CISTe-ceoil

CÁ RABHAIS AR FEADH AN LAE UAIM?
Cá rabhais ar feadh an lae uaim, a bhuachaillín ó?
Cá rabhais ar feadh an lae uaim, a lao ghil is a stór?
Bhíos ag fiach is ag fabhlaeireacht, a mháithrín ó,
Agus cóirigh mo leaba, táim breoite go leor.
Cad d’ithis do do dhinnéar, a bhuachaillín ó?
Cad d’ithis do do dhinnéar, a lao ghil is a stór?
D’itheas sicíní nimhe ar phláitíní óir,
Agus cóirigh mo leaba, táim breoite go leor.
Cad fhágair ag d’athair, a bhuachaillín ó?
Cad fhágair ag d’athair, a lao ghil is a stór?
Mo chóiste is ceithre capaill, a mháithrín ó,
Agus cóirigh mo leaba, táim breoite go leor.
Cad fhágair ag do mháthair, a bhuachaillín ó?
Cad fhágair ag do mháthair, a lao ghil is a stór?
Mo bha is mo chuid talaimh, a mháithrín ó,
Agus cóirigh mo leaba, táim breoite go leor.
Cad fhágair ag do mhnaoi pósta, a bhuachaillín ó?
Cad fhágair ag do mhnaoi pósta, a lao ghil is a stór?
Fágfad croch chun í a chrochadh is téad láidir go leor,
Agus cóirigh mo leaba, táim breoite go leor.
98