubuwan jin daɗi da mutumin
yake morewa a wannan rayuwar.
Sai dai, marar ceto da ya mutu, to ya yi mutuwa ta har abada. Ba
zai taɓa ɗanɗana hukuncin Allah da sanin sa ba. Gaskiya ne a lokacin
fyaucewa, za a fidda gangan jikinsa da aka sa a kabari a kunyace, Allah
da kuma ’ya’yan mulkin sama zasu kunyata shi. Amma marar ceton da
ya mutu ba zai san abinda ke faruwa ba. Gaskiya ne yayi asarar gadon
haihuwarsa, rai na har abada da gadon sabuwar sama da sabuwar
duniya. Amma bai san wannan yana faruwa ba.
Bugu da ƙari lokacin da waɗannan mutane suke raye koyaushe
akwai babban jin daɗi da murna. Sun ɗanɗana abubuwa kamar ƙaunar
iyali da jin daɗin rayuwa a duniya mai kyau. Saboda haka, rai da mutuwa
suna da kyau ko da shi ke ba su taɓa samun ceto ba. To ina fushin Allah
a kan waɗannan mutane da basu taɓa samun ceto ba? Sai kace mun
ɓata hanya a fahimtar tsarin shari’a na Allah. Amma bamu ɓata hanya
ba. A maimakon haka, muna koya cewa, babban abinda duniyar nan ta
fi maida hankali a kai ba kan shirin ceto na Allah, ko kuma shirin
shari’a na Allah ba ne. A bisa hikima da ɗaukakar Allah ne. Ka tuna mun
koya cewa dalilin da yasa Allah ya halicci ’yan adam ya sasu a duniya
shine domin ya samar da gagarumin hoto mai kusurwa uku inda dukan
ikoki da mulkoki na sammai zasu ga babbar hikima da ɗaukakar Allah,
yayin da Allah yake shirin aikin ceto cikin fiye da shekaru 13,000 da aka
shafe ana aikata zunubi.
Saboda haka muka tarar, misali, cewa Allah yana gaba da mai
zunubi (Zabura 5:5), kasancewa fushinsa na Allantaka yana bisa kanshi,
duk da haka jinƙansa da girma yake zuwa ga hallittun sa duka har da
masu zunubi. Mun karanta a cikin Matta 5:45 cewa:
73

Domin ku zama ’ya’yan ubanku wanda ke cikin sama; gama ya
kan sa rana tasa ta fito ma miyagu da nagargaru, yakan aiko da
ruwa bisa masu adalci da marasa adalci.
Ka yi tunani a kan manyan albarkun dake ƙulɓulowa daga hasken
rana mai kyau da ruwan sama dake yiwa duniya baye. Waɗanda ba a
zaɓe su zuwa ceto ba, zasu ci moriyar waɗannan albarkun dai dai da
waɗanda suke da ceto.
An bayyana rahamar da Kristi yake da ita ga dukan ’yan adam a
wurare biyu cikin Littafi Mai-Tsarki inda muka karanta cewa Yesu yayi
kuka: Mun karanta waɗannan kalmomin masu sosa rai a cikin Yohanna
11:33-35:
Sa’adda Yesu ya ganta tana kuka, Yahudawa kuma waɗanda suka
zo tare da ita suna kuka, ya ji haushi cikin ruhunsa, yana jin zafi
a ransa, ya ce ina kuka ajiye shi? Suka ce masa Ubangiji ka zo ka
gani, Yesu yayi kuka.
Allah madawammi, Ubangiji Yesu ya nuna tausayinsa mai-girma
da cewa mutuwa ta shigo wannan duniya. Mun karanta a cikin Luka
19:41-44 cewa:
Sa’adda yayi kusa, ya hangi birni yayi kuka a kanta, ya ce da ma
kin sani a cikin wannan rana, har ke ma, abinda ya tabbata ga
salama, amma yanzu a ɓoye ya ke a idanunki. Gama kwanaki
zasu abko maki inda maƙiyanki zasu gina maki ganuwa su sa ki a
tsaka su tsare ki daga kowanne sasa, su fyaɗe ki a ƙasa, da
’ya’yanki a cikinki ba zasu bar ko dutse ɗaya bisa wani a cikinki
ba. Da shike ba ki lura da kwanakin ziyartanki ba.
Urushalima da Littafi Mai-Tsarki yake magana a kai a nan ta
ƙunshi dukan Isra’ila da dukan majami’u waɗanda suke wakiltar mulkin
Allah a duniya, suka kuma ridda. Saboda haka membobin su suna kan
hanya zuwa jahannama. Sun yi wa Allah ba’a. Sun tsara shirinsu na ceto.
Sun murɗa Littafi Mai-Tsarki da sauransu.
