Bien Donné Farm - Agri Promo

Hieroor kan die Rooivleisbedryf
positief wees
John Durr
Voorsitter RPO
Wes-Kaap
D
ie nasionale Rooivleisprodusente-organisasie
(RPO) is baie optimisties oor die bedryf in
terme van die groeiende vraag na die produk
op die medium- en die langtermyn en dit geld ook op
internasionale gebied. Ten spyte van die feit dat die
verbruiker tans onder druk is, is ons optimisties dat
die produsentepryse van rooivleis effens kan styg in
die jaar wat kom. Daar sal egter druk op die speenkalf
prys wees as gevolg van die redelik drastiese styging
in die mielieprys.
Die bedryf is ook optimisties oor die feit dat daar heelwat
wetenskaplike navorsing is wat daarop dui dat
rooivleis deel kan vorm van ‘n gesonde dieet en dat
rooivleis vier keer per week verbruik kan word in terme
van ‘n cholesterol-verlagende dieet en ‘n dieet om
vetsug te bekamp.
Die Dieregesondheidsforum het ná die uitbreking
van bek-en-klouseer wat in 2011 in KwaZulu-Natal
voorgekom het, weer van die grond af gekom. Dit
bestaan uit verteenwoordigers van al die rolspelers in
die bedryf en speel ‘n belangrike rol om te verseker
dat Suid-Afrika se nasionale kuddes beskerm word.
Die Suid-Afrikaanse rooivleisbedryf beskik oor ‘n
bedryfstruktuur wat die besondere uitdagings in die
bedryf se waardeketting kan aanspreek. Die nasionale
RPO het die regte struktuur om dienste te lewer
en inspraak te hê in die bedryf.
Die rooivleisbedryf kan onder meer positief wees oor
die volgende:
• Die vraag na rooivleis is plaaslik en internasionaal
baie hoog. Suid-Afrika bly ‘n netto-invoerder en kan
selfs ‘n groter invoerder word as produksie nie verhoog
nie. Produksiedoeltreffendheid kan egter nog
baie verhoog word om in die groterwordende vraag
te voorsien.
BIEN DONNÉ AGRI CAPE WEEK 2012
• Afrika se hoë bevolkingsaanwas bly ‘n geleentheid
vir die toekoms.
• Die opkomende verbruiker koop meer rooivleis en
soos wat inkomstes verhoog, sal verbruik ook verhoog.
• Die voedingsamestelling van rooivleis kan ‘n groot
bydrae lewer in voedingsekuriteit en ‘n gebalanseerde
dieet.
• Sowat 40% van alle vee behoort aan ontwikkelende
produsente. Verhoogde effektiwiteit in dié sektor kan
produksie drasties verhoog. Die RPO en die Nasionale
Opkomende Rooivleisprodusente-organisasie
(NERPO) werk saam om doelwitte te bereik in sake
van gemeenskaplike belang.
• Die bedryf belê tans jaarliks R10miljoen in navorsing
en ontwikkeling en dit sal in die toekoms beslis vrugte
afwerp.
• Die rooivleisbedryf is gestruktureer in die vorm van
die Vleisbedryfsforum, wat die hele waardeketting verteenwoordig.
Daar is ‘n statutêre heffing in plek wat
kapasiteit skep om sekere behoeftes in die bedryf
aan te spreek, naamlik verbruikersgemoedsrus, verbruikersopvoeding,
navorsing en ontwikkeling, transformasie
en produksie-ontwikkeling.
• Die RPO en NERPO het ‘n Kode van Beste Praktyk
ontwikkel, wat verantwoordelikheid aanvaar vir belangrike
aspekte, soos die bewaring van natuurlike
hulpbronne, dierewelsyn, arbeidspraktyk, asook die
koolstof- en watervoetspoor van veeboerdery.
Die bedryf is baie optimisties oor sy toekoms, wat
die medium- en langtermyn betref, daarom neem die
RPO met vrymoedigheid deel aan ‘n belangrike platform
soos die Bien Donné Agri Cape Week 2012.
16 www.agrimega.co.za