Gemengeblat Biissen - Bissen

Léiwe Kleeschen,
gudde Kleeschen…
Och dëst Joer hat de Kleeschen de Wee rëm op
Biissen fonnt. Den 30. November ass hien, zesumme
mat sengen zwéi Gesellen an e puer kleng
Engelcher vun de Pompjeeë bei d’Sports hal
gefouert ginn, wou nieft dem Buerger meeschter, de
Schäffen an de Gemengeréit eng Rei Leit an
natierlech Kanner op den Hellege Mann gewaart
hunn, an d’Musek hie mat Schmass begréisst huet.
Am Sall war alles vun dem Cercle dramatique an
de Gemengenaarbechter préparéiert ginn, sou
datt de Kleesche sech gemittlech op säin Troun
setze konnt, fir de Kanner aus dem 1. an 2.
Schouljoer nozelauschteren. Déi kleng Schüler
vum Jean-Marie Bock, Cathy Alen a Viviane
Welter hu Gedichter virgedroen a Lidder
gesongen, an d’Océana Kaell huet him e Stéck
op der Gei, an den Tom Merlo op der Trompette
gespillt. Wéi all Joers kruten dës Kanner vum
Kleeschen nieft der Tiitchen och ee klenge
Cadeau. Alles an allem huet de Kleeschen deen
Dag iwwert 400 gutt gefëllten Tiitercher un déi
Kleng verdeelt, an den Houseker huet deenen,
déi en net gefaart hunn, eng Rutt an de Grapp
gedréckt.
De Klautjen wënscht allen
Awunner vu Biissen an dem
Rouscht schéi Feierdeeg an
e glécklecht Neit Joer!