Duk da haka Kristi yana ta kuka domin tilas ya sauko da cikakken
fushinsa bisan su. Muna iya ganin irin ɗaukakar da Kristi yake da ita,
yayinda, ta wurin kuka kan Urushalima, ya nuna jinƙansa zuwa garemu
da mulkoki da ikokin a sammai?. Ba abin mamaki ba ne da Allah yace,
kamar yadda muka karanta cikin Ezekiel 33:11, “Bani da wani jin daɗi
cikin mutuwar mugu ba’’
Mulkoki da ikoki a duk faɗin samaniya sun shaida wannan. Sun
ga duniyar da ta shafe shekaru 11,000 ƙarƙashin mulkin mugun
mala’ikan nan da ake kira shaiɗan. Sun bayyana yadda mutane ƙalilan
suka sami ceto, mutane takwas lokacin da Allah ya gargaɗi duniya game
74

da hallaka mai zuwa a zamanin Nuhu. Suna ganin bangaskiyar Ibrahim,
da rashin bangaskiyar ’ya’yan Isra’ila, da suka hallaka a cikin jeji domin
rashin bangaskiya. Sun shaida yadda Asuriyawa da ƙasar Yahuda da
kuma Babila suka hallaka ƙasar Isra’ila domin muguntar ta.
Ta yaya Kristi zai tafiyad da duniyar dake da biliyoyin mutanen
mattatu cikin ruhaniya waɗanda shaiɗan ne yake mulkinta?
Ta yaya Kristi zai sarrafa duniyar da kowanne mutumin da ke cikinta
yake matacce cikin ruhaniya, kasancewa shi bawan zunubi ne da kuma
shaiɗan?.
Ta yaya Allah zai tafiyadda da duniya da aka la’anta wurin da
mutanen da ke cikinta la’antattu ne, daga cikinsu za a ɗebi kaɗan su
zama mutanen Allah?
Wuri na ƙarshe da za a maida hankali a kai shine Ikkilisiya ta har
abada, mutanen nan miliyan 200 da sunayen su ke cikin littafin rai na
Ɗan Rago. Ta yaya zasu zauna a ciki a kuma fitar da su daga biliyoyin
miyagun mutane da shaiɗan yake mulki bisan su, wanda yake gaba da
Kristi?
Ta yaya Allah zai tafiyad da duniyar da yawancin mutanen da ke
cikinta mattatu cikin ruhaniya, waɗanda shiɗan yake mulki a bisansu,
amma a cikin wannan duniyar akwai mutane ƙalilan da aka yi niyar ceto
amma ba su tuba ba, da kuma waɗanda basu tuba ba?
An halicci duniyar mu domin ta nuna hikima da ɗaukakar Allah a
cikin mawuyacin yanayi. Ana ganin cikar bayanuwar ɗaukakarsa ganin
cewa Allah da kansa ya zama Mai-Ceto.
Cikin waɗannan duka, mulkoki da ikoki, sun shaida jinƙai, da
alheri, da gafara, da haƙurin Allah. Sa’annan suka shaida sake haihuwa.
Allah ya ɗauki jikin mutune ya zo duniyan nan da kansa domin ya nuna
yadda ya sha wahala kafin kafuwar duniya a madadin mutanen nan
miliyan 200 da ya zo ya ceta.
Sun ganshi a matsayin malami mai tawali’u wanda bai daina
zama Allah maɗaukaki ba. Sun ganshi lokacin mutane suka raina shi
suka ƙi shi. Sun gan shi ya jimre mutuwar wulakanci, da kunya mafi
girma, yayinda aka aiwatar da hukumcin kisa na la’ana yayinda yake bisa
giciye.
Sun kuma ga jinƙansa mai-ban al’ajibi lokacin da ɗan fashin dake
gangansa a kan giciye ya kada baki yace ‘‘Ubangiji ka tuna da ni lokacin
da ka shiga mulkinka” (Luka 23:42). Nan take dab da ƙarshen rayuwar
mutumin nan, suka shaida yadda ya sami cikakken gafara.
Sun shaida ɗaukakar tashin Kristi, da kuma ceton kusan mutane
3,000 lokacin da aka sauko da Ruhu Mai-Tsarki. Ina misalin ɗaukakar
Allah, sun kuma ga ɗaukakarsa yayin da suke ganinsa a cikin dukan
waɗannan ayyukan.
Haka kuma ’yan Adam, waɗanda suke zaune a wannan duniyar
sun sami damar shaida hikima da ɗaukakar Kristi ta wurin karanta
Littafi Mai-Tsarki a hankali.
