Create successful ePaper yourself
Turn your PDF publications into a flip-book with our unique Google optimized e-Paper software.
204<br />
205<br />
206<br />
Úsáideoirí bóithre a bhfuil<br />
cúram breise de dhíth orthu<br />
Is iad na coisithe, rothaithe, gluaisrothaithe agus marcaigh<br />
na húsáideoirí bóithre is soghortaithe. Tá sé thar a bheith<br />
tábhachtach páistí, daoine scothaosta agus daoine faoi<br />
mhíchumas a choimhéad, mar aon le tiománaithe faoi oiliúint<br />
agus tiománaithe ar bheagán taithí.<br />
Coisithe<br />
Tá baol ann go siúlfaidh coisithe, go háirithe páistí, amach<br />
ar an bhóthar gan choinne. Ba chóir duit smaoineamh ar<br />
shábháilteacht leanaí i gcónaí agus tú ag tiomáint agus ar<br />
luas atá fóirsteanach do na coinníollacha tiomána.<br />
Tiomáin go cúramach agus go mall sna cásanna seo<br />
a leanas<br />
• i sráideanna plódaithe siopadóireachta, Sráideanna<br />
Cónaithe agus Lánaí Ciúine (féach Riail 218) nó ceantair<br />
chónaithe<br />
• ag tiomáint thar stopanna bus agus tram; d’fhéadfadh<br />
coisithe teacht amach ar an bhóthar go tobann<br />
• ag dul thar fheithiclí atá páirceáilte, go háirithe veaineanna<br />
uachtair reoite; bíonn níos mó suime ag páistí in uachtar<br />
reoite ná sa trácht agus d’fhéadfadh siad rith amach ar an<br />
bhóthar gan choinne<br />
• nuair a bhíonn ort cosán, lána rothar nó raon rothar a<br />
thrasnú; mar shampla le cabhsán a bhaint amach. Géill<br />
slí do choisithe ar an chosán agus do rothaithe ar an lána<br />
rothar nó raon rothar<br />
• nuair a bhíonn tú ag cúlú isteach i dtaobh-bhóthar; amharc<br />
mórthimpeall na feithicle agus géill slí d’aon choisí atá ag<br />
trasnú an bhóthair a bhfuil tusa ag casadh isteach ann<br />
agus é/í ar an bhóthar cheana féin<br />
• nuair a bhíonn an cosán druidte de bharr deisiú bóthair<br />
agus treoraítear coisithe leis an bhóthar a úsáid<br />
• nuair a bhíonn tú ag druidim le coisithe ar bhóithre cúnga<br />
tuaithe gan chosán. Moilligh i gcónaí agus bí réidh le<br />
stopadh más gá, ag tabhairt neart spáis dóibh agus tú ag<br />
tiomáint thart leo.<br />
70 