22. Februar 2022
Sie wollen auch ein ePaper? Erhöhen Sie die Reichweite Ihrer Titel.
YUMPU macht aus Druck-PDFs automatisch weboptimierte ePaper, die Google liebt.
<strong>22.</strong> <strong>Februar</strong> <strong>2022</strong> Bümpliz 5<br />
ES HÄMPFELI BÄRNDÜTSCH<br />
Die neusten Geschichten<br />
aus Bern West auf Mundart<br />
O hüt wei mer wider e chly i üser Mundart ploudere. Hie zwo Gschichte<br />
vo Lüt, wo usem Weschte vo Bärn stamme u när usgwanderet sy,<br />
nid wyt - der Bruno isch bis Münchebuchsi cho, d Julia immerhin bis<br />
Winterthur.<br />
Wär schrybt üs öppis übere Früelig? Oder über öppis Nöis im Weschte vo<br />
Bärn? Mir fröien üs uf öii Gedanke:<br />
Üsi Adrässe: redaktion@bümplizwoche.ch<br />
Marc de Roche u Ursula Stalder-Witschi<br />
JULIA DEGELO: E BÄRNERE Z ZÜRI<br />
D Lüt vo Züri si gar<br />
nid schneuer!<br />
Julia Degelo am bärndütschen Aabe<br />
im Quartierzäntrum Mäderguet.<br />
Foto: Marc de Roche<br />
I chumen us Bärn u bi z Bümpliz<br />
u z Hingerchappele ufgwachse.<br />
Jitze wohnen i z Winterthur im<br />
Kanton Züri. Das sorgt meischtens<br />
für heftegi Reaktione, wen<br />
is verzeue. D Bärnerinne u d<br />
Bärner hei ja sehr dezidierti Meinige<br />
über «d Zürcher»: Entweder<br />
finge si der Dialäkt wüescht, d<br />
Lüt vo Züri unsympathisch u<br />
hektisch oder d Stadt mega mondän,<br />
gross u chic.<br />
I wohne sit knapp vier Jahr dert<br />
u was i bis jitz cha säge: D Zürcher<br />
u d Zürcherinne si nid<br />
schneuer aus ig. Di meischte finge<br />
Bärndütsch u härzig. I ha<br />
auso meischtens scho gwunne,<br />
weni nume ds Muu ufmache.<br />
Bärndütsch isch aber offebar<br />
o schwirig z verstah: «gränne,<br />
äuä oder ömu» mues i immer erkläre.<br />
Aber i ha on es paar schöni züridütschi<br />
Wörter glehrt. E Fründin<br />
vo mir seit immer, we sin es<br />
Bébé gseht oder e chlyne Hung:<br />
«Das isch aber en süesse Bolle!»<br />
Bolle isch öppis Runds, e Baue<br />
oder so, aber meh härzig. U das<br />
isch doch würklech es Superbiud:<br />
Öppis isch so süess, dass<br />
mes aus rund, chly u weich bezeichnet.<br />
Wes uf Bärndütsch nid<br />
so komisch würd töne, würd is<br />
grad übernäh. Julia Degelo<br />
GUETI MUSIG SYT 1958<br />
Uf em Platz näb em Stärne<br />
Aus ehemalige Bümplizer - dert<br />
ufgwachse u i d Schueu ggange -<br />
spazieren i öppedie mau dür ds<br />
Dorfzäntrum. Uf em Platz näb em<br />
Stärne touchen Erinnerigen uuf:<br />
Es isch im Summer 1959 gsi, wo di<br />
im Früelig 1958 nöi ggründeti<br />
Knabemusig Bümpliz (hüt Jugendmusig<br />
Bümpliz) dert ihres<br />
erschte Platzkonzärt het gä. Ig aus<br />
zähjährige Gieu mit em Flüguhorn<br />
(uf em aute Föteli zusserscht<br />
linggs i der zwöite Reie) u my Vatter<br />
aus Dirigänt vorne dra. D Lüt<br />
sy dicht drängt rund ume gstange<br />
u hei gspannt glost, was di<br />
Tschuppele Giele us irne aute Insrumänt<br />
use bringe. Ja, «Giele»<br />
Non e chly ne styfi Sach: ds erschte<br />
Platzkonzärt 1959. Foto: zvg<br />
han i gschrybe. Modi hets dennzumau<br />
no keni gä in ere Knabemusig!<br />
Wo du d Tochter vom Klarinette-Instrukter<br />
ou i d Knabemusig<br />
het wöue, isch d Diskussion<br />
losgange, ob me jitz wöui Meitschi<br />
ufnä oder nid. Item, der Wäg<br />
zur Namesänderig isch du ömu<br />
non e lengere worde...<br />
Zum füfzg-Jahr-Jubiläum im<br />
2008, wi o zum Bischpiu im Jahr<br />
2020, hei am genau glyche<br />
Standort ähnlechi Platzkonzärt<br />
stattgfunge, vor de genau glyche<br />
aute Geböid, wi me uf de Föteli<br />
cha gseh. Der Metzger isch haut<br />
hüt eifach nümm dert, u statt em<br />
Velo- u Töff-Lade gits jitz ds<br />
Coop. D Musigstück sy äuä ou<br />
nümm ganz di glyche wi damaus,<br />
ou das änderet haut mit<br />
der Zyt. Schön, dass es aber immer<br />
no viu jungi Lüt git, wo ds<br />
Musigmache pflege.<br />
Ig wünsche der Jugendmusig<br />
Bärn-Bümpliz wyterhin aus Guete!<br />
Bruno Chapuis,<br />
*1948, ehemalige Bümplizer<br />
Die Elektroprofis für Ihre kleinen und grossen Projekte<br />
DER BERNER BÄREN STROMER:<br />
ZUVERLÄSSIG, SCHNELL, KOMPETENT<br />
Bären Elektro AG • Stöckackerstrasse 37 • 3018 Bern<br />
Telefon 031 990 60 30 • info@baeren-elektro.ch • baeren-elektro.ch