IDENTIDADE TIMORENSE

N
icolau dos Reis Lobato
moris-mai loron-24, fulan-
Maiu, tinan-1946, iha
Sasatan-Oan, Aitara-Hun,
Soibada, Postu Laklubar, Distritu
Manatuto. Ninia aman maka Narciso
Manuel Lobato, hosi Leorema, Postu
Bazartete, Distritu Liquisá, no inan
maka Felismina Alves Lobato, hosi
Malurukumu / Makadike, Postu
Uatolari, Distritu Vikeke. Ninia abómane
hosi inan maka Domingos da
Costa Alves, hosi Samoro, Soibada,
uluk katekista iha Uatolari no tan ne’e
maka ninia inan moris-mai iha
Malurukumu / Makadike.
Ninia aman no inan hetan oan sanulu
-resin-tolu: 1º Nicolau dos Reis
Lobato nu’udar oan-boot, no, tatuir,
2º António Bosco Lobato, 3º Rogério
Tiago de Fátima Lobato, 4º Maria
Cesaltina Francisca Alves Lobato, 5º
Januário do Carmo Alves Lobato, 6º
Domingos Cassiano Maria da Silva
Lobato, 7º Luis Francisco de
Assunção Alves Lobato, 8º Silvestre
Lobato, 9º Madalena de Canossa
Alves Lobato, 10º Elga Maria do
Rosário Alves Lobato, 11º Jose
Bernardo Alves Lobato, 12º Silvestre
Agostinho Alves Lobato no 13º Elisa
Maria Lobato.
Hosi oan lubun hirak ne’e Rogério
Tiago de Fátima Lobato de’it maka
sei moris hela. Sira-nia aman hetan
moras no mate loron-26, fulan-Abril,
tinan-1976, iha Leorema. Sira-nia
inan hetan mate hosi ema mahohok
iha foho Maubere, Laklubar, fulan-
Jullu, tinan-1979. Oan Silvestre
Lobato maka mate iha inan nia kabun
-laran no oan sira seluk hetan mate
iha okupasaun nia laran bainhira sira
funu hodi timór hetan nia ukun-rasikan.
Nicolau dos Reis Lobato sai-boot to’o
tinan 13 iha Soibada, no iha ne’ebá
maka nia hala’o ninia eskola primária
iha Colégio Nuno Alvares Pereira,
hamutuk ho kolega balu hanesan
Amo-Bispo Alberto da Silva Ricardo
no sira-rua sei hala’o eskola hamutuk
iha Seminário Menor de Nossa
Senhora de Fátima, iha Dare, no ihane’ebá
nia ramata kursu tinan-lima
hodi haksa’e matenek iha eskola ho
rohan di’ak iha dixiplina oioin liuliu iha
lian portugés no matemátika.
Horiuluk kedas nia la’o sorin metin ho
nia alin António no Rogério maibé,
iha tempu ne’ebá, nia mós la’o sorinsorin
ho maluk António Cesaltino
Osório Soares, Abílio Osório Soares,
Luís Viana do Carmo no João Bosco
Prezidente
Nicolau dos Reis Lobato-I
Knananuk ne’ebé hasa’e ba
Prezidente
Nicolau dos Reis Lobato
Hakerek hosi: Mali Leto
Dadolin hosi: Mau Bais
Hakerek tiha iha Moçambique
iha tinan-1979
Prezidente, Prezidente
Kamarada Nicolau
Ó-nia mate malorek mai ami
Tan ó hasoru sira-ne’ebé
hanehan ita
Ho aten-barani ó mate
Ó monu iha funu no ó-nia
naran boot ona
Ó husik mai ami hotu ó-nia banati
Nu’udar matadalan no loron ida ami sei
manán
Prezidente, Prezidente
Kamarada Nicolau
Ó-nia banati hanesan fini ida
Mai hosi ita-nia revolusaun
Maske ó laiha ona ami sei la’o
ba oin nafatin
Ami sei la’o to’o rohan ne’ebé de’it
Ó-nia hala’ok ami sei ramata
Ami sei halo ita-nia mehi hamosu
do Carmo, nu’udar viziñu no oan hosi
Mestre Fernando Soares no José do
Carmo.
