Bertsolaritza, formarik gabeko heziketa Jakintza-arloa ... - Euskara

38 –––––––––––––––––––––––––––––––––––––––––––––––––––––––––––––––––––
B.2) Praktikaren plangintzarako:
B.2.1. Guzti honen gain eraiki daitezkeen esperientzia berrien diseinua.
B.2.2. Eginda daudenen zerrenda eta komunikazioa.
B.2.3. Eratutako sare horien arauera, errekurtsoen banaketa.
B.2.4. Hezkuntzaren zirkuitu horien ebaluaketa.
Dudarik gabe, formarik gabeko heziketa zein hezkuntza ezformalak direla eta, bidera
daitezkeen lan pedagogikoek hezkuntza bera (Jakintza eta Ezagutzen trasmisio gisa) bere
ohizko esanahiaz kolokan jartzen digute.
Nahiz eta lehen aipatutako ikuspegi eta izendapen ugalketa handia izan37, formala ez
den hezkuntza honetatik kanpo ibiltzeak, esan bezala, hezkuntza kontzeptua birplanteatzen
du, zeren ikusmira-aldaketa honetatik ezeztatu egin beharko bait da "hezkuntzari buruzko
aurreritzizko ideia, hau da, gizakien heziketa azpisistema aske batzuren batuketa dela" 38 .
Formala ez den Hezkuntzak, beraz, ezabatzen ditu ezagutzaren helerazterako mugak,
ezagutza-jakintza eta barnerakuntza–sormenaren binomioak erakusten dizkigun bitartean.
Guzti honi erantzuna emateko landuko ditugu lantxo honen hurrengo atalak, baina
orain eta zehazkizun gisa, bi ohar:
A) Ezagutza-jakintza kontraesan hori geroxeago aztertuko denez, gizakiengan zein
kulturetan hain ikertuta dagoen karakterizazioari ekingo diogu grafikoki, horrela lan hau,
aburuz behintzat, eskaini nahi dituen laburtasun eta sakontzerako bideak argituz joan
dadin 39.
B. Toro (1975)
37 Goian hezkuntza formala ez denari erreseniatutako izenei, beste hauek erants diezaizkioguke:
Hezkuntza Perieskolarra: Gerin, B. "Les Carnets de l'enfance". UNICEF, 1974.
Ustegabeko hezkuntza: Kleis, R. "Non-Formal Education. The Definitional Problem". Michigan State
University. AID. 1973.
Eta abar.
38 Alvarez - Toro. Educación no formal, lehen aipatutako liburuan, 46. orr.
39 Toro, B. - Hidalgo, H. "Aprender haciendo". Revista Educación Hoy, 24. zenb. Bogotá, 1975.