Bertsolaritza, formarik gabeko heziketa Jakintza-arloa ... - Euskara

46 –––––––––––––––––––––––––––––––––––––––––––––––––––––––––––––––––––
hutsen ekarpenetan murgiltzerik ez dugu, azken finean, dagoen xedea (gure
pentsamenduaren ordena eta beraren islada linguistikoarena) ez bait dugu bistatik galdu
behar.
Ildo honetatik jarraiturik, pentsamendu-era ezberdinei Informazioaren Teoriak
eman dizkigun ordenamendu-motak ezarriko dizkiegu, gure burmuineko bi aldeekin izan
ditzaketen loturak eta bereizketak azaldu ahal izateko.
Beti bezala, labur eta sintetikoki, pentsamendu bakoitza klasifikatu beharra dago,
pentsamenduak berak informazio-datuekin lana egiteko erabiltzen dituen espazio-denbora
aldagaien arauera.
Funtsean, informazio-bilketa eta ordenamendu-datua noiz eta non hartua izan
denean datza.
Denboraren gain eratutako informazioa SERIETAN ordenatuta dagoela esango
dugu. Espazioarena berriz, PARALELOTAN.
Honek ez du esan nahi, informazio horiek eraginda sortutako bi pentsamendu
hauek erabat aldendurik funtzionatu behar dutenik, jakina; aitzitik, informazioaren
taxuketarekin batera pentsamendu desberdinak egon daitezke.
Baina, esan dezake norbaitek hori sinplismo hutsa dela, pentsamendu-mota bat
baino askoz gehiago bait dago61 . Eta halaxe da, baina hemen azpimarratu nahi dena,
pentsamendu-ezagupide guztiak bi aldagai hauen arauera taxu daitezkeela besterik ez da.
Esan bezala, funtsean, pentsamenduaren funtzio batzutan datuak bata bestearen
atzean doaz (irakurketan, kalkuluan etab.) beraz, SERIETAN. Bestetan (aurpegi bat
gogoratzerakoan edota arriskutsua den egoera batetan) datuak kanal guztietatik ari dira
atera eta sartzen: PARALELOAN.
61 Inolako taxonomiarako pretentsiorik izan gabe aipa daitezke: digitala, analogikoa, analitikoa,
sintetikoa edo beste plano batetan teoriko eta esperimentala, algoritmiko-heuristikoa, logikoholistikoa,
zentzu bidezko-intelektuala etab.