Bien Donné Farm - Agri Promo

Hoe pas ROOIVLEIS by
die hedendaagse dieet in?
Prof. Hettie Schönfeldt,
Bestuurder - Administrasie:
Rooivleis
Navorsing en Ontwikkeling
Suid-Afrika
(RMRDSA).
O
ns verwag baie van ons kos - ons vereis
waarde vir geld, verbeterde gesondheid, maksimum
voeding en omgewingsveiligheid; en
dring daarop aan dat ons kos van goeie kwaliteit,
veilig, gerieflik, en smaaklik moet wees.
Die kos wat ons eet, kan belangrike oorsaaklike of
voorkomende rolle by baie siektes soos obesiteit,
hartsiekte, diabetes, en kanker, speel.
Die inname van ‘n groot verskeidenheid voedingstofryke
kosse, insluitend maer rooivleis, as deel van ‘n
gesonde leefwyse, kan help om die risiko van ontwikkeling
van chroniese siektes te verlaag.
Is rooivleis gepas as ek probeer gewig verloor?
- Wetenskaplike bewyse dui aan dat hoë kwaliteit proteïne
‘n positiewe rol speel in gewigsbeheer, deurdat
dit jou langer versadig laat voel en spierweefsel beskerm.
- Maer rooivleis, soos Suid-Afrikaanse lams- en
skaapvleis, is laag in vet en kilojoules (energie), en
hoog in proteïne, en kan as deel van ‘n verslankingsdieet
ingesluit word.
Wenk: Om die energiebydrae so laag as moontlik te
hou, kies maer snitte en sny alle sigbare vet af.
En as ek swanger is?
- Suid-Afrikaanse lams- en skaapvleis is goeie bronne
van hoë kwaliteit proteïne, yster, sink en B-vitamiene,
wat daagliks nodig is vir die groei en ontwikkeling van
jou baba.
- Vitamien B12 help om genetiese materiaal te maak,
en is baie belangrik. Hierdie vitamien word slegs in
kosse wat van diere afkomstig is, soos rooivleis,
aangetref.
- Daar is verskillende soorte yster in ons dieet - die
yster in rooivleis word makliker deur die liggaam gebruik
as die yster in grane en groente. Een porsie
maer Suid-Afrikaanse skaapvleis (80-90g) verskaf net
soveel yster as een heelgraan brood of twee blikkies
sousbone.
Wenk: Swangerskap dreineer ‘n vrou se ysterstatus,
daarom is dit belangrik om gereeld ysterryke kosse,
soos rooivleis, te eet.
Hoe baat bejaardes by rooivleis?
- Energiebehoeftes neem gewoonlik af met toene-
BIEN DONNÉ AGRI CAPE WEEK 2012
mende ouderdom, veral as fisiese aktiwiteit beperk
word, maar die behoefte aan proteïne, vitamiene en
minerale bly dieselfde.
- Proteïne verskaf ‘n bron van genesing en regenerasie,
en onderhou ‘n noodvoorraad van energie in die
liggaam in geval van siekte.
- Bloedarmoede kom algemeen in ouer volwassenes
voor, as gevolg van swak absorpsie van yster. Veranderinge
in die spysverteringskanaal, bloedverlies en
die gebruik van sekere geneesmiddels, asook swak
dieetinname, het dit tot gevolg. Rooivleis is ‘n goeie
bron van yster.
Wenk: Ouer persone het dikwels ‘n verminderde aptyt
en moet baie voedingstowwe deur ‘n klein hoeveelheid
kos inneem. Voedsel met ‘n hoë voedingstofdigtheid,
soos Suid-Afrikaanse lams- en skaapvleis,
verskaf “baie in min”.
Wat van rooivleis en kanker?
- Daar is geen grondige wetenskaplike bewyse wat
die inname van maer rooivleis met die ontwikkeling
van kankers verbind nie.
- Die oorsake van kanker is veelvoudig en kompleks.
Algemene eetgewoontes en leefwyse is belangriker
as om op een spesifieke kos te fokus.
- Obesiteit en ‘n gebrek aan fisiese aktiwiteit word erken
as die belangrikste risikofaktore vir dieetverwante
kankers.
Wenk: Die Wêreld Kanker Navorsingsfonds beveel
aan dat tot 500g gaar rooivleis per week ingeneem
kan word, wat ooreenstem met die Suid-Afrikaanse
Voedsel-Gebaseerde Dieetriglyne.
Behoort mense met hoë cholesterol rooivleis te eet?
- ’n Aantal studies het bewys dat maer rooivleis as
deel van ‘n cholesterol-verlagende dieet ingeneem
kan word.
- Die soorte vet in die dieet het ‘n groter effek op
die hoeveelheid cholesterol in die bloedstroom, as
die hoeveelheid cholesterol wat in ‘n voedselproduk
aangetref word.
- Minder as die helfte van die vet in maer rooivleis
bestaan uit cholesterol-verhogende vetsure (versadigde
vet). Die res van die vet is hoofsaaklik
voordelige mono- en poli-onversadigde vetsure wat
cholesterol kan verlaag.
Wenk: Om ‘n laevet vleiskeuse te verseker, kies vleis
met min sigbare vet of sny die oormatige vet af.
Wat is die gevolge as ek nie rooivleis eet nie?
- ‘n Dieet wat rooivleis uitsluit, kan voedsaam wees,
maar dit vereis versigtige beplanning om te verseker
dat daar aan al die voedingstofbehoeftes voldoen
word.
- Vier voedingstowwe (yster, sink, proteïen en vitamien
B12) het spesiale aandag nodig.
- As vleis met plantaardige proteïene, soos peulgroente
vervang word, sal dit die inname van yster- en
sink-inhibeerders (fitate) verhoog. Dit sal dus nodig
wees om tot soveel as 80% meer yster, en 50% meer
sink, in te neem.
Wenk: Daar is geen grondige wetenskaplike bewyse
dat ‘n matige inname van maer rooivleis enige negatiewe
effek op gesondheid het nie.
Rooivleis het ‘n hoë voedingstofdigtheid.
‘n 90g eetbare porsie maer Suid-Afrikaanse lams- en
skaapvleis (ongeveer twee lamstjops), maak die volgende
bydrae tot jou Aanbevole Dieettoelae (ADT):
- Minder as 10% vir energie.
- Meer as 30% vir proteïen, sink, vitamien B3 (niasien)
en vitamien B12.
- Meer as 10% vir yster.
22 www.agrimega.co.za