75

Amma duniya zata zo ranar da za’a fara shari’a, 21 ga watan Mayu,
2011. Fiye da mutane biliyan 6.5 za su kasance a duniya lokacin zasu
kuma shiga kwanakin nan 153 na shari’a, kuma zasu sani ba tare da
tambaya ba cewa suna ƙarƙashin fushin Allah domin zunubansu.
Yawancinsu zasu sani lokacin da suke fuskantar fushin Allah.
Mene ne ya kawo canji nan da nan? Sune mutanen da suka shafe
shekaru 13,000 suna zaune a nan duniya cikin salama. Amma idan suna
raye ranar 21 ga watan Mayu, 2011, Za a yi wata babbar girgizar ƙasa
farat ɗaya da zata kashe yawancinsu, (Ruya ta Yohanna 16:18). Mutuwa
zata kasance a ko’ina, za a yi fama da ciwo mai tsanani da azaba a
ko’ina.
Mun karanta game da banbanci ga waɗannan mutane a cikin
Luka 12:45-48:
Amma idan bawan nan ya ce cikin zuciyarsa, Ubangijina yana
jinkirin zuwa, har ya tasar ma dukan ma’aikata, maza da mata ya
ci, ya sha ya yi maye, Ubangijin wannan bawa zaya zo cikin ranar
da ba ya sa tsammani ba, cikin sa’a wanda baya sani ba, za ya
raba shi a tsaka, ya sanya masa rabonsa tare da marasa- aminci.
Wannan bawa kwa wanda ya san nufin Ubangijinsa, baya shirya
ba, za’a duke shi dayawa; Amma wanda ba ya sani ba, ya kwa yi
abinda ya isa duka, za’a duke shi kaɗan. Kuma dukan wanda an
ba shi dayawa za’a nemi dayawa a gareshi, wanda kwa an sanya
masa dayawa a hannu, a wurinsa za’a fi biɗa.
Muna rayuwa a zamanin da Allah ya bayyana ainihin lokacin da
duniya zata ƙare. An ba duniya wannan bayanin kuma mutanen duniya
suka ƙara sani, domin marasa ceto su iya yin kuka ga Allah domin
jinƙai. Ya yiwu mutane da yawa kamar mutanen Nineveh a lokacin
Yunana, za su sami jinƙan Allah.
A hakikanin gaskiya, a lokutan da suka gabata an sha jin koyaswa
cewa ranar kaza da kaza duniya zata shuɗe. Kuma a gaskiya dukan
waɗancan lokatan ba daidai ba ne. Amma a yau faɗakarwar da ake yi a
kan lokacin dawowar Kristi da kuma ranar shari’a ya banbanta da na
kwanakin baya. Ayoyin da aka ambata a baya sun nuna gagarumin
muhimmancin kasa kunne ga faɗakarwar ƙarshen lokaci da Littafi Mai-
Tsarki yake bayarwa. Misali an haɗa da waɗannan batutuwa a cikin
gargaɗin:
1. Littafi Mai-tsarki baki ɗaya dokar Allah ne, kuma kowacce
kalma daga ainihin harshen ta fito ne daga bakin Allah kai
tsaye. Saboda haka ya kamata majami’a da duniya su sani
cewa Littafi Mai-Tsarki shine mafi iko duka, fiye da wani iko
da aka sani a lokutan baya. Tilas ne a saurare shi a kuma yi
biyaya da shi.
76

2. Akwai shaidu da dama a cikin Littafi Mai-Tsarki, dangane da
ranar 21 ga watan Mayu, 2011, da 21 ga watan Octoba, 2011
da suka tabbatar da sahihancin waɗannan ranakun. Wannan
bayanai ne masu yawa da duniya bata taɓa sani ba, kuma ya
shafi dukan duniya.
3. Wannan bayanin lokacin yana samuwa a ko’ina cikin duniya a
yanar gizo da kuma gajeren zango na tashar radio. Akwai shi
kyauta a harsuna da yawa da za a iya aikawa ga dukan wanda
ya rubuto ko ya kira ya tambaya. Ya kamata kowa ya sani.
4. Mutane suna ba’a da wofinta wannan bayani, yayinda da
dama kuma suke musun gaskiyar bayanan.
5. Waɗanda ba a fyauce su ba ranar 21 ga watan Mayu. 2011,
zasu mutu a ranar ko kuma wani lokaci kafin ranar 21 ga
Octoba, 2011. A lokacin dukan duniya zata yi gobara idan
aka mutu, babu kuma wani sanin fushin Allah.
Sai dai idan ba mutuwa ta auku ba, akwai babban fahimtar
fushin Allah, kuma waɗanda suke raye, zasu ci gaba da zama ƙarƙashin
zafin aloba da zata mamaye duniya a lokacin ranar shari’a kwanakin nan
na 153 daga 21 ga watan Mayu, 2011, zuwa 21 ga watan Octoba, 2011,
zasu yi matsanancin fama da waɗannan abubuwa:
1. Kunya da la’anar zama ƙarƙashin fushin Allah.
2. Sanin cewa murna da ta’aziya da dai sauransu na wannan
duniya ya ƙare.
