19. Oktober 2021

19. Oktober 2021 Quartier 17
D URSULA STALDER-WITSCHI SEIT:
«Im Weschte vo Bärn
redt me Bärndütsch»
Bümpliz cha stouz sy uf syni viusprachigi
Bevöukerig. Hie ghört
me Sprache us aune Kontinänte,
we me geit ga lädele. Nid nume
Französisch, Italiänisch u Spanisch,
nei o Albanisch, Kroatisch,
Thailändisch u nöierdings nüün
verschideni Sprache vo Eritrea:
Afar, Arabisch, Bedscha, Blin, Kunama,
Nara, Saho, Tigre und Tigrinya,
aues Nationausprache vo
däm Land.
Aber d Mehrheit redt Bärndütsch.
U di Junge, wo mit em Händi
tschätte, schrybe fasch aues i ih-
mes schrybt, wes der anger nume
versteit.» So tippet er haut «Wi
geiz?» Rächtschribig isch ihm so
läng wie breit.
Das giut aber nid für di bärndütsche
Byträg, wo mer i der Zuekunft
regumässig i der Bümpliz-
mer lieber es guet verständlechs
Bärndütsch, wo o eifach z läsen
isch.
D Ursula Stalder-Witsch schribt über auergattig Lüt.
Foto: zvg
Di Büecher überchömet dihr i aune Buechläde.
I dere Sach chönnt üs äuä niemer
besser berate aus e Frou vo
Bümpliz, wo scho drü bärndütschi
Büecher gschribe het: d Ursula
Stalder-Witschi. Im Zytglogge-
Verlag si vo ire wundeschöni
Wiehnachtsgschichte erschine:
Der Mischtlechranz und So viu
Zyt mues sy. U de natürlich d
Gschichte us der Nachbarschaft
Darfs es bitzeli meh sy. Dert lehre
mir di ungerschiedlechschte Lüt
kenne, Chinder u Jugendlechi,
Froue u Manne mit au ihrne Fröide
u Autagssorge. Mir begleite se,
mau fröhlich, mau truurig, aber
immer hoffnigsvou.
Wär isch jetz d Ursula Stalder-
Witschi?
Ihri Antwort: «Syt myre Geburt
wohne u läben i im schöne
Bümpliz. Das isch myni Heimat,
hie bin i rundume wou u zfriede.
I bi ghürate u mir hei zwöi erwachseni
Ching, e Tochter un e
Suhn.»
Wie erfinget dihr de die schöne
Gschichte?
«Mönsche u ihri Gschichte hei mi
scho immer fasziniert. I beobachte
gärn Lüt, sigs im Zug, uf der
Strass oder bim wüchentleche
de aube, was äch i ihrne Chöpf
vorgeit, was se beschäftiget u bewegt.
Us dene Gedanke, wo mir
ganz individuelli Mönsche, wo
ihre Läbesautag meischtere. I bi
nie ganz sicher, ob i di Gschichte
schrybe – u vor auem Bärndütsch
schrybe – isch für mi es wichtigs
Rituau, um mängs besser chönne
izordne u z verstah.»
Säuber öppis schrybe
Liebi Läserinne u Läser vor
BümplizWuche, schrybet üs doch
i dere Sprach, wo dihr zeuet u
troumet: ke Roman, e churzi
Gschicht, en aktuelle Bricht us
der Gägewart, e Witz oder es
Gedicht, was o immer. Schicket
öie Tägscht a d Redaktion –
redaktion@buemplizwoche.ch.
Mir si gspannt, was da für Isändige
chöme. Zäme mit der Ursula
Stalder-Witschi wette mer scho
gly di nächschti Bärndütschsite
publiziere.
Marc de Roche