Debtfree Magazine November 2017

Mafiatipes vanuit die Ooste beheer. Kinder en vrouegeweld is ‘n teken van
‘n siek gemeenskap. Plaasaanvalle en moorde bereik ongekende vlakke.
Dan is daar nog die daaglikse misdaad soos roof, kapings, inbrake,
aanranding, verkragting en padwoede wat net aanhou.
Ons is ‘n gelowige ou Volkie wat in die meeste gevalle van dag tot dag wil
bestaan en in vrede aan die einde van die dag rustig met familie en vriende
wil verkeer sonder dat ‘n doodse vrees op ons neerdaal. Die sosiale media,
wat nou almal se beste vriend en kenner van alles is, oorheers ons denke.
Dit is oorlaai van fop en valse berigte wat ons vir soetkoek opvreet en
opsweep totdat emosies normale denke oorheers, dan wil ons saamstaan
maar nie altyd vir rasionele en wel deurdagte redes nie, opsweep is aan
die orde van die dag.
Sport was nog altyd ons trots maar die Springbokke en Bafana se prestasies
of eerder gebrek daaraan wil ‘n mens laat gryp vir vlugsout of miskien iets
sterker. Op die politieke front is daar so ‘n magdom woelinge waarmee
‘n mens sukkel om tred te hou, magspeletjies wat seker niks positief vir
ons as Jan Alleman inhou nie. Twee boeke het onlangs die lig gesien, The
President’s Keepers deur Jacques Pauw en A Simple Man deur Ronnie
Kasrils, ongelukkig is dit nie fiksie nie en daar is seker nog baie ander
vergrype wat na vore gaan kom. SARS, SASSA, ESCOM, PRASA, SAL en
menigte ander instellings is blootgelê. Die land se ekonomie raak net al
meer onstabieler met die uiteinde ons as verbruikers gaan vir die gelag
betaal. Tekorte van miljarde en verduistering en selfs diefstal van meer.