Þinggerð 53 ársþings

Knattspyrnusamband Íslands
Þinggerð
Tillögunni var vísað til allsherjarnefndar.
Álit allsherjarnefndar flutti Páll Bragason.
Nefndin lagði til að tillögunni yrði vísað til stjórnar. Jafnframt lagði nefndin til að stjórn KSÍ leggi
fyrir næsta knattspyrnuþing stefnuyfirlýsingu um þjálfun barna og unglinga, þar sem m.a. verði tekið
á verðlaunaveitingum og viðurkenningum í keppni barna og unglinga.
Jón Gunnlaugsson tók til máls.
Kjartan Másson var mótfallinn tillögunni.
Stefán J Stefánsson taldi að ekki ætti að draga úr keppni barna og unglinga.
Einar Friðþjófsson var mótfallinn tillögunni.
Lúðvík S Georgsson var hlynntur tillögunni.
Samþykkt samhljóða að vísa tillögunni til stjórnar og jafnframt að stjórn KSÍ leggi fyrir
næsta knattspyrnuþing stefnuyfirlýsingu um þjálfun barna og unglinga, þar sem m.a. verði
tekið á verðlaunaveitingum og viðurkenningum í keppni barna og unglinga.
Þingskjal 9
Tillaga um breytingu á reglugerð KSÍ
um knattspyrnumót
Lagt er að 3. töluliður í grein 2.4. – Búnaður leikmanna – breytist og hljóði svo (breytingar
feitletraðar):
Allir leikmenn í mótum á vegum KSÍ skulu tölusettir með greinilegum tölustöfum aftan á
keppnispeysum. Leikmenn meistarflokks karla og kvenna skulu bera númerið 1 til 40. Heimilt
er að hafa nafn leikmanns á keppnisbúningi ofan við númer.
Til skýringar er eftirfarandi:
Setningar í grein 2.4. nr. 2, 3 og 4 falla niður, sem eru eftirfarandi:
Þeir sem hefja leik í keppni 11 manna liða skulu bera númer 1 til 11 og varamenn númer 12 til 16.
Markverðir skulu bera númer 1, 12 eða 16. Leikmenn skulu skráðir í númeraröð á leikskýrslu.
Röksemd:
Auka þarf tengsl milli leikmanna og áhorfenda, þar gildir bæði um sjónvarpsáhorfanda og
áhorfendur á vellinu. Þeir finna sinn mann á vellinum og þekkja hann eða hana með nafni.
Breiðablik og Stjarnan
Tillögunni var vísað til leikreglnanefndar.
Álit leikreglnanefndar flutti Björn Friðþjófsson.
Nefndin lagði til að tillagan yrði felld.
Kjartan Másson lýsti yfir stuðningi við tillöguna.
26