Gemengeblat Biissen - Bissen

Klautjen 9| 2008 − 22
Floumaart am
Frounert
Deen éischte Floumaart zu Biissen huet de
Cercle dramatique am Joer 2000 bei der
Sportshal organiséiert. A well et sou eng flott
Saach war, sech vill Leit gemellt, a vill
Virwëtzeger kucke komm waren, gouf vun do
uns all Joer sou ee Floumaart organiséiert, an
zwar den 1. Sonndeg am August.
Fotoen:
Lissy Ehmann
Allerdéngs ass de Floumaart scho virun enger
Zäit erof an den Duerfkär geplënnert, wou dëst
Joer 80 Stänn stoungen. Vun allméiglechem
Geschir iwwert Spillsaachen, Bijouen, Bicher,
oder Biller fir un d’Mauer a Kleeder bis zu allem,
wat een am Stot gebrauchen an och net brauche
kann, huet déi breet Palette vu Saachen, déi ee
fir wéineg Geld kafe konnt, gereecht. Och d’Croix
Rouge war, wéi all Joer, rëm mat engem Stand
derbäi, an hat ee grousse Succès. D’Wieder war
dëst Joer wonnerbar, sou datt vill Leit komm
waren, an de Cercle mëttes äifreg Menuen
zervéiere konnt.
Deen nächste Floumaart am Frounert zu Biissen
ass den 2. August 2009. Et kann ee sech elo
schonn umellen iwwert Tel. 80 32 25 217 oder
691 63 71 21. Et gëtt kee Standgeld
opgehuewen.
R.S./M.M.