m e m o r i A v b u l l e t i n n r . 1 8
← illustration: Andreas gefe, Zürich vrgässEt! vrgässEt! d Frou gyger het mr uf ds band gredt. Anet gyger. Öb ig ihre mau würd zrügglüte. si heig en Aafrag a mi. si syg d Wuche düre vo nün bis füf z erreiche. Am nächschte tag ha’ren aaglüte. es fröi se, dass ig ihre tüeg aalüte, het d Frou gyger gseit. ihre schef heig se bbätte, mit mir e termin abzmache, si sygen es jungs ungernäme, wo uf Kommunikazionsschtrategie schpezialisiert syg. u si heigen aktuell e grösseren uftrag, wo si gärn mau mit mir wette drüber rede. Wenn dass es mir am beschte gieng für ne termin, het d Frou gyger gfragt. u när hei mr öpis abgmacht. Auso bin i paar tag schpeeter häre. Jungi Firma, wo sech iren usboute Fabriggaalag ygrichtet het. Z Züri imnen ufgwärtete Quartier. en Art loft, wo di einzelnen Arbeitsplätz dür Pflanze vonenang abtrennt sy. ir mitti isch e tisch gschtange, wo zwe here gsässe sy. d Frou gyger het mi gfragt, öb ig öpis z trinke wöu, es ggaffee oder chly Wasser. u während si für mi es ggaffee ghout het, sy di beide heren ufgschtange, hei mr d hang gä u mi bätten abzsitze. es fröj se, het dr eint gseit, dass ig mir die Zyt für si tüeg nä. u bis d Frou gyger zrügg syg, chönni mr is ja scho mau gägesytig vorschteue. vo ihnen uus chönni mr is o dutze. Är syg dr Philipp, är heig das ungernäme vor vier-Jahr gründet. vo huus uus syg’r Philosoph, mit langjähriger Praxiserfahrig iren internazionau tätige Wärbeagentur. dr Anger het schtefan gheisse, schtudierten Ökonom, wo aus Projektleiter tätig syg. o i däm Projekt, wo mr itz de grad zäme wöui drüber rede, het dr schtefan gseit, syg’r aus Projektleiter vorgseh. i däm momänt isch d Frou gyger zrüggcho mit em ggaffee. Öb i Zucker wöu oder miuch, het d Frou gyger gfragt. när isch si abgsässe, het e mappen ufgmacht, mit emne läären A4-block drin, mit ghüselete bletter. de chönni mr aafa, het dr Philipp gseit. Är füeu sech gehrt, sone berüemten outor wi mi am tisch z ha. es syg würklech en usserordentlechen uftrag, wo si heige, u es syg klar, dass vo üsem gschpräch nüt usedörf. i müess ihnen absoluts schtiuschwyge zuesäge. si syge wi gseit es ungernäme, wo uf Kommunikazionsschtrategie schpezialisiert syg. unger Kommunikazion vschtöng men ir regu d Kommunikazion mit Zytgenosse. Was aber, het dr Philipp gseit, we’s itz uf ds mau drum göng, es Ziiupublikum z erreiche, wo ir Zuekumft läb. u zwar wyt ir Zuekumft, sägi mr mau i hunderttuusig Jahr. da schteui sech nöii Frage: Was sy das für mönsche, wo denn läbe? sy das überhoupt no mönsche? Wi vrschtändige sech die? u weli Kanäu hei mr, für di mönschen oder was de das sy i hunderttuusig Jahr z erreiche? das syge nid nume gedankeschpilereie, het dr Philipp gseit, di Frage schteui sech ganz konkret, we’s itz drum göng, ir schwyz es atomars Ändlager z plane. Wär d nagra syg, wüss i äuä: nationale genossenschaft für die lagerung radioaktiver Abfälle. u a dere schteu müess ig ihne würklech absoluts schtiuschwyge zuesäge. d nagra syg a si häreträtte, mit em uftrag, es Kommunikazionskonzept z erarbeite, wi me kümftigi generazionen i säge mr mau hunderttuusig Jahr voremnen atomaren Ändlager chönn warne. us däm grund heige si gschpräch gfüert mit Archäologe, geologe, Anthropologe, ethnologe, Psychologen u linguischte. u me syg sech einig, dass es eigentlech numen en einzigi Art gäb, wi me Wäsen d o s s i e r h e l v e t i c A guY KrnetA M E M O R I A V m e m o r i A v b u l l e t i n n r . 1 8