CISTe-ceoil

CILL MHUIRE
Is buachaillín mise do shiúlaigh a lán,
Ag cur tuairisce na háite is fearr ionad,
I múineadh, in iompar, i gclúcheart is i gcáil,
I mbéasa, i dtréithe is i miotal.
Ní heol dom aon chúige nó dúnbhaile breá,
Dá bhfaca i mo shiúlta ba shúgaí le rá,
Níor luigh riamh mo shúil ar aon dúiche chomh breá,
Leis an áit úd a nglaotar Cill Mhuire air.
Ansiúd a bhíonn tionlac, mioncholúr is faoileán,
An chéirseach, fraoch-chearca is druide,
Ar ghéaga ina slaoda ag géilleadh faoi bhláth,
Is gur mhéin liom le háireamh a bhfoirne;
Bíonn fuaim ag an gconairt á ligean chun fiaigh,
Ag traochadh an tsionnaigh is marcaigh ina ndiaidh,
Bíonn adharca á séideadh is na céadta ‘Huzza’
Ar chnocáinín aerach Chill Mhuire.
40