Bertsolaritza, formarik gabeko heziketa Jakintza-arloa ... - Euskara

24 –––––––––––––––––––––––––––––––––––––––––––––––––––––––––––––––––––
1.- Ahozkaritza bera dokumentu bihurtu. Hau da, egungo aho-azterketak aritzen
diren legez, hitza protagonistei eman (kasu honetan bertsolariei beraiei) eta lanerako
erreferentziatzat hartu.
2.- Egun irakaskuntza egitaratuan txertaturik dauden bertso-eskolen datuak
agerrerazi, ahozko-dokumentuen bidez lortu dugunarekin alderatzeko.
3.- Esaten den guztia edonork egiazta dezan,
3.1.- Oinarrizko iturburuak beti aipatu, nahiz eta zaharrak izan eta, beraz, aurkitzen
zailak.
3.2.- Aipamenen artean jatorrizko erreferentziak zerrendatu, edo bestelakoan
erabilitakoaren gain, jatorrizkoaren zehazkizunak (argitaletxea, non eta noiz kaleratutako
liburua).
3.3.- Oharra liburugintzan bilatzerik ez dagoenean, lortzeko bidea eskaintzen dut
(irratsaioak, hitzaldietako baieztapenak etab.) edota dokumentu osoa transkribatzen dut
(Manuel Lekuona-k, Odon Apraiz-en omenaldian esandakoa kasu).
3.4.- Liburugintza arruntean saiatu naiz gaurkotuenak erabiltzen, ugaritasun
handiegian ez erortzekotan.
Edonolaz ere, posible izan den heinean, diskurtso sintetikoa eskaintzen ahalegindu
naiz. Hauxe dela eta emandako baieztapen bakoitzarekin batera, non sakondu edota non
frogatu aipatzen da.
Askotan nahiago izan dut, aipatutako ikertzaileen teoriak besterik gabe azaltzea,
erudizio maltzurrez garatzea baino. Halere, esan bezala, lan osoan zehar adierazitako guztia
egiaztatzeko bideak egon badaude.
Eta azken finean, itxaropena bera baino zerbait gehiago den lantxo honetatik aitortu
behar dut, guzti hau burutzeko ez dudala inongo bekarik lortu, eskatu badut ere.