CISTe-ceoil

AN LAOCH AR LÁR
(Fonn: The Dying Rebel)
I Sráid Uí Chonaill tá an ré a' soilsiú
San oíche dhorcha tar éis an áir
Is mé liom féin mar ar thit na laochra
Is iad anois uaim ar neamh go hard.
Curfá:
I mBaile Átha Cliath sea d'éag m'aonmhac
Ag cosaint Éireann le neart is cóir
Ar son a thíre, ar son na fíre
An chruit, an tseamróg, glas, bán is óir.
Is ann a bhuail liom a mháthair bhuartha
Le taobh a haonmhic, ba bhocht a cás
Sea duirt go bródúil 'Mo mhac bhi cróga,
Fíorscoth na hóige nár ghéill go bás.'
Is ann a casadh domh an seanfhear aosta
Ar thóir a aonmhic sa chuardach bhuan
Is ea dúirt me 'A thréanfhir, níl maith a shéanadh
I bhflaitheas Dé tá do mhac faoi shuan.'
Is ann a casadh domh an fear óg loite
Sea dúirt go bródúil, an laoch ar lár
'A Bhéal Feirste álainn, céad míle slán leat
Is slán le hÉirinn anois go brách.’
140