Nicolau dos Reis Lobato simu
batizmu iha Paróquia da Imaculada
Conceição iha Soibada, Misaun
Katólica ho naran hanesan, hosi Amo
Januário Coelho da Silva. Fulgêncio
dos Reis Ornay, Liurai hosi Fehuc
Rin, Barike, no ninia aman nia kolega
rasik, maka sai nu’udar aman-sarani.
Bainhira nia sei ki’ikoan nia hetan
hahilik hodi sai hanesan anju ida iha
peregrinasaun estátua de Nossa
Senhora de Fátima nian mai Timór,
iha tinan-1951. Nia simu ninia
formasaun tomak, tuir fiar kreda
katóliku nian, iha Soibada no tatuir
iha Dare. Nia hakfila ba nu’udar
devotu Nossa Senhora Aitara no lori
subar estátua Na’i-Feto nian iha fatin
ida naran Anin Kuak, iha Soibada,
atu ema aat labele estraga. Iha funu
nia laran nia sori Na’i Lulik katóliku
sira no hakbesik Amo Francisco
Tavares, ohin-loron Pároku iha
Ainaru.
Dezembro 2010 – №3
Biografia
Atu hatebes nia fiar kreda katóliku
nian, ita hanoin de’it katak, bainhira
hamosu invazaun militár indonézia no
sira tenke hakiduk no halai ba foho,
nia hakat liu dare no husu ba Amo
Ricardo Alberto da Silva atu harohan
missa ida lai hodi hanoin Timor-
Leste. Hafoin ramata missa ne’ebá,
molok halai tama ai-laran, nia dehan
ba nia kolega nune’e: “ ha’u mate
karik, harohan missa ida ba ha’u
”.Bainhira rona nia mate, ninia kolega
harohan duni missa ida hodi husu tuir
rohan di’ak ba nia klamar.
Tan nia lakohi haktuir moris nu’udar
na’i-lulik nia sai hosi Semináriu iha
tinan-1965. Iha Semináriu nia hetan
hahilik hosi Reitór hodi sa’e nu’udar
xefe kolega seminarista sira-nian ba
tinan tolu no iha tempu ne’ebá maka
nia hatudu ninia kbiit nu’udar ema,
xefe no desportista. Hafoin sai hosi
Semináriu, Nicolau Lobato iha mehi
boot ida atu bá estuda iha Eskola
Direitu iha Universidade Coimbra, iha
Portugal. Maibé, nia aman hetan
moras no nia tenke hela hodi tau
matan ba alin kiik sira no nia mós la
simu tulun hosi governu Portugal nian
atu bá eskola iha rai ne’ebá. Maske
nune’e, nia buka hetan matenek
liután no tama iha Liceu hodi haklean
iha dixiplina Filosofia nian, OPAN –
Organizasaun Polítika no Administrativa
Nasaun nian no lian-portugés,
ho di’ak no natoon atubele tama
iha Universidade.
Bainhira nia mai Díli, hafoin sai hosi
Semináriu, nia bá hela iha nia tio
Arlindo da Costa Tilman no tia Lídia
Boavida nia uma iha Bidau no tio sira
-ne’e simu no kuidadu nia hanesan
oan ida. Tan Bidau ne’ebá besik hela
Amo Bispo nia uma iha Lesidere
maka, domingo-domingo, nia la falta
misa ne’ebé Amo Bispo Dom Jaime
Garcia Goulart rasik maka selebra.
Iha tinan-1966 nia tama ba servisu
militár portugés no hala’o treinamentu
liuhosi kursu sarjentu milisianu nian
no hetan klasifikasaun ho di’akliu,
nu’udar dahuluk, tatuir maka João
Carrascalão nu’udar daruak no
Moisés da Costa Sarmento nu’udar
datoluk. Ikusmai Sarmento kaben tiha
ho nia alin-feto Maria Cesaltina
Franscisca Alves Lobato no sira-rua
hetan mate hosi ema mahohok iha
Ratahu, Vikeke, tinan-1979.Nia
hala’o ninia misaun militár dahuluk
iha Bazartete.
Hafoin, nia hakat aas liu ba pozisaun
Furiel Milisianu no fila fali ba Dili atu
hala’o servisu militár iha Companhia
27