You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Alumni<br />
Therese wil nog magic maak<br />
Daar is velerlei aspekte waaraan ‘n mens geken kan word. ‘n Kapenaar het<br />
die aksent. ‘n Boer dra vellies. ‘n Sjef het dalk ‘n meelstreep op die wang,<br />
maar Therese Benade verras met elke rol wat sy speel. Elke projek wat sy<br />
aanpak... Cindé Mostert het met haar gepraat.<br />
Menige Suid-Afrikaner ken haar steeds as Katryn.<br />
‘n Handvol dink sy is Astrid van Villa Rosa. ‘n Ander<br />
groep herroep ‘n karakter van Home Affairs. Vir haar<br />
studentemaats was sy die blommekind en vir die<br />
kinders van die Abraham Kriel-kinderhuis is sy hulle<br />
ander ma. By die huis en in haar hart is Therese<br />
bloot wie sy is. Immer besorg. Eindeloos nuuskierig.<br />
Innemend en belangstellend.<br />
Therese het haar skoolloopbaan in Escourt voltooi<br />
voor sy in 1995 aangesluit het by Kovsies se Dramadepartement.<br />
Daarna het sy ‘n draai <strong>of</strong> wat oorsee gaan<br />
maak. In ‘n restaurant <strong>of</strong> twee se kombuis gearbei. Die<br />
rol van ‘n leeftyd losgeslaan. En ‘n bekende gesig in<br />
Suid-Afrikaners se televisiekamer geraak. In haar eie<br />
binnekamer, gesels sy so:<br />
Wat het jou laat besluit om by Kovsies te studeer?<br />
Ek is die jongste van drie kinders en het maar agter die<br />
ander twee aangetrek.<br />
Positiewe dinge wat jy van jou studentedae koester?<br />
Dat ek oral heen kon stap. Die wonderlike tye in die<br />
Wynand Mouton-teater en die kaf se tjips! Kuier by<br />
maats in hulle koshuiskamers. En rondry op my ligblou<br />
poegie... een met sulke spierwit daisies op!<br />
Waaroor het jy op skool gedroom? Om my eie perd<br />
te hê (ek gaan nog eendag!). Om die wêreld te sien.<br />
Om ‘n wetenskaplike te wees. Of, nee, ‘n sielkundige.<br />
Dalk ‘n prokureur. Nee, die eerste vrouepresident. Um,<br />
sukses?<br />
Toe wen drama? Ek het daaroor gedroom, maar<br />
gedink ek is heeltemal te skaam daarvoor. Ek het geen<br />
blootstelling daaraan gehad nie.<br />
Dink jy akademiese opleiding het ‘n plek in<br />
die kunste? Mmm. Ek dink dis belangrik om ‘n<br />
verwysingsraamwerk te hê waarbinne jou eie kreatiwiteit<br />
kan groei en ontwikkel. Ook: sonder kennis van<br />
wat was, hoe weet jy wat moet kom? Goeie tegniek<br />
vervolmaak ook enige kreatiewe proses. Meel sonder ‘n<br />
resep is tog nie klaar koek nie, <strong>of</strong> hoe?<br />
Hoe het jou akademiese opleiding jóú gebaat in jou<br />
loopbaan? Dit het my die tegniek gegee om op staat<br />
te maak. My geleer hoe om uit my dop te klim en met<br />
vertroue te werk. Dit het my respek gegee om iets wat<br />
al vir so lank beoefen word, met ambisie na te volg. Op<br />
die regte manier, en vir die regte redes.<br />
Wat was die Therese van tien jaar gelede se drome?<br />
Om aktrise te wees. Om op groot filmstelle te kan werk,<br />
te sien en ervaar hoe ‘n mens magic maak.<br />
As jy terugkyk oor die afgelope tien jaar, hoe voel<br />
jy oor wat jy gedoen het? Trots. Met goeie vriende<br />
en familie se ondersteuning, was ek braaf genoeg om<br />
te spring sonder om te wonder <strong>of</strong> ek kan vlieg. Ek het<br />
baie gesien, gevoel, gehuil, gelag – ek kon eerlikwaar<br />
nie vir ‘n beter lewensreis gevra het nie. Dit was tegelyk<br />
swaar, onverwags, lekker, moeilik en ongelo<strong>of</strong>lik. Ek kan<br />
steeds nie glo hoe wonderlik geseënd ek was en elke<br />
dag is nie: om te kan bestaan met dit wat ek wil doen<br />
en wees.<br />
Wat is jou drome vir die volgende tien jaar? Om met<br />
respek en liefde omring te wees, en met passie te leef...<br />
Om nooit te vergeet hoe dit in die wings voel terwyl jy<br />
wag vir jou beurt om op die verhoog te stap nie!<br />
As jy enigiets kan bydra tot jou alma mater, wat sou<br />
jy graag wou doen? Vir hulle wou fluister om braaf<br />
en verdraagsaam te wees. Om hulle vlerke so wyd as<br />
moontlik te sprei, en die wêreld om hulle aan te durf en<br />
te verken. Om jonk en vry te wees is so kosbaar – net<br />
jammer ‘n mens besef dit gewoonlik te laat! Moenie<br />
bang wees om te waag nie – jy maak jou eie sukses.<br />
Moenie bang wees om te vra en te leer nie.<br />
As jy enigiets behalwe ‘n aktrise kon wees, wat sou<br />
dit wees? Juis daarom is ek een – ek kan maak <strong>of</strong> ek<br />
enigiets en alles is. Maar in my volgende lewe kom ek<br />
terug as ‘n rock-ster!<br />
Wat laat jou hart vinniger klop? Mooi goed. Wanneer<br />
die mooi man in my lewe onverwags vir my kyk. En<br />
mense wat regtig gelukkig is.<br />
En warm onder die kraag? Mense wat nie dink aan<br />
gevolge en ander se gevoelens nie (en daaraan was<br />
ek self al baie keer skuldig). Mense wat nie moeite<br />
waardeer nie.<br />
As jy een les vir die mensdom kon leer...? Jy’t net<br />
een kans om jy te wees... en om “te wees” teenoor<br />
ander. Respekteer en geniet dit.<br />
Het jy daardie les geleer? Ek doen nog steeds elke<br />
dag. Ek hoop ek hou nooit op nie.<br />
En dan het ons nog nie uitgekom by haar skeppings<br />
in die kombuis. Haar stiptelikheid, werksetiek,<br />
uithouvermoë en die feit dat sy altyd dink sy kan nog<br />
iets leer. Dat die enigste drama queen die een is wat<br />
haar karakters van haar vereis om te speel. En omdat<br />
sy skaam en nederig met elke ou omie en klein kind<br />
praat wat gou wil hoor <strong>of</strong> “Katryn nou happy is?”<br />
74 <strong>Bult</strong> 75
Change language