3. Sanin cewa basu da gado nan gaba. Mutuwa ce kawai take
jiransu, kuma wannan zai faru ne kafin 21 ga watan Oktoba,
2011.
4. Waɗanda suke raye a lokacin zasu yi fama da ciwo da raɗaɗi
na jiki.
5. Sanin cewa babu wani jinƙai daga wurin Allah. Hallakar
wannan duniya ita ce abu na ƙarshe na tarihi da mulkoki da
ikoki na cikin sammai zasu shaida. Duka ya nuna ɗaukaka da
hikimar Allah.
Wannan gabatarwa na fushin Allah mai tsanani abin ban tsoro ne.
Ya zama abin ban tsoro musamman idan muka tuna cewa zai faru ne na
’yan watanni kuma zai faru babu jinkiri.
Amma ka yi tunanin irin jinƙan Allah. Zai iya kawo ranar
fyaucewa, da ranar sharia ta wurin zuwa kamar ɓarawo da dare, daga
nan yawancin mutane na duniya zasu zama babu faɗakarwa ta kowacce
iri. Amma Allah a cikin yalwar jinƙansa, yana bamu lokacin faɗakar da
duniya game da hukunci mai zuwa. Abin baƙin ciki shine zai zo kamar
ɓarawo da dare ga waɗanda suke musun sanin wannan domin basa son
duniyar nan ta ƙare.
77

Har wayau, Allah ya bada misalin tsohon birnin Nineveh a cikin
littafin Yunana. Basu san komi ba game da Littafi Mai-Tsarki, kuma suna
da kwana 40 ko kuma ƙasa da haka da zasu ɗauki mataki game da
wannan gargaɗin. Ya kamata mu koyi darasi daga gare su.
1. Suna da cikakken imani ga Allah, basu jayayya da Allah.
2. Sun bincike kansu da aminci, sun gane cewa su masu zunubi
ne kuma sun cancanci fushin Allah.
3. Sun bayyana a fili girman tawali’un su ta wurin zaunawa a
cikin tsummoki da toka. Haka yake ga bawan mafi tawa’iu da
jami’i mafi girma da mafi daraja, sarki.
4. Sun juyo daga zunubansu, kuma nan da nan suka yi ƙoƙarin
rayuwar da zata gamshi Allah.
5. Basu nemi komi a wurin Allah ba, amma suka yi kuka ga
Allah suka ce watakila Allah zai canza tunaninsa, kuma ba
zai hallaka su ba.
Ya kamata mu maida hankali sosai ga abinda mutanen zamanin
Nuhu suka yi, lokacin da aka gargaɗe su, game da hallaka mai zuwa.
Abin tsoro ne a karanta yadda aka kwatanta hallakar zamaninmu da na
zamanin Nuhu. Mun Karanta a cikin Matta 24:37-3 cewa:
Kuma kamar yadda kwanakin Nuhu suke, haka nan kuma
bayanuwar Ɗan mutum zata zama; Gama kamar yadda suna ci,
suna sha suna amre, suna amraswa a cikin kwanakin da ke
gaban ruwan rigyawa, har randa Nuhu ya shiga cikin jirgi, ba su
sani ba, har rigyawa ta zo ta kwashe su duka, haka nan kuma
bayanuwar Ɗan mutum zata zama.
Abu ɗaya ya zama tabbas. Matakin da ya kamata a ɗauka kuma
wanda yake da amfani game da hallakar dake tafe ita ce canza burina, da
tunani na da niyya ta, da shiri na da bege na a nan duniya. Nan da nan,
ya kamata in sani cewa abinda ya kamata ya zama da muhimmanci da
zan maida hankali a kai shine cewa a cikin ’yan watani ƙalilan wannan
duniya zata zo ƙarshe. A cikin waɗannan watannin da suka rage wanne
abu ne mafi muhimmancin ga rayuwata da ta iyalina? Hakika bashi da
wata nasaba da ganin cewa rayuwata a nan duniya tana da daɗi.
A hakikanin gaskiya idan ni mai bi ne na gaskiya, dole in sani
cewa a matsayi na na mai-tsaro, dole in damu da cewa ba iyalai na
kaɗai ba, amma dukan duniya sun san da wannan labari mai ban tsoro
na hallaka duniya.
Watau, idan har gaskiyar gabatowar ƙarshen zamani bai sani na
sake tunani da tafiyar da harka ta ba, ya kamata in amsa wannan
tambaya: Shin na gaskata gaskiyar Littafi Mai-Tsarki cewa ranar 21 ga
78

watan Mayu, 2011 ita ce ranar fyaucewa da kuma farkon ranar sharia?
