Bien Donné Farm - Agri Promo

Klimaatsverandering:
Nie-volhoubare landboupraktyke
verg aanpassings
Leensie Streicher
AMG Media &
Promotions
S
legs sowat 1% van die wêreld se water is
beskikbaar vir menslike gebruik. Met 2%
opgesluit in die ysgebiede rondom die Noorden
Suidpool en die ander 97% wat in die oseane
voorkom, is water ‘n skaars kommoditeit wat met respek
gebruik moet word.
In Suid-Afrika moet ons selfs meer ekonomies met
water omgaan, aangesien ons laer gemiddelde reënval,
gekonsentreerd oor 5 maande van die jaar, ons
water beskikbaarheid onder druk plaas. Suid-Afrika
se gemiddelde jaarlikse reënval is slegs 470mm per
jaar, en in vergelyking met die wêreld gemiddeld van
857mm per jaar, is ons ver onder die gemiddeld.
Veral met die realiteit van klimaatsverandering wat ‘n
merkbare verandering in weerpatrone en gemiddelde
temperature teweeg bring, moet gebruikers van water,
veral landbou, waterbestuurspraktyke aanpas om te
verseker dat die gebruik van skaars waterbronne vol-
BIEN DONNÉ AGRI CAPE WEEK 2012
houbaar is en ons nie onkant gevang word nie.
Volgens André Roux, Direkteur: Volhoubare Hulpbronbestuur
van die Wes-Kaapse Departement van Landbou,
het dié departement verskeie projekte wat die
effektiewe gebruik van water in landboubesproeiing
verhoog.
Dit sluit in die gebruik van satellietbeelde, projekte in
samewerking met WaterWatch (Nederland), asook
Grapelook, ‘n projek om aan tafeldruifprodusente
‘n aanbeveling te voorsien van hul gewasse se besproeiingsbehoeftes
op ‘n weeklikse basis. Die beginsels
van Grapelook is intussen al uitgebrei na aartappelproduksie
in die Sandveld, waar dit ook goeie
resultate toon, en is uitgebrei na Fruitlook waar weeklikse
terugvoer gedurende die groeiseisoen (Oktober
– April) aan vrugteboere voorsien word.
Grondbewerkingspraktyke word verder opnuut ondersoek,
nie net as gevolg van die voordelige finansiële
implikasies op insetkoste nie, maar ook wat betref
die waterhouvermoë van grond. Minimum- of geengrondbewerkingsmetodes
help om gronderosie as
gevolg van afloopwater te beveg en veroorsaak so
dat kosbare water nie verlore gaan nie, en verhoed
ook dat bogrond wegspoel.
Roux verduidelik dat volhoubare boerdery uit drie
komponente bestaan, naamlik dekgewasse, geenbewerking
en gewasrotasie, en die positiewe impak
hiervan is al ervaar met eksperimentele proewe op
gewasse soos rooibostee.
Die realiteit van klimaatsverandering kan nie weggeredeneer
word nie, maar met goeie bestuur en navorsing
na beter praktyke kan skaars hulpbronne soos
water bewaar en volhoubaar benut word.
Die Bien Donné Agri Cape Week 2012 is die ideale
platform waar sake soos hierdie met produsente bespreek
behoort te word.
24 www.agrimega.co.za