E_1934_Zeitung_Nr.034

händ, wann neime uswärts e netts Maitli
umen isch, wo nachli uf das blagiere vo somene
Reisede loset, so hett ers haft eben au
gern wieder bsuecht, und das chamer nöd,
wann d'Frau bin eim isch. Und grad da
z'ßärn obe isch im «Leue» so e herzigs
Bernermeitschi gsy, woner under allen Umstände
wieder emal hat welle go bsueche —
harmlos natürli —, aber derigs begryfied
d'Fraue natürli nie. Aemel item — er hat
gsinnet und gstudiert, bis em yfallt, dass si
ja im Gschäft no so en alti Banne hebid, wo
meh bocket weder fahrt, wo Gümp nimmt
wie so en mexikanische Steppehängscht und
meh Chrach macht weder Toure.
Zabig ischer dann würkli mit deren alte
Banne heicho. Woner demit vors Hus annegfahren
isch, hat d'Frau hantli 's Feischter
ufgrissen und useglueget, ob en Tank usem
Wältchrieg vorfahri, so en Lärme isch gsy.
Bym Nachtässe seit der Emil zu der Frau,
si seil dann nu ihri Sach zwäg mache, «morn
am Morge haued mers uf Bern ue!» Si hat
do zersch ihn aglueget und nachher zum
Feischter us, er werdi doch woll der ander
Wage holle. «Isch nüt z'mache, de Scheff
brucht en morn sälber» hat er nu erwideret.
Bi sich sälber hat er natürli dankt, wann si
Frau da Wage gsäch, chömm sie einewäg
nüd mit, aber da gseht mer nu wieder, dass
eusi Manne ihri Fraue no lang nannig känned.
Si hat ämel nu gseit, si war scho lieber
mit dem andere Wage gange, aber da chönn
mer jetzt halt nüt mache.
Am andere Morgen am Siebni sinds beidi
i die Bänzinbüchs inne ghoppset.
Scho wo si zur Garaschen us gfahre sind,
hat de Emil agfah Sottyse mache. Nüd dass
da Wagen öppen nümme giahre war, aber
rede hat mer i dem Schnapper währed em
Fahre nüd müese welle, mer hett nüt ghört,
und grad vo erschtklassigem Parfüm häts au
nüd gschmöckt drinninne. Wer sich öppe
hett wellen yfalle Iah, währed dem Alaufe
vom Motor dehinder z'stah, hat nu no därfe
es Leiterli und en alte Zylinder holle, dann
isch er en fertige Chämifäger gsy. Zersch
hat der Emil überhaupt deglyche ta, wie
wann die Explodierbüchs gar nüd wett
alauffe. En Chrach hat si gmacht, dass i der
ganze Nachberschaft die Feischter ufgschosse
sind: «Was au passiert seig?» Eine hat sogar
grüeft, ob er der Brandwach alüte selli. Dem
Emil si Frau hat si im hinderschten Egge vo
dem Wage versteckt, dass me si ämel au
ja nüd gsäch. Plötzli nimmt das Auto en
Alauf wienes Ross, womer em hinderrüggsli
eis zwackt hat. Aber nu zwee Meter wyt,
dann isches ebe so schnall wieder so still
gstande und en Meter hindere gjuckt. Der
Frau isches Wind und Weh worde i dem
Bänzinesel inne. Woner das Manöver namal
gmacht gha hat, fraget en d'Frau, ob dann
da Wage ufern ganze Wäg dewäg tüeg. «Nüd
immer und bständig,» hat do der Emil gmeint,
«nu so alli feufhundert Meter.» Si hat grad
no welle säge, das gab wellewäg e schöni
Fahrt, aber si isch nümme dezue cho. Grad
i säbem Momänt schnellt da Wage fürre und
das Fraueli häts a die Lehne hindere gschmätteret.
Vor Schreck hat si grad 's Mul uftah
zum Geusse, aber si isch nümme dezue cho.
Die Schlüdermaschine isch wieder hindere,
dass es dem Hüfeli Mansch im Wagen inne
de Huet diräkt übers Gsicht abe gschnellt
hat. Säb isch ja eigetli no es Glück gsy,
dann im glyche Momänt häts der Frau no
ihres Biss diräktemänt i da Huet innegschlüderet,
wonere übers Gsicht abeglampet isch.
