'n Diskursiewe ondersoek van enkele verteenwoordigende ...

( science, literature, philosophy, religion, history, fiction [ my kursivering – N.M. ]
, and so on )” ( Foucault, 1994c : 303 ).
Die prikkelende vraagstuk met betrekking tot die intertekstuele of interdissiplinêre
“gesprek” tussen die historiografie, letterkunde, poststrukturalisme en die
geskiedenisfilosofie was een van die aanvanklike motiverings vir hierdie studie.
By nadere ondersoek het dit geblyk dat dit ‘n aktuele vraag is wat tans binne
hierdie velde aandag geniet. Linda Hutcheon was met haar invloedryke studie A
Poetics of Postmodernism. History, Theory, Fiction ( 1988 ) een van die eerste
literatore wat ‘n interdissiplinêre benadering by die studie van die historiese roman
gevolg het. Elizabeth Wesseling moedig later met haar Writing History as a
Prophet. Postmodern Innovations of the Historical Novel ( 1991b ) eweneens ‘n
inter-diskursiewe benadering tot die historiese roman aan 1 . Binne die
geskiedenisfilosofie was dit hoofsaaklik die narrativiste ( Hayden White en Frank
Ankersmit ) wat die verouderde opvatting ondergrawe het dat die letterkunde
hiërargies ondergeskik aan die historiografie is. Hulle het aangetoon dat ‘n
analogie getrek kan word tussen historici en skrywers se werkswyse omdat
historici soos skrywers op ‘n subjektiewe wyse historiese feite selekteer en orden
in ‘n narratiewe formaat. Die diskursiewe wisselwerking tussen die diskoerse van
die letterkunde en die historiografie het dus nie net binne die literêre kritiek van
die laat twintigste eeu aandag gekry nie, maar ook in die geskiedenisfilosofie.
‘n Analise van die historiese roman kan uit ‘n verskeidenheid van hoeke benader
word. In die onlangse verlede was daar ‘n ondersoek soos dié van John ( 1998 )
waarin die historiese roman benut is as middel om momente van literêre
verandering in die Afrikaanse letterkunde te ondersoek – en spesifiek die literêre
verandering binne die negentigerjare in die Afrikaanse letterkunde. John sluit in
1 John ( 1998 : 72 ) noem dat die wisselwerking tussen verskillende tipes diskoerse deur Wesseling
ondersoek word ; Wesseling betrek veral die inter-diskursiewe gesprek tussen die geskiedenisfilosofie,
filosofie en die historiese letterkunde in haar ondersoek.
10