Bertsolaritza, formarik gabeko heziketa Jakintza-arloa ... - Euskara

40 –––––––––––––––––––––––––––––––––––––––––––––––––––––––––––––––––––
(1,e,z) Planifikazio familiarrari buruzko kanpaina.
(3,d,z) Prentsaren erabilpena dela eta ipuinen asmaketa.
Ostera, unibertsitate berberean doktorea den J.L. Rodriguez Illera irakasleak,
"Bereizgarrien ereduak" erabiliz, honako klasifikazio mota hauek guztiz birrinduko ditu41. "Hezkuntz praktiken sailkapena nominalismo hutsa omen da" 42 (A.R.B. itzul.).
Illera-k dioenaren arauera, hezkuntza formala, ezformala eta formarik gabekoa
definitzen dituzten bereizgarriek (espazioaren kokapena ala askatasuna, denboraren
erabilera ala ez, etab...) kontrajarriak azaltzen direnez (hau da, oposizioak bakarrik
bereizten dituenez), ez dira, izan, bereizgarri, guk asmatutako sistema idealak baizik43. "Hezkuntza formala, ezformala eta formarik gabekoaren arteko bereizketak, tradizioz
oso gutxi tratatu izan diren arazoak plazaratzeaz gain, horietaz teoria modernoetan aritzeko
besterik ez du balio izan. Lehengo bertute honetatik aparte, ez da lortu, hauei buruzko
inolako literatura zientifikoaren sorkuntzarik..."
"Sailkapen hau, beraz, ez da erabilgarria, eta gainera, ez du batere erlaziorik
Hezkuntzaren Teorian erabiltzen diren kontzeptuekin" 44 .
Rdgz. Illera-k jorratutako bide kritikoak, halere, gizarteratze edo kulturatze
prozedurak aztertzen dituenean45 , eskaintzen dizkigun hiru ikaskintzen sailkapenak, ordea,
berriro azal dezake, ezagutza-jakintza trasmisiorako orain arte aipatutako zirkuitua eta,
ondorioz, geure bidea ere errazten digu. Hau da, berak egindako lanaren arauera:
1.- Ikaskintza : Ikastea.
2.- Ikaskintza : Ikasten Ikastea.
3.- Ikaskintza : Ikasketaren sistema ikastea.
41 Rodriguez Illera, J.L. Teoría de la Educación y de la Socialización. Barcelona-ko Unibertsitatean
aurkeztutako Doktorego Tesia, 1985.
42 Aipatutako Tesiaren laburpenean "Centre de Publicacions, intercanvi cientific i extensio universitaria".
Universitat de Barcelona, 1985. 14.orr.
43 Ibidem 17. orr.
44 Ibidem 19. orr.
45 Goslin, D. Handbook of socialisation. Theory and Research. Mc. Nally. Chicago, 1969.
Iparramerikako gizarteratze-teoria soziologikoen eragina oso nabaria da beraren lanean.