Ka tuna da faɗakarwar Luka 12:47.
Allah ɗaya ne jiya da yau, da har abada (Ibraniyawa 13:8).
Mutanen Nineveh sun nuna mana hanya, kuma ya kamata mu bi
ta hanyar yanzu da shike mun sani ba tare da wata tambaya ba cewa
ranar shari’a tayi kusa. Allah ya yi bayani da tabbacin cewa yau ana
ceton ɗumbin mutane da ba wanda zai iya ƙirgawa (Ruya ta Yohanna
7:9-14). Allah ya nace da cewa shi ba mai tara bane (Romawa 2:11).
Saboda haka akwai babban bege gare ka. Kana da babbar dama kamar
kowane mutum a cikin duniya na zama zaɓɓaɓe na Allah.
Ka fara karanta Littafi Mai-Tsarki kana kuma addu’a cewa ko
Allah zai taimake ka ka ƙara zama mai biyyaya da shi sosai. Ka roƙi Allah
ya sa ka zama mai tawali’u. Don kawai shafe shekaru kana aikin fasto
ko kuma kai memban Ikklisiya mai aminci, ba zai saka ka same
tagomashi na samun ceto ba. Babu wani wuri na alfarma. Kuma ya yiwu
majami’ar ka ko fasto, ko shaidar bangaskiya sun zama allahnka, domin
duk wani abinda muka dogara gareshi ya zame mana allah.. Ya kamata
dogararmu ta kasance a cikin Littafi Mai-Tsarki kaɗai. Ko da shike akwai
abubuwa da dama a cikin Littafi Mai-Tsarki da ba mu fahimta ba, tilas ne
mu fahimci cewa duka ya fito ne daga bakin Allah.
Kada ka daina kuka zuwa ga Allah domin neman jinƙai. Amma
kayi haka kana la’akari da cewa babu ɗaya daga cikin mu da ya cancanci
jinƙan Allah. Saboda haka zamu je gareshi, muna roƙo, muna nema ‘ya
Ubangiji ko yana iya yiwuwa ni ma in sami ceto.
79

Sura Ta Bakwai
Ceto
Su wane ne ko ina masu zunubin suke waɗanda ba za’a jefa su
cikin jahannama ba? Babu wanda ya sani. Lokacin kawai da zamu iya
hakikance cewa muna ɗaya daga cikin zaɓɓaɓu na Allah shine lokacin da
mu ka karɓi sabon ruhu rayayye daga wurin Allah. Lokacin da wannan ta
faru, zamu sani ne kawai domin Allah ya zaɓe mu mu sami ceto, kuma
ya rigaya ya tanada dukan komai domin cetonmu. Za mu sani cewa
cetonmu gaba ɗaya alheri ne da jinƙan Allah kuma babu wani abu da
muka yi da ya kaimu ga samun cetonmu.
Idan Allah ya ba mutum sabuwar zuciya da sabon ruhu (Ezekiel
36:26), Allah yana shirya wannan mutumin ne domin ya zauna tare da
shi har abada. Sabuwar zuciya ko sabon ruhu, wanda muke kuma kira
sabon ruhu rayayye, yana sake rayuwar mu yadda zamu yi marmarin
aikata nufin Allah. Bugu da ƙari, mukan damu ƙwarai idan muka aikata
zunubi, amma zai iya yiwuwa mu aikata zunubi domin muna cikin jiki
wanda ba a cece shi ba. Saboda haka kafin mu zama ’ya’yan sabuwar
sama da sabuwar duniya, za’a kuma bamu sabon ruhu rayayye. Allah zai
iya ba dukan wanda Allah ya zaɓa sabon ruhu, a kowanne lokaci na
rayuwar zaɓɓaɓen mutumin. Zai iya zama kafin haifuwa ko kuma minti
ɗaya kafin mutuwa. Aiki ne wanda Allah ya shirya gaba ɗaya.
Amma zai faru ne lokacin da zaɓaɓɓen mutumin yake ƙarƙashin
jin maganar Allah (Romawa 10:17). Shi ya sa muke ƙoƙarin ƙarfafa
kowane mutum a duniya ya saurari Littafi Mai-Tsarki. A gaskiya ma,
Allah ya ɗokace mu da mu aika da maganar Allah cikin dukan duniya,
domin kowa ya kasance ƙarƙashin jin Littafi Mai-Tsarki.
