IDENTIDADE TIMORENSE

D
esemprego sai hanesan
factor principal nebe critiku
teb-tebes iha mercado trabalho
timorense. Realidade
hatudu taxa de desemprego nebe
a’as, afecta ba sociedade husi categoria
diferente, particularmente jovens.
Cada tinan cerca de 15.000 jovens
timorenses buka atu insere iha
mercado de trabalho. Obstaculo relevante
aponta ba limitação de campo
de trabalho ho dificuldades atu responde
necessidades hot-hotu.
Barreira seluk nebe ita hasoru mak
falta de mecanismo eficaz atu facilita
jovens hirak ne’e ba mercado de trabalho.
Problema seluk nebe joven sira defronta
hatudu ba falta de expriência
profissional atu actua iha qualquer ramo
de actividades económicas. Iha
mercado de trabalho competitivo ohin
loron, oferta emprego direciona fundamentalmente
ba trabalhadores
qualificados.
Qualificação timorense sei fraco iha
aspecto ida ne’e. Mosu críticas no lamentos
oi-oin husi parte empregadores
ba forma serviço timor oan sira
nebe la profissional, obriga empregadores
fo preferência ba mão-de-obra
estrangeira.
Saida mak precisa atu Timor-Leste,
nebe foin tama iha fase de construção
nasaun nian, bele compete, liuliu
iha domínio estrageiros husi rain
avançado no experiente?
Realidade hirak ne’e sai motivo ba
preocupação governo nebe, liu husi
Secretaria de Estado da Formação
Profissional e Emprego (SEFOPE),
buka realiza actuação concertada,
consistente no relevante atu responde
ba problemas ne’e.
Formação capital humano orientada
ba mercado trabalho constitui factor
fundamentalmente indispensável no
exigência incondicional atu apoia jovens
sira hetan conhecimentos técnicos
nebe serve nudar fundamento no
aposta sira ba tama iha mercado de
trabalho.
Maibe, de facto, nia implementação
apresenta carácter complexo nebe
precisa resolve desafios hot-hotu simultâneamente.
Estabelecimento no promoção Politica
de Formação Profissional sai hanesan
base ida nebe articula visão
ba sistema formação profissional,
responde ba desenvolvimento com-
48
Bendito Freitas
Sekretariu Estadu
Relevância Formação Profissional no
Acesso ba Emprego iha Timor – Leste
petências atu bele contribui ba empregabilidade.
Criação de Estratégia Nacional de
Emprego (ENE) sai mos chave indispensável,
nebe enquadra iha acções
conducentes ba criação emprego iha
política de recursos nia laran no
condições socioeconómicas.
Realização política ne’e envolve fundamentalmente
entidades hot-hotu,
públicas no privadas, atu contribui ba
geração de emprego no rendimento.
Implementação política no estratégia
ne’e hala’o liu husi programas no
actividades SEFOPE: Intensifica redes
parcerias iha area formação profissional
ho sociedade civil, ONGs,
intituições religiosas nebe fornece
formação profissional, centros de formação
no fo apoia iha nivel financeira
atu reforça no hasae qualidade
sira nia instituições.
Qualidade nebe temi sei determina
liu husi acreditação nebe realiza husi
Instituto de Desenvolvimento de Mão
-de-Obra (INDMO), instituição autónoma
iha sob-tutela SEFOPE nian.
Aspecto seluk foca ba elevação
qualidade formadores nebe bele mos
fo garantia ba qualidade formandos
nian. Ba questão ne’e, importante teb
-tebes consolida negociações ho
parceiros iha rai laran no rai liur atu
realiza formação ida específica tuir
necessidades.
Medida seluk nebe mos essencial no
promoção ba empregabilidade mak
realização estágios profissionais iha
contexto real do trabalho, nebe concentra
ba melhoria competencias técnicas,
conhecimentos no experiências
ba recém-formados husi centros
de formação iha serviço fatin, nebe
facilita no promove articulação entre
Dezembro 2010 – №3
Politika
Durante ocupação estrangeira, jovens barak lakon oportunidades atu adquire estudos adequados, tan
compromissos ba participação inegociável iha luta ba libertação Pátria. Hafoin atinge mehi liberdade iha
1999, sira tama iha situações incertas konaba paragens ou postos nebe pretende depois de luta
prolongada. Medida saida mak bele resolve?
‘wainhira sai husi sitema formativo’
no ‘contacto ho mundo trabalho nian’.
Necessário teb-tebes criação parceria
diak ho sectores públicos no privados
existentes, atu bele halo
processo canalização ba formandos
sira.
Iha contexto emprego, indispensável
estabelece medidas atu acesso ba
emprego hanesan realização programa
mediação entre candidatos
trabalhadores ho empresas, ONGs
no Instituições.
Forma ida diak atu empregadores
sira envolve ba resolução problemas
desemprego iha rai laran.
Alein serviço iha rai laran, promoção
mão-de-obra iha estrangeiro constitui
medida ida diak nebe apoia ba empregabilidade
jovens, elevação capacidade
no experiências serviço no
amento ba rendimento familia nian.
To’o oras ne’e, 424 jovens, inclui feto
45, serviço iha corea do Sul iha
sector fábricas, agricultura no pescas.
Maibe iha parte seluk, governo continua
insentiva ba comunidade no jovens
desempregados sira ba criação
serviço rasik, liu husi conjunto medidas
disponibilizados hanesan conjugação
esforços entre instituição
micro-crédito, fornecedores de formação
no formação empresarial.
Sei precisa nafatin criação de medidas
oi-oin atu resolve problemas.
Governo, liu husi SEFOPE, la husik
atu reflete konaba realidade nebe envolve
timor oan tomak no tenta ho
esforços atu responde necessidades
ho objectivo fo apoio ba comunidade,
liu-liu jovens, ba concretização sira
nia mehi no tau sira iha situação
nebe certo.