GETITBLOEMFONTEIN July

More documents

Recommendations

Info

Die hoogste doel Text: Lani Fouché. Foto’s: Kobus Robbertze Kleinrivier Lagoon by Hermanus 14 Get It Bloemfontein <strong>July</strong> 2019 getitmagazine.co.za/bloemfontein
‘n Plaaslike avonturier, Kobus Robbertze, het die tog van sy lewe aangedurf – in die lugruim al om Suid-Afrika se kuslyn. Daar is min avonture wat buite bereik is vir iemand so waaghalsig en groothartig soos Kobus (46). Alles wat hy aanpak vir liefdadigheid is gevaarlik, buitengewoon en net eenvoudig vreesaanjaend. ‘n Paar jaar gelede het hy stoksielalleen met sy rugsak en tent op sy rug ‘n fietstoer rondom Lesotho aangedurf ter fondsinsameling en bewusmaking van Kindersorg. Hierdie keer het Kobus besluit om vir sowat 2 500 km langs die land se kuslyn te vlieg met ‘n paramotor. ‘n Paramotor is amper soos ‘n paraglider, net met ‘n petrolaangedrewe motor. Sy tog van Alexanderbaai tot by Kosibaai het ‘n maand geduur. Hy het dit saam met ‘n goeie vriend, Joe Pelser, aangepak. “Vlieg is iets wat ek nog altyd wou doen. Ek het onmiddellik na my Lesotho-fietstoer geweet dat ek volgende ‘n vliegavontuur gaan aanpak.” Kobus het ‘n kursus voltooi om sy paramotor-vlieglisensie te bekom. Met bittermin ervaring en vliegtyd agter die blad, het Kobus en Joe die avontuur van ‘n leeftyd aangepak. “Die grootste uitdaging van ‘n vliegtog soos hierdie, is dat jy geheel en al uitgelewer is aan die elemente. Daar is só baie goed waaroor jy nie beheer het nie, soos sterk wind, reën, motorprobleme… Jy kan hoog in die lug vlieg bo-oor ‘n gebied waar jy nie kan land nie en ‘n ‘motor-out’ beleef. Wat maak jy dan? Waar land jy?” En so wrintie – dit het tweemaal met Kobus gebeur. Sy motor het bo in die lug gestol, en hy moes noodlandings uitvoer. Gelukkig was dit op gebiede waar hy kon land, maar die wete in sy agterkop dat hy konstant uitgelewer was aan genade, het soms aan sy senuwees geknaag. Om met ‘n paramotor op jou rug op te styg, is geen maklike taak nie. “Jy moet voluit hardloop en die motor met jou hand aan ‘n beheerpunt beheer. Wanneer jy genoeg weerstand onder die valskerm het, kan jy opstyg. Dis nie grappies om so vinnig met ‘n 30 kg-motor op jou rug te hardloop nie…” Die skoonheid wat Kobus vanuit die lug ervaar het, is vir hom moeilik om in woorde om te sit. “’n Mens het ‘n 270° onbelemmerde uitsig vanuit die lug. Die gevoel is onbeskryflik. ‘n Mens voel vry, gelukkig en vol vrede bo in die lug.” Een van die mooiste vlugte wat Kobus beleef het, was toe hy oor Knysna en Muisbosskerm aan die Weskus kon afkyk en die skoonheid van die natuur ervaar. Oral waar hulle geland het, het hulle eeten slaapplek gesoek – en gekry. “Dit is seker iets wat my die meeste verbaas het… mense se absolute vriendelikheid en gasvryheid. In die Weskus is ons veral met ope arms en harte ontvang. Ons het by vreemde mense in hul huise oornag en blywende vriendskappe gesmee.” Om ‘n toer van hierdie aard te voltooi, was vir Kobus baie meer geestelik uitputtend as sy Lesotho-fietstoer. “Dit was minder hard op my liggaam, maar my kop moes sterk wees. ‘n Mens vrees mos maklik dat iets kan skeefloop – daar is tye wat jy weet as jy hier val, gaan jy dit nie maak nie.” Na aanleiding van Fly for a Dream het Kobus saam met vliegvriende die Bloemfontein Paramotor Club gestig, waar daar gereeld gevlieg en gekuier word. Fly for a Dream kan steeds ondersteun word om sodoende fondse in te samel vir die Reach for a Dream-stigting. Hierdie organisasie maak kinders met lewensbedreigende siektes se drome waar, maar hulle het jou hulp nodig. Vir meer besonderhede, besoek reachforadream.org.za. Kobus land by Doringbaai Gericke’s Point tussen Wilderness en Sedgefield Doringbaai getitmagazine.co.za/bloemfontein <strong>July</strong> 2019 Get It Bloemfontein 15
Page 1 and 2: 13 WINTER WARDROBE ESSENTIALS Biank
Page 3 and 4: GET IT Editorial Phone 051-5050-900
Page 5 and 6: 19 Die musieklegende, Laurika Rauch
Page 7 and 8: Book club Love. Laughs. And a littl
Page 9: Bronze goddess Softly tanned skin i
Page 12 and 13: High flyers for charity Former Miss
Page 14 and 15: Butter… c’estmagnifique Bright-
Page 18 and 19: 13 4 5 13 10 capsule essentials for
Page 20 and 21: SoyLites has just relaunched its in
Page 22 and 23: What’s up, doc? Winter means lots
Page 24 and 25: - -
Page 26 and 27: Tiny garden tricks If your garden i
Page 29 and 30: Foodfest! A guide to all things cul
Page 31 and 32: Maritsa en Maradine Whitehorn kook
Page 33 and 34: CHEERS TO THE WINNER LOCAL ARTIST C
Page 36 and 37: 8reasons to LOVEavo The avocado is
Page 38 and 39: Kitchen Must-hAVes We’ve rounded
Page 40 and 41: Grow your own herbs Of all of the v
Page 42: Recipe: THE FOOD FOX. Photo: TASHA
Page 46 and 47: GET IT DIRECTORY Moeder van die bru
Page 48 and 49: Coastal escape Plett ... still (and
Page 50: Spoil July Fine bedding for winter

GETITBLOEMFONTEIN July

Create successful ePaper yourself

Delete template?

Save as template?