[hprints-00683151, v2] Enea Silvio Piccolomini (Pius II ... - Hprints.org

hprints-00683151, version 2 - 19 Mar 2013
[75] Pergo ad alia: justitiaeque 709 erga subditos ministrandae aequitatisque 710
servandae ducale studium vel in eo potestis comprehendere, quod ab omnibus
subditis peraeque diligitur. Percurrite ejus territorium, omnes uno ore videbitis 711 de
suo principe bene dicere 712 sibique bene optare, superosque rogare, ut superstes ac
longaevus fiat. Nullum principi male dicere, nullum nisi magnifice amplissimeque de
suo sentientes principe invenietis. Quam rem nemo ex justitia natam 713 negaverit.
Eo pertinet, quod de Sperone 714 aliisque plerisque factum est, quos 715 , cum ipse in
subditos graves, acerbos, contumeliososque reperisset, ab sese 716 penitus abdicavit
omnique magistratu dejecit. Ex quo fit, ut ejus dominatus altissimis defixus radicibus
existat; est enim in amore ac caritate fundatus, non in timore, qui, ut dicit orator,
non est diuturnus magister officii. Nec illud queo praeterire, quod nemo magis
mortem hominis abhorret, nemo magis invitus torqueri homines audit.
709 justitiae Z
710 aequitatisve M
711 audietis Z
712 benedicere A, B, C, D
713 et equitate prodire Z
714 de Sperone : Speroni Z
715 quo N
716 se M
138