Dat Letzt - Quickborn. Vereinigung für niederdeutsche Sprache und ...

SCHOLZ – Över en freen Schrieversmann
Togestahn mutt’n, dat gifft en Reeg Priesen för en Tobroot, faken aver ok
mit minn Priesgeller. Mit de groten Priesen süht dat Jahr um Jahr leeger
ut, dar warrt dat ok minner (Borsla-Pries). Un wenn sik dat maken lett,
denn kriegt jummer desulbigen de Priesen. Dat schient för de Juraten
eenfacher, is keen Risiko. Un so hebbt ok de ehr Anerkennen. Veelmaals
sund so ‘Mehrfachpriesdräger’ anners narrens nich angageert, blot dar
up bedacht, alle fief Jahr ehr bet up’t letzte utfielte Texte vörtohollen (Freudenthal),
un sik bi Priesen bewarven, wo sik dat verlohnt. De Texten kannst
meist ok fix kennen, denn Wieterkamen gifft dat faken nich bi so Autoren.
Leeger darbi is, junge Schrievers hebbt so blot minn Schangsen oder
gaar keen.
Wo sund de Schrieverslüüd, plattdüütsch schrieven Schrieverslüüd, de
sik Schriftsteller nömen. De sien Reis to de Stääd, wo he lesen mutt, sülvst
betahlt un de Slapkamer in’t Hotel ok noch. Eeensaam pedd he vör sik
hen na’t Heimaathuus, wo he lesen schall. De Begröten is ok jüst nich
överdreven. Dar sund man blot en Handvull Lüüd kamen, wat den Vörsitter
vun den Heimaatvereen duert. Man he wull maal wat anneres anbeden.
Acherteran, in en Nevenkamer, warrt den Schrieversmann denn een oder
gaar twee Hunnis bescheden in de Hand druckt. De Heimaatvereen hett
ok sien finanzielle Probleme, weetst Bescheed? –
Is al good! –
Wat dar villicht noch annerswen verstahn hett, um wat dat in sien Texten
gung? De Schriever hett dar so siene Twievel.
En freen Schrieversmann oder -fro is vundage so unfree as man wat. Wat
för en Freeheit? He warrt allens hengeven för en Book rutgeven könen.
Blot en paar Lüüd warrt sien neet Book kopen. Den Rest vun de Uplaag
beed em de Verlegger to’n Sülvskostenpries an. Dar liggt nu de Stapel.
De Verlag schrift in sienen Jahrsprospekt: Vergrepen.
So is en Schrieversmann ok noch bereit to en Autofahrt paar hunnert Kilometers
för en Interview.
Open för nee Projekten, wiesen, dat’n wieterkamen is, mennigmaal ok
jeden Irrsinn mitmaken, um dat’n rutkamen deit ut dat nich Wahrnahmenwarrn,
um dat’n nee Hopen upbauen kann.
So kaamt denn ok de Kritiker un Bookbespreker up’n Plaan. Wenn ik wat
veröffentlich, mutt ik hennehmen, dat dar över snackt, ok kritiseert warrt;
40
20433-Quickborn1-09 neu 40
12.03.2009, 10:47 Uhr