Wie si ihri Zäh wieder zu dem Huet usfische
will, gits namal en Putsch und si hat ihri
Bei vom Wageboden us obe zum Wageverdeck
usgstreckt, wie wann sie dene Lüte,
wo ringsum zu ihrne Feischter usglueget
händ, wett adie winke.
«Chaibe Wage», hat der Emil vor si anne
gmulet, «de Tüfel sells holle, da Hagel lauft
eifach nüd rächt a!» Aber i der andere Se-^
künde hat si Frau de Chopf ufeme Polschter
gha und d'Bei zum Emil fürre gstreckt, wie
wann si amene Früehturnkurs ihri Uebige
mache wett. Bivor si wieder gsässe gsy isch,
schlüderets si wieder hindere und eis, zwei,
drü, isch die Bänzinkanone devo gsuset^
AUTOMOBIL-REVUE 1034 — N° 34
wiene Tepesche. Wie en abgschossni Chugle
isch das Unghür jetzt devo. Hinenuse häts
groche und klopft wie bimene Rageetenauto,
mer hat ämel vor Rauch fast nüt meh gseh.
I sym Spiegel vornen a der Windschutzschybe
hat der Emil gseh, wie si Frau wiene
Chrott ase zämmetätscht und stuchebleich uf
dem Polster ghockt isch.
«Isch ere acht nanig verleidet?» hat er vor
sich anne brummlet. Si hett sich scho lang
gern wieder ihre Huet rächt uf de Chopf
gsetzt, aber si isch nüd dezue cho; mit einer
Hand hat si sich a der hindere Lehne müese
hebe und mit der andere a der vordere, susch
hett es si i dem Wagen umme gschlänggeret,
wie ne welks Blatt imene Herbststurm.
Wos gägem Hard abecho sind, hat äntli
das Fraueli en Momänt verwütscht, wo si
wenigstes d'Haar und de Huet wieder hat
chönne meh oder weniger i d'Ornig mache.
Aber si hat müese prässiere demit. Wo nämli
d,ä Wage dur d'Hardturmstrass durab gsuset
isch, häts jetzt uf eimal agfäh hin und her
schwanke. Die Explodierbännen isch im
Zickzack gfahre, dass mer kän Momänt
sicher gsy isch, ob sie ufeme Baum obe landi
oder füfzg Meter sytwärts inere Wys usse.
Die Telegrafestange sind bidänklich i d'Nächi
cho und im andere Momänt wieder wyt hinne
gsy. Wo si em emal grüeft hat, er seil doch
au aständiger fahre, hat er nu gmulet: «Die
chaibe Stürig isch usgloffe!» Bim Gaswerk
unne sind öppe hundert Arbeiter vor em Tor
usse gstande und händ das Auto erwartet;
si händ gmeint, si müesid cho hälfte, wann
da vierrädrig Bänzingstank öppen i d'Luft
flügi, mer heb en nämli scho lang ghört
lärme vo Züri her. Und dann wüssi mer nüd,
was passieri, es seigid grad jetzt hunderttusig
Kubikmeter Gas i dene Gasbhältere.
I däm Tämpo sinds gäge Dietiken abecho.
Vor der Underfüehrig ussen am Dorf macht
d'Strass e scharfi Linggskurve. I die inne
isch der Emil gfahre, wie wann grad drei
Pfändigsbiamtti hinder em her wäred. Si
Frau hat sich chrampfhaft ghebet a beide
Lehne, aber das hat natürli nid vill gnützt.
Das bitzeli Mansch häts im Wagen inne
umenandgschlüderet, wie so es Chügeli bi
der Roulette. Bald isch si linggs änne gläge,
bald rächts, bald am Boden unne und bald
arn Wagedach obe. Zum Ueberfluss isch uf
dere Strass no en grosse Stei gläge, wo so
en Bou-Liferigswage verlöre hat. Uf da zue
häts der Emil im wahnsinnige Tämpo ghaue.
Wos is Dorf inne gaht, machts wieder e
Rächtskurve; die hat der Emil natürli au
wieder müese «scharf» näh. Do rüehrt die
Maschine ihre Hinderteil umme und die hindere
Räder händ i der Luft usse ummegsurret
wie es Ross, wo hindersi usgingget. Der
Emil hat hantli welle degäge stüre, aber es
isch scho z'spat gsy, da Wagen isch uf dem
schlüpfrige Platz umegfahre und grütscht,
wie wann er de Dietiker syni Künscht wett
produziere.