A sa mutane a cikin yanayin jin maganar Allah shine sa su
ƙarƙashin dokar da Allah ya ba ’yan adam su yi biyayya ga Littafi Mai-
Tsarki. Yin biyayya da Littafi Mai-Tsarki yana bukatar mu karanta ko mu
saurari Littafi Mai-Tsarki. An umurce mu da mu sami ceto. An umurce
mu mu tuba daga zunuban mu. An umurce mu, mu yi addu’a domin
jinƙan Allah. An umurci wanda bashi da ceto yayi ƙoƙari ya shiga mulkin
Allah (Luke 13:24). Wannan kalmar “ƙoƙari” daga kalmar Helenanci ce
wadda take nufin raɗaɗi. Kamar mai tsere ne wanda yake fama domin ya
yi nasara a tsere.
Nan ne abin alajibi na ceto yake. Domin Allah ya halicci mutum a
cikin kamanni da surarsa, ko da shike mutum mattace ne a ruhaniya, zai
yi ƙoƙari da dukan ƙarfinsa ya bi umurnin Allah. Saboda haka zai saurara
a hankali ya ji maganar Allah yana ƙoƙari yayi biyayya da umurnin Allah.
Yadda Allah ya ke danganta wannan ƙoƙari wani abu ne wanda ya fi
gaban ganewarmu. Babu shakka bai kamata mu gaskanta da cewa
ƙoƙarin da muke yi na shiga mulkin Allah wani abin yabawa ba ne ko
80

kaɗan. Ko kuma cewa ƙoƙarin da nake yi zai bani wani tabbaci da cewa
zan sami ceto.
Gaskiya ne cewa ta wurin ƙoƙarin da nake yi zan ƙara sanin
littattafan dokokin Allah wato Littafi Mai-Tsarki. Gaskiya ne a cikin
ƙoƙari na, zan ƙara neman nufin Allah, maimakon nawa nufin. Gaskiya
ne cewa a cikin ƙoƙari na zan ƙasƙantar da kaina in yi kuka ga Allah
domin jinƙan sa. Gaskiya ne a cikin ƙoƙarin da zan ƙara gane cewa dole
ne in dogara ga Ubangiji, idan shirinsa ne ya cece ni. Gaskiya ne cewa a
cikin ƙoƙari na ina da bege mai-girma cewa nima zan yi zama ɗaya daga
cikin zaɓɓaɓu na Allah. Gaskiya ne cewa a yau, Allah yana ceton ɗumbin
mutane da babu mai-iya ƙirgawa, kuma ya yiwu ni ma a zaɓe ni a cikin
waɗannan mutanen.
Gaskiya ne kuma cewa Allah yana mulki akan masu ceto da
marasa ceto. Watau Allah yana iya sa wanda ba shi da ceto ya aikata
nufinsa daga lokaci zuwa lokaci, ko da shi ke Allah ba shi da shirin ya
cece wannan mutumin. Hakanan yayinda mutumin da bashi da ceto
yake ƙoƙarin shiga mulkin Allah dukan abinda ya aikata da ya kasance
biyayya da Allah, ya yiwu Allah ne yake aiki a cikinsa ko da shike ba ya
cikin waɗanda Allah ya zaɓa. Ko kuma watakila ƙoƙarin wannan
mutumin ne, yayi biyayya ga Allah, ko kuma ya haɗa duka da aikin Allah
da aikin mutumin. Allah ne kaɗai ya san daidai abin da yake faruwa a
cikin rayuwar mutumin.
Amma duka wannan aikin Allah ne. Mutunin da bashi da ceto ba
zai iya sanin ko aikin Allah ba ne ko na shi ne yake shafar rayuwarsa.
Abinda kawai zai iya tabbatarwa shine idan ya sami ceto to ya kasance
ne gaba ɗaya aikin Kristi ne. A cikin Joel 2:12-13 mun karanta cewa:
Amma ko yanzu, in ji Ubangiji ku juyo mani da dukan zuciyarku,
tare da azumi da kuka da baƙin ciki, ku tsaga zukatanku ba
tufafinku ba, ku juyo wurin Ubangiji Allahnmu, gama shi mai
alheri ne, cike da juyayi, mai jinkirin fushi, mai yalwar jinƙai, yana
sake nufinsa a kan masifan da ya shirya.
Idan wanda ba shi da ceto ya gane cewa yana ƙara gaba da
zunubi kuma ya fi murna lokacin da yake aikata nufin Allah, yana kuma
da marmari da sha’awa yayi biyayya da dukan umurnin Littafi Mai-
Tsarki, watakila, Ruhun Allah ne yake shaida tare da nasa ruhun cewa ya
sami ceto.
