LA TESI - SAP Alessandria

“Guagliò, che d’è? Pecchè t’hanno pigliato?
Chi si’? Ch’è fatto?” E passa ‘o primmo juorno.
‘A notte n’ uocchioha survigliato a n’ato,’
‘o juorno appriesso accummencia ‘o taluorno!
‘O picciuotto ‘e jurnata se ne vene:
“L’uoglio p’ ‘a lampa, tanto! ‘O pranzo mmano
‘o ttabbacco, ‘e denare…Te cunvene?”
Si faie ‘o nzisto so gguardate storte:
po’ quann’è ascuro, e dorme ‘o guardiano,
te truove sulo…e so’ mazzate ‘e morte.
II.
Accussi ‘on Ciccio. L’uoglio? ‘O pranzo? ‘O che?
Chi ve consce! Chi ve vo’ parlà?
‘A cammorra songh’io! Lassate sta!
_ Tu!! Nu guaglione!!! – Embè, chi vo’ vede
Ciccio Cappuccio che ve sape fa?
Io ve cumanno!_ Ma chi fusse?…_ ‘O Rre!
L’uoglio v’’o ddongo…pe ve medecà!
E scartanno, e zumpanno ‘a miezo ‘e liette
Pigliai nu scanno… e dette . Uh, mamma mia!