Bult - University of the Free State

Nuus News
Landbou is 50, maar nog ‘n jong kalfi e
Deur Lacea Loader en Stefanie Naborn
Die Fakulteit Natuur- en Landbouwetenskappe het in 2008 die
50ste bestaansjaar van die landbouprogram gevier. Dié program
het so gegroei dat ons vandag as een van die leiers in landbouopleiding
in die land beskou word.
Die landboufakulteit is die jongste van sy soort in die
land. Voor die samesmelting van die landboufakulteit,
natuurwetenskappe en bouwetenskappe in 2002 om
een fakulteit te vorm, was landbou ‘n fakulteit op sy eie.
Op ‘n vergadering van die universiteitsraad op 11 April
1949 is besluit dat ‘n fakulteit van landbou ingestel
moet word. Die destydse Minister van Landbou, mnr.
S.P. le Roux, het op 15 November 1955 opdrag aan ‘n
komitee gegee om ondersoek in te stel en aanbevelings
te doen oor die instelling van ‘n landboufakulteit aan
die UV.
“Die vernaamste motivering was dat ‘n landboufakulteit
die sentrale deel van Suid-Afrika moes bedien. Mnr.
Le Roux, wat ook ‘n alumnus was, het hom besonder
beywer vir die totstandkoming van die fakulteit,” sê
prof. Herman van Schalkwyk, dekaan van die Fakulteit
Natuur- en Landbouwetenskappe.
Voor sy uittrede uit die politiek, kon mnr. Le Roux nog
sy ideaal verwesenlik sien toe hy op 21 Maart 1958
die hoeksteenlegging van die nuwe fakulteitsgebou
waargeneem het. By hierdie geleentheid het hy wyse
woorde gespreek wat vandag nog as inspirasie en
rigting aan beide personeel en studente dien: ‘n
Volk wat vir sy Landbou sorg, sorg vir sy toekoms. Dié
woorde pryk op die fontein aan die voorkant van die
gebou.
“Die fakulteit het sy vroeë bestaansjare in die ou
offi siersmenasie by Sunlawns deurgemaak terwyl die
landbougebou in aanbou was. Van die personeel is
begin 1958 aangestel en toe kon die eerste studente
met studies in landbou begin. Met die aanvang van
die eerste klasse was daar slegs sewe ingeskrewe
studente. Die studentetal het na vier jaar honderd
bereik en hierna aanhou groei in voorgraadse en
nagraadse studentetalle,” sê prof. Van Schalkwyk.
Prof. Rabie Saunders was die eerste dekaan en as blyk
van waardering vir sy bydrae tot die daarstelling van die
fakulteit is die fakulteitsbiblioteek na hom vernoem.
Op 19 April 1963 is die indrukwekkende nuwe
fakulteitsgebou amptelik deur die Minister van
Landboutegniese Dienste en Waterwese, mnr. P.M.K.
le Roux, geopen. Dié gebeurtenis was nie alleen ‘n
mylpaal in die geskiedenis van die UV nie, maar ook
in Suid-Afrikaanse landbou. Die gebou, wat bestaan
uit agt blokke van drie tot vier verdiepings, is deur die
Bloemfonteinse argitek Scrysos S. Daneel ontwerp.
Dit is vandag nog ingerig met die mees tegnologies
gevorderde toerusting en die mees moderne geriewe in
die land vir landbouopleiding, sowel as -navorsing.
Met die samesmelting van die landboufakulteit met
natuurwetenskappe en bouwetenskappe, het die nuwe
fakulteit een van die grootste fakulteite aan die UV
geword met 19 departemente, vyf sentrums, ‘n instituut
en ‘n proefplaas. In 2008 het 1 016 voorgraadse
studente in landbouverwante kursusse ingeskryf,
teenoor 969 in 2007 en 897 in 2006.
”Die fakulteit streef vandag steeds daarna om
uitnemende, markgerigte opleiding aan studente te
verskaf, wat hulle gereed maak om hul plek in die besigheidswêreld
vol te staan,” sê prof. Van Schalkwyk.
Heel bo: Hoeksteenlegging van die
Landbougebou op 21 Maart 1958.
Bo: By die loodsing van “50 jaar in landbou”
einde van verlede jaar was, van links: dr. Daan
Opperman, seremoniemeester en direkteur van
Vleissentraal, mnr. Corwyn Botha, Voorsitter:
Landboubesigheidskamer en Besturende
Direkteur van die Kaap Agri Groep, mnr. Hans
van der Merwe, Uitvoerende Hoof: Agri SA, prof.
Herman van Schalkwyk: Dekaan: Fakulteit Natuur-
en Landbouwetenskappe, en mnr. Motsepe
Matlala, President van NAFU.
Heel bo: Die eerste UOVSlandbouverenigingbestuur
en
Universiteit Boerevereniging in
1968.
Bo: Dié beeld aan die westekant
van die Landbougebou toon
‘n man wat sy een hand na ‘n
wolk uitsteek en met die ander
‘n weerligstraal vashou – dit
simboliseer die Departement
Landbouweerkunde.
28 Bult 29