Dole mu tuna cewa Allah yana da ’yanci ya umurci ’yan adam suyi
biyayya da dokokinsa. Domin an halicci ’yan adam a cikin sura da
kamanin Allah, ɗan adam kamar Allah da kansa yana ƙarƙashin dokar
Allah, Littafi Mai-Tsarki. Idan mutum yana zaune a cikin duniyar nan
kuma bai taɓa jin komai daga Littafi Mai-Tsarki ba, tilas ne Allah ya
shirya ma wannan mutum hanyar da zai kasance ƙarƙashin jin Littafi
81

Mai-Tsarki idan mutumin yana ɗaya daga cikin zaɓaɓɓu na Allah.
Wannan zai iya faruwa a kowanne lokaci cikin rayuwar mutumin.
Duk da haka Littafi Mai-Tsarki ya damu ƙwarai game da waɗanda
suka karanta Littafi Mai-Tsarki, ko suka ji umurnin Allah da kunnuwansu
amma ba su jin Littafi Mai-Tsarki. Ta yaya wannan zai kasance? Mun
kwatanta cikin Kubawar Sharia 28:45 cewa:
Kuma dukan waɗannan la’anoni za su sauko maka, su bi ka, su
cimmaka, har ka hallaka; domin ba ka lura da muryar Ubangiji
Allahnka ba, da zaka kiyaye dokokinsa da farillansa waɗanda ya
umurce ka da su.
Mun kuma karanta a cikin Irimiya 29:17-19 cewa:
In ji Ubangiji mai runduna, ga shi zai aika masu da takobi, da
yunwa da alloba, in maishe su kamar munanan ɓaure, waɗanda
ba su ciyuwa domin muninsu. Zan runtime su da takobi, da
yunwa da aloba, in bashe su domin a yi shillo da su a cikin
dukan mulkokin duniya, su zama abin la’ana, abin al’ajibi,
abin reni, abin zargi, a cikin dukan al’ummai inda na kore su,
don basu kasa kunne ga zantattukana ba, in ji Ubangiji, waɗanda
ina aike masu da su ta bakin bayina annabawa, ina assubanci ina
aikansu: amma kun ƙi ji, in ji UBANGIJI.
Kalmar nan “kasa kunne” a cikin waɗannan gargadi guda biyu,
waɗanda suka yi kama da yawancin faɗakarwar da aka rubuta a cikin
Littafi Mai-Tsarki, yana nufin a ji a kuma yi biyayya. Allah yana koya
mana cewa idan muka ji maganar Allah dake cikin Littafi Mai-Tsarki da
kunnuwan mu amma bamu yi ƙoƙari mu yi biyayya da abin da muka ji
ba, daidai yake da rashin jin maganar Allah. waɗannan mutane sun sa
kansu da gangan a waje daga inda Allah yake ceto. Ra’ayin da suke da
shi na ceto ko kuma waɗansu koyarwa na Littafi Mai-Tsarki ya hana su
ƙasƙantar da kansu su ji su kuma yi marmarin biyayya da umurnin da
gaskiyar Littafi Mai-Tsarki.
Duk da haka akwai bege kyakkyawan bege ga waɗanda suka ƙasƙantar
da kansu suka amince da zunubansu, suka kuma juyo daga tunanin da
suke da shi a da, suka yi ƙoƙarin biyayya da dukan Littafi Mai-Tsarki,
kuma suka ƙaskantar da kansu suka yi kuka ga Allah domin jinƙan sa.
Gaskiya ne Littafi Mai-Tsarki ya koyar da cewa fushin Allah yanzu
yana kan kowacce majami’a da suke samuwa a duk faɗin duniya.
Majami’u ne wakilan mulkin Allah a duniya na tsawon shekaru 1,955.
Abin baƙin ciki shine, suna amfani da sunan Allah suka riƙa koyarwa sun
kuma ci gaba da koyarwar da ta saɓawa koyarwar Littafi Mai-Tsarki,
suna cewa Littafi Mai-Tsarki ne tushen koyarwarsu. Daɗin daɗawa,
shaiɗan ne a maimakon Kristi, mai mulkinsu na ruhaniya. A yau, babu
82

wani bege ga wata Ikklisiya da ke cikin dukan duniya. Ana shirya
waɗanda suka rage a cikinsu zuwa shiga ranar shari’a.
Juyowa ne kawai daga yanayin bautar shaiɗan cikin ruhaniya da
kuma gujewa daga majami’u da kuma zuwa da karayar zuciya ta
ruhaniya ga Allah na Littafi Mai-Tsarki kuma su zama ƙarkashin jin
maganar Allah, shine begen kowane mutum.
