Knallfrosch 2015 - Selfimania in der Leuchtenstadt

UNESCO KULTURGEQUAKE
50
12. Jahrgang 2015
De Knallfrosch hockt uf de Schnetzelbangg
E chli Knallfrosch Poesie –
ond du besch voll debii
Im Gägesatz zom Schnetzelbangg -
Do blibts Herni eifach blangg
I üsem Land mues e nöie Schwiizer-Psaum gschrebe wärde.
Daas esch s`gröschte Problem uf Ärde!
«Trittst im Morgenrot daher...» esch nor no för auti Onkle ond Tante
«Rennen wir Brüssel hinterher...» das wär e aktuelli Variante.
Tönnd d`Schtüüre sänke, Tönnd d`Schtüüre sänke,
Tönnd au chli a die arme Riiche tänke!
Schliessid d`Schuelhüser ganz ond schecked d`Goofe hei,
denn tommi Mönsche seichid de Hochfinanz secher ned as Bei!
E fendlechi Nation hed a de Schwiiz de Chrieg erkläärt.
Drufabe hed sich de Murer Ueli better beschwäärt.
D`Schwiiz syg nöitrau ond wöig met niemerem schtriite,
ond öbrigens: d`Loftwaffe flüügi de nor zo Büroziite...
För d`Velofahrer i de Schtadt wird aus vöu klarer,
denn jetzt gets en Beuftreite för d`Velofahrer.
Nöi han au ech en Tschopp öbercho...en ganz e zwäge,
ech werde Beuftreite för Müettere met Chenderwääge.
Ech fende das esch en Rieseknöller,
die Nacktfotos vom Gerry Möller.
Aber no vöu meh wörd`s mech interessiere,
wenns Natalie Rickli sech wörd
födleblott lo fotografiere!
Letschti hani bös i d`Hose gschesse
D‘0nderhose hed`s mer schier verresse.
Sofort hani das Malör uf Feissbuck gschteut
set denn esch mi Bekanntheitsgrad höch ufe gschnöut.