Jetzt isches sogar dem Emil sälber unheimli
worde und si Frau hat vor Iuter
Angscht 's Geusse vergässe. Wie en Bündel
alti Chleider isch si vor em Sitz ufern Boden
unne ghockt und hat ihri Finger i die
Polschter verchrallet gha. Zum guete Glück
isch dem Wage do en Laternepfoschten
etgägecho, wonen ufghalte hat, susch tat
glaub da motorisiert Bänzingloon hüt no
tanze. Stuchebleich isch si usezchrüche cho.
Im erste Momänt hat si überhaupt nüd
gwüsst, wo si au mües afäh rybe, wills ere
überall weh ta hat.
Gseit hat si nüt zum Emil. Si ischem
eifach devo glpffe, gägem Bahnhof. Vo
wytem hat si em nahgrüeft, er seil nu ellei
wyter, si gong wieder uf Züri, wann si ums
Verrode es Erdbebe well, chönn si das au
z'Züri ha.
Da Emil isch dann nochher no chaibe
schnall i «im Bärn obe gsi.
^Schule
idemann
Entwicklung unserer Bilanzsumme
1930 Fr. 128,016,675.—
1931 Fr. 144,444,551.—
1932 Fr. 151,687,995.—
1933 Fr. 160,030,500.—
Wir sind zur Zeit Abgeber von
4% OBLIGATIONEN
Schweizerische
unserer Bank, 3—5 Jahre fest. Solide
Titel werden an Zahlungsstatt genommen
Genossenschaftsbank
St. Gallen, Zürich, Basel, Genf, Appenzell, Au,
Brig, Fribourg, Martigny, Ölten, Rorschach,
Schwyz, Sierre, Widnau.
Garantie - Kapital und Reserven rund Fr. 22,000,000.—
ki r wi 7 11/ f kl
„Weber-Stumpen sind einzigartig!"
Für den Automobilisten
sind nicht nur
Haftpflicht-Versicherungen
notwendig, sondern auch
Unfall- und Lebens-
Versicherungen,
die wirksamen materiellen Schutz
vor mancherlei Schicksalsschlägen
Schweizerische
Unfallversicherung-Gesellschaft
gewähren.
Verfangen Sie antera Pratpctcta and Offert«.
„Winterthur"
Lebens-
Verelc heru ne»- Gesel Isehafl
BLUMENGESCHAFT
OTTO
Blumen - Kränze
Pflanzen
Zürich 3, beim Zentralfriedhof
Zypressenstrasse - Telephon 38.375
Zweiggeschäft:
Albisrlederplatz 4, nächst Krematorium
Telephon 31.025
Gärtnerei In Albisrieden - Tel. 69.028
Blumenarrangement für Freud und
Leid • Grabschmuck jeder Art etc.
DIE KÜHLUNG
FÜR ALLE ZWECKE
AUSSTELLUNG:
URANIASTR. 16 TEL. 59.441
MÜLLER
AUTOFRIGOR
FRIGOMATIC
Die Zufahrtsstrassen aus der ganzen Schweiz
CHTouring, Führer für Automobilfahrer,
sind ersichtlich In O. R. Wagners
offizielle Ausgabe desT. C. S.
A.C.S. Hotel Reber am See T.C.S.
Idealer Ferienaufenthalt. Grosser Park. Moderner Komfort,
Weekend-Arrangemen ts. Zeitgemässe Preise. Strandbad.
Garage. Boxen, Service. Tel. 623.
C. A. REBER.
A'SCONA
(Lago
Maggiore)
Hotel Monte Veritä T.C.S.
Schönster Ausflugsort; prächtige, neue Autostrasse. Modernster
Komfort in allen Preislagen. — Restaurant, Tea-Room, Bar.
Auserlesene Menüs u. „ä la carte". Stets lebende Forellen.
Erstklassiger Keller. — Garagen und schattiger Auto-Park.
Tel. Locarno 880
Direktion: A. CANDRIAN
Warum sollten. Sie den Versuch
nicht auch selbst einmal machen? Sie
erhalten Maag-Klingen, die in der
Schweiz hergestellt werden, in allen
grösseren einschlägigen Geschäften.
Hch. Jenny & Co., Zürich
WUienitratis 7. Telephon 26.807