BARI ALLAH YAYI MANA JINƘAI
83

FARAWA
2:17 44
15:18 28,70
25:29-24 33
41:32 71
50:15 68
50:20 68
FITOWA
17:6 69
LITTAFIN LISSAFI
20:11 38
KUBAWAR SHARI’A
1:7 70
11:24 70
21:17 33
28:16-68 68
28:20 40
28:45 40,82
33:11 64
JOSHUA
1:4 70
7:18-26 54
ALKALAWA
2:16 2:16
ISAMAILA
8:20 22
IISAMA’ILA
1:19 14
1:24 14
2:5 14
ƊAUKAKA GA ALLAH
Jerin Ayoyi da shafi
18:33 15
AYUBA
4:20 30
ZABURA
5:5 11
7:8 23
7:11 23
9:19 23
16:10 42,62
26:1 23
51:5 11
67:4
72:1-4 23
103:6 23
119:106 17
MAI WA’AZI
8:5-6 8,13,17
8:5-7 V
ISHAYA
10:23-26 30
14:13-14 66
40:2 38
53:12 41
54:7-8 43
55:7-8 43
57:20 26
IRMIYA
7:33-82 52
17:18 28
29:17-19 82
46:28 30
84
EZEKIEL
3:17 V
18:20 24
18:23 10
18:32 10
33:2-7 18
33 3
33:2-7 18
33:11 15
37 51
37:4-5 52
37:12-13 51
DANIEL
6:26 66
7:13-14 56
12:2 51
12:4 52
12:9 51
JOEL
2:12-13 81
3:9-16 55
YUNANA
4:11 70
NAHUM
1:6 30
1:8 30
3:5-6 53
ZACHARIA
13:9 71
MALACHI
4:1 30

MATTA
3:17 37
4:24 31
5:44 14
5:45 73
7:22-23 52
8:6 26
8:11-12 30,44,52,71
11:23-24 61
12 22,23
12:36 23
12:41 32,47
12:41,42 70
13:42 30,41,71
13:49-50 30,52
13:50 30,52
20:18 39
22:36,37-40 13
24:27-31 60,61
24:28 61,62
24:37-39 76
24:57 71
25:30 30,71
25:34 32
26:39 66
26:63-64 39
27:19 61
27:46 39
27:51-53 39
27:62-66 39
28:11-15 61
MARKUS
4:39 49
4:41 49
5:13 27
9:43-44 29
11:14 36
15:28 37
LUKA
2:48 32
3:6 37
10:29-37 14
12:45-48 76
12:47 79
13:24 80
13:26-28 56
13:28 34
15:31 33
16 31,41
16:22 31
16:23 31
16:24 24,32
16:25 31
17:36-37 56
19:41-44 15
21:22 19
22:30 72
23:4 38
23:22 39
23:42 75
23:43 43
23:46 39
YOHANA
1:14 11
1:18 37
1:51 58
3:16 69
5:28-29 51
11:33-35 74
11:50-51 39
14:21 11,12
19: 7 39
19
19:6
AYYUKAN MANZANI
1:6 9,3,18
1:6-8 v
1:7 18
1:7-8 18
1:8 18
1:11 58
20:38 31,32
86
24:15 51
ROMAWA
1:4 36,42
2:11 79
5:12 45
6:23 11,41
8:38 65
10:17 80
14:10-11 23
14:12
I KORINTHIYAWA
6:2-3 54
15:22 26,45
15:26 27,31
15:44 52
15:51-52 45
II KORINTHIYAWA
5:10 8,23
5:21 45
GALATIYAWA
2:30 40
3:13 40
AFISAWA
1:19-23 66
1:21 66
2:5 45
3:10 65
3:10-11 44
6:12 65
KOLOSIYAWA
1:16 65
1:17 36
1:18 36
2:10 65
2:13 45
2:15 65
ITASSALUNIKAWA
4:13-17 45

5:1-4 21
5:2 8
5:2-6 19
II TASSALUNIKAWA
1:10 44
2:11 43
ITIMOTHAWUS
3:15 4
II TIMOTHAWUS
1:9 37
1:9-10 37
TITUS
3:1 56,66
IBRANIYAWA
1:2 36
1:5 37
4:3 36
4:12 66
4:12-13 11
7:9-10 68
10:4-7 38
11:7 55
12:16-17 33
12:29 29,34
13:8 79
YAKUB
2:10 9
I BITRUS
1:20 37
2:12 54
2:22 45
4:17 19
II BITRUS
2:8 31
3:10 29,8
I YOHANNA
3:9 45
YAHUDA
6 67
13 26
RUYA TA YOHANNA
1:7 58
1:18 68
2:26 54
3:9 54
3:10 7
86
7:4-8 54
7:4-14 15
9:1-21 44
9:5 27
9:14 75
9:15 76
9:17-18 76
11:10 27
13:7 43
13:8 27
14:10 8
16:10-11 56
16:18 28
17:14 56
18:6 26
19:11-16 68
19:19-21 56
18:8 29
19:20 28
20:10 28
20:11-13 25
20:12 23
20:13 23
20:14 23,24
20:14-15 28
21:1